KIN麵 (已結業)

話人蔘雞白湯，完全冇味，個湯好似落雞粉溝出嚟咁樣，叉燒係幾好味嘅，但係出嚟個樣同張相嗰個樣真係差好遠。朋友有食咗海鮮味個面，同樣難食，食咗幾啖就放棄啦我唔會再返嚟啦。$88 真係唔扺

中環街市一向好多食店選擇 今日就嚟同同事食碗麵炒麵湯麵都有得揀麻辣雞軟骨雞肉抄手配擔擔波浪麵 HK$78抄手好好食外皮好薄 入面係滿滿嘅餡雞肉+軟骨 脆脆哋 口感幾豐富 再加埋麻辣汁 好惹味檳城潮州炒粿條 HK$78炒得幾濃郁幾惹味 而且好多配料仲有好多片臘腸!!!令到粿條充滿住油香韓式人參走地雞湯叉燒麵 HK$88雞湯好香 飲落都幾清甜本地蜂蜜和走地雞蛋撻 HK$9用咗本地走地雞農場嘅新鮮雞蛋 再加埋蜂蜜又真係同平時食開嘅有啲唔同少少題外話食物容器係農業副產品 由小麥加工而成 100% 可生物降解 減少環境污染之後將食物容器退還回收可以有小獎勵 為環保作出貢獻

中環街市之中，有一間以環保為噱頭台灣麵食，等大家可以支持環保又食得開心KIN 麵有唔少面食，當中個人覺得最好食嘅係檳城潮州炒粿條($78)，佢辣辣地，混合左魚露和醬油，令粿條嘅味道十分惹味，個人覺得呢一個係必試的🥰🥰🥰另外我地仲食左:麻辣雞軟骨雞肉抄手配擔擔波浪麵 （$78）面嘅份量比較少，但係佢嘅餃子非常之多汁。台灣有機牛肉麵（$88）台灣品牌嘅牛肉麵配上有機嘅牛肉，鍾意有機食品嘅話就啱晒你😋本地蜂蜜和走地雞蛋撻($9)，勁有特色，佢唔似一般嘅蛋撻，而係比較濕身，食落幾似蛋糕，或者其他甜點多啲，佢好多蜜糖，食落去甜甜地又幾好食另外KIN 麵為外賣提供100%循環包裝，食物容器以小麥加工而成， 可生物降解以減少環境污染。再加上你只要還返個外賣餐盒，就可以儲積分換取小禮物。各位環保人士，記得要去支持吓😎

去中環整眼睫毛，跟住就約埋朋友喺附近食飯，見到中環街市全新裝修 入面好多唔同美食，我哋就揀左「KIN 麵」，由KIN廚師團隊精心搜羅的亞洲食譜，以新鮮食材炮製各款熱騰騰的經典亞洲麵食，實在好多都想食，所以我哋就嗌咗幾款share食，每款麵點均贈送茗茶一杯。蝦籽花膠撈麵 蝦仔好香，花膠煙韌，仲有香菇，全蛋麵條 爽口彈牙，配以濃郁的自家醬汁，美味非常。檳城潮州炒粿條 檳城潮州炒粿條有D似河粉檳城潮州炒粿條混合了地道魚露和醬，配上味道濃郁的豬油， 有啲似河粉，但係更香口，最大特色是加入了馬來西亞辣椒醬，以猛火快炒粿條，夠晌鑊氣，辛香嗆辣的味道，令人食唔停口。韓式辣海鮮湯麵以韓國辣椒醬、自家製調味醬料、洋葱和大蔥，配上幾款海鮮一起以大火炒煮而成，味道好濃沃，海鮮夠鮮味，麵條好煙韌，又有咬口，配搭很好。麻辣雞軟骨雞肉抄手配擔擔波浪麵 麻辣、多汁、富有堅果風的麵條，又香又滑又惹味，紅油抄手以鮮嫩多汁的雞髀肉配上爽脆雞軟骨作為餡料，秘制四川擔擔醬，配搭特別。本地蜂蜜和走地雞蛋撻 選用香港本地走地雞農場出產的新鮮雞蛋，蛋漿加入地道蜂蜜製成，100% 原產自香港，特別香甜。KIN 麵的堂食和外賣餐盒為農

今日約咗個好耐冇見嘅朋友食Lunch特登揀咗近排喺中環街市好hit嘅pop up store KIN麵黎試下～認識KIN麵係因為佢係太古坊 KIN Food Halls 旗下嘅全新品牌今次呢個pop up store嚴選咗多款嚟自業界精英餐廳品牌同經典亞洲風味麵食好正咁呀！我同朋友都鍾意食麵當然唔可以錯過今次就叫左兩款麵黎自新派麵館Dam:a Noodle Bar 嘅韓式人蔘走地雞湯叉燒麵用上傳統韓式人蔘雞湯嘅烹調方法加埋用走地雞取代豬肉做叉燒味道好有驚喜！雞肉味濃而且無豬肉咁鞋口👍另一款Nero Kitchen嘅蝦籽花膠撈麵用左全蛋麵條非常彈牙撈埋烘香咗嘅蝦籽、花膠同埋香菇一齊食傳統得黎又創新我哋仲叫咗個蛋撻做甜品蛋漿係用本地走地雞農場出產嘅新鮮雞蛋加入本地蜂蜜製成成件事非常香港🇭🇰👍另外值得一提嘅係KIN 麵嘅食物容器都係環保物料用小麥加工而成100% biodegradable即使用外賣餐盒個罪惡感都即刻減半😂職員仲提醒我地外賣之後如果將食物容器退還回收就可以有一個e-stamp隻齊12個e-stamp就可以換一碗麵～一班同事叫外賣就隨時free一碗抵食又環保值得支持！

今次朋友約我黎中環街市的「Kin麵」食飯，因為這家餐廳新開張，而食材都是外國貨，食品用心製作，講到我食指大動，決定要嚐一嚐。另外佢哋用小麥加工製作承載食物嘅盒，又是可分解物料，非常環保♻️為地球出一分力啊！真係要支持一下💪🏻蝦子花膠撈麵勁多蝦子鋪面，撈勻先食，蝦子好香，花膠好淋，麵我會加少少湯撈勻黎食，冇咁乾，麵質煙靭，整體好食😋韓式辣海鮮湯麵麵是自家製，軟度適中又彈牙，海鮮好味，辛辣味好夠，惹味😋蛋撻用蜜糖混和走地雞的雞蛋，配搭非常新鮮，鬆化好食。雞肉雞軟骨餃子新推出嘅雞肉餃子，皮薄餡靚，味道也非常好，麵條軟硬適中。

我之前已經去過鰂魚涌分店。最近知道品牌喺中環街市開咗pop-up store，正好去中環洗牙，於是同朋友相約去試吓。分店是全港第一間為外賣提供100%循環包裝的麵店，食物容器都係以農業副產品——小麥加工而成，完全可生物降解，並可以減少環境污染。為鼓勵客人同為環保作出貢獻。外賣用餐後客人可將食物容器退還麵店回收，並可獲得小獎勵，一齊支持環保。<麻辣雞軟骨雞肉抄手配擔擔波浪麵> $78共有4隻紅油抄手，餡料有鮮嫩既雞髀肉同埋爽脆雞軟骨，抄手食落微甜，麵條似刀削麵，波浪形麵條煙韌彈牙，秘制四川擔擔醬椒麻多汁，並有堅果做點綴。<韓式人參走地雞湯叉燒麵> $88呢碗麵用咗傳統韓式人參雞湯烹調方法，雞湯入口清甜，但又用咗港式既雞叉燒、大葱、溏心蛋等配料，叉燒肉質嫩滑，溏心蛋帶軟嫩口感，幼身麵條軟硬適中，味道不止美味，而且相當滋補，幾好食。<蝦籽花膠撈麵> $88撈麵喺全蛋麵條，配料為烘香過嘅蝦籽同埋花膠及香菇，味道香濃，加埋高湯熬製而成的自家醬汁，令到麵條變得柔軟爽口，更索哂自家醬汁精華，充滿鮮味。<本地蜂蜜和走地雞蛋撻> $9最鍾意

位於中環街市地下既KIN麵，用唔洗一百蚊就食到優質既美食。KIN係一個餐飲平台, 佢搜尋左來自不同餐廳既精選食品, 用可持續發展既食材, 以一個親民既價錢提供美食，在一個地方就可以食到唔同國家既野食!韓式人參走地雞湯叉燒麵 $88湯底係帶有淡淡人參味既雞湯，一路食麵一路飲湯，好岩呢幾日天氣凍既時候食，雞叉燒肉質嫩滑，我比較欣賞佢個溏心蛋，真正溏心，就算日本拉麵店都未必間間做到溏心。蝦籽花膠撈麵 $88花膠配上香菇，再用濃郁高湯熬製而成既自家醬汁，撈埋一齊食，好香好好食，特別係個香菇，整得又淋又濃味，同埋個麵都好爽口。麻辣雞軟骨雞肉抄手配擔擔波浪麵 $78呢款係最新出既，如果平時鐘意食麻辣米線酸辣粉之類，食呢個就岩啦，抄手上面有少少麻辣醬，麻辣味適中唔會過辣，同雞髀肉餡料各味都平衡，餡料仲加左雞軟骨，增加口感，擔擔麵唔一定係湯既，我係第一次食撈既擔擔麵，整體上呢款抄手撈麵感覺創新有驚喜!本地蜂蜜和走地雞蛋撻 $9因為加左蜂蜜，比平時食既蛋撻會再甜少少，我食蛋撻最鐘意食酥皮，所以呢個酥皮撻馬上加左分，好食!另外令我好欣賞KIN 既係，KIN 麵既外賣盒係可以循環包裝，由農業副產品同以小麥加

太古坊劃時代嘅KIN Food Halls採用科技化🤖、可持續🍀、低碳食材💚概念，而家係中環街市開咗全新品牌KIN麵pop up store，店名係「見面」諧音，係中環返工嘅我就同朋友嚟食個麵見下面🤣🤣呢度可以一次過試到亞洲各國精英餐廳品牌嘅招牌麵食🍜有啲仲要香港其他地方搵唔到，好似台灣總裁牛肉麵、馬來西亞Axian's Selection、韓國Dam:a Noodle Bar等，夠晒矜貴🤩🤩作為可持續發展從業者嘅我非常欣賞呢度貫徹環保元素😻😻KIN麵係全港第1️⃣間外賣容器100%可循環包裝嘅麵店，用上農業副產品，以小麥🌾加工而成，100%可生物降解biodegradable，減少對堆填區負擔，保護生態🌏用餐後客人可以將容器退還回收，更可獲得小獎勵，為環保出一分力💪🏻💪🏻麻辣雞軟骨雞肉抄手配擔擔波浪麵最新推出嘅麵食，嚟自香港本地品牌家傳餃子🥟我一直想試好耐喇😻估唔到呢度引入咗☺️☺️家傳餃子大廚以西式烹飪手法詮釋傳統美食，紅油抄手特別大隻飽滿😛餡料用上雞脾肉混和雞軟骨，軟滑得嚟帶點爽口感覺，闊身彈牙嘅波浪麵掛滿微辣帶麻香嘅秘製擔擔醬，幾惹味😗😗韓式人參走地雞湯叉燒麵 來自韓國品牌Dam:a

放工去中環街市食個快飯，呢間KIN麵主打麵食，啱晒冇咩飯癮嘅我😆檳城潮州炒粿條$78炒粿條原來好似河粉咁樣，炒得好有鑊氣香口，有啲炸豬油渣，加上蔥段、銀芽，食落勁香😋材料仲有兩隻爽口大蝦添👍🏻泰式辣有機牛炒河$88河粉係泰式嗰種闊身啲，又薄又滑，炒得又係超有鑊氣，少少辣，好惹味，配上青檸汁簡直係一流👍🏻牛肉寫明係用有機嘅，肉質唔會好似平時普通茶餐廳嗰啲咁醃到冇晒質感，呢個又有牛味有咬口得嚟唔會韌😋韓式人參走地雞湯叉燒麵$88呢個相比頭先果兩款濃味炒麵，味道比較清淡。叉燒係雞卷，幾嫰滑👍🏻配菜有好多泡菜、蒜片、蔥花、木耳絲，幾香幾爽口，仲有半隻糖心蛋添😋蛋撻$9/個用咗本地蜂蜜同埋走地雞蛋做，蛋香之餘仲多咗一份蜜糖嘅清香甜味，我哋用來做甜品一流😋另外值得一提嘅係，呢度啲食物容器幾特別，原來KIN 麵係全港第一家為每份外賣訂單提供100%循環包裝的麵店，碗碟係以小麥加工而成，100% 可生物降解。食好嘢之餘，又可以為環保出一分力，絕對支持👍🏻

𝒩𝑜𝑜𝒹𝓁𝑒 𝒮𝒽𝑜𝓅 𝒾𝓃 𝒞𝑒𝓃𝓉𝓇𝒶𝓁約左𝘧𝘥子話𝘏𝘢𝘱𝘱𝘺 𝘍𝘳𝘪𝘥𝘢𝘺去中環飲下野，順便發掘下有咩新嘢食，就發現左呢間係中環街市入面新開既麵店💁🏻‍♀️「𝘒𝘪𝘯麵」。🌟𝗔𝘅𝗶𝗮𝗻'𝘀 𝗦𝗲𝗹𝗲𝗰𝘁𝗶𝗼𝗻 檳城潮州炒粿條 ($𝟳𝟴)店員介紹最多人點既係呢個檳城炒粿條。之前去檳城旅行都食過炒粿條，類似港式河粉咁。今次呢個同地道粿條差不多，都係混合左特制醬油、馬拉辣椒醬，再加豬油、臘腸、蝦仁去炒，所以好有鑊氣，同好惹味。🌟𝗦𝗶𝗽 𝗦𝗼𝗻𝗴 泰式辣有機牛炒河 ($𝟴𝟴)呢款炒牛河同平時食到既泰式牛河有啲唔同，除左用左澳洲有機牛既封門柳炒成之外，河粉係用左口感煙韌同寛身既越南河粉，所以呢個泰式辣有機牛炒河，除咗香辣惹味之外，牛肉既肉味同河粉口感都大大提升，本人三款麵中最喜歡就係呢個炒河。🌟𝗗𝗮𝗺:𝗮 𝗡𝗼𝗼𝗱𝗹𝗲 𝗕𝗮𝗿韓式人參走地雞湯叉燒麵 ($𝟴𝟴)除左炒粉面之外，湯麵類亦做得十分出色，雞叉燒啖啖肉，人參湯香濃但人蔘既苦澀味唔會好重，加埋木耳，蒜片，蔥同埋流心蛋，不論賣相同味道都十分吸引🥰🌟本地蜂蜜和走地雞蛋撻($𝟵)有別於平時蛋撻加白糖既蛋味，一咬落去就食到好香蜂蜜🍯嘅甜味，而顏色

今日Happy Friday約左同事去到中環街市揾食，食完又可以係中環街市行下消化下，見到呢一間KIN麵幾吸引，又唔少人排隊，就叫左3款麵食一起share，每款麵食均附送茗茶一杯🥰見到 KIN 麵嘅堂食和外賣餐盒材料幾特別，search下先知道原來係農業副產品，採用 APM 製法以小麥加工而成，100% 可生物降解，減少環境污染。外賣用餐後客人可將餐盒退還回收，並可獲得小獎勵，為環保作出貢獻♻️☺️ ✨台灣有機牛肉麵 $88濃郁湯底以牛骨、蔬菜、花椒粒等熬煮而成，牛腱心筋多且肉質鮮嫩，含豐富膠質；手工麵條口感彈牙，入口回甘🤤 ✨韓式人參走地雞湯叉燒麵 $88呢款面采用了傳統韓式人參雞湯烹調方法，人參昇華了含豐富骨膠原的雞湯，配上軟嫩嘅雞叉燒、大葱、溏心蛋，湯底暖身滋補，健康又滋味🥰 ✨檳城潮州炒粿條 $78睇落有d似炒河粉，朋友話炒得好有鑊氣🤣檳城潮州炒粿條混合了地道魚露和醬油，配上味道濃郁的豬油，加入了馬來西亞辣椒醬，辛香嗆辣的味道令人食慾大增，都真係好香口又惹味😋 ✨地蜂蜜和走地雞蛋撻 $9呢個蛋撻選用香港本地走地雞農場出產的新鮮雞蛋，蛋漿加入地道蜂蜜製成，不能不試！食落同普通蛋撻略為

我今日同嗰朋友係中環shopping，行街行到有D累累哋，想揾D好嘢食🤔，剛剛望到中環街市裹面好多新嘅店舖，係到覓食就見到呢間KIN麵位於中環街市地下G11號店舖，係一間新開望到佢嘅款式係以湯麵及炒麵為主打🤔，同時都有堂食及外賣，我就試吓這幾款!.總裁牛肉麵 $88呢一款牛肉麵係店家招牌麵🤔，賣相望著都唔錯色香味都有😙，牛肉色澤肉質都好吸引🤤，食到入口好香😙肉質腍嫰味道十足，佢嘅牛肉筋肉分隔清楚口感都幾好，尤其是湯底味道濃厚牛肉沾滿汁液令到味道更加正😋!.韓式人蔘走地雞湯叉燒麵 $88呢一碗叉燒麵望著冇乜特別🤔，雞湯飲到入口帶點好香😙人蔘味又帶點雞香味道，同時都幾特別以雞嘅賣相造型叉燒嘅口感肉質味道都幾好食😋，尤其是佢嘅流心蛋帶點蛋香嫩而軟滑口感，麵條口粗幼適中口感軟綿，整碗形容清而香口我覺得都唔錯!.檳城潮州炒粿條 $78呢一碟潮州炒粿條我覺得都好夠穫氣🤔，賣相潤澤夠哂吸引好似好正🤤，食入口粿條口感軟硬適中，味道惹味香口😙味道十足😋，配埋佢嘅鮮蝦食又夠哂爽口!.地道蜂蜜和走地雞蛋撻 $9/個呢一款蛋撻係店家自家製，係用咗走地雞蛋嚟烹調🤔，蛋味都香濃😙而滑口，甜度香甜適中蛋撻皮鬆化😋!

收工行到嚟中環街市發現新開左間餐廳 🍴係太古坊KIN FOOD HALL同一系列嘅KIN麵，其實就係見麵咁解😂又幾有意思！呢度主打8款Asian style noodle~ 我地就嗌左韓式海鮮湯麵同炒牛河啦！KIN 麵係全港第一間為每份外賣訂單提供100%循環包裝的麵店，食物容器都係農業副產品，以小麥加工而成，100% biodegradable ~ 減少環境污染, 外賣用餐後大家可將食物盒回收，仲有reward!!! 呢個海鮮麵都幾足料！有蝦、蜆肉、青口咁，麵底係幼麵呀，又幾吸湯！湯底好濃厚，實在唔錯❤️另一份炒牛河炒得好干身！有鑊氣的不過味道就比較重，相信男士會幾中意！蛋撻真係要試！用上本地雞蛋加蜜糖，食落好香蜜糖味架，又唔會太甜咁，值得一試！

有啲舊同學都晌中環區返工，不過，平時就唔太多約出嚟食飯，因為小弟公司有包伙食，佢哋又喜歡自家帶飯，話健康啲，又可以慳番啲，不過，一年總有三幾次見吓面。趁過年無耐，就約出嚟見見面，提議嚟到已被活化「中環街市」內嘅「中環食坊」，貪佢地方大，環境好，又多餐廳選擇。當中「KIN 麵」嘅麵食甚有特色，「KIN 麵」攞個諧音就喺「見面」，啱晒我哋幾個舊同學見個面。店家主打亞洲各國風味麵食，以中環而言，定價算親民，大致上都喺$68-$88，所以，正值飯市，見到大排長龍，不過，點菜流程都快，唔需要等好耐。而落好單，就轉過去隔離等嗌號碼，等候期間，就見到一邊師傅不停淥麵，入面嘅師傅就不停咁炒粉麵，樣樣都即叫即做，但發覺以湯粉麵上得較快，因為製作簡單少少，而炒粉麵會等得耐啲。講講有咩選擇先，一共9款麵食，以地區而言，有本地、台灣、韓國、星馬、泰國……等等，貴精不貴多，每款麵食均附送茗茶一杯。而事後先知，餐牌每一款麵食右下角嘅標誌，原來代表緊同行裡一啲精英餐廳或品牌嘅出品，真喺集各家之大成。順帶一提，取食物區一旁，有少少額外醬料可以自行添加。仲有就喺，如果外賣嘅，歸還KIN有機食品容器，將獲得Loopy L