La Kaffa (已結業)

本來沙田能好好enjoy早餐的地方真係唔多，呢間食物同價錢係可以接受，可惜去三次有兩次都係一肚氣！呢度先付款才找位置坐低cashier 個態度係想話你知佢唔想做你生意，問多兩句會嫌你煩……等了25分鐘，其他俾我們遲來的4枱客都有野食，唯有問下waitress A, 答案係"都你跟單做，等下啦！"又過5分鐘，去同Waitress B講，佢話出緊架啦！老實，呢2個waitress從來冇話唔好意思，或者問我乜野野食未黎。甘你話係咪離譜？跟住，精采囉，后面有客鼓燥，情況同我們一樣(we are not alone! not sure we should feel better or not)...最後問佢"我地唔要啦，太耐啦40分鐘"你自己去同cashier 講！"正想起身，终於有野食送黎，waitress B"甘你仲要唔要？"我已將呢間喺我個list除名，冇回頭！点解要去受你氣？？？

難得放平日 入沙田搵返舊上司食飯聚舊好感謝她當年隨和的帶領令我有幾年愉快的工作經歷呢間餐廳店舖及商場中間空曠地方都有座位餐廳滿左 我哋就揀返出面位坐11點半來到仲有早餐食餐牌都好多選擇真睇到我眼花撩亂 價錢十分親民 all fay breakfast $52-$98都有任君選擇口味 仲可以加配小食我選左A2 既all day breakfast （$54） 加牛仔腸 （$8）原來呢度唔收信用卡 只收現金 叫完餐之後佢哋轉埋午餐牌發現原來午餐都好抵食 $58-68 難怪甘多人幫襯 坐滿人坐低等左陣就有得食了果蘑菇甜椒奄列唔錯紐倫堡腸好好食茄汁焗豆我本身唔鐘意 後加既牛仔腸唔太熱 味道反而一般跟餐低糖綠茶都正常 鍾意佢唔甜無甘大罪惡感想找地方簡食、傾計呢度都唔錯

今日中午去左第一城探朋友 因為未食早餐 所以打算係附近搵早餐食商場見到Lakaffa cafe 但朋友講食物普通建議食其他但商場內都係連鎖大集團既快餐店😔所以我抱住食個普普通通早餐的心態😐食物方面：我叫左1個 西冷牛扒的AllDayBreakfast朋友叫左1個 雞扒的AllDayBreakfast另一個就叫左1個漢堡包食物評價：估唔到成set係咁豐富😍牛扒好大塊 好淋仲冇渣 味道幾好🤤咁朋友既雞扒雞皮係脆卜卜既 佢話今次味道幾好 係有水準既雞扒👍🏼另一個朋友既安格斯漢堡 肉汁豐富 好香既牛肉味 啲芝士仲要係熱溶左既狀態 一啖食落就有多重口感 好正😚中意食芝士就一定唔可以錯過！**全部餐既份量都好足夠 差啲食唔哂😝**本身話唔好食既朋友都改左觀😋覺得啲野食係好食左 仲話可以再食既cafe🍽

今日學完車 就諗住睇下附近有啲咩食 行下行下就去到第一城商場 咁岩見到 一間環境唔錯嘅咖啡店就諗住坐低食個午餐 叫左一個「經典焗豬扒飯」豬扒肉汁豐富 番茄汁份量啱啱好唔會令到豬扒飯水汪汪 食落都好開胃再加上芝士焗過 仲有少少嘅焦香 焗豬扒飯睇落好普通不過要整得好食都好考廚師嘅技術 下次有機會一定會再試

早兩日諗住入去沙田行下 就見到有呢間店鋪 朋友幾年前食過話好食 諗住試下叫左份普普通通嘅牛肉漢堡包 點知發現塊漢堡扒外面煎窿但係裡面唔熟 慶幸職員肯換一份就喺職員叫廚房重新整一份出黎嘅時候 見到驚人嘅一幕...... 廚師叼住支點著左嘅煙頭喺度煎野煮野..... 張相係食前影 塊漢堡扒中間未熟然後見到有幾份出黎嘅餐都掂到塊沾染到其他菜嘅幕布..... 最後 我都唔太敢去食自己點嘅菜 畢竟見過廚房裡面嘅情況 擔心有煙灰跌落自己食嘅野度。。

呢間小店有全日套餐款式夠多，亦有意粉、漢堡包等等。叫咗個全日早餐：有雞扒、炒滑蛋、茄汁豆、沙律及全麥多士，包餐湯及飲品$56。全日早餐其實有好多款式。我揀呢款雞扒幾大塊，煎得個面幾香，雞肉都幾滑。佢個炒滑蛋炒得唔錯，真係夠滑。另外仲有營養豐富嘅茄汁豆同沙律，多士係麥多士，所以幾健康。餐湯係忌廉湯；飲品揀咗凍奶茶。另外，叫咗吉列炸蝦咖喱飯，都係包餐湯及飲品$58。吉列炸蝦新鮮炸起，幾香脆。咖喱汁辣辣地、係日式風味。飯嘅份量都好多，質素算唔錯。飲品叫咗熱奶茶，佢呢度嘅奶茶味道係台式奶茶味，所以我幾鍾意飲。

為了寫負評，登記會員。是但一間茶餐廳都更好服務！求其一個7仔食品都更好食！兩個人來食，在餐牌前考慮時，那個應是店主的男人已表現到好唔耐煩，態度好唔友善，就好似你打擾了他一樣。點了一個沙律，一個早餐和兩杯飲品。先來一杯抹茶奶茶，d 抹茶粉都未溶，又冇奶味。如它同維他奶比較，維他奶係特級飲品。再來煙三文魚沙律，上菜的碟係熱的，熱到部份菜都熟了…… 然後那杯可可乜冰又係好似好多沙咁…… 好彩個早餐都係d 香腸果d預製食品.....味道正常如果想浪費錢，虧待自己，訓練EQ，都係一個不錯的選擇。

之前在這裡吃過兩次早餐。今次就過了中午少少來吃。餐牌很多選擇，特別是All Day Breakfast，要花些少時間決定選哪個😂。我們點了其中一款All Day Breakfast和一個意粉。甜椒蘑菇奄列、全麥多士、火腿、紐倫堡腸、粟米粒、茄汁焗豆（$54）當上菜，一望就很豐富的感覺😊，開心。奄列裡有蘑菇和三色椒，蛋嫰滑，配搭得宜。多士溫熱微脆。紐倫堡腸味道適中，不會過咸。淋了黑醋的沙律菜帶來一份清甜。蒜香三文魚意粉（$60）意粉煮得剛好，彈牙，不會過軟。除了三文魚，當中夾有洋蔥和甜椒。味道香口，蒜味再濃點更棒😋。而翡翠豆苗那股草青味，我一向喜歡，為這碟意粉增添清新感。飲品方面，要了熱咖啡和凍奶茶，各加$4。熱咖啡香濃大杯好喝，凍奶茶味道則比較淡。沐浴於午後陽光中，享用著咖啡與餐點，感覺舒服悠哉。

週日朝早約9點55分去到, 見有早餐優惠係counter邊, 影張相share比屋企人, 討論打算食咩, 講緊電話時, 就見兩個店員默默收返個poster, 覺得奇怪, 講完電話後行去counter點餐, 就話早餐優惠weekend只到10點, 我點餐時間打正10點, 佢地唔收.你的優惠想去到幾點鐘, 無問題, 你寫返出來比顧客知囉, 偷偷摸摸收埋算咩啊, 同埋你都見我係果邊幾分鐘, 影相打電話問緊, 提下我都ok吧.一個字, 爛!

阿女半天上課，最好同佢食下午茶，避開同人逼也經濟一點，今天選屋企樓下餐廳 ，悠閒寫意吃一餐。平日行過座無虛席，咖啡好飲意粉好食，好多街坊都知。頂級安格斯牛肉蘑菇漢堡~賣相已經相當吸引，厚厚的漢堡包令人垂涎欲滴；有我喜愛的酸青瓜(切細粒分開放)，配合肉類吃一流；鮮牛肉漢堡肉汁豐富，新鮮煎香，因熱力使車打芝士溶在牛肉上，可使味道更上一層樓；黑醋欖油新鮮沙律菜~酸咪咪的健康蔬菜令人胃口大開；黑椒炒蘑菇~微微辣的黑椒炒香蘑菇片，就咁吃也美味；惹味炸薯角~新鮮熱辣辣炸起，一啲都唔油膩。意式蕃茄辣肉腸意粉~這是阿女最愛的鮮茄味道，越食越開胃。凍綠茶~天氣炎熱，這個凍飲保證消暑。台式奶茶~奶味比較重，年青人的喜愛。

第一城入面有幾間cafe、輕食，今日就試咗呢間La Kaffa。個menu上面淨係All Day Breakfast都有超過十款，仲有意粉、牛角包等等，一定揀到最適合你嘅口味。A9(炸魚、炒蛋、多士、沙律、焗豆)配茉莉綠茶（$56）塊炸魚柳超大塊，淨係食塊魚都好飽。外面炸到金黃香脆，裡面好嫩滑。店員話冇哂沙律醬，冇配沙律醬/他他醬有啲dry。而多士、沙律、炒蛋（喺塊魚柳下面）等都係正常質素。環境機器聲太嘈，唔適合坐低慢慢食，飲下咖啡，All Day Breakfast嚟講都唔算特別出色。總括嚟講不過不失，但下次會試埋第一城嘅其他cafe。

已經幫襯呢間餐廳好多次，佢另外有分店係烏溪沙。幫襯佢勝在性價比高（價格、味道合宜、多款）今次做完運動，同朋友食個brunch, 揀佢就最啱啦，因為佢早餐好真係好多款，如果覺得有咩唔夠、唔啱心水又可以加錢配返比你。今次叫左eggs Benedict 配三文魚😛佢下面係有個包墊住既，只係因為本人鐘意多士所以加左。佢多士有兩塊，朋友叫既餐又有薯餅兩塊，互相交換左咁就大家都食到兩樣了😻 👯‍♀️鐘意佢份量夠，味道好（幻想到既口味）正🤤 配埋杯茉莉茶（熱飲唔駛加錢）但又唔會太熱，微溫入到口，唔錯。

性價比高既西餐..價錢合理份量夠！溫泉蛋卡邦尾意粉熱辣辣夠creamy 配料都多...份量都好足..仲要好平！咁既價錢估唔到咁出色！香草雞翼脆口好味...大大隻...勁推薦半份豬肋骨肋骨焗到有點脆口..bbq醬汁好夠味..全日早餐（班尼迪蛋 + 腸+煙肉+薯餅+雞扒+茄汁豆+粟米+多士+沙律茶）呢份早餐超級大份...仲要抵食...係食唔哂既！腸仲要唔係cheap野...雞扒夠味！但個蛋就一般..個汁既味怪怪地焦糖咖啡奶比較多..冇乜啡味

週末在城門河散步，不經覺行到第一城 ，進入商場逛逛。商場很熱鬧，管理也不錯，衣、食和日用品俱全，嚴如一個小社區，還是搵個地方小休和嘆下午茶吧！在「La Kaffa」，看到不錯的多款式的全日早餐，我們選擇西冷牛扒、炒蛋、薯餅、磨菇、茄汁豆和全麥麵包，配餐飲：熱低糖綠茶。很很豐富的早餐是我們分享的下午茶， 份量十足的香煎牛扒，肉味濃郁。 滑溜溜的炒蛋，有蛋香。炒蘑菇很美味，與沙律、茄汁豆一起吃別有風味。還有兩款小食：非常蒜香的蒜蓉包 。水牛城雞翼， 熱得燙手的水牛城雞翼，厚肉、香脆而且有肉汁，美味可口。 冰凍咖啡 令暑氣全消！

其實食物味道都唔錯，燒雞夠大隻，又唔硬，肉嫩，牛肉漢堡肉汁豐富，只係漢堡包皮比較hea左，如果烘一烘包皮會更美味。但好可惜燒雞似係外太空泥，由落單到上菜時間要40多分，幸好不是太肚餓。牛肉漢堡就好快送到，如肚餓嘅人就唔好食燒春雞。