Italian Tomato Café (MOSTown新港城中心) (已搬遷) 新店位置

一直幾鍾意食Italian Tomato 既蛋糕，好多口味選擇，分量又夠大件，所以成日都會食。除咗甜品，其實仲有小息主食可以食，佢嘅意粉我都覺得幾好食。Pizza 都可以試下，係簿批一啲都唔油膩個種！

今日經過Italian tomato覺得個意粉好耐冇食，所以入去叫咗兩個下午茶餐，一個係忌廉煙肉雞蛋意大利粉，另一個係士多啤梨忌廉芝士釀西多士，另外叫咗一杯凍朱古力上面有cream，另一杯就英倫檸檬茶， 可能係下午茶嘅關係，所以個份量唔係太大，但係個意粉真係好creamy好正，加埋煙肉食真係食到一條都吾剩。 而士多啤梨西多士個擺碟真係整得好靚，未食已經好吸睛。 點埋士多啤梨醬加忌廉嚟食，簡直係絕配，又唔太甜唔太膩。兩杯飲品都好有水準，個朱古力餅嗰啲cream no.1杯朱古力嚟飲好正，特別係杯凍朱古力，鍾意食creamy d嘅意大利粉嘅朋友一定要黎試。

馬鞍山嘅Italian Tomato 一向都好少人，一個午餐$64- $138都有，其實價錢都ok，但咁少人，難免會令我覺得係食物唔多好食。今日同朋友一齊去，純粹因爲易搵位，而且方便BB 車岀入。我叫左呢個黑松露蛋三文治餐，配凍檸茶及餐湯椰菜花忌廉湯。上餐速度都好快，賣相亦算是不錯。松露份量都幾多，可是味道淡得如無味，雞蛋炒得幾滑，作為雞蛋三文治是唔錯的，但松露蛋三文治就唔合格了。椰菜花忌廉湯見到椰菜粒，亦冇椰菜味，單純白雪雪的一碗湯，味道不過不失，唔講真係唔知係椰菜花忌廉湯。總括而言，味道是ok的，只係不能講究椰菜花湯有椰菜，松露炒蛋有松露香。😅坐得舒適，冇限時用餐，同朋友傾計飲杯野也是不錯的選擇。

一向都很喜歡帶小孩去吃兒童餐。Italian Tomato 是馬鞍山的一間有兒童餐的cafe. 一向會帶小孩去。小孩吃最後的棉花糖掉在地下。大哭，其實我都不好意思問服務員拿，但試試看。服務員版著臉說是「你自己弄掉，公司不會賠的」我覺得我付$72一個兒童餐。都不是比唔起錢買棉花糖的人。小孩拿著托盤車玩一會。服務員說「你們會整爛」就黑著臉收起托盤。真的是盡力的員工！真的不會再幫襯。

雖然對面開咗間新嘅西餐廳，但係見到個價錢有啲貴，所以都係幫襯返呢間。嘢食唔可以話非常好食，但係咁嘅價錢食返咁嘅嘢，當簡簡單單解決一餐。午餐包餐湯，主菜加嘢飲，叫做咩都有。我叫咗香蒜乾蕃茄煙鴨胸磨菇意粉($78)。餐湯夠熱偏咸，飲得出係西蘭花忌廉湯，但店員放低嘅時候無講係咩湯。意粉個味麻麻地，除咗佢個名有嘅餸之外仲有三色彩椒。呢個意粉偏乾身但係好彩唔會油冧冧。餐茶要咗熱檸水。男人老狗就無加蛋糕喇，雖然係呢間餐廳嘅主力。

今晚約左朋友o係馬鞍山睇戲，未夠鐘入場最緊要醫左個肚先，我哋叫左個份「蟹肉鮮茄意粉」蟹肉既份量唔算好多，不過非常鮮甜厚肉，意粉放入特製的鮮茄意湯汁烹調得好非常入味，酸甜適中，令人胃口大增。「蟹蓉雞柳蘑菇卡邦尼意粉」濃郁的芝士香氣、香滑既雞肉，爽彈既蘑菇，真心愈邪惡就愈好味。「小食拼盤」中的炸鮮魷魚我至愛，好多人會怕熱氣，或者膽固醇高等，但是我真心想唔不到有甚麼理由可以抗拒到啖啖香口惹味既呢種誘惑喔。個人認為香酥炸雞翼既份量偏少，是單骨的，即是只得2隻而已。服務員表示今晚沒有薯條，所以替我們改了炸魚薯條，不過味道一般，有點雪味...

星期日晚上，見佢唔洗等即刻有位，就入座。叫了個dinner set,是個海鮮意粉，味道唔錯，而且都幾多海鮮。。最後再以套餐價加了一件蛋糕，淨係個蛋糕都已經值門票價！！

這家是馬鞍山較為出色的西餐，在新港城中心的扶手電梯旁，麥當勞對面。店舖面積不大，除了有提供餐飲之外，也有提供蛋糕訂購服務。之前來過幾次都忘了寫食評，今天點了照燒雞扒，卡邦尼意粉和儿童餐，趁仲記得，嗱嗱聲寫低食評先雞扒醃製得幾入味，飯的份量算幾足，不過卡邦尼意粉的份量就偏少咗d。口味依然保持水凖，就算小朋友的儿童餐也幾出色，一絲不苟。

叫左墨汁海鮮意粉餐，芝士焗西蘭花1. 墨汁海鮮意粉水汪汪，冇忌廉，好明顯冇炒過。好似白水煮完D意粉，冇乾水之後撈7X9 賣個D冰凍雜海鮮包。完全冇咩味2.個餐有粟米湯，個湯D粉未溶，食到一舊舊。3.芝士焗西蘭花又係水汪汪噤，又係白水煮完放上去之後焗個芝士。西蘭花又係冇咩味成餐飯得杯野飲ok成個set at least 要成92蚊。呢一餐係我食完椰X閣第二難食的餐廳。除左食物，侍應生服務都幾好。呢個係間餐廳攞返唔少好感。

收工黎行街 早就諗好食依間野 因為心情唔好想食蛋糕 依到有就依間啦去到吾需要等位👏🏻坐底睇餐牌猶豫食飯定沙律 最後決定 食飯叫左二個餐 二個餐都好似加左$56（唔太記得價錢大概啦）有餐湯 飲品 同一件蛋糕（對我而言晚餐既主角 哈哈）湯係煙肉忌廉湯 不過不失我叫左個 芝士三文魚沙鮮焗飯 （唔記得咩名）個飯上面芝士呈水狀 食焗飯我本人比較中意將芝士焗耐少少既口感既 海鮮有 三文魚 魷魚 蜆肉 仲有蘑菇 海鮮分量個人認為比平時餐廳既多 因為我食到最後二啖海鮮多過飯 除左魷魚比較難咬 其他都好食 依個飯 我用好食形容男朋友叫左個菠菜煙肉意粉 等左好耐 我食左喲飯一半佢先黎 我食左意粉 二條 所以試唔到咩味 比唔到評價 因為冇興趣飲品 我要一杯熱咖啡 男朋友要凍奶茶 凍奶茶比左凍咖啡 不過男友話照飲所以冇換 但我二杯飲品都覺得好難飲 得杯熱唔啡淡到冇味 男友杯凍咖啡勁澀囉蛋糕 想食桃既無曬 咁食士多啤梨 我男朋友食話士多啤梨好酸 我又唔覺 而且蛋糕既cream有少少檸檬味唔太個蛋糕我中意食仲有另一個蛋糕 我一食到有咖啡味就就冇再食 整體而言依間都吾錯 只係咖啡類食品 飲品唔會再係到食😅😅

其實好耐都無食過呢間野, 明天就父親節, 好多食店都超多人, 呢間算快有位, 2個人叫左一個Dinner Set , 其他散叫!因之前係另一間西餐廳食過黑毛豬鞍架, 肉質好爽口燒得好香, 所以當見到Dinner Set (包餐湯及飲品) 有呢款乜乜燒汁豬鞍架配薯條 $128 就滿心期待...點知醃得好咸, 肉質又淋😓 最好食薯條散叫左煙三文魚芝士菠菜 $42 好味, 煙三文魚咸香配菠菜正明太子xx意粉 $5x 少少辣, 好creamy 好味呀… 因為太飽, 蛋糕又試唔到😂

今日係馬𩣑山行街，攰攰地就搵咗間餐廳食下lunch歇下腳😆😆見到依間Italian Tomato Cafe有lunch set 而且賣相同錯，就決定試試👍🏼👍🏼每個餐 包一份湯&飲品忌廉湯好香，味道唔錯👍🏼👍🏼2. 蒜香煙肉蘑菇意粉依個意粉偏乾身，味道比較淡反而食到最後，碟底好多油另外煙肉，蘑菇份量好小😥😥散叫咗依個黑松露大蝦意粉😋大蝦爽口彈牙，黑松露好香，意粉非常入味👍🏼推介

記得若干年前在觀塘APM時曾光顧這間日式意粉屋，當年的食物水準和服務質素是相當之好的，朋友們亦都對這間的蛋糕讚不絕口。現在分行開了多間，質素便不能保持嗎？！1）員工聚在一起聊天，叫左落單多次都沒有人理會2）水杯和餐具唔乾淨，有食物殘餘水積需要自行清洗3）請員工換個一杯乾淨水，卻只是收了舊杯，繼續聊天，再提點才重新拿過4）落單時，告之所選的食物已沽清後便轉身離去，令人莫明奇妙5）忌廉湯 ：杰到一舊舊，但又不淡而無味6）意粉太硬又乾

今日放假閒時無野做，所以就去左新港城Italian Tomato Cafe嘆下tea.見到佢地有款芒果Tat,好似幾好食，所以叫左一件。好多芒果，好甜少少酸，相當合時令，而tat就非常脆口，但忌廉多左D，但都可以接受，大家可以一試。

星期日就算連馬鞍山都有很多人，我們三個人，等位都等了十五分鐘。一心想吃cake，在等位的時候已經研究了很耐，吃那一個。Tea 除了蛋糕外，亦有不同咸食Tea set 都有包一杯飲品點了再個cake set 再加$10點了一杯凍的matcha latte。Matcha latte 不甜，抹茶味重，有少少苦澀，大概是在奶內混了抹茶粉。紅桑子芝士蛋糕是在紐約芝士蛋糕上鋪了紅桑子果肉，每到粒都好甜，好新鮮；芝士蛋糕好厚實，芝士味濃，不過多吃會好膩。