James Bonbon Bakery

营业中

休息中

經過銅鑼灣，記得附近有一間人龍麻糬波波店。心想一場來到不妨排一下，結果大約排了20分鐘左右便買到。店裡有5款指定口味和一款限定口味的麻糬波波，價錢算是合理。剛巧到我買的時候所有指定口味的麻糬波波便出爐，當然不會錯過機會，要了原味，朱古力，抹茶和伯爵茶口味。剛出爐的麻糬波波牛油香氣非常濃郁，隔著膠袋也聞到。基本上熱騰騰的麻糬波一定是好吃的，口感QQ的，不同味道主要是由麻糬波頂部的菠蘿皮散發出來。如果要評價的話，原味一定是最好的。其他味道吃起來的感覺，相對不會差太遠。

見到OpenRice咁多讚、網絡平台又大肆宣傳所以bookmark咗, 昨天經過銅鑼灣買來試吓先、排咗20分鐘、是熱辣辣的、即刻擺上口都OK還可以沒有特別！回家凍了將它焗番熱食、就非常難食！所有味道都不覺得有驚喜、其實一般麵包舖新鮮焗出來的麵包都會香脆好食、佢都唔例外、不過係冇特別、唔值得排隊買！

8點左右同屋企人喺銅鑼灣食完飯，之前見人share過夜晚去james bon bon買易買好多😍，所以就黎試下😌。去到前面大約有10個人，等大約10min就買到啱啱好呢轉既最後幾隻🤤。入到去講要咩味，店員就會直接喺焗盤夾，不過因為燈光比較暗，睇唔清仲有咩味，所以店員等我同屋企人揀有啲唔耐煩🙈。🔅原味菠蘿皮 ($8/1 | $15/2)一隻大約有手掌咁大，大約9cm左右。麻糬波波幾煙韌，唔會乾爭爭，菠蘿皮外脆內軟，食落又唔會散晒(當然都會跌少少碎)，平時鐘意食菠蘿包既我食得好滿足😂。🔅抹茶 ($10)抹茶味唔算好濃，可能始終個波波本身都係原味，得菠蘿皮係抹茶味。食落去開頭都聞到幾香抹茶味，但食食下又唔係好覺🙈。🔅伯爵茶 ($10)對比起抹茶，earl grey味濃好多，好香🤤，熱辣辣食真係好正！🔅朱古力 ($10)朱古力味個人唔覺得算好濃，主要既朱古力味都係來自朱古力粒🍫。🧑🏻‍🍳溫馨提示氣炸返5min左右其實都同啱啱出爐差唔多，但就真係要擺一擺先好食…如果唔係就熱氣到爆炸…我氣炸完即刻食第二日已經生飛滋同牙肉腫😂。💬新鮮熱辣辣食的確唔錯，比起之前食既麻糬波波都煙韌軟糯，不過拎到返屋企其

#153foodie 身為銅鑼灣地膽，點可以冇幫襯過銅鑼灣嘅人氣麵包舖 @james_bonbon_bakery 呢🤪呢間麵包舖由前四季酒店西餅師傅主理，由上年開6月到而家開業一年，一直人龍不斷，就係因為佢哋嘅招牌 #菠蘿麻糬波波 非常出名🍍😍 153自己就幫襯咗好幾次，終於試晒佢哋4款恆常口味✨🍍 原味 ($8)其實153喺舖頭出名之前，已經食過佢哋嘅其他麵包，好鍾意佢哋用嘅麵粉好香🤤 食原味麻糬波波，就最食得出麵包香👍🏻 咬落裏面嘅 #麻糬 都好煙韌，幾好食😛🍵 抹茶味 ($10)抺茶麻糬波波同原味嘅餡料一樣，不過面頭嗰層菠蘿皮就變成抹茶皮🍵 抺茶味食落好香，但味道唔算好濃，抹茶控可能會有啲失望喇😞🍫 朱古力味 ($10)呢款麻糬波波面頭有啲朱古力粒，會比其他味甜少少，而且增添口感，令麻糬波波食落感覺冇咁寡🤣 153私心推薦呢款🥳☕️ 伯爵茶味 ($10)伯爵茶嘅菠蘿皮面頭加咗少少黑芝麻，同伯爵茶食落出奇地夾❗️ 不過略嫌伯爵茶味唔夠出，如果味道再濃少少就好喇～»»————- ☟☟ ————-««[ 翻熱小貼士 ♨️ ]1️⃣ 出爐即食菠蘿皮麻糬波波出爐冇耐，好快會塌或者扁咗🫠 所以最佳食用

身為一個東涌,平時都好少出銅鑼灣,難得今日出咗嚟就上IG睇吓銅鑼灣有乜美食,機緣巧合下就見到呢個菠蘿皮麻薯波波,咁就一於去試吓,嚟到眼見已經有10幾人排緊隊,根據要排隊都有美食嘅定律所以就排埋一份,大約排咗15分鐘就有新鮮出爐嘅麻薯波波,超級無敵香噴噴,拎到返屋企急不及待,不過麻薯波波已經變咗「扁撻撻」切開完全冇麻薯feel,菠蘿皮唔夠厚,唔夠脆,阿媽表示好似牛脷酥,整體嚟講值唔值得排隊買就見仁見智而對於我嚟講試過一次就夠啦.😉

每日返工放工都會經過，平時朝早都有試佢哋嘅麵包，都唔錯，加上一直都想試佢嘅菠蘿皮麻糬波波，放工見條龍唔係太長就排下啦，好彩十分鐘左右就入得。每人限買6個，我就每隻味各一買4個試下先，新鮮出爐熱辣辣，我試咗個唔係菠蘿皮嘅原味麻糬，估唔到又幾好食，比出面啲麵包舖嘅整得好食好多。不過之後再食菠蘿皮嘅已經擺凍咗，食落一般，但我下次會喺佢啱啱出爐嘅時候即刻試，睇下係咪同原味一樣咁好食😋

又係走在潮流末端🤣啱啱好去銅鑼灣食完飯，就順路去睇下😂都冇咩人排隊就買黎試吓！肥米覺得有少少似煎堆😂唔係話唔好食，只係唔太啱我口味#jamesbonbonbakery 📍銅鑼灣邊寧頓街9-11號燈籠閣地下C1號舖

放假去開銅鑼灣 就去左人氣麵包點James Bon Bon 見得十幾個人排就排下💣伏點1:十幾個人都排左半個鐘唔緊要如果好食排下有咩所謂試左3款口味：🍍菠蘿QQ $15/2個🍵抹茶QQ $10🍫朱古力QQ $10💣伏點2: 一望到已經覺得咁扁身，熱焫焫放入袋出晒水氣，買6個壓埋一齊。根本就賣緊壓扁左嘅菠蘿包！兩個疊起嘅厚度😑💣伏點3: QQ應該係煙韌。番到屋企即食同焗番熱食都淨係食到韌，完全唔煙韌。🧈我同意聞係非常香牛油味，所以一路拎番屋企都好期待，點個一食真係非。常。失。望！😵‍💫可能我嗰日係特別差，但呢種扁嘅包我真係覺得係失敗之作，非常差，唔應該拎出黎賣，想繼續做大熱包店，食物質素真係要好好改善。🤢

星期六17/6行經諗住買黎食，見到店鋪門口已貼紙寫排隊要過對面馬路。問清楚後就過左對面排，結果一肚氣，職員叫等等再過去排，結果1位年輕女店員就照派俾企在門口後來的人，沒理過對面排隊的人。 反映完仲要話人地排先，真心想問店員你懂睇字？ 自己店鋪門口貼左紙甘樣都可以話人地沒排錯。 幸好有排緊隊的人出聲再跟收銀講，佢先收返派錯飛的人。 麻糬波波是好味😋 ，但如果店鋪職員肯一早安排點排隊及做野快D和講道理，排隊等候買真的沒問題！！

呢一間喺銅鑼灣大排長龍嘅菠蘿皮麻薯波波 最近見少咗人排隊 就即刻去咗試！一次過試咗幾款味 但最鍾意都係原味嘅菠蘿皮麻薯波波🤩完美地結合左港式嘅菠蘿包同埋麻薯波波 食落外皮香脆 內裏煙韌 真係好正！

呢一間喺銅鑼灣嘅麻薯波波 每一次都大排長龍～終於等到熱潮減退 所以就去左買嚟試下！個人最鍾意就係佢個原味菠蘿皮麻薯波波🤤菠蘿皮食落真係好香脆 牛油味好濃 甜甜地🧈麻薯波波好煙韌 夾埋一齊食 口感十足！

每次經過銅鑼灣都勁多人排隊，冇一日係見唔到人龍，真心好想知係咪咁好食，咁值得排隊，假日晏就3點幾去排，排咗大概40分鐘就買到，記得想買嘅要排隊拎籌，每人限買6個~是日限定口味每人限買一個，唔計6個裏面嘅。如果拎返屋企食，記得用焗爐焗返熱先食，個皮會脆啲熱啲，好食好多！🍴 菠蘿QQ $15 兩個 (8.5/10)一個麻薯波波都幾大，係平時嘅1.5-2倍size，食兩隻已經好飽肚🤣原味加菠蘿脆皮係上面，係平時食菠蘿包嗰層脆脆，外脆內軟，濕度啱啱好，唔會太硬太淋，麻薯好煙韌好軟糯，甜甜哋，甜度剛好，幾香口幾好食！🍴抹茶QQ $10 (7.5/10)抹茶味偏甜，食到有微微茶味微甘，但抹茶唔夠香濃，個味淨係係層脆皮度，個麻薯包係冇變嘅。🍴 伯爵茶QQ $10 (6/10)真係食唔到伯爵茶，淡到食唔到？😂甜甜哋咁！🍴 雪山檸檬忌廉芝士 $13 (8/10)唯一一個有餡嘅，忌廉芝士偏酸，好濃嘅檸檬味，麻薯面頭灑咗啲糖粉，但都中和唔到忌廉嘅酸XD忌廉芝士嘅芝士味唔算好出，但酸酸地幾開胃都幾好食嘅！推薦指數: 8/10覺得呢間麻薯波波真係幾好食，不過要排40分鐘就真係要諗諗啦，未到真係一定要去值得排隊

話說今日去咗銅鑼灣，因為好大雨嘅關係，同埋時間尚早，未見有太多人龍嘅情況之下，成功入去買咗三個菠蘿皮麻薯包，因為之前～各大foodie同埋雜誌都吹噓到好瘋狂，作為一個碳水狂嘅我，又點可以唔試吓呢🤣！.於是乎我入到去，直接問店員有咩味道，然後就包左三個現成有嘅味道喺度！.我嗌咗嘅口味包括：1. 抹茶2. 焙茶3. 原味.首先講一講個大細先，佢係比平時菠蘿包細啲嘅，加上啱啱出爐，個感覺都幾香。我返到屋企就急不及待咁食咗一個原味，佢嘅表皮同普通菠蘿包差唔多，但係比菠蘿包嘅表皮薄少少。.重點可能佢熱辣辣出爐，我返到屋企先開始食，所以佢已經壓扁咗，我再食落去嘅口感，麻薯唔係太突出，份量亦都唔算太多，佢只能夠講係一個菠蘿包入邊zip咗dd麻薯嘅變種菠蘿包。.其他味道我未食，原味嘅感覺就好普通，暫時未有感覺要特登去排隊買呢個麻薯菠蘿包。如果鍾意麻薯嘅，經開又可以買一兩個嚟食下囉。

為食貓前幾日去左銅鑼灣食拉麵，跟著離遠見到呢間麵包舖超多人排隊結果，為食貓都唔執輸，一於排下隊試吓佢d巨型麻薯波波係咪真係咁好食麻薯波波（後黎上op先知）James bonbon最出名係麻薯波波，而且佢係20分鐘出爐一次，非常新鮮熱辣當日為食貓排左幾個字，最後買左朱古力、菠蘿皮、伯爵茶味（抹茶賣哂）♥️而為食貓覺得菠蘿皮最好食好似食緊菠蘿包咁，而入面就非常煙靭🤩大大粒真係過癮過細粒既另外，朱古力都好重味，好濃😎但伯爵茶味就比較普通，不吃也罷不過……呢d即整既巨型波波最好真係即刻食，因為攞左返屋企已經開始林，即使焗返都已經唔係個種質感（呢個位要扣下分，因為疫情關係真係好難係條街食）

企鵝妹係名符其實嘅一個麵包控🍞，早排長期見到呢間店嘅菠蘿皮麻糬波波將ig 洗版，一直都好想試但每次經過都有海量人在排隊。有次落雨天，企鵝妹見人龍唔算太長，所以就排隊一試呢個名物 (最後都排左40分鐘😂)⭐️抹茶QQ 伯爵茶QQ 朱古力QQ $10/個 (5.5/10)當日只有呢3款供應，所以企鵝妹一次過買晒。佢係新鮮出爐即刻放入袋嘅，仲會打開個袋口防止水蒸氣整濕個包。買完後搵左個位，大概10分鐘後食，一拎出嚟就有d失望了😢因為個包扁塌左，完全唔係脹卜卜，所以第一下咬落感受唔到空氣感，有d似食緊壓扁咗嘅麻糬餅🙈菠蘿皮偏硬，唔太鬆脆，感覺好多菠蘿包嘅菠蘿皮做得比呢款好。味道方面，伯爵茶QQ個茶味近乎冇，反而食落有d似芝麻味合桃酥?! 抹茶茶味同樣欠缺🍵，而朱古力味比較有誠意，有d朱古力碎🍫，但亦都唔濃。唯一要讚嘅地方係麻糬甜甜地都真係幾煙韌嘅~🐧企鵝妹食後感:可能對佢有幾高期望，嗰日食到之後都幾失望，唔知係嗰日嘅品質問題定企鵝妹唔啱口味🙈佢唔係難食嘅，如果之後冇人排隊都可能再一試有冇改善到，但如果再要排隊就不了🫠🐧企鵝妹評價: 5.5/10