ITALIAN TOMATO (太古城中心)

营业中

休息中

蛋糕月又繼續延續, 今次我家選擇ITALIAN TOMATO既生日蛋糕.沒有選擇蛋糕類別, 反而選左果撻~野莓朱古力芝士撻.由62%朱古力及芝士而製成既朱古力芝士撻做底餅, 中間再配上忌廉芝士及朱古力脆粒, 表面再加上大量既士多啤梨忌廉及新鮮什莓作裝飾.咁豐富既配料去製成既果撻, 味道非常豐富.由脆皮既底餅配上軟綿綿既忌廉芝士, 雖用上大量既忌廉及芝士, 但出奇地又唔會覺得太漏.蛋糕月都已經近尾聲, 這一個算我家稱冠之生日蛋糕

有朋友生日，大家為她搞了個驚喜生日派對，生日蛋糕就由搞手代辦，是這兒的藍莓芝士忌廉蛋糕。朋友事前傳來這個蛋糕的圖片（如圖），大家都覺得漂亮，於是這這樣決定了。根據 Italian Tomato 的官網所示，這款蛋糕只有 mini cake 一款大小，不過看來都有 6"大 的了，可分約 6-8 件的。為何叫「芝士忌廉」蛋糕呢？原來這個蛋糕上面的忌廉是以法國芝士所製成的，吃下去的感覺好像比一般的奶油忌廉輕盈點，也不太甜膩（我懷疑那個芝士是 fromage frais，一種用來製造甜品的淡味新鮮芝士，質感近似 yogurt)，卻又不失軟滑。蛋糕表面淺紫色一顆顆的是藍莓味的忌廉，中間就有許多新鮮原顆藍莓。噢，上面還有片金箔的呢，感覺加倍貴氣。蛋糕底是海綿蛋糕，兩層之間再夾一層忌廉，也相當鬆軟。最緊要是主角開心啦！

星期一晚要去鰂魚涌做d野, 之後去太古城行左陣.見到都唔少人去italina tomato買cake喎, 其他之前都已經好想試下, 不過一路都冇行動.今次一於拍板!一買買左4件, 返去同屋企人分黎食.買左: 1. 榛子朱古力蛋糕($26) 2.藍啤梨批($26) 3.士多啤梨芒果夾心餅($28) 4.焦糖香蕉撻($26)店員將d cake入盒後, 封口前會先俾客人過目. d cake真係同張menu上面果d一樣, 冇花冇假返到去將d cake再切開一半, 咁就每人都可以試到2款1. 榛子朱古力蛋糕 --- 不過不失啦, 冇想像中咁甜, 反而偏淡. 我食左一半....都幾漏. 我覺得$26可以再好味d2. 藍啤梨批 --- 呢個....同普通藍莓餅差唔多啦, 裡面加左d蜜桃, 算係特別d啦3. 士多啤梨芒果夾心餅 --- 呢個我冇食, 我個妹話有d失望.d餅好硬...佢話「我分果舊得果2粒mango 」4. 焦糖香蕉撻 --- 感覺上有d搵笨.上面勁多cream,下層4分3都系香蕉...仲要係成碌咁!不過果4分1香蕉味mousse真系幾好食 總之, 可能係個樣太靚, 期望高左d,

行Apita超市，途經Italian Tomato不其然俾佢嘅cake吸引，終於忍唔住買番屋企同家人開心share！由於budget所限，今次試住４款先啦！ 藍莓芝士蛋糕：上面舖滿藍莓，加厚層芝士蛋糕，味道唔太膩。個餅底都好好食！ 芒果忌廉蛋糕：略嫌芒果酸左Ｄ，不過有忌廉中和，味道還可以啦！ 綠茶蛋糕：成件由綠茶蛋糕同cream嘅layer組成，唔太甜，都算中規中矩！上面仲有粒粟子，雖然唔明點解咁配搭，不過都幾有新鮮感！ 蘋果吉士蛋糕：像英國的apple pie，唔錯！

stawberry cheese cake：好難食，唔知係咪由於臨收鋪才買的因素，個餅好散，芝士味好淡，可以用差字形容，好失望><絕無下次無疑賣相係靚既，但大件夾抵又如何…

上個星期六去老爺屋企食飯前﹐因為覺得肚餓﹐途經APITA 裡面既 ITALIAN TOMATO 餅店時﹐見到呢款我未食過既CHEESE CAKE﹐就買黎醫肚。 食落味道其實同一般 NEW YORK CHEESE CAKE 差唔多﹐ 不過我鐘意既消化餅底就好夠厚﹐仲連餅既側面都係餅底﹐ 而面層既軟芝士亦好多。個人認為呢款比較好味﹐ 好似改良版既NEW YORK CHEESE CAKE 咁。$25一件都值得買來試吓嘅

Mummy生日,梗係要買個蛋糕慶祝啦今次揀左栗子黑森林,個朱古力皮包住朱古力蛋糕,切開仲有栗子同berry,夠晒朱古力味,好好食!不過Mummy話有D漏,一次只可以食少少,但係我同Daddy都覺得勁好味,唔差過cheese cake!另外,之前試過佢0既藍梅cheese cake同Mango cheese cake,覺得好好味,芝士好香,批底係脆餅底,好脆好香,所以佢0既cheese cake咁出名,雖然忌廉cheese cake睇上去都肥死,但係我真係好想試,下次睇下有邊個生日可以乘機買黎試下啦

老公次次行過呢度都望住呢款蛋糕'佢話覺得件蛋糕會幾好食'於是我就偷偷地買左件比佢'佢好開心甘食'見佢笑晒我就問佢係咪好好食'佢答係不過好漏同好heavy'怕肥o既我當然唔會試la*

走到apita買食物, 順道一來買個甜品, 這一個紅莓芝士餅, 想不到是如此的濃厚, 芝士多的程度硬得令人好像吃一舊芝士一樣, 太過濃及硬, 令到口感十分膩滯, 只能完成1/3, 多留一天又會更硬, 都是要掉棄, 並不好吃......士多啤梨芒果夾心味道不錯, 鮮果甜美, 層層不同的口感, 朱古力蛋糕鬆軟, 但可惜mousse溶得太快, 义子一义下去時, 整個蛋糕都下陷, 變得不似糕型.....

昨日女朋友的朋友生日，一起選蛋糕。左選右選，最後都是回到italian tomato。栗子黑森林蛋糕。$160栗子味很香，朱古力又香又濃，蛋糕很鬆軟，實在太正了。蛋糕還有酒香，中間還有berry(不知是不是berry)。下一次要試另外一款！

2007-09-23朋友新屋入伙搞tea party﹐其中有人帶了個Italian Tomato 的士多啤梨蛋糕來為她慶祝。店員問她要蠟燭不要﹐她想想反正也不額外收費就要了﹐來到才發現原來有另一個朋友的女兒第二天生日﹐大夥兒起鬨說要為她慶祝﹐那個蛋糕就被插上蠟燭﹐變成了一個生日蛋糕。從來這種忌廉蛋糕都不是我的那杯茶﹐不過不好意思也就吃了點點﹐發現這個蛋糕都幾鬆軟﹐只是乾身了點﹐但外面那層忌廉則非常軟滑﹐亦不過甜。雖然起初見到那層厚厚的忌廉已想打退堂鼓﹐但吃過後並沒有後悔。

特別日子當然要慶祝，自製牛扒大餐之後要吃個甜品才算完美，就來這裏買兩件cake。吸引的選擇不少，我喜歡芒果，老婆鍾意朱古力，所以要了mango mousse cake ($22) and chocolate mousse cake ($24)。芒果有些少酸，與cream一起酸味給凸顯出來，不過並不利害，而且芒果mousse和朱古力餅底都幾夾，仍是令人滿意。朱古力mousse加朱古力餅底，面頭再加一些朱古力粉，喜歡朱古力的一定開心，尤其是鍾意「黑朱」的更感滿足，因為其濃度幾高，苦澀味不輕，最合我倆心意。雖然不算便宜，但是都幾大件，仍算合理。

Sales 態度差，買個芒果蛋糕，酸到D cream 都酸埋！差！蛋糕又濕又hard!細細個都要$140，後悔後悔！！！

最近很少八折蛋糕，頂多九折，何解呢?好味推介：森林啤梨撻$27，只吃頂層雜莓得個酸字，但整個撻吃下去有多重口感，有酥脆批皮，感覺完美！意式檸檬撻，清新不膩。

到女友家前，在這兒買了兩件「是日特價蛋糕」：粟子黑森林蛋糕、櫻桃芝士餅。共三十四塊錢。前者鬆軟甜美、後者酸甜略帶酒香。兩款都幾好。