Italian Tomato Café (MOSTown新港城中心) (已搬遷) 新店位置

樓上那間cafe 依然人頭湧湧。其實附近有相類似的選擇呀，又不用受氣。這間Italian tomato cafe, 位置在電梯底，有點輸蝕。不過這樣其實也有好處，環境很寧靜，除非餐廳內坐滿人。芝士焗三文魚菠菜很香，三文魚有點乾，菠菜份量可以增加一點。現在的菜份量，有點寒酸。整體味道還算不錯。海苔明太子意粉這個味道清而不淡，有驚喜，味道剛好。記得撈勻中間的一大堆材料才吃，意粉量和質感都適中。不過食肉獸就唔啱食啦。兩人份量，加埋餐湯、餐飲、cake, 剛剛好，不會太飽

上次經過見到佢地既蛋糕好正, 今日放工終於可以去食順便食埋dinner。今晚我點了德國芝士茄汁忌簾意粉加$56配餐湯,自家製蛋糕及咖啡或茶。意粉分量好細, 明明同時同隔離台點了同一樣意粉,但隔離分量多好多,好明顯分得唔均勻= = 味道都幾ok, 濃郁的蕃茄醬加忌簾,但就少少偏甜,而且食完唔覺飽...... 至於飲品叫了凍檸茶, 糖醬分開上,可以自己調較甜度。檸檬片有4,5塊,而且茶味幾濃, 好喝!輪到蛋糕主角了-> 今晚叫左栗子忌簾蛋糕, 外面滿滿的一層甜甜栗子蓉, Cream 夠軟滑, 加埋綿綿的蛋糕片,超級好食!! 而且最吸引之處係佢蛋糕SIZE真係好大件,食完好滿足~搵日下午茶時間來淨食蛋糕都好正!

二月某日行到攰，想搵個地方坐低飲杯野hea陣，老麥經濟實惠啲，但又人多，於是就走左過黎呢間抖陣，飲杯野，食個輕tea。叫左個藍莓忌廉多士，真係好難食，去大x樂果啲食個茶餐西多士都無咁嬲。炸得太乾身，dry 得黎諗住點下cream啦，但啲cream 陣味又勁怪咁。上面幾粒藍莓又勁酸。成個多士都好難食。我同男友食左一半頂唔順放棄。建議俾楓糖或者朱古力醬，俾客人選擇。個面吱得太少朱古力醬，完全唔夠。應該係期間限定既栗子系列，叫左呢杯栗子牛奶，又係好失望。個面成吋泡之餘，栗子味又淡，但又mix 埋牛奶，成件事加埋感覺飲完會肚痛咁。一句講曬 好難飲。又係飲左半杯放棄。泡都佔左三份一杯，終於飲到液體果層，係淡而無味既假栗子味。失望。

Italian Tomato 嘅蛋糕一向有水準，所以今日就買左個“士多啤梨芒果蛋糕”一粒粒士多啤梨好飽滿，且非常新鮮，鮮甜無比;芒果亦好新鮮，不太熟剛合時令，好甜好滑，而忌廉用料上盛，啖啖忌廉香，旁邊仲有碎杏仁，好爽口，口感十足，配搭得好好

近年外國流行Green Monday，推廣逢星期一食素，健康d之餘仲可以減少二氧化碳排放，保護我地既藍色星球~但係，係香港要搵素食都唔簡單，除左齋舖，好似真係無咩選擇，至少一定唔會咁容易有一間係左近，想食下西餐更加難上加難。今次黎到italian tomato，心捻應該都係食磨菇意粉啦，點知比我發現有新野！就係呢個巴西香莧薯仔辣意粉~佢d薯仔應該係用焗爐焗出黎，完全唔覺得油膩，連埋一層薄薄既薯皮，味道更加香👍意粉分量唔少，賣相亦都好靚，除左薯仔仲有四季豆同火箭菜係入面，加埋辣椒一齊炒，成碟粉即刻香晒最後面頭仲有橄欖油同芝士粉，每一淡都夠晒味！咖啡very good! 最superise係佢比既咖啡奶係熱鮮奶!!! 大家都知一杯熱辣辣既咖啡沖d凍奶落去係幾咁浪費>< 可惜好多餐廳都唔會專登比暖既奶，呢間咁細心真係要比10萬個like!!睇黎馬鞍山有望擺脫「劣食之都」呢個名，作為馬鞍山友，倍感恩惠XD

Lunch time hanging around this area, a friend and I had no plan to eat, got the waiting tickets from different restaurants see which was the fast.  Waited around 20 mins... finally got a table here.  I had been italian tomato cafe few times at different areas, always love their food and cake.  we ordered Tomato seafood risotto and Hokkaido pumpkin & spinach pasta with cream sauce.  This was my friend's first try in the restaurant, she quite liked the risotto; my pasta was same as usual.  I remin

下午約了友人燒野食, 未夠鐘, 無所事事, 屋苑式商場, 也無甚特別好行好睇, 不如搵地方食Tea.傳統口味的蛋糕, 最喜歡是ITALIAN TOMATO, 價錢平, 質素好, 份量足.有位, 坐低, 問店員: 有無蛋糕餐? 店員話無, 只有散叫. 隨即落單, 要了一件”栗子蛋糕”和一杯"凍咖啡". 前後不過一分鐘, 唔..唔.. 之後我先發現原來蠢咗….蛋糕好快上檯, 好有效率. 栗子蛋糕…..鋪上滿滿的栗子蓉和日本有皮栗子作裝飾, 內層是美味栗子粒和香濃朱古力混和軟滑鮮忌廉, 配上鬆軟海綿蛋糕, 是人氣之選…..呵呵.. 大家唔好誤會…以上的形容只是在餐牌上抄出來…寫食評呢家嘢, “繪成繪聲”有得抄….梗抄！ 正所謂"抄...住先" .... 哈！ 技倆未夠水準, 但都補翻一句: 好!好!味!呀!….哈哈…嗱…! 蠢咗 ...今次點都要講兩句架喇….話說…此店在下午三時正開始有下午茶, 下午茶有蛋糕餐, 一件蛋糕和一杯凍/熱飲品, 只需$50. 我入座時, 應該大約下午2時58分左右, 尚差2分鐘 就有下午茶了, 我問店員有無”蛋糕餐”?? 店員答: ”無”. 實情是, 還差2分

忌廉波菜蘑菇意粉應該改名做生蒜蓉意粉，只有仍未煮熟嘅蒜蓉辛辣同勁鹹，忌廉、波菜同蘑菇都是沒有味的，意粉亦煮得過熟。食過尖沙咀同沙田兩間都覺得幾好，估唔到馬鞍山哩間可以差成咁……

沉日放工去左馬鞍山市中心同朋友睇戲，食完之後諗住食少少嘢，經過italian tomato 嘅時候就俾佢雪櫃入面啲蛋糕吸引住見到佢有個新出嘅櫻花芝士蛋糕，最鍾意做白老鼠嘅我就即刻入左去食haha叫咗個蛋糕同一杯green tea latte ，個蛋糕上面有塊鹽漬櫻花，我朋友話以為係扁左嘅士多啤梨lol 其實一向都好鍾意係italian tomato嘅蛋糕，而今次呢個櫻花蛋糕都冇令我失望！一層海綿蛋糕夾住一層櫻花芝士cream，口感分明，加埋出面一層薄薄嘅cream，配起上嚟非常夾，又唔會太甜，加埋微苦嘅greentea latte, 好有日本風味呀。

留守政總，看到日出，守到11點多待下更來接替後便離開了。正值中午，肚子有點餓，便跟朋友一同到馬鞍山找吃的。走到新港城中心，看見Italiantomato沒有人便決定走進去了，實在太餓了。這家意大利番茄是設在路邊的，對，是路邊。它是大財團勉強在路中心的位置設下店舖，而店家自己又想多一點顧客而多放幾張桌子，所以令店面非常擠逼，這是沒辦法的。意大利番茄，顧名思義，都是食番茄的，而意大利，別想太多，這是日式意大利餐廳，即是以日式手勢煮意大利食材而已。這裡正以南意大利番茄醬為主題製作二人套餐，一客前菜，兩客主菜，餐湯，餐包和兩杯飲品都是二百元，很划算，所以想了想便拍板要了這個二人套餐，曉晴不想吃肉，所以要了肉丸南意大利番茄意粉，朋友則要了煙三文魚芝士焗飯，另加一客雞扒雜菜沙律。前菜是芝士番茄焗茄子，又是高脂食品，油膩，當然不吃；餐湯是蘑菰忌廉湯，當然是罐頭物，曉晴也不飲忌廉湯的；餐包是意大利包，好好味，是手製的，當然只是普通貨色，不太令人驚嘆，但味道是不錯的。我的肉丸南意大利番茄意粉先來，新鮮番茄加上意大利番茄醬，還有迷迭香和羅勒，非常香，讓人垂涎三尺！我把肉丸全給朋友，朋友說肉丸很好吃，有咬口

上星期去行下千色百貨，行完之後有Ｄ攰，諗住食個ＴＥＡ，又唔想食快餐，見到Italian Tomato Cafe都幾多人食，咁就試下啦！叫左個ＣＡＫＥ　ＳＥＴ，大概５０蚊包一份ＣＡＫＥ同一杯野飲，點左紅槡子芝士餅（平時單買都要３８蚊），果然好有份量，紅槡子酸酸的中和了芝士餅的厚實。另外加１０蚊叫左杯特飲：玫瑰花冰茶，非常解渴！！有機會會再去食！！

馬鞍山新開的幾間食肆一到週末總是人山人海，等半個鐘就可以吃算是幸運了。因為擔心人多出菜會慢，所以我們在等候其間就已經選定了食物，一坐下就可以order。幸好，今天廚房出菜的速度算快，不是等了很久第一道菜就已經上桌了。 意式肉醬野菌焗茄子茄子放上惹味肉醬和野菌，味道清甜；面頭的芝士焗至香脆，啖啖都充滿芝士的咸香；光吃肉醬的話味道會頗咸；份量偏少，只有3片薄茄子; 頗油膩，整個碟底可以倒得出油。芝麻雞翼雞翼新鮮熱辣辣，外皮香脆，充滿蜜糖香，反而吃不出芝麻的味道。煙三文魚薄餅選用薄餅底，像餅乾般烘得脆卜卜，感覺較傳統薄餅輕盈；味道就不過不失。法國海鹽焦糖純米蛋糕味道有點像焦糖咖啡，不太甜，感覺輕盈；中間的純米蛋糕較一般海綿蛋糕鬆散，吃起來別具一番風味。檸檬慕斯蛋糕慕斯充滿檸檬的清香，口感輕盈幼滑，面頭的忌廉不會過份甜膩，讓人感覺很健康。整體而言，我們都覺得這裡的甜品比其它食品做得較為出色，甜品配搭有創意、有賣相，味道和口感十分有誠意，但是其它食品就不過不失，沒予人驚喜和深印象。

開左一段時間,都未有機會黎試,呢晚睇戲前有D時間,近近地呢度食啦!其實佢有空枱架,不過D人做野好慢呀,出得菜黎又執唔切野...所以足足等左15分鐘,有D不滿!睇睇餐牌,我同女朋友都係揀左蝦芝士意大利飯!不過黎呢度點都要試下佢D cake,所以一人都叫左一件!先黎左餐湯同蒜容包~賣相唔錯,湯唔似係平時普通忌廉湯,幾好飲,點下蒜容包唔錯!竟然正餐未黎,黎左cake先,會唔會食唔落飯架@@我當然係點朱古力CAKE啦!大大件幾靚,外表都幾吸引!分左幾層,有CAKE有CREAM有朱古力,口感唔錯!幾鍾意食,我越食越快...正價係有少少貴ge,間中食下都OK!女朋友果個係咩綠茶紅豆,幾特別幾好味如非如我般朱古力愛好者建議可以試下其他味!之後主菜終於到啦!蝦芝士意大利飯!佢D蝦都唔算細隻,一共3隻自己都幾鍾意食意大利飯,黏黏地口感唔錯!呢個都係,加埋有D芝士其實都幾好食,不過就好似單調左少少,好似只係食緊飯咁!如果佢有多少少味或配料應該更吸引!不過呢個飯都夠飽架啦!下次經過有機會再試,希望服務同食物款式有所進步!

補攝於星期六的下午身處荷蘭的auntie回港探親，難得她不嫌遠由屯門家到馬鞍山作探訪，實在感恩。Auntie喜歡吃蛋糕，想到新港城售賣糕點兼可舒適地享用餐點與傾談的地方，新開不久的Italian Tomato Café!Café的櫥窗內放滿標緻的蛋糕款式，令人開懷、胃口大開餐廳屬開放型式設計，大約放置了五至六張雙人餐桌，光猛開揚，氣氛輕鬆隨意，倘若不喜歡受商場遊人們人來人往的目光就要小心考慮。除了主打各式自製蛋糕，也供應意式包點、意粉、薄餅和飯類。平日的下午時份，這裡人流不多，很快便找到座位，午餐供應時間至下午三時，二時三十分入座的我們剛好趕及要一客lunch set，價錢大約由56-72元不等包括餐湯及咖啡或茶，額外加10-18元可轉特飲，加28元可配自家製蛋糕。四款食物當中選了香蒜墨魚柳意大利粉、招牌熱咖啡與期間限定的櫻之滿開蛋糕，auntie與友人不太餓，故另外點一杯芒果橙汁、日本白桃汁和芒果芝士撻後，就展開彼此溫馨寫意的團聚。1. 香蒜墨魚柳意大利粉套餐 HK$90，另加一服務費a. 番茄湯與蒜蓉包熱辣辣的番茄湯濃稠度高，口感幼滑，酸香味濃郁非常，喝後相當暖胃，配合香脆兼充滿香

在馬鞍山"搵食"真的很難, 搵好食的更難, 因為餐廳不多.平時在商場逛的時候, 都會見到Italian Tomato Café靚靚的蛋糕, 每次都想進去試一試, 但食飯時間實在太多人排隊了, 最後我都是放棄了.今晚上我6:15p.m到了餐廳, 2個人食飯, 還是要等20分鐘才可以進去.可能是餐廳人手不夠, 坐了5分鐘, 都沒有人收拾桌上的杯碟和給我們餐牌.點餐後, 食物很快就到了, 這個是值得一讚的.煙三文魚忌廉焗飯味道一般, 沒有什麼特別.海鮮蒜蓉忌廉意粉蒜蓉味很重, 但沒有忌廉味, 都是沒有什麼特別.朱古力蛋糕我覺得這個蛋糕才是我這頓晚飯的亮點, 真的很好食.好濃的朱古力味, 好正好正!!總括來說, 這餐廳的蛋糕味道是不錯的, 都有很多客人點.但是我覺得主菜味道就麻麻地, 份量比較少, 價錢都比較貴.而且環境都不是很舒服, 可能是因為是開放式吧, 整個餐廳都很嘈, 感覺就是想食完就走.不過下次想食蛋糕, 都是買回家食好了.