Jagger

营业中

休息中

Jagger是餐廳和酒吧二合一，店面的招牌以簡單型格的紅字配黑色底，非常搶眼，餐廳分為室內和室外兩個區域，室內以淺色系為主，柔和得來帶點格調。室內座位大部份是高枱和高凳，行酒吧風格。室外熄梳化凳有大量植物點綴，散發大自然氣息，非常休閒舒適。餐廳的午市套餐性價比很高，大概是$60至70月的價位，而且套餐均配黑咖啡或茶。今日試乜兩款套餐，辣茄汁辣腸螺絲粉和香辣蜆肉蒜蓉意粉。茄汁螺絲粉酸酸甜甜之餘，帶點Tabasco辣味，使開胃程度加倍，辣肉腸不會過硬，而且份量也不少，螺絲粉也非常軟身，吸收了茄汁的鮮味。蜆肉蒜蓉意粉有驚喜，蜆肉很新鮮，啖啖肉，非常清甜，肉汁滲入意粉內，意粉彈牙得來很爽口。Jagger📍尖沙咀麼地道31-41號FHP購物中心地下26-30號舖

餐廳內部既新裝修比以前光亮同outdoor既位置有唔同既feel內部適合同朋友,另一半食個晚餐或者飲杯啡食個甜品戶外位就成班朋友呼吸下, 飲幾杯傾下計今日天氣咁熱就揀左室內涼下冷氣有一面係落地玻璃折門, 一面係特色牆好岩打卡前菜黑松露芝士焗薯蓉黑松露味薯蓉好容易變左好淡味要有番靚既松露而且落既量要夠多, 先可以做到咁濃郁配埋可以拉絲既芝士, 今日差杯酒!!炭燒1855黑安格斯肉眼個生熟度非常完美, 做到要求既5成熟食靚既牛肉真係唔怕食生d1855係牛肉品牌, 品牌裡面黑牛佔51%, 全美國中僅有1/8可以被選中炭燒既外表都係嫩滑,無任何焦既部份Jagger特色芝士菠菜意大利雲吞個醬既味道超級好食, 蕃茄加芝士味咁咬開雲吞就係飽滿既芝士菠菜餡

去開尖沙咀都知道區內不乏酒吧風格餐廳，今次就發現左呢間Jagger。餐廳完全唔難搵，一出地鐵站就搵到。餐廳係半露天 ， 但因為依家天氣太熱既關係所以就揀左室內位置，室內裝修以啡白色為主，到夜晚仲會熄燈添一份情調🥩炭燒加拿大有骨豬鞍扒連骨的斧頭豬扒賣相不錯，燒到有坑紋👍🏻 , 切開豬扒聞到有少許炭香😆 , 肉質粉嫩唔鞋🤭 , 調味不俗無豬羶味之餘脂肪比例都適中😸，豬扒幾JUICY😽. 以忌廉煙肉焗薯伴碟, 鹹香脆口既煙肉碎配上忌廉焗薯相當美味 . 相比起一般伴碟既薯條，焗薯需要花更多既工夫料理，值得讚賞🍝冬陰公海蝦墨魚麵冇諗過冬陰公同墨魚麵出奇地夾🤨，冬陰公唔會搶左麵既味道，反而作為調味出襯托出墨魚麵本身既味道😍，麵體本人都唔係一般坊間食到黑過黑豆既墨魚汁加麵☺️，所以唔會話食到成個口都黑麻麻🫢，海蝦🦐爽口彈牙夠大隻🍫🍰Jagger 心太軟心太軟本人味道唔錯，唯獨當日食到既有少少OVERCOOK做唔到流心效果😮‍💨，但即使冇流心味道都一樣有保證👍🏻，雪糕係COOKIES&CREAM😋，食到大塊COOKIES，似係自己整唔係現貨🍸SOUL FRESH因為唔想飲酒所以就叫左杯MOCKTAIL🍹

平時在這裏返工都知道，尖沙咀午餐都有返咁上下，這裏竟然又好食又抵食，所以都約埋在尖沙咀返工的朋友一齊食個lunch。午餐$68仲已經有包埋一杯嘢飲，啱晒我哋呢啲得個半鐘頭食飯的人。飲品都有好多選擇，就算要啲特色啲嘅咖啡都只不過係加$15。入面冷氣都足夠，可能因為是啱啱裝修好，所以10分光猛，又有旅行希臘風。三文魚pizza是薄的脆脆餅底，所以食落不會太油膩，又不會太滯。上面餡料十足，每一塊都有三文魚在上面另一個比較特別啲嘅意粉就係墨汁意粉，但是醬汁亦都10分驚喜，原來是冬陰功味，雖然少少辣，但是10分惹味。配上炸蝦， 10分彈牙，仲有很香的蒜香味。飲品方面，我們叫了芒果yogurt smoothie非常有夏天的感覺，而且10分解辣，食完冬陰功意粉，即刻飲番啖。芒果味很香，但又不會太甜太多糖漿。Matcha Latte 很香茶味，飲落去10分香滑。

🌟Jagger特色火焰豬手 $198豬手上枱時用酒點火淋上🍷食落唔會有酒味只不過係視覺享受🤩豬手皮好脆肉份量都多仲有炸薯角做伴碟🍟.🌟軟殼蟹南瓜意大利飯 $148軟殼蟹好脆口🦀膏好香濃risotto夠晒creamy👍🏻有淡淡南瓜味🎃.🌟心太軟 $88呢個就較失望🥹零流心只係普通朱古力海綿蛋糕😢仲要賣到$88….📍 Jagger (尖沙咀)尖沙咀麼地道31-41號FHP購物中心26-30號舖

今日同朋友黎呢間Cafe and bar享用晚餐，餐廳位置非常方便，係地鐵站一出就已經見到，真係行一分鐘就到。餐廳行叢林風格，有室內同室外area，室內係型格風，室外係悠閒風，好似一個私人後花園咁，想像到如果假日既晏就坐係室外花園area，感覺會好悠閒，可惜我地到既時間室外比人坐哂，就坐左室內。Menu都係黑色型格風，我地揀既食物都係有圖既😂揀左Jagge特色火焰德國咸豬手、JAGGER 小食拼盤，同埋軟殼蟹南瓜意大利飯 。Jagge特色火焰德國咸豬手 （$198)呢個真係既好食，又打able，但製作時間需要20-30分鐘，所以要早啲落單先得。店員提醒我地打卡機會只有一次，所以會等我地手機全部準備好哂先點火，真係燒到火光熊熊👍打完卡係度諗點樣切呢舊大豬手，由邊度落手切時，店員話廚師可以幫我地切，實在太體貼。比火燒過既豬手外皮非常焦脆可口，未食過咸豬手外皮咁卜卜脆，而肉身一啲都唔老唔柴，肉質幾柔軟，配左茄汁同芥末醬可以點，但其實佢本身調味都已經好夠味好入味。JAGGER 小食拼盤（$158)呢度既小食拼盤最好既地方在於可以自己揀，平時啲餐廳既小食拼盤好多時都set定左小食既種類，每次總有

朋友之前提過呢間酒吧可以喺半露天，但今日有少凍，入面幾張bar枱坐下算啦，我自己覺得一間酒吧其實嘢食都好緊要，好取決於食物質素而令我想唔想留耐啲同朋友傾偈。一於嚟試吓佢啲嘢食: 紅酒辣汁燴牛肉粒($98): 牛肉粒煮得好淋，辣度都唔會好高，應該10小辣就差唔多。牛肉粒份量都有十幾粒，前菜嚟講算份量算多，仲有幾舊薯角伴碟。自己鍾意佢配上茄汁同mayo, 好少酒吧會咁細心。Jagger特色菠菜芝士雲吞意大利粉($158): 一上碟以為又係嗰啲隻碟好大，其實冇乜特色嘅菜，但係細數原來雲吞份量都有10幾粒，唔算太過分。芝士菠菜味道唔算太突出，都要靠佢本身嘅執佢調味，看似有忌廉同蕃茄，幾惹味嘅。酒量差又需要一啲澱粉質墊底嘅朋友就啱晒啦。Jagger特色火焰德國鹹豬手($198): 啱啱上菜嘅時候職員會問使唔使影相，先會擺定pose，再淋上酒精，真係喺你面前有成呎高嘅視覺效果真係幾震撼。但始終食物質素都要有返咁上下，同樣有薯菜半碟，豬皮真係好脆！！送走真係一流，而且亦都較多肉，幾個朋友Fun應該會幾開心。總結：細看餐牌都係啲送酒嘅小食，而且要加分嘅位係職員都幾健談，俾人感覺好friendly!

第一道菜係Jagger特色火焰德國咸豬手，熱騰騰嘅豬手上面有一層香脆嘅表皮，入口後豬肉鮮嫩多汁，配上特製嘅醬汁，味道更加香濃。不過，最令人驚豔嘅係佢嘅火焰效果，店員仲好親切咁提先我地影相！🔥🐷第二道菜係威靈頓三文魚。三文魚包係一層好香又鬆化嘅酥皮裏，烤得剛剛好，咬落去魚肉香嫩，鎖住左魚嘅肉汁同油香，每一啖都令人回味無窮。😆😆我叫左一杯Cocktail shot，雖然細細杯但酒味好濃烈，味道又特別！🍹☺️餐廳嘅裝修係行熱帶叢林風格，室內有高櫈同高檯，好有格調唔，又設有室外座位，枱之間距離好遠，私隱度十足，加埋播住好聽嘅音樂，充滿浪漫情調，好似私人後花園咁，啱曬情侶拍拖，又或者朋友傾計聚舊。❤️🤍

中午嚟到尖沙咀呢間餐廳唔算好多人，店員推介我地坐喺出面，的確幾舒服寫意。香辣雞排墨西哥卷﹕調味好香，而且外脆內軟。就連放一旁嘅沙律菜都有幾fresh嘅醬點綴，幾好食！茄汁海鮮意大利飯﹕茄汁味濃，以呢個價錢嚟講性價比幾高~ Charcoal  Latte﹕好濃芝麻味嘅一杯，而且拉花好靚，非常推介。Piccolo  Latte﹕相對無Charcoal  Latte 咁特別，正正常常。同埋店員比咗兩個唔同size嘅杯我地，呢杯比較精緻。整體嚟講，lunchtime嚟食幾抵，而且環境寫意，唔經唔覺就同朋友坐咗兩個鐘~ 不過唔聞得煙味嘅都建議坐番室內，事關戶外係吸煙位~

餐廳位於尖沙咀小街入面，鬧中帶靜… 紅紅嘅招牌又幾吸引眼球適逢聖誕節，牆上邊就有棵聖誕裝飾機喇，都幾有心機，逐條逐條貼上牆，再配埋燈泡仔，都幾浪漫💕最搞笑係呢個聖誕老人，假得來好搞笑，就係剛剛企喺啲檯隔離，靜靜陪大家過節？！😂外面仲有個露天花園，天氣涼爽都幾正喎～嘢食方面，西餐都算款式齊全，有意粉、螺絲粉、意大利飯、全日早餐等等。基本上咩味道都有，細細間酒吧，真係好貼心啊！叫咗一杯熱咖啡、一半朱古力咖啡，拉花方面，師傅都幾有功架，特別係朱古力咖啡，拉得好靚香辣蒜蓉蜆肉意粉：全日早餐：以brunch 嚟講，呢碟all day breakfast好豐富，每款食物都大大件，塊薯餅好脆口，隻炒蛋雞蛋味好香，而且仲有滑蛋感覺，連粟米都有燒，真係好有heart呀！

今日下晝黎到尖沙咀食午餐，同朋友叫左兩份午餐share食。全日早餐（牛角包、香腸、香辣雞扒、薯餅、沙律、磨菇同炒蛋）HKD148 包飲品 - 本身覺得價錢偏貴，不過上枱後覺得都值，因為大大份！賣相都幾岩打咭！每樣食材都算係新鮮，而且熱辣辣。最欣賞係個炸雞，炸得香同入面夠juicy！香辣味道好出！其他食物正常發揮都唔錯。香辣雞扒墨西哥卷 包飲品 HKD68 - 依個價錢對比下都算幾抵，不過份量都少過全日早餐。個雞都係全日早餐果個雞，所以我都幾鐘意。Mocha 同Cuppuccino一般，一定無咖啡店咁好飲，始終都係酒吧，不過食物就比預期中好，服務都唔錯，但係坐近窗口位有d 蚊蟲飛下，希望餐廳會改善下！但可想像夜晚食物質素應該都ok 的！而且有戶外坐位感覺都應該幾Chill!

今日同同事係尖咀放工又唔想返屋企食 , 就兩個人去睇睇附近有咩食大家都想食下扒 , 就搵到附近呢間JAGGER幾盞鬼 , 就入去試試此燈不是很暗 , 音樂幾唔錯的bar分別有室內及室外座位 , 仿叢林風頗有特色岩晒三五知己 飲返幾啖 , 促膝長談不過今次唔飲酒, 選擇了坐室外 , 都格外有情調環境乾淨企理 , 座位寬敞舒適 , 店員亦見殷勤有禮餐牌相當精美 , 以西式為主order左唔夠15min就開始上枱炭燒加拿大有骨豬鞍扒 $218連骨的豬鞍扒充滿坑紋 , 切開豬扒, 入口帶出一陣炭香 , 肉質粉嫩鬆化 , 入口無豬羶味之餘脂肪紋路適中，鬆軟而多汁. 取代炸薯條的是 煙肉碎焗薯, 鹹香脆口既煙肉碎配上忌廉汁相當滋味 . 比起薯條我更鍾情於焗薯本身不加工的薯香炭燒美國1855黑安格斯肉眼扒 $298份量十足的主菜 , order左5成熟 , 入口有微微炭香 , 牛肉脂肪分布均勻 , 深紅牛肉酥軟 , 肉汁濃味厚 , 肉滑溜醇香，肥而不膩 , 所謂1855聽聞是只有少部份合格標準為命名 , 配埋美味焗薯 , 實為必食之選連加一total $560幾 , 回頭率幾高

中午又到放飯的時間了，當然又要找找有什麼「好東西」了😋！今天孖同事來到了位於麼地道的西餐廳，這裡有戶外的環境，亦有室內環境。店員領了我們到了一個舒適的位置後，我們就開始點餐了，之後點了兩個set lunch及兩杯餐飲：🍽️All day breakfast $148相當豐富的全日早餐，內有牛角包、香腸、香辣雞扒、薯餅、沙律🥗、粟米🌽、炒蛋🥚，份量也挺多的。牛角包外層有酥脆感，至於香辣雞扒亦很惹味，而且不會勁辣，辣味剛剛好；香腸很大條，而粟米外層都有淡淡的牛油香，而炒蛋也不會太熟太生，非常合我胃口😋。🌯香辣雞扒墨西哥卷 $68對於減肥人士來說，這個香辣雞扒墨西哥卷份量剛剛好！首先旁邊有沙律菜🥗，而墨西哥卷的外層很香脆，一切有芝士拉絲，而雞扒很嫩，亦有少少辣味，相當惹味😋。☕️Long Black $40咖啡香溢出來，入口亦很香滑，配上墨西哥卷一起吃，確是很配搭呢！🧃Apple Juice $48蘋果汁加上冰塊，確是有種透心涼的感覺，而且不算太甜呢！總的來說，午餐不算貴，而店員亦都很周到，希望下一次來，可以再嚐嚐它其他熱食😋！

近排都喺尖沙咀返工，經常都會同同事去一間餐廳食午餐，喺尖沙咀呢個價錢食到咁美味嘅午餐，性價比真係好高，而且環境仲要好舒適。Jagger 地址係麼地道31-41號F HP購物中心26號舖，餐廳有一個園林嘅環境，坐喺出邊全部都係梳化椅，真係好舒適。每日喺度食lunch都有一種好放鬆嘅感覺。呢度嘅午餐都有大約十幾款選擇，全部都係七，八十元左右，性價比真係好高，而且食物嘅質素仲要係好好，今日就嗌咗煙三文魚配pizza ，pizza餅底做到好香好薄好脆，食落去特別香口，上面嘅煙三文魚份量都好多，加上少少香料茄汁芝士粉，令到口感同味道都更加豐富。整體嘅味道非常配搭。all day breakfast 材料非常豐富，有炒蛋，粟米，沙律，薯餅，香辣雞扒，香腸，牛角包。牛角包啱啱焗起，熱辣辣特別酥脆，加上有陣陣嘅牛油香味，好正。香辣雞扒外皮炸到脆卜卜，雞肉仲係好嫩滑。炒蛋配上香料，令到蛋嘅香味更加濃郁，又香又滑非常好食。香腸同薯餅亦都係我嘅至愛，最鍾意佢個香腸有啲肉汁，食落去特別香口。熱朱古力，一杯又香又滑嘅朱古力，連杯邊度有朱古力醬。值得一讚。

同情人尖沙咀行街，見到間西餐廳行外國風情，叢林式嘅裝飾，好好feel,傾計又舒服，就入去食個dinner可惜弱不禁風嘅我怕大風就冇坐露天座位，就選擇坐入邊既座位。裡面柔和既燈光配有浪漫既英文歌，適合情侶拍拖談心炭燒加拿大有骨豬鞍扒$218賣相吸引，全塊豬鞍燒到鐵網紋好靚。切開後色澤帶少粉紅，食落去一d 都唔靭，肉汁盡鎖在豬鞍裡，非常美味，色香味俱全，大推。焗薯亦香滑，配菜都唔錯炭燒美國 1855 黑安格斯肉眼扒$298情人點左7成熟，侍應話呢度7成熟等於出面食既5成熟。黎到份肉眼扒果然唔會老又唔會靭，肉質好香牛肉味，夠juicy,份量都大塊。同樣焗薯香滑，配菜都唔錯Just For Youbartender 特調左杯西柚+Gin 比我少少酸得黎又飲到酒既苦澀味，味道唔錯西柚+薰衣草既裝飾更添美感Butterfly$98火龍果+薄荷葉+酒成杯飲品好靚，欣賞左一陣先飲。有火龍果肉同薄荷葉，飲落係甜甜既薄荷味，味道清新，酒味唔會太重總括黎講，夜晚食飯談心一流，食物都有水準。飯後點杯野飲下酒微微醉聽住英文歌係好feel, 亦都係最relax 既一刻