Kebab Bistro

营业中

休息中

好耐都冇食過土耳其食物，今日放工經過K11，見到附近有土耳其小店，烤爐上邊仲放咗厚厚嘅雞肉轉轉圈，令人食慾大增☺️土耳其小店主要做外賣，亦都有幾張枱係做堂食，餐牌比較簡單~ 主要係轉轉燒肉卡巴卷丶燒肉飯，薄餅等等我就叫咗轉轉燒雞肉卷🫔，同埋燒羊肉薄餅🍕燒羊肉薄餅即叫即做，店員將極多芝士，羊肉，同埋青椒紅椒放上，再配上特製醬汁，焗上大概幾分鐘就搞掂，顏色非常鮮艷！🤩羊肉落得夠多非常惹味，不喜歡吃羊肉的人也可試吓！串串燒雞肉卷用錫紙包住，餡料非常飽滿，內裏有蕃茄 、生菜🥬、雞肉、等等，醬汁帶有少少辣，餅皮夠薄，配上燒好嘅雞肉，口感十足！非常飽肚嘅一個晚餐🥣

# #尖沙咀 kebabbistro.hk🛍約咗朋友去 Sogo Shopping, 再行去 K11附近搭車走, 途經一間土耳其烤肉 Kebab 店, 餐廳顏色亮麗, 好搶眼! 因落雨關係本想堂食, 因餐廳外有數張小枱, 但突然停雨, 就變成買外賣返屋企再慢慢嘆吧! 🐑一般土耳其烤肉的肉片都有羊肉、牛肉或雞肉! 最正宗及普遍的方法是把一片片的瘦肉片插在一垂直的串上，放在紅外線爐邊炙烤, 再一片片把肉割下! 🐥轉轉燒雞肉配脆脆薯條 $70 ~薯條即叫即炸, 新鮮香脆! 雞肉滿滿的, 香料味濃郁唔會過咸, 微微焦香, 肉質嫩滑又 Juicy! 沙律亦是即叫即撈, 不會水汪汪, 讚! 🐑轉轉燒羊肉配飯及沙律 $98 ~ 羊肉保留應有的羊羶味, 份量超多, 肉質細緻嫩滑, 飯亦不只是普通白飯, 好鬆軟好香口! 🌰什錦果仁千層酥 $28/2pcs ~ 又酥又甜, 果仁滿滿! 配埋一杯土耳其茶, 剛剛好可以當茶點食! 👍性價比極高, 我真係好喜愛土耳其旋轉烤肉! 📍餐廳： Kebab Bistro📢地址:尖沙咀麼地道16號半島大廈地下2號舖

依家夏天咁熱，成日都口淡淡，想食重口味嘅，刺激下味蕾同胃口！..尖沙咀真係有好多中東餐廳，除咗重慶大廈，佢附近都有好多。見到喺K11對面地下有間新開嘅中東外賣小店，價錢唔算貴 幾經濟，又試吓先~..店員都係外籍人士，所以要用英文落單，不過唔使怕 餐牌係有中文嘅。..轉轉燒羊肉卷 ($88) : 超多醬汁，羊肉唔騷唔柴，配菜亦好多，唔會油膩。..辣肉腸野菌香脆薄餅 (9” $110) : 係偏薄底嘅，不過唔係意大利最薄嗰種，味道都係好中東feel。..IG @kebabbistro.hk

Kebab Bistro地址: 尖沙咀麼地道16號半島大廈地下2號舖有一間相當搶眼嘅傳統土耳其外賣小店，未行到餐廳門口就已經聞到好香嘅烤肉味🤤，吸引咗我行咗入去試試😎轉轉燒羊肉卷 🐑🌯$88土耳其當然要食最出名嘅轉轉燒羊肉啦😉，即點即切即包羊肉Kebab非常正宗，而且羊肉份量超大份肉質鮮嫩仲有陣少少羊騷味添，真係好有肉汁㗎😍🥰。羊肉Kebab皮好柔軟但又唔會薄到一食就流晒汁爛晒再加上生菜連土耳其傳統嘅醃料一齊食，散發濃郁嘅香味，味道口感真係好夾🥳！CP好高👍！燒雞肉pizza 🐔🍕$98即叫即整pizza配料好豐富呀😆一啲都唔吝嗇，pizza邊焗得蓬鬆香脆，而且仲有滿滿既芝士同雞肉鋪起pizza面添🤩，再配土耳其傳統嘅醃料一齊食，真係一流👍🏻#nicefoodie尖沙咀-----------------#food #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover #foodporn #delicious #dinner 

尖沙咀上班族午餐有新選擇了✨️不用再是千遍一律的飯麵意粉，最近經過麼地道發現了一家新開的正宗土耳其Kebab店，附近就是清真寺，相信對出品很有信心，而我在等候餐點時也有不少外籍人士來購買，顯然已經建立好一定客路👨‍🦳店面以黃色為主🟨十分搶眼，後面有兩根棒棒一邊轉一邊炸著香氣十足的肉肉🥓餐單設計簡潔易明，有燒雞肉、燒羊肉、中東炸鷹嘴豆餅和羊肉丸配上不同的主食，有卡巴卷、飯、沙律和薯條，當然單吃肉更加惹味， 一隻大燒雞也只是賣＄１４８，可以收工後買回家加餸也是好選擇🍗🌯轉轉燒雞肉卷 $68 7/10來到當然要一試卡巴卷，下單後一位店員先鋪好卷餅和蕃茄生菜等配料，另一位大廚就即切熱辣辣的烤肉，捲好後會再在烤盤加熱餅皮和壓實材料，橫切面看得出入面滿瀉的材料☺️入口香料味不會太搶眼，配菜發揮了清爽作用，餅皮有點嚼口，如手臂般長的卡巴卷飽足感也十足🥗中東炸鷹嘴豆餅沙律 $65 7.5/10第一次品嘗這款傳純的中東素食餐點🧆將鷹嘴豆泥混入洋蔥和香料，經過油炸後外面脆口，但入面仍有點水份所以口感鬆軟，入口有點微辣易上癮，泥蓉不算太細碎，仍有點咬口，在沙律中可以起到轉換口味作用，感覺較健康😋🥧什錦果仁千層酥

吃肉人士來吃這間一定會很滿足，這個整個就是大滿足，雖然主要是作外賣的，但還是有幾個堂吃的位置的，現做現吃的話，味道應該更好！轉轉燒雞肉野菌薄餅（１４０元）薄餅是現場即叫即烤的，而且下的料真的不手軟，鋪滿整個薄餅，吃起來真的是滿滿的料！燒雞肉在肉架上現切下來的，然後會在鐵板上再煎香一下，還可以加辣椒一起去煎，吃起來更惹味。另外芝士下的量也挺多，拿起薄餅會有拉絲的，很讚！轉轉燒羊肉卷（８８元）這個也是現做的，而且肉的份量真的不是一般的多，滿滿的一大堆羊肉，而且也是有被煎香的，而且還會加上三款特色醬汁，吃起來多了份滑滑多汁的口感，而且醬汁是帶點辣的，配上燒烤風味十足的羊肉，還有爽脆的沙拉和經過烘香的餅皮，吃起來真的是一大滿足！

TST中東菜外賣小店✨Kebab Bistro性價比超高😍超推薦佢哋嘅烤雞🤩$148 only 超好食勁JUICY💕一撕開肉汁係咁滴✨用空氣炸鍋240℃焗熱2分鐘皮脆肉嫩🤤欣賞佢哋嘅醃料唔會好咸同時又做得超惹味 雞胸位都唔會鞋買嗰陣店員會用錫紙包好 返到去仲有啲熱🥰.另外見到有土耳其宮廷甜品什錦果仁千層酥 $28/ 2pcs比我想像中細件😂一啖一個店員話可以凍或者熱食我返去光波爐焗熱咗 千層酥脆💕咬落去成口都係蜂蜜🫣味道偏甜🤣食完比較膩下次試吓佢哋都好出色嘅卷餅🤤

偷懶人妻又上線🤡係K11 Artmall隔離發現新開嘅小店，有我至愛嘅Kebab買，梗係要掃反兩個Kebab做晚餐🌟Lahmacun 9” $138老公係大食積，我怕佢得一個Kebab食唔飽，所以就叫多個Pizza塞飽佢🤪賣相好Colourful ，批底係薄脆嘅口感，每一啖都食到餡料（燒羊肉、彩椒、洋蔥）🌟Lamb Doner Kebab $88每次食Kebab一定係揀羊肉，唔計羊腩煲，香港好少食到好食嘅羊肉親眼見住店員戴手套製作，原來會比勁多羊肉，我仲擔心佢卷唔卷得埋😆用料好足🌟 Chicken Doner Kebab $68原來雞肉口味都唔比羊肉差，生菜絲、洋蔥絲、再配上3種醬汁（mint sauce,garlic sauce ,hot chili sauce )大概我哋好少食雞肉口味，2公婆一致覺得雞肉kebab更好味總結🌸地點就腳，堂食外賣🥡都得，性價比高幾抵食

對土耳其菜的認識來自於十年的一次土耳其旅行。回教國家唔食豬肉，所以以牛羊雞為主，羊其實又不好取得，牛肉又怕烤太老，所以係土耳其大部分時間都食雞肉。今日收工經過K11，已經係不遠處聞到好香嘅土耳其烤肉味，實在按捺不住沿住香氣找下去，終於揾到Kebab Bistro @ kebabbistro.hk 呢間新開嘅外賣小店。💎 土耳其香草嫩滑卡巴燒雞(原隻 1.6kg)$148燒雞即叫即燒，雞肉經過優格和香料的浸漬，肉質一點都不乾柴。雞燒好後加上土耳其醬汁及配菜香口非常。💎 土耳其轉轉燒雞肉卷 $68一張薄薄的餅皮卷上烤好的醃肉以及多樣的蔬菜，咬上一口軟糯的餅皮和脆香肥美的烤肉，微辣，口感惹味。人均消費💰 ： ＄ 108總結✍ ： 即叫即制，新鮮惹味。

尖沙咀K11對面新開了土耳其烤肉卡巴卷Kebab。話說它裝修時我已好奇它會做什麼生意，到揭曉是Kebab時，感到相當興奮，因我是正宗Kebab迷。Kebab價廉物美，有肉有菜，無論是作主菜還是小食都適合。這間新開的小店雖以外賣為主，但也有幾張小枱供人坐下。我今次就買了外賣。轉轉燒羊肉卷相比其它卡巴店，這間的羊肉份量相當多，加上蔬菜和醬汁，好味又飽肚。此外，餅皮很柔軟，當我回到家食用時並無翻熱，也不覺硬或韌。中東炸鷹嘴豆餅沙律炸鷹嘴豆餅又名中東蔬菜球，是中東一帶的菜色，用鷹嘴豆泥加蒜蓉、洋蔥、香料等，壓成餅狀後油炸，外酥脆內綿密的口感，味道鹹香，營養豐富，好美味！其實我只想買鷹嘴豆餅作小食，但餐牌沒有，反而有沙律。沙律菜是生菜、紅蘿蔔絲、青瓜片和番茄等，加了油醋醬，酸咪咪的。什錦果仁千層酥餐牌介紹是「土耳其宮廷第一甜品」，當然要試下。的確很香很可口，上層又鬆又脆，下層柔軟香濃，中間夾著香脆的果仁──只是非常甜，雖然已有了心理準備。熱奶茶$18一大杯，奶味重，有與別不同的香料味，甜度適中。

本身我都幾鍾意食捲餅，但自從男友生日同佢去左愉景灣staycation試過一間土耳其捲餅之後我就更加愛上😍上星期食左個完全唔香唔好食既土耳其捲餅完全滿足唔到我😤 今晚經過尖沙咀見到呢間小店有正宗既轉轉捲即刻忍唔住試下😆❤️轉轉燒雞肉卷 (評分: 4.5/5)💰6️⃣8️⃣落單後店員即刻喺旋轉烤架上面切啲肉落黎包，捲好之後再連錫紙烘熱佢，新鮮熱辣！😚雞肉充滿香料同烤肉嘅香味，好好食！😋加埋啲🍅🥬同醬汁，味道清爽👍(佢有四款唔同既醬，食到最後我呢個醬汁怪嫌唔夠喉就問店員借醬🤣 最左邊果支最辣，最右邊微辣，薄荷汁就比較清新😁)❤️轉轉燒雞肉配脆脆薯條 (評分: 4.5/5)💰7️⃣0️⃣呢個薯條又係落完單之後見到店員即刻炸😍 非常香脆仲要完全唔油膩！💯今次呢個雞肉有煎熱過所以更加香口，肉質嫩滑juicy🤤店員仲送左兩個湯俾我地🙊佢話係每日唔同，今日係蔬菜湯🍅🥦🧅飲落感覺幾飽肚同時又幾清新😎服務一流又好食，非常值得encore！😎😍🤤

尖沙咀 - kebab Bistro話說有一日等巴士嘅時候，一直聞到好香嘅印度食物味道，原來係前面等車嘅中東國家嘅人拎住外賣番屋企食，究竟係咩美食驅使由九龍區拎去新界區，於是為食嘅小編膽粗粗之下問一問，原來係新開嘅士耳其菜😋😋於是小編有日同朋友仔放工後尋找，鮮黃色光猛嘅招牌就如漆黑中一點光芒，兩大個轉轉烤雞同烤羊架十分吸睛🤩轉轉烤雞肉加脆脆薯條（🌟95.33/100）💲70又有故事發生！原本想食kebab但又想食薯條，於是我哋叫咗呢個set，店員裝盒嘅時候先發覺原來我哋叫錯咗😂即刻用有限嘅英文同番店員講，最後薯條吾需要加錢畀我哋食😍 曲形粗薯條係即叫即炸嘅，沿途都聞到好香薯條味道，食落外脆內軟🤤kebab皮先用機烤熱，內有生菜、生紫洋蔥、雞肉等等，口感好豐富，醬汁辣辣哋，好惹味，一條大大卷兩個人share 當宵夜食啱啱好⚠️但要小心醬汁好多，朋友仔一路食一路滴🤣🤣🤣

土耳其菜一向係我最鍾意嘅菜式之一，難得見到正宗土耳其菜，價錢幾抵，當然要試吓。轉轉燒羊肉配飯及沙律土耳其最出名嘅轉轉燒羊肉，睇住一大串嘅羊肉片，係個烤爐度轉下轉下，主廚再用刀將肉片削落嚟，咁樣可以令烤肉受熱更均勻，並保住肉汁，加上土耳其傳統嘅醃料，散發濃郁嘅香味，而羊肉依然羶味十足肉質鮮嫩！轉轉燒羊肉卷主廚即時製作，薄餅上先鋪滿蔬菜🥬，如:生菜蕃茄、洋蔥，唧上特製醬汁，最後加入巨量羊肉，然後仲幫我烘熱，貼心問要唔要切開一半。返到屋企食，仲係暖粒粒，一咬落去好有滿足感，因為啲口感好豐富！廚師話有時會送出雞湯，要睇下個日好吾好彩！雞湯要趁熱飲，涷咗會有層油浮上面啊！

今日落左黎尖沙咀睇完physio，回程途中見到呢間土耳其餐廳，於是就買啲外賣返去加餸。望到呢個轉肉串一層層肉轉下轉下咁，緊係要叫Kebab 啦！跟住仲叫左隻燒雞。打開外賣包裝後，香草嫩滑卡巴燒雞真係好大隻，賣相吸引，肉質鮮嫩帶肉汁，而且有兩種醬汁用來點雞食，真係性價比高。轉轉燒羊肉卷內裡材料飽滿，羊肉同配菜都塞得滿滿，卷嘅外皮香脆，每啖都係滿足感，充滿風味。去唔到土耳其旅行，食呢間嘅野黎過下旅行癮都唔錯。整體上餐廳食物都係唔錯，而且位置係K11對面又近尖東站確實好方便同就腳，值得再黎幫襯。

今日特登去K11行街起N4出口附近見到岩岩新開一間kebab平時我都好鍾意食kebab貪佢平靚正，又好味燒雞肉pizza即叫即整，望住佢起你面前整😆配料好豐富呀一D都唔吝嗇滿滿既芝士鋪起pizza面岩岩出爐仲要識拉絲pizza邊香脆點埋佢比既醬汁食，真係一流👍🏻轉轉燒雞肉卷餅皮柔軟煙靭包住生菜、洋蔥、同埋蕃茄加埋即切既燒雞肉一啖過，口感豐富味道層次感一流👍🏻如果有經過K11,不妨黎呢到買外賣返屋企試下kebab 拎到返屋企仲係熱辣辣ga因為佢有用錫紙幫你保溫真係值得一讚👍🏻