i CREMERiA (已結業)

同舊同事係佐敦食完THAI FOOD, 大家都想繼續搵個地方傾下計就諗住去食個甜品啦,  由佐敦特登行去海港城目的都係為左食呢間i CREMERiA 其實係之前係FB 都已經見過佢D 相, 想試呢個原個蜜瓜嘅雪糕, 未食之前真係覺得佢應該好鬼正!咁去到海港城都等左一陣先有位, 間舖其實一D 都唔大, 位又唔算好舒服! 都唔係重點, 食完呢個雪糕感覺係...唔太MATCH, 好一般, 蜜瓜又唔係話好靚, NORMAL, 又有D 硬, 用膠匙食其實有D 狼狽!$220...一個咁嘅雪糕其實真係唔多值, 宜家你一路"不"D蜜瓜時又會整到成個都係汁, 跟住D 蜜瓜汁又加埋落D 雪糕 到, 成件事有小小嘔心.!唯一係個雪糕睇落係好靚GA影相都好靚

今日收工經過海港城，見到之前在東京食過既I cremeria 出左隻新產品：法國薔薇雪糕，好靚靚吖！系時令限定口味，佢個樣好討好，相信女仔見到都好難抗拒還好店內不算太多人，買枝雪糕坐一陣，心情好好雪糕好滑，又真系食到少少French rose既清新味，可能天氣不算太熱，雪糕溶得也不是太快，可以邊影相邊慢慢享受。店內位置都算好坐，布置得幾靚。仲有好多日本直送的果凍同果汁賣。晤洗專登飛東京都可以食到。哈哈哈。

幾凍都要食雪糕☃️❄Icremeria新出既焦糖味雪糕🍦其實都出左好一陣子，眼見好多人已經食左，不過冇所謂啦，我鍾意走在潮流既尾端😂未食之前猶豫左好耐，究竟食sweets house cha cha既抹茶雪糕好定係試下新味，最後聽朋友話俾佢伏左😒拎上手時仍然好期待，點知食左一啖...哇咁甜既，隻焦糖味好怪😭完全唔想繼續食落去...但係要$50蚊點都唔好浪費😔雪糕味道奇怪，不過塊餅好好食，脆得黎面頭甜甜地😂下次都係穩陣d食番我既最愛sweets house cha cha算😜

是日同我嘅好閨蜜W小姐慶祝生日，食完晚飯咁啱撞到佢表姐，就話不如一齊食個甜品啦！就嚟到呢一間icremeria度食下雪糕傾下計！我係非常喜歡所有焦糖味嘅甜品，所以一見到門口大大張POPS嘅主角係佢嘅時候，我就諗都唔使諗決定叫佢啦！雖然張宣傳單張印着係用甜筒嘅，但因為我哋想坐低傾計就問佢可唔可以轉用杯啦，都可以嘅。＄50食一杯雪糕其實真係算幾貴，仲要其實係有少少失望嘅！首先，明明佢個名頭兩個字就係海鹽，但係食落去真係冇乜海鹽味。之後就到焦糖啦，我都知道焦糖係有少少苦味嘅，但係佢完全冇焦糖嘅香味，不過好彩佢唔係好甜！我諗最可取嘅就係佢塊脆脆，好鬆脆，同埋咬落去嘅時候都有一陣陣嘅杏仁味！如果要我用＄50食個甜品，而食落去嘅都唔係我想要嘅嘢，就真係有啲失望呀！

海港城呢間好像無論咩時候都咁多人，每次經過都會心癢癢...要入去食轉雪糕先安樂😂 嘻嘻..呢啲吾知係咪就叫做為食呢？😋😆🤣我最愛就係呢到既抹茶雪糕...抹茶味濃不但只，仲有超滑既口感！吾洗去日本🇯🇵宇治都食到咁正嘅🍦真係一大樂事啊！不過收費就一啲都吾平...一抔抹茶味雪糕都要成$53！不過就有多種雪糕同其他甜品選擇！呢間舖有一張長枱疏化位同一張二人圓枱...都坐得幾舒服㗎！不過通常都坐滿人...如果要等位坐每次都要等成15分鐘以上！

今日食完dinner之後仲未滿足就黎試下呢間好出名的雪糕店裝修好靚可惜店內太多人同埋有D吵叫左杯銷售no.1的抹茶雪糕，牛奶味果變太甜，麻麻地，抹茶果邊好香好濃抹茶味入面的紅豆都好甜，大福煙煙韌韌，幾好食。

收我$200多既melon 一d都唔甜,同vanilla ice cream一d都一唔夾。雪糕搶哂味，蜜瓜一来已经唔甜，仲俾雪糕搶味，我觉得真心伏，后悔中。另一 so called no.1綠茶甜品杯，实物同相似差好远。味道不佳。应不会再来。

weekend同朋友行街，10.1黃金週到到都多人，外面又熱，要去商場涼下冷氣。行到咁上下都攰，係時候要食返個甜品補充體力。炎炎夏日緊係要食個雪糕，透心涼下宇治抹茶Mix雪糕(有機玄米杯裝)$40--抹茶味很濃有茶香，甜度啱啱好，唔會太甜。另一外係北海道牛奶雪糕，好有奶香同好滑，2邊味都好正！用杯裝會有玄米係底，有d似可可米，即使放左一陣先食到啲玄米都仲係脆脆的，唔會同雪糕mix埋之後淋左。店內仲有枱同櫈，可以坐底抖下食埋先再行！

這家打著日本旗號的雪糕店聞名已久早想一嘗，趁着匯豐信用卡有半價優惠買了一個原價＄98的白桃雪糕. 九點多來到，遠處已經看到人龍  雖然八月才是白桃當造的季節，但雪糕內的白桃塊仍然十分鮮甜多汁，一般白桃比不上，雪糕質地軟滑， 甜度適中雖然比一般界外雪糕甜但對於一向不是甜的我來說是一種新的嘗試，更是一種難忘的體驗. 真心認為一杯標價甘貴既雪糕, 賣既除以味道, 更係供拍照呃like之用既經營方式, 可惜店既坐位唔多, 拿住雪糕走到前面的starbucks食已經溶緊半價後的雪糕只是＄45這個質素都算幾抵吃，但如果一杯雪糕要原價近百購買則見仁見智

雖然i CREMERiA開了一段頗長時間，但我竟然未吃過，這次來吃是因為The Club內有數百積分快到期，而我竟然儲了多年也不知道，要不是查看email，我這些可以換領多杯雪糕的points要凍過水了!! 假日的海港城人多就不用說，這間i CREMERiA的客人亦相當多，幸好等候雪糕期間，也有食客離開，要不是企着吃雪糕都幾狼狽~ 白玉餡蜜芭菲 ($58) 這杯抹茶雪糕賣相精緻，抹茶軟雪糕很大杯，配料也有紅豆、白玉等. 抹茶雪糕甜度適中且幼滑，而且帶有濃濃的抹茶甘香，再配上甜甜的紅豆、煙韌的白玉，都幾美味呢! 高知縣沢渡茶大福芭菲杯 ($56) 咬一口墨綠色的大福，好好好煙韌，好好食呀! 再加上甘香的抹茶軟雪糕、紅豆& 抹茶啫喱，個人覺得這杯芭菲比白玉餡蜜芭菲更出色，會為了這杯沢渡茶大福芭菲杯再來啊~ 尖沙咀廣東道17號海港城海運大廈OT-G03A號舖 2386 6266

晚飯後條件反射的自動找甜品，不過近十時的海港城附近沒有太多選擇，經常往返日本的朋友推介去吃日本雪糕，抺茶迷的自己當然歡迎之致各自點了白玉餡蜜芭菲與宇治抹茶軟雪糕，自己較傾向單純味道的享受，不太愛好太多其他的潻加，純味軟雪糕的綠茶濃厚，軟滑細緻，雪糕的口感質地亦相對厚醇，難怪門口總是人龍處處

今日同朋友行過尖沙咀海港城購物，行行吓就見到呢一間甜品舖。又到左要食甜品嘅時間啦，梗係即刻衝入去啦。我哋本身喺網上見過一個廣告係關於你間鋪頭，出名在於半個木瓜配上雲呢拿雪糕但係望一望個價錢，嘩價值220大元就即刻揀過另第二個甜品食啦。我就揀咗呢一個日本直送白玉餡蜜芭菲抹茶味又香又滑啦中間有玄米同紅豆 超級夾😘😘上面仲有原粒栗子同埋軟身嘅白玉食起上嚟有好多口感雖然價錢有啲貴但係其實係超級值得我下次一定會帶多啲朋友黎食啊

雪糕食落依舊都係咁重牛奶味而且滑身，不過芭菲小編就係第一次食。小編一直好奇左好耐佢嘅底層到底係乜，今次終於知道個答案啦！不過小編就覺得最底層嘅芒果醬真係超級甜，完全係甜到核爆。另外佢個白桃嘅甜度唔及雪糕，所以應該要食咗白桃先如果唔係白桃味就會唔突出。今次終於可以試到日本白桃嘅威力啦，真係好正好juicy。小編一直都好鍾意食日本提子，今日咁岩行過見到i CREMERiA出咗晴王芭菲，咁就梗係即刻仆倒去試啦！佢果然冇令小編失望，雖然個樣冇張poster咁靚，不過每粒晴王都脹卜卜同埋好青，而且甜度重好高添，食完個雪糕再食晴王都食得出佢既清甜，好好味丫~~~

i CREMERiA與匯豐信用卡做幾日的半價優惠推廣，Visa, Master / 銀聯均可享用優惠。我與男友在尾二的一天特地到海運朝聖。我們之前是未來吃過的。知道有這間店，是因為男友家姐提過。與想像不同，原來是雪糕店，還以爲是西式甜品店。我收工，吃了晚飯，差不多9點半才去到。前面有大概二十人排隊。可能是推廣期，竟然没有截龍，十點多還繼續賣。三人點了兩杯雪糕。半價後$69。綠茶雪糕杯 - 原價$40。綠茶、雲呢拿（應該是）鴛鴦味道，雲呢拿普通，綠茶略苦，兩色配起都ok，起碼味道不會太齋。白桃雪糕杯 - 原價$98。我本來是叫蜜瓜雪糕杯的，但已經賣完，唯有改白桃，因為我不喜歡綠茶味。與想像不同，除了三片白桃（真是清甜好味，又滑），雪糕是雲呢拿（應該是），竟然不是白桃（一定不是），那這杯雪樣白桃意義其實不大，而且一大杯雲呢拿雪糕太齋。我們又太飽，兩個人吃不完一杯。結論是半價可以一試，正價的話正價比不高。

上次同朋友一齊行街 發現呢間甜品店有個金箔ice cream幾特別 就去買左一個來試下金箔味道好淡 裡面既牛奶味ice cream味道OK。但係價錢有啲貴 應該係個位置問題。金箔ice cream可以一試