K2 Kitchen (已結業)

一入坐侍應就送左前菜，係雞肉鵝肝脆餅，唔好睇小佢細細粒，一口既size做前菜開胃最好，雞肉同鵝肝凍事先雪好左，再擺落餅乾上，雞肉凍食令肉嫩滑左，一凍一脆既口感令成餐飯開胃左。餐湯係野菌忌廉湯，湯用上大量野菌煮，每啖都食到粒粒既菌肉，再加上忌廉令湯變得更香滑馬來風味彩椒意大利飯、香煎鱸魚配松露薯蓉先講意大利飯，飯用上咖哩汁煮，每啖充滿椰香咖哩味，意大利飯煮得剛好，不會出現飯心不熟既情況。飯上鋪滿了芝士，可以幫飯加上足夠咸味，大蝦5、6隻，十分足料，蝦仁爽口彈牙，唔會好霉。配上三色椒食顏色又吸引，營養又高鱸魚用pan煎香再鋪上忌廉松露汁，魚皮香脆魚肉亦不會過老，肉質軟熟。鱸魚唔會好腥，想試下魚又怕腥既朋友可以試下。魚肉底下鋪左松露薯蓉，薯蓉撈左松露醬，有淡淡既松露香。值得一提的是餐廳重視擺碟，主菜都用心擺設過，如魚扒咋一邊會劃碟再擺上蔬菜，加添食客既視覺享受。

上網看到K2 kitchen 的 dish ，紅的、黃的、紫的，做得好靚。晚上就不到時間就中午來吃的 lunch 吧！預先訂桌，不到12pm已到達，成為第一個客人。 K2 已換上聖誕裝飾，很有氣氛。很喜歡這裡開揚的採光，整個餐廳很明亮！菜單有 A-H, 8個選擇，實有一款適合你。價錢由68-158, 已包法式小點、沙律或餐湯、主食、甜品和餐茶。非常實惠。我們今天都沒吃早餐，便叫了加拿大小牛排和烤羊架伴虎蝦。準備開懷大吃！先來法式蝦肉蛋撻，一口剛好！這裏的服務非常細心，店員經常替客人添水。每次餸菜上枱，亦細心介紹，值得一讚。照燒加拿大牛小排 108上枱就看到這裝飾得非常繽紛的伴菜。令人心情大好！主菜可以選擇有機糙米或炒雜菜，好健康。牛小排做得很嫩，有兩片，五成熟，外香內嫩。看到圖片相信你已垂涎三尺。烤羊扒伴虎蝦 158烤羊架，我選擇七成熟。喜歡又能接受的話，我推薦大家吃五成熟。七成有點兒保守，太熟呢。當然，相對來說，七成熟的話，羊腥味會較淡。三個羊架加兩隻虎蝦，值回票價。飯後有咖啡慕絲甜點，再喝一口熱咖啡，很滿足。這裏的確人氣高企，不到十五分鐘，已全場滿座，甚至要等位，聽到旁邊的客人都說

觀塘周圍都係工廠大廈，餐廳隨地可見。今次簡左間一直想食既西餐。入到去已滿佈聖誕節裝飾，環境寬闊舒適，我喜歡每張枱有一定距離，方便擺放食物外，仲岩哂傾計。餐牌上絕大部分都想食，未食已流口水。平時上湯前都係上麵包，今次係上撻，作為餐前小食都幾好，香口鬆化。🥄肉桂南瓜湯餐湯分量不少，質感濃厚，南瓜味道濃郁，而且仲有啖啖肉桂味。🍴照燒加拿大牛小排 $108  配有機糙米飯一上碟十分吸睛，兩塊厚切安格斯肉眼堆砌一齊，燒得好香，分量多。外層香口，內裡充滿肉汁，牛味都幾濃郁，可以叫店員加少少芥抺醬，但本身伴碟都有三款醬料：南瓜、青豆、紫薯蓉，賣相精緻，色、味俱全。🍴烤羊扒伴虎蝦 $158 配蔬菜虎蝦大隻，食落爽口彈牙，好易就可以將佢殻肉分離。羊扒有3塊，肉質豐厚夠嫩，燒得好香之餘，亦食唔到羊羶味。伴碟同樣好靚，吸睛萬分。蔬菜有西蘭花、翠肉瓜、粟米仔，岩哂想健康D既打工仔們。🍰咖啡慕絲口感鬆軟，散發淡淡咖啡味，且分量剛好，唔會漏。整體伴碟做得細心，睇得出廚師的用心。視覺、味覺好之外，服務好貼心，亦好有禮貌，媽都大讚態度好。

環境寧靜，到中午雖然滿座但仍然好有氣氛。整體性價比超高，平民價錢，高享受。我習慣咗叫set 㗎喇，因為你會發現叫set係抵好多。前菜餐湯小食唔錯。呢個廚師湯真係好足料，酸酸地好開胃，入面有好多蔬菜，好健康。小食外脆內更鬆化，同吞拿魚好夾味。無耐就黎左😍⋯ 焗三文魚龍利柳。入面有夾住三文魚，份量都唔少。你睇佢得2舊以為唔夠飽就錯。 食完呢個碟同蔬菜，我就黎飽到食唔落甜品。唔會好熱，溫度暖暖的剛剛好。魚幾新鮮唔老， 龍利柳同三文魚煮得啱啱好，唔會太林又唔會煮到過龍變硬咁。整體又唔會太鹹，全部都啱啱好。超級正🤓建議叫蔬菜，尤其蘿蔔煮得好出色。成碗都好味。檸蜜，有3-4片檸檬，而且係菜蜜，正。甜品都正。

第二次同朋友仔到 k2 kitchen。在觀塘午餐必需12點前到, 一遲就有排等... 所以今次12點就到了。 門口 室內 檯面 每次到來都必有麵包條, 其實幾好食, 又脆身。 仲有餐前小食, 士多啤梨+芝士+餅乾, 一人一口, 少少酸酸甜甜, 芝士又唔太濃味, 餅乾咸脆。 餐湯 : 忌廉磨菇湯, 每一口都是磨菇肉, 淡淡的磨菇香, 味道不會太濃郁, 可多飲兩碗。 主菜 : 香煎澳洲肉眼扒配黑椒汁, 廚師有心機, 伴碟有不同味道的醬汁、果蓉、薯泥, 除了肉味之外, 更可以混合其他的醬汁、果蓉、薯泥, 增加、甚至提升了味道。 真的做到了5成熟, , 依然有肉汁。 油封鴨脾, 車厘子汁, 朋友話鴨脾肉汁豐富, 不會過份油膩, 同車厘子汁配合得宜。 北海道牛乳浸豬柳, 朋友話喜出望外, 有豐富的牛乳味, 肉質鬆軟, 入口即溶。 香煎美國極黑豬肉眼(8安士)配意大利黑醋, 忘了問朋友的食後感, 但眼見8安士真的肥大肉厚。 附送蒜蓉什菜, 每一種蔬菜都清新爽口, 適合點上主菜的醬汁一同進食。 附送甜品 : 香橙朱古力蛋糕而且每一個都有唔同的朱古力漿同果漿做裝飾, 甜品

今日約左朋友食飯，佢話帶我食好西"去商廈"，(心諗:超去商廈咪又係CAFE Shop...)去到先知原來商廈都有咁靚既西餐廳，因為閒日人唔多，邊食邊傾計一流。進入食物環節!我地叫左一個set dinner同一份意大利黑松露飯Set dinner前菜:烤菠蘿西班牙辣風腸沙津伴意大利黑醋，面頭少少白色既分子泡沫口感好似食有味既空氣咁好得意!餐湯:帶子海膽湯不過不失黑豚豬鞍:口感好好，唔會太乾，肉汁重鎖住係塊板到好Juicy，唔洗點醬都好好味!另外我地叫左個黑松露意大利飯，黑松露既香加埋芝士既一齊衝擊味蕾真好正甜品:青蘋果味慕絲蛋糕一定係相機食先!!!師傅真係畫得好比心機好靚靚!!商廈都係咁水準真係好意外，有機一定要再黎

朋友介紹<K2 Kitchen>俾我，一於帶老婆去食，地鐵站行過去大約5分鐘左右，非常方便環境都算唔錯，晚餐套餐價錢都唔貴，二百幾蚊起，各點左一個main course，再加$48轉套餐，包左頭盤、餐湯、甜品、咖啡/茶帶子海膽湯比較少見，口感幼滑，帶子鮮甜，海膽味又唔會太搶主菜點左豬同牛，鹿兒島有骨黑豚豬鞍伴楓糖芥未籽、青蘋果茸由鹿兒島直接送港，又厚又大一塊，肉質幼嫩多汁，仲有餐廳自家制的芥未籽青蘋果茸醬，清新又開胃厚切美國黑安格斯肉眼牛味濃郁，老婆知我唁食太生所以點左七成熟，塊肉好厚身，點埋燒汁、芥抺醬更惹味最後的甜品是檸檬慕絲，賣相有心思，唔會好甜，淡淡的檸檬味~呢餐晚飯非常滿意

最近發現觀塘區愈來愈多隱藏美食，呢晚用老公去左位於冠力工業大廈的西餐廳<K2 Kitchen>，由地鐵站行過去大約5-8分鐘，非常方便~<K2 Kitchen>西餐以及Fusion菜式為主，環境寬闊舒適，set dinner價錢由HK$200起，價錢合理~我同老公各點左一個main course，之後可以加HK$48轉套餐，包括有頭盤、餐湯、甜品、咖啡/茶~湯就點左<帶子海膽湯>，平時西餐廳好少有海膽湯，口感好creamy，帶子鮮甜嫩滑，淡淡的海膽味，令整個湯更鮮味~我地見隔離台的<低溫慢煮三文魚> HK$108好吸引，我地都忍不住點左份~上台時散發白煙，好夢幻，三文魚用慢煮的煮法，肉質嫩滑，配埋旁邊的黑蒜醬更鮮味~main course點左一豬一牛，<鹿兒島有骨黑豚豬鞍伴楓糖芥未籽、青蘋果茸>HK$210由鹿兒島直接送來，超大一塊，非常厚身，肉質比一般豬扒幼嫩，咬落多肉汁好juicy，豬味香濃，配上餐廳自家制的芥未籽青蘋果茸醬，令口感非常清新開胃~ <厚切美國黑安格斯肉眼>HK$188肉七

變幻原是永恆。當得悉這裡餐牌的套餐轉換了配搭亦應作如是觀。只是，一直很想把那記憶中的味道記錄下來，偶爾回味一下總算聊勝於無。還記得當晚與佳人撐枱腳，Set Dinner頭盤是Homemade巴馬火腿豬手凍批。口感和外形都令人想起水晶肴肉，豬手肉嫩滑不帶筋，加上豬手本身的膠質，食完感覺幾清新。接著的鮮蟹肉粟米茸湯勝在煮得夠濃，啖啖鮮味，又是我很喜愛。主菜是鹿兒島有骨黑豚豬鞍伴楓糖芥末籽，青蘋果茸。厚切不在話下，肉質軟腍且很juicy，感覺似一道慢煮菜式。搭配楓糖芥末籽雖不至提鮮，卻巧妙地解膩，頃刻連帶罪咎感也暫且消除，令人更盡情享受眼前美食。甜品是我喜愛的心太軟。坦白說，望見碟上士多啤梨醬所拉出的花紋已教人心花怒放，更何況有愛人相伴分享香濃的心太軟，甜入心的感覺非筆墨可形容…….

K2 這家餐廳我去年的聖誕節來過，所以已經差不多已經有一年了，今天又是跟同事去 explore 觀塘 cafe 的時間，他們都沒來過所以說要來試一試。去年感覺已經很不錯，這次的經驗讓我覺得他們東西有更新，也有改良，所以是比之前更好哦！ 餐廳一如既往的環境舒服，有空間感，就是 decoration 沒有之前的聖誕裝飾，可能是因為現在是十一月還早，估計要到十二月中才有哦！ 食物方面我們四個人點四個不同的午餐 set，這樣就可以試試不同的食物啦！ 他們家在食物方面比一般的 cafe 有點不一樣，無論是頭盤，湯，主食，甜品都有設計和藝術的概念，讓人覺得 吃要好吃，看也要好看，不多羅嗦 有圖喲真相！ 估計頭盤應該是天天不同的，今天這個是 strawberry 加 cheese 加 餅乾，這樣小小的頭盤不會讓你很飽，同時也可以暫時果腹，味道也不是重口味，所以很適合！ 這個可以選沙律或湯，我們都選了湯，而今天的湯是 蘑菇湯！ 裡面這的是蘑菇打碎，喝的時候蘑菇打碎後的每一小顆粒我都感覺得到，所以很足料！！！！ 但是呢味道稍微重了一點點，還是個人口味啦，我同事覺得味道剛剛好，總結就是不錯啦～ 這是我的選

今天叫了個油鴨肶餐, 跟了餐湯 (蘑菇湯)蘑菇湯很足材料, 啖啖蘑菇肉, 很美味, 不過稍咸了一點。油封鴨肶 ok, 碟上有1.5隻脾.....完全不油, 不算太乾, 如果皮可以再煎香D, 肉汁再多D, 會比較好。甜品很用心的畫了朵小花, 忍不住拍了照.跟餐coffee, 味道也不錯。餐另跟白飯或菜, 很夠飽。

其實我之前食過呢間餐廳之後對佢念念不忘，雖然係工廈，但其實apm 行過黎都好方便，食物質素高，而且環境好岩傾計，今晚我又特登過黎食😂 今日我同朋友揀左個set dinner 同埋另一個就散叫Set dinner: 烤鹿兒島黑豚豬鞍伴楓糖芥末籽 配青蘋果茸餐湯方面我依舊叫咗個帶子海膽湯，好好飲😋😋烤菠蘿西班牙辣風腸沙律伴意大利黑醋，面頭有啲白色泡沫好特別好fresh 好開胃，不過辣風腸有少少乾身，不過賣相真係幾好👍🏻👍🏻主菜：黑豚豬鞍，煎得岩岩好👍🏻煎得好香，唔會太乾，而且都幾juicy，就咁食好香，如果點埋楓糖芥末籽就甜甜地，呢個主食睇得又食得朋友就散叫order 咗個輕煎黑松露意大利飯，一放係已經香噴噴既黑松露味，試食左幾啖飯，好creamy甜品方面，好靚呀真係！畫得好靚！青蘋果味慕絲蛋糕，好fresh！總結：呢間餐廳除左食物質素高之餘，賣相都100分！每項食物都睇得出好比心機！

一直對超多正評，但冇乜負評既餐廳，抱有懷疑既態度。但今日一試，終於明白，有實力原來唔需怕人懷疑。首先，一坐下，會奉上小食和餐包。小食係酥皮底，上面有黑松露珍珠帶子，食落口有好香既黑松露味，不過portion太少，食原好似冇食過咁。餐湯係磨菇湯，好足料，D蘑菇打溶曬落湯到，每口都有好香菇味。主菜既酥皮魚，皮好薄，魚又好滑，上碟又畫埋花，真係睇到已經令人好開心。最後，仲有迷你蛋糕和咖啡。食足五個course,$100唔駛，終於明白點解咁多正評了。

Beware that all foods are overcooked! The so-called “Boston lobsters” was as dry as rubber erasers. Even the oyster of the appetizer was totally dried up and tasted more like dried oysters (蠔豉). The Australian Wagyu was 100% cooked while my instruction was medium. Pasta & Risotto were served on a nice looking plate with a capacity of a small rice bowl. Finally, after all the tortures the best dish of the day was served: a tiny dessert cheese cake with beverages. Very unsatisfied with the bill be

之前食過一次食物水準都ok!前一天訂了呢間餐廳6位慶祝生日，餐廳到我訂了前幾個鐘先打來話已經full booking,起初問我去2/f好唔好，點知轉頭就話2/都full,真係火都黎！咁嘅服務叫人點樣再訂位，訂完都係無咁訂黎做乜！