Interval | Farmacy (數碼港商場) (已結業)

我地試佐炭烤佐賀豚肉叉燒，豚肉肉質鮮嫩甜美，係半肥瘦既，但瘦肉唔會鞋口，反而嫩中帶脆，口感獨特，叉燒上既蜜糖亦好多，所以零舍焦香，另外啲甜番薯都好好食，成個都係好日本式嘅感覺！😍另外試埋煙燻乾式熟成乳鴿，用熟成嘅方法去煮啲乳鴿，乳鴿肉好嫩，啱啱熟，完全唔會柴皮，另外用砂鍋去煙燻出嚟，所以啲香草味好濃郁，真係好重嘅煙燻味！🤓仲有呢個炭烤三黃雞，三黃雞係特別肥美，啲雞肉特別滑，有雞髀同雞胸，都烤得好香好好食，加埋啲蔬菜，再點啲汁，正正的！😜最後試埋意式煙燻腩肉菠菜意粉，一個好豐富嘅意粉，亦都好特別，會有蟲草花，但係係意式嘅意粉，豬腩肉肥肥地，特別多油香，再加埋啲雜菌同埋菠菜，口感特別！🤪

我同妹妹食飯就一定會比拼吓大家邊個叫嘅嘢食好味啲！所以今日呢又同屋企人一齊去新餐廳度食嘢😹呢間餐廳喺薄扶林嘅數碼港，我自己覺得唔算好近，但係幾值得一試🙌🏻今日主要講嘅呢就係兩款唔同嘅Pizza，兩個都係午市套餐，所以已經包含咗沙律或餐湯，好夠兩個人食㗎喇！(☞ﾟ∀ﾟ)☞瑪格麗塔薄餅(☞ﾟ∀ﾟ)☞野菌及巴馬火腿薄餅最後其實我哋都分唔出勝負！因為每一款都有其獨特嘅風味同口感。瑪格麗塔薄餅:係一款經典的意大利薄餅，味道簡潔而美味，香濃嘅番茄醬和濃郁嘅芝士完美融合，令人回味無窮。野菌及巴馬火腿薄餅:則係一個材料比較豐富嘅薄餅。野菌嘅香氣同巴馬火腿嘅鹹香味道相互融合，營造出一種豐富嘅層次感，令味道更加完美。✈️✰⋆｡:ﾟ･☽:ﾟ･⋆｡🌸⋆｡:ﾟ･☽:ﾟ･⋆｡✈️ ✰⋆｡:ﾟ･*☽:ﾟ･⋆｡ 🌸總而言之，就係打和🙌🏻‼️兩款薄餅都非常好吃，瑪格麗塔薄餅簡潔而美味，而野菌及巴馬火腿薄餅則更豐富多層次。如果你喜歡清新簡潔的味道，咁瑪格麗塔薄餅係一個不錯嘅選擇；如果你喜歡口感豐富嘅味道，咁野菌及巴馬火腿薄餅會係你嘅不二之選。

前晚同朋友約咗去呢間意大利餐廳「Interval | Farmacy」食飯，食物質素相當之高質，非常好食🥰我哋叫左以下3個食物都係用炭烤形成烹煮，炭香味撲鼻，非常之高質！🔸炭烤三黃雞1️⃣三黃雞烤雞賣相好吸引，表皮好有光澤感🤩，雞肉食落好多汁，肉質仲要勁嫩滑，好少烤雞都咁juicy！整得好好👍🏻🔸炭烤椰菜花2️⃣椰菜花烤到有少少燶，仲係好新鮮好爽甜，醬汁酸酸甜甜，真係好開胃。🔸炭烤佐賀豚肉叉燒3️⃣呢個豚肉叉燒，真係燒到好靚仔，望個賣相已經流晒口水好吸引！叉燒肥瘦適中，係最正嘅半肥瘦，肉質鬆化，而且燒到好入味。另外，仲叫咗好鍾意食嘅海鮮👍🏻🔹清酒醉蜆清酒煮蜆嘅酒香味好濃，蜆肉大大粒仲要無沙，越食越香！

環境：🌟🌟🌟🌟🌟賣相：💯💯💯💯💯味道：❤️‍🔥❤️‍🔥❤️‍🔥❤️‍🔥❤️‍🔥服務：👍🏻👍🏻👍🏻👍🏻👍🏻餐廳位於薄扶林道數碼港商場2樓，巴士970/ 970X 都可以到達。仲好近我學校添～放學可以直接過去食yeah👅👅👏🏻😎✌🏻交通超級方便，而且好易搵到。餐廳環境好乾淨衛生，員工服務態度都好親切，食都食得開心啲。😌😌😋🤤👍🏻呢間餐廳以全環控智能室內水耕種植概念形成，餐廳一邊有透明玻璃可以見到室內種植蔬菜嘅房間，客人食到嘅蔬菜都係organic，非常新鮮。餐廳位於二樓戲院旁邊，裝修簡約，空間感好大。煙燻乾式熱成乳鴿乳鴿外脆內嫩，脆皮挺身，香脆得黎唔會太厚，平時唔鍾意食皮既me都破例食脆皮。炭烤佐賀豚肉叉燒叉燒好新鮮好靚，唔算太多肥肉，我幾鍾意瘦底既叉燒good。炭烤三黃雞雞肉烤得非常嫩滑，令人有驚喜，就連雞胸位置都好滑。再配搭埋餐廳自家製嘅辣椒醬同酸忌廉，係一個完美嘅配搭，非常值得推介！炭烤椰菜花平時食開芝士焗, 第一次試炭烤, 烤完味道好香, 爽口 , 有陣陣炭香味 , 勁特別。 

去數碼港睇戲，一諗到係兩年前去過呢間，當時食左店既sourdough 愛上了，自此研究sourdough.今次再到店，冇左sourdough side order. 叫左pasta, pizza, pasta好味但細碟，pizza因為用sourdough做，都吾洗要上面d toppings 剩係個底已經好好味，美中不足係濃左d 所以有d苦若地，最後加埋一杯咖啡就回味無窮。整體每碟portion比較小，價錢屬偏貴，不過數碼港內既餐廳又應該係咁既價錢

我喺數碼港商場行街，見到有間餐廳有得食薄餅午餐，我係超級狂熱PIZZA 粉, 無理由放過呢個機會唔試下架。 !!!!瑪格麗塔薄餅：😋😋😋😋😋餅底係薄的，食落去有香濃的番茄醬，新鮮的香草香味和濃厚的芝士，味道非常豐富。材料天然，蕃茄醬的酸味，濃郁的芝士和飄香的香草味，令人回味無窮！野菌及巴馬火腿薄餅：🤤🤤🤤🤤🤤呢個Pizza香氣撲鼻，口感鬆脆，又新鮮嘅野菌和精選的巴馬火腿，野菌的香味和巴馬火腿的咸香味，兩者非常配搭，非常推薦大家食呀！結論：午餐有沙律或餐湯和一道主菜，滋味超乎意外，份量足夠，推薦大家黎食！

用QR code自助落單，超級方便，唔洗下下都等服務員過來。Lunch set 加錢Upgrade既龍蝦湯and布拉塔沙律好好味，龍蝦湯湯底香滑濃郁，滿滿既龍蝦肉。布拉塔沙律材料配搭豐富，色香味俱全。炭烤雞排火力大，容易鎖住肉汁，厚切雞扒都可以輕易烤熟。意式煙燻腩肉菠菜意粉用橄欖油打底，最少油份，夠healthy。腩肉無冰鮮味，幾易入口。菠菜有豐富既鐵質，可以回血，對身體好。炭烤蒜香虎蝦(四隻)虎蝦好大隻好新鮮，烤熟之後都仲keep到鮮甜味，蝦味十足。蝦與蝦膏互相配合，融為一體。

💠頭盤：凱撒沙律凱撒沙律的味道非常清新，生菜脆脆口感同脆麵包粒嘅口感相互融合，配上沙律醬香濃味道，令人食欲大增。💠小食：意式肉丸意式肉丸嘅味道鮮美，肉質鮮嫩多汁，經過烤嘅方式去烹調，令到表面微焦，內裏鮮嫩，口感豐富。肉丸外皮酥脆口感同內裏肉香味道相互融合，令人一嚐難忘。搭配埋蕃茄醬更能增添豐富的風味。💠主菜：XO醬大蜆手工細麵同沙卡蔬卡薄餅味道香辣可口，麵條香滑有嚼勁，蜆肉鮮美多汁，XO醬辣味十足，令人食指大動。另外沙卡蔬卡薄餅嘅口感酥脆，搭配上各種配料，如蕃茄醬、芝士、意大利香腸等，味道豐富，令人回味無窮。🔱總括而言，我自己都幾推介大家嚟呢間餐廳度食飯！因為佢哋嘅Menu有好多唔同嘅嘢食而且我見好多台食客都讚口不絕。

呢間餐廳以灰色為主調、悠閒風格的Cafe，主打多款意式料理，如海鮮、牛扒等，另有合作夥伴Coffee Collective的精品咖啡。乾式熟成薄切油甘魚滿滿的膠原蛋白，養顏活膚。薄切油甘魚口感爽口，油甘魚都係第一次食，口感特別。炭烤乾式熟成烏頭魚味肉質都很好，又滑又香，魚骨唔算多，易入口，而且烤完無腥味。煙燻乾式熱成乳鴿乳鴿肉幼嫩無比，熱辣辣上檯好吸引😍🤤龍蝦湯伴炭烤虎蝦海鮮龍蝦的湯汁濃郁，口感豐富，讓人一口接一口的食唔停。龍蝦湯色澤橙紅，每一啖都係濃郁既龍蝦精華。炭烤虎蝦都夠曬惹味，簡直perfect match！呢組配合正到無得彈。✐. 好味評分 : ♥︎ ♥︎ ♥︎ ♥︎ ♥︎✐. 回訪指數 : ♥︎ ♥︎ ♥︎ ♥︎ ♥︎✐. 抵食指數 : ♥︎ ♥︎ ♥︎ ♥︎ ♥︎✐. 推介指數 : ♥︎ ♥︎ ♥︎ ♥︎ ♥

事緣因工作關係去到數碼港商場，經過呢間食店，就比佢餐牌吸引到，午市套餐有餐湯又有沙律送，好抵食！於是下午就決定同同事黎呢間餐廳食lunch😍我叫左野菌及巴馬火腿薄餅( lunch set )，薄餅餅底後到恰到好處，不厚也不薄，整個餅也鋪滿了芝士，配合野菌及巴馬火腿，口感層次豐富，鹹香味俱全，值得推介。而送嘅餐湯香濃幼滑，沙律菜亦新鮮清新，唔食走寶😆同事就叫龍蝦濃汁意大利粉伴烤虎蝦，意粉口感彈牙，虎蝦鮮甜大隻，再配上龍蝦濃厚醬汁，將成個意大利粉昇華到另外一個層次，真係讚不絕口👍🏻小食就叫炭烤蒜香虎蝦(四隻)， 蒜蓉香氣十足，虎蝦黎鮮嫩多汁，配合炭香，簡直令人回味無窮🤤最後，店員服務不錯，會主動推介餐廳食品同細心解釋如何落單。

最近多數係港島果邊去行山，今日我地行左成日，完左之後勁餓，就想揾間餐廳好好休息下，依埋DINNER 。最後選擇左呢間位於數碼港既餐廳，環境望落勁舒適 , 🦪炭烤佐賀豚肉叉燒店員話呢個系餐廳招牌菜，我地就叫佐啲試下，叉燒甘香可口，整得好軟嫩，唔會好幹好柴，好食！🍝清酒醉蜆估唔到有咁大隻蜆，熱辣辣，有少少酒味，好好食好惹味！🥩炭烤椰菜花古五到菜都可以用炭燒既方法，唔會太油膩太滯，反而有好豐富既口應！🍝炭烤三黃雞肥美有油香，肉嫩有雞味，而且個醬汁非常惹味， 增加味覺層次。極力推介。 10分有9分。 

同朋友去數碼商場行街，見到一間好有特色嘅餐廳，餐廳擺滿左自家種植嘅香草香料，環境好舒服，俾人嘅感覺食材非常天然同新鮮。晚餐就決定係佢啦！我哋叫咗一個意粉，同一個薄餅，兩份share！XO醬大蜆手工細麵惹味嘅XO醬大蜆，大大隻，蜆肉爽口肉質鮮甜。XO醬和手工細面嘅配搭非常之夾，手工細麵爽口，XO醬微辣又滋味，配埋香味十足嘅蔥花，成道菜非常滋味。沙卡蔬卡薄餅呢個Pizza個名非常之特別，沙卡蔬卡實係一到著名既菜式，其實係突尼斯猶太人帶到以色列，以色列發揚光大，阿拉伯美食代表，又叫北非蛋，佢將佢加入咗薄餅嘅元素，所以就成為咗呢一道菜。裏面有蕃茄，洋蔥，青椒，蒜頭，香菜，和三隻雞蛋🥚。呢三隻雞蛋喺薄餅面頭非常吸引，食落去真係沙卡蔬卡，因為有好多蔬菜喺度，所以味道好豐富！

想食正宗拿玻里Pizza唔洗周圍搵🤪呢度就有得食啦✌🏼喺用餐區已經見到廚房入面有一個圓頂形，專門焗Pizza嘅爐，透過♨️高溫400度嚟焗製Pizza，所以每個Pizza只需要幾分鐘就焗好，即叫即製，新鮮熱辣🔥今次食咗2個pizza🍕🍕-瑪格麗塔薄餅餅底酥脆又有彈性，加上蕃茄醬、芝士、羅勒，味道簡單但意想不到好味🫢-野菌及巴馬火腿薄餅依舊酥脆可口，上面鋪滿巴馬火腿同多種野菌，鹹香得嚟又有菇菌類獨有嘅風味🤤聽講佢哋嘅炭烤都好出色，所以叫咗2樣炭烤食物🔥-炭烤蒜香虎蝦新鮮彈牙，炭烤味突出，加分位係蒜香醬汁，更能夠令虎蝦嘅鮮美更明顯🦐-炭火烤西蘭花苗翠綠幼嫩，烤嘅過程無蒸發西蘭花苗嘅水份，可見大廚技巧高超💪🏼

今日我哋兩公婆又去食嘢啦，呢間餐廳係我老公同事介紹我哋，話啲嘢食質素幾唔錯，而且都好抵食，最緊要係好近我哋屋企🏠老公今次叫咗👉🏻炭烤佐賀豬梅扒👈🏻我問佢點解咁奇怪食豬扒，原來佢話佐賀豬是一種優質嘅豬肉品種，唔係好多地方有，所以想試吓。食落口肉質鮮嫩多汁，表面經過微焦，讓豬肉更加香甜美味。好味指數：♡♡♡♡♡我自己今次就叫咗👉🏻油封三文魚👈🏻因為我平時自己都好鍾意食三文魚㗎，但係我覺得油封就零舍唔同，至少喺屋企好難製作。油封三文魚嘅口感鮮嫩多汁，肉質柔軟，味道香濃。呢道菜式仲搭配醬料同配菜，進一步豐富了它的味道。好味指數：♡♡♡♡♡同朋友講番起先知原來好多人都會嚟呢度食飯，呢度啲嘢食勁好味，唔怪得知咁多人食啦！

🅰️炭烤USDA prime 西冷牛排呢個牛扒燒得好靚，啱啱熟，啲牛肉仲係粉嫩嘅，好腍，好重牛味，另外配料有啲係燒過嘅蔬菜，蒜頭，全部都好香好香口！🈵炭烤佐賀豬梅扒日本嚟嘅豬真係唔同啲，整到一塊漢堡扒咁，但啲肉好腍，肉質好好，口感超好，軟綿綿，亦都好香豬味，再加埋底下有炒到半熟嘅滑蛋，再點啲燒汁，超香！💯炭烤雞排雞扒好厚好大塊，烤到有啲焦香，雞皮好脆，但雞肉就仲係嫩滑，底下亦都有炒蛋，再點啲酸酸地嘅汁，好好食，味道特別！🉐龍蝦湯呢個係Lunch set 加錢Upgrade既，絕對值得！龍蝦味好濃，啲湯好稠，好足料，稠得黎都好滑，口感好好，虎蝦有烤香過先放落啲湯度，成個湯好鹹香，好鮮味！