James Bonbon Bakery

营业中

休息中

🍬 James bonbonWalked by this bakery nearly everyday last week. No matter what time I go there is ALWAYS a line up! Got a little curious and searched it up on IG. Found out that it’s a popular bakery because the baker used to bake at a hotel. My dad went there at 12 and got the first batch 🥰 he got me 6 flavours. My favourite was the early grey. The others were so so! Tbh nth really special. It was very airy but even eating it fresh wasn’t anything surprising. Not sure why that many ppl line up f

網上個個都話好好食成日就好想試佢哋嘅菠蘿麻薯波波 好似幾特別咁近排同朋友經過 見到唔係好多人排隊即刻就諗住買嚟試下本身見到佢哋賣有六個口味諗住買曬六過嚟試下點知去到佢哋就話只係淨返三個口味就買咗原味 抹茶同埋朱古力原味有啲普通 同埋有一浸奇怪嘅油味朱古力味略嫌偏甜 一般般 不過不失抹茶味就正正常常 覺得抹茶味可以再濃啲雖然今次唔需要等好耐 ard 15mins 但整體嚟講有啲失望 有菠蘿皮嘅麻薯波波同普通嘅冇好大嘅分別同埋職員嘅服務態度欠佳

🐭 米奇老豬Vol. 234 🐷［James Bonbon Bakery］自從食完JBB嘅Lotus餅Nutella流心菠蘿皮麻糬波波之後覺得唔會有野可以打敗到佢🫣但‼️ 師傅James打敗左自己😦有一日James話整左新嘢請我試食我聽到當然即刻跑去啦 🏃🏿‍♀️呢個麻糬泡芙嘅好食程度係中午食完 夜晚即刻encore😂😂呢個食完真係會叮💡一聲啱啱睇返d片又流曬口水了🤤🤤再次公開表達我對James嘅敬意 🫡利🈸️：我鍾意食JBB嘅程度係我覺得自己係打手 😎.🐖🐖《杏仁粉菠蘿皮雜莓吉士麻糬泡芙》🐖🐖💰$38💰⚠️一定要睇曬所有片先感受到個泡芙嘅威力⚠️➡️ 麻糬泡芙主體頂層嘅菠蘿泡芙麻糬皮係個重點‼️‼️‼️唔係就咁泡芙➕麻糬 而係完美將泡芙同麻糬混為一體！因為個皮厚度🆙所以唔會好似平時泡芙皮咁脆得來空心（有無人明白果種空虛嘅感覺🥹）而係雙重口感 ✨外脆內煙韌 ✨真係名副其實嘅麻糬泡芙皮！泡芙底就係JBB麻糬波波嘅2.0（個名係我自己作嘅🤪）因為厚度同煙韌度都upgrade左2倍所以食完呢個真係返唔到轉頭🤭➡️ 內餡吉士質地輕盈 口感順滑 微流心配上新鮮士多啤梨🍓同藍莓🫐（唔係糖漬果d）酸甜酸甜咁 真係勁夾個

由於老婆好鍾意食麵包同麻薯波波，網上一直見好多人讚好好食，買親都排晒長龍，專程上水出嚟，排左45分鐘，入到去，冇錯店面細，企唔到人⋯而且要等出爐，店外排隊唔好影響到人做生意，好正常⋯不過最直接產生人龍原因係，店員服務態度極差，手腳極慢⋯因為本身限每人限買6個我同老婆雙人一齊入到去，同「戴眼鏡：男性」店員講⋯每味各一個，唔該，但該員工隨便入完一袋又再問另一袋要咩，態度不佳⋯⋯最後⋯評價：味道係唔錯，但服務零分。唔會再幫襯。

位於銅鑼灣嘅呢間bakery人氣真係強勁，自從推出菠蘿皮麻糬波波🍪之後人龍就無停過，今次終於的起心肝去試下，weekday黃昏時間排咗15分鐘左右，都係接受範圍內，不過只有1－2款口味可以買，無得試多幾款口味🙈朱古力菠蘿皮麻糬波波拎到返屋企扁哂唔脆，不過口感都ok入面幾煙韌qq，不過朕朱古力味唔算討好，無乜可可香味，偏死甜🙈第二朝焗返熱好好多😂😂外脆內煙韌。紫薯吉士菠蘿皮麻糬波波限定款口味，原味菠蘿皮面頭灑上紫薯粉，味道就唔係好覺，不過勝在唔太甜，但入面唧嘅吉士實在少得可憐🥲🥲要食到最後一啖先食到少少吉士呢🥺人均消費：$60推介指數（10分為滿分）：6分

天氣大熱，於星期六下午到店欲購買麻薯贈友人。到達時，已大約有十多人於前方排隊輪候。我上前進入店舖，查看是否還有詢問麻薯，再往後排隊。卻看見店內根本沒有客人正在購買，便詢問職員，職員才施施然向店外隊頭的客人示意，叫他們進店購買。認同他人於評論敍述的「慢工出人龍」，根本職員服務怠慢，話要刻意製造人龍，為店舖宣傳。等了20分鐘有多，除咗職員出來施施然告訴大家只剩下原味，其他味道需等額外十多分鐘。其實是否應該早一點告訴大家？浪費我的時間。職員態度亦惡劣，完全不值一排。有一次夜晚先買到，但麻薯全部是扁塌的，賣些完全不好，跟他們官方出的照片南轅北轍。

今日路經銅鑼灣，就諗住去呢間 James Bon Bon ，買幾個菠蘿皮麻糬波波試吓！其實除咗麻糬波波。。。佢都有其他麵包同蛋糕買的！下次再經過都可以試吓！其實，今日見排麻糬波波的人不算太多，得10個人左右，所以先諗住排隊試吓，但最後都排咗 around 20mins先到我。。。😔😔😔最後，我都成功買到菠蘿皮麻糬波波！我每款味都買了一個。。。有原味，朱古力味，綠茶味和伯爵茶味！哈哈。。。仲有款是日精選。。。但唔記得係咩味！😂😂😂他的菠蘿皮麻糬波波比一般麻糬波波size大，外皮脆，內裏煙韌，味道都不錯！😋😋😋但本人略嫌綠茶味不夠濃。。。但整體味道也不錯。。。下次可以再試他的其他產品！！！但大前題當然是不用排隊先。。。🤣🤣🤣

- 大家都知James Bonbon Bakery最出名就係佢嘅菠蘿皮麻薯波波🥺不過要留意佢係每日12:30先出，自己尋日等唔到咁耐，唯有試吓都有菠蘿皮嘅迷你菠蘿包啦😹🍞迷你菠蘿包💰10/1件,💰18/2件 迷你菠蘿包有三種味：朱古力、伯爵茶同埋綠茶，我就揀咗頭兩種✌🏻好鍾意佢哋比起傳統菠蘿包仲冇咁甜；伯爵茶味比朱古力味更加突出，不過朱古力嗰款上面又有啲朱古力粒增加口感，所以各有千秋😆 始終菠蘿皮碎比較細，食嘅時候一定會跌，所以大家真係要小心啲/用個碟兜住😹另外應該係因為疫情(?)店舖有放啲膠袋俾客人直接夾麵包入去再紮起，呢個安排幾好~ 下次經過會想試埋佢哋嘅菠蘿皮麻薯波波同埋特別款🤩

排左一個鐘終於買到最近深受港人歡迎嘅菠蘿皮麻糬波波😌😋今次我買左4個口味😋朱古力、原味、抹茶和焙茶味，我比較鐘意朱古力味🥰香濃嘅朱古力味🍫🍪原味都唔差😋菠蘿皮麻糬波波外層係香脆嘅菠蘿皮，食落去係煙煙韌韌的麻糬，口感香脆又煙韌😋一次過滿足哂鐘意食菠蘿包同麻糬嘅人👍🏻👍🏻價錢亦相當親民，只售$10一件，CP值極高！⭐️招牌菠蘿皮麻糬波波 💰$10朱古力、原味、抹茶和焙茶味 四款口味😌

近來麻糬大熱，麻糬的scones、菠蘿包，甚至日式蛋卷蛋糕中也加入了它路過銅鑼灣，想起了網上大熱的James Bonbon Bakery，一出銅鑼灣站，立即先去碰運氣。當時大約下午2時，店外有大約10人排隊，在等下一輪，至於綠茶和朱古力味即不用排隊也可以，每人限買6個，因為初嚐，只買了4個。食後感是必須即時食！因為焗住會有水氣，亦會變扁，顏值減半回家後焗爐焗3分鐘，表面仍脆，入面麻糬份量足，煙煙韌韌，好吃，但未算驚喜會想試伯爵茶味，但如果要排長龍就不了😂

最近呢間麵包店終於等到佢冇咁多人排隊～～於是就去咗試佢哋嘅超人氣菠蘿皮麻薯波波😎買咗幾隻味 但個人最鍾意️都係原味❤佢完美咁將香脆清甜嘅菠蘿皮 融合埋煙韌軟糯嘅麻薯波波 口感真係一流！

見最近咁興呢個菠蘿包皮嘅麻薯波波，行過見到冇咩人排隊，排咗10分鐘就有新鮮出爐嘅菠蘿包皮麻薯波波。叫咗綠茶，伯爵茶，朱古力同菠蘿包味嘅麻薯波波。新鮮熱辣食好好味，好鬆軟，值得一試！😍

終於買到人氣麵包店一James Bon Bon 啦～位於銅鑼灣嘅麵包店，憑住招牌菠蘿皮麻糬波波，引發搶購潮，據聞要排30-60mins先買到🥲平時唔多中意曬時間排隊買包😂所以一直都無食。點知咁啱經過嗰頭發現無人排隊，於是用咗5分鐘買咗半打麻糬波波✌🏻(買完發現後面即刻多咗廿幾人排…）麻糬波波新鮮出爐，拎上手熱烘烘。建議即買即食，否則放涼後會回縮。麻糬波波外層為菠蘿皮，咬開有啖啖麻糬，幾煙靭～誠實地說，個人覺得呢間啲麻糬波波真係好一般🫠同普遍餅鋪麻糬波波差唔多。其實YouTube有唔少整麻糬波波嘅教學片，做法極為簡單(焗埋仲快過你排隊)。大家可以自行調整麻糬份量，落勁濃茶味都仲得。如果為咗麻糬波波專程搭車而去應該會幾失望。

一直都知最近cwb開咗間勁多人排隊👣👣嘅麻糬波波舖頭，聽聞要排成幾個鐘嘅我一直心思思試👉🏻👈🏻👉🏻👈🏻大概愛吃的人運氣不會太差，夜晚食飯時間見居然無乜人排隊，再東問問西問問，原來又就到出爐時間，考慮三秒之後就自動自覺地去排隊🤣舖頭寫明每人限買6個，當日除咗簡單嗰兩款，淨係有三種特別口味可以買。我地分別買咗原味QQ、菠蘿QQ、伯爵茶QQ、朱古力QQ同抹茶QQ。一拎上手熱辣辣，我地買完就急急臉行去附近休憩處享用🤩喺特別口味當中，最好食就係伯爵茶口味（$10/個），茶味濃香，脆皮香甜。朱古力同抹茶相比之下就略為普通，但都唔會令人失望。比較平實嘅口味就有原味QQ、菠蘿QQ（$15/2個）。因為無菠蘿脆皮嘅關係，原味食落同坊間其他普通麻糬無分別。相反菠蘿QQ食落香甜，如果對特別口味無興趣嘅朋友，性價比更高。實在太多食唔哂，我就拎買多咗嘅抹茶QQ翻屋企，隔夜之後用焗爐整熱之後，同新鮮出爐嘅時候都有七、八成似，可以買翻屋企慢慢食！排隊其間都見有唔少街坊去買蛋糕面包，話哂都係由前四季酒店西餅師傅主理嘅餅店，門口亦都有notice話比人知用高級材料，就算小店經營都唔會輸比連鎖店。

呢間啲麻薯波波真係超正有次同朋友已經食完甜品經過見到話有出爐麻薯波波心諗…有冇咁堅呀…咁好生意就買咗最後兩個嚟試真係好耐冇食過咁好味嘅麻薯波波今次再經過再買咗三個唔同味超香口外脆內軟一定要介紹比朋友