La Kaffa (已結業)

第一城比我感覺都係食物沙漠，有日路過搵食發現依間，一睇價值超吸引，5,60蚊有all day breakfast 食。即刻唔再行就叫左黎食。味道都幾唔錯，值得一提係炒蛋同炒菇，好香牛奶味同重菇味👍🏻👍🏻👍🏻太餓相都冇影就食曬

今次同朋友去第一城，見到有La Kaffa第一時間把握機會帶埋佢試出名嘅全日早餐，今次叫咗博洛尼肉醬意粉、E2全日早餐、熱茉莉綠茶同埋凍荔枝紅茶。今次份全日早餐有法式多士、兩隻煎太陽蛋、沙律、茄汁豆、炸薯餅同埋兩種吾同味道嘅德國香腸。全日早餐果然冇令我失望，法式多士外脆內軟而且甜度適中，炸薯餅絕對香脆，德國腸已經好耐冇食，鍾意食腸仔嘅朋友一定會食到停唔到口，全個早餐都畀我一種好refresh嘅感覺。博洛尼肉醬意粉，肉醬用咗高級豬肉配上特製茄醬汁，特別香濃，再加埋意粉食，彈出唔同層次。之後飲番兩杯凍熱特飲，為依餐劃上完美嘅句號。

重遊舊地，好耐冇踏足過第一城啦，今日返舊校探老師，順便去第一城搵食，第一城其實好多餐廳，今日我去左La Kaffa 食，因為我見餐牌勁多選擇。餐牌有鐵板餐、咖喱、意大利粉、小食、沙律、漢堡、牛角酥、好多配搭的全日早餐，款式種類多。全日早餐E1超級豐富，有特濃班尼迪蛋、法蘭克福腸、紐倫堡腸、牛仔腸、辣肉腸、脆香煙肉、脆薯餅、甜粟米、炒蘑菇、沙律、厚多士。特濃班尼迪蛋水波蛋夠流心，加上上面的荷蘭醬，味道剛好，又不會太酸，另外炒蘑菇加了黑椒，菇味更提升，薯餅炸得香脆，腸仔每款都有一條，食晒成碟非常飽肚芝士薯角薯角炸得金黃香脆，芝士控既我，如果芝士再多一點會更好。荔枝紅茶好大杯，荔枝味好突出

星期日，愛人都總愛外出食早餐，覺得係小確幸，哈哈哈，甘我唯有早d 起身倍佢愛人愛食脆薯餅，所以點了A8餐。他的評語是脆薯餅一貫地好食，沙律菜新鮮，煙肉煎得開脆。係一個合格有餘的早餐。至於，杯凍檸茶係好新鮮，沒有涼茶味(有時在茶餐廳飲凍檸茶時會有涼茶味時，真係會有d 唔開心)。而我點了A6餐，喜愛的是法式多士和。它是滿滿的吸了蛋汁，再去煎的。糖醬既味道是兒時味道。太陽蛋，腸，茄汁豆都係正常味道。對得起48元的售價。雖然，這店不太近家，但只要愛人愛吃，我都會願意陪行。

第一城呢間，剛剛開冇耐都ok嘅。但越做越差，食物，環境，服務，全部都退晒步。1）杯咖啡唔係咖啡，係奶+水，即係奶水一杯，完全冇味，d冰溶咗仲變左生水味。2）All-Day 就保持到一般，炒蛋同味道都唔差。3）另外係服務態度好有問題，收錢果位已經好悔氣，到有位姐姐做侍應送餐埋嚟，成碟嘢重手劈係枱就算，轉頭佢去掃地仲劈開d櫈。睇嚟呢間嘢一定好大加租壓力，老細可以咁樣容許d員工做到咁差都唔覺有問題，一定係賣員工怕，驚請人難。

完全無服務可言，員工個個都唔想做咁。講嘢全部有困難，唔想講，唔想答，最好你唔好幫襯。外賣又等得耐，到左又唔叫你攞，轉頭去落order。我自己見到行埋去，等佢一下費事自己就咁攞左去，另一個員工行過黎我就示意個外賣係我嘅，佢依依哦哦唔知講乜，指下指下，我諗佢係叫我攞掛。抵佢咁多分店都執鬼晒😒

本身我哋特登去第一城去食果間餐廳裝修緊，咁都要搵嘢食㗎，咪周圍搵吓囉。行過見到呢間平平哋又有咖啡又有all day食，應該唔會差得去邊卦！我哋就入咗去搵位擺低咗啲野先啦。我果陣都覺得間野伏伏地架啦。個冷氣出嘅風仲暖過我屋企把風扇！落單嘅過程幾順利嘅，但係唔多覺佢哋好想做我哋生意。坐低一陣，杯野飲好快到咗，個侍應講都唔講聲，就一野將杯熱cappuccino 「隊」埋嚟…我嚇咗一嚇！嘩！杯熱cappuccino 難飲！杯凍咖啡更難飲（稀到呢）！等咗20幾分鐘，兩個all day breakfast先到。賣相好似唔錯嘅， 一食先知呢一個all day係「非一般」！啲嘢食多次發現有發泡膠粒、沙律菜唔新鮮、煙肉薯餅好油、隻煎蛋凍嘅（得個蛋黃暖暖地）。唉！我哋唔會再去呢度！完～

今日經過沙田第一城見到La Kaffa，menu入面有好多全日早餐又好吸引，所以去咗食午餐。今次全日早餐入面有法式薯餅、煙肉蛋奄列、多士、德國腸、茄汁豆同埋雜菜沙律。薯餅及多士好香脆，德國腸又好有肉味，而最特別芝士煙肉蛋奄列，入面有唔同材料，咬落去有唔同嘅口感及味道，茄汁豆及沙律就畀我一種好fresh嘅感覺。另外仲order咗博洛尼肉醬意粉，入面嘅茄汁茄醬超濃郁，混合埋肉醬及意粉食，對番茄控嘅我嚟講就最喜愛。飲品就有焦糖朱古力凍飲及茉莉綠茶熱飲，焦糖朱古力甜甜地有濃厚朱古力味，小朋友最鍾意，茉莉綠茶飲落暖笠笠，有茉莉香。

一百元左右一位的Lunch, 沒有要求太多，但也不可受氣，1）送餐及清潔的服務生也幾好，2）食物質素幾好，3）餐廳位置夏天可能比較熱小小 4）但係飲品差5）令人不滿意那個貌似高層男收銀，態度差，十分差

很少來沙田第一城、今天工作後經過順道來吃個快lunch。見不少學生哥都有幫襯既La Kaffa 有好多不同選擇、鐵板餐、咖喱、all day breakfast、焗飯、特色飲品等、價錢都好親民、平均$50就有lunch set。每款餐都附送粟米忌廉湯白酒蜆肉意大利粉味道不過不失、蜆肉份量亦不少、亦加了不少菇、青椒洋蔥等配料。All day breakfast 有多達十多款選擇、揀左呢款$56，有超大塊雞扒、炒滑蛋、茄汁焗豆、沙律和厚多士、幾抵食。雞扒煎得幾香幾嫩滑、多士亦用牛油烘得香脆。+$4 有凍綠茶、總括而言 性價比都算高。

今日本身想經外賣APP叫三個意粉，最後送咗兩個嚟，外賣APP同事了解咗三個意粉分兩個車手送，仲話5分鐘後送（真心唔明點解三個餐要分兩個人送？），但最後等咗15分鐘都唔見人，外賣APP回覆話原來唔會再補餐，我想打電話去餐廳了解原因，但打咗三次都無人聽，我哋公司食飯時間有限，最後我哋只好自己叫飯。呢間餐廳服務實在太差，我以後唔會再幫襯！

星期日晚屋企樓下歎個晚餐，早一點唔使同人逼，我們選擇了La Kaffa 的西餐。餐廳部分座位設於對開商場的位置，比較開揚，坐得舒適。忌廉湯(跟餐送)~忌廉湯味道香濃，湯有粟米粒，帶點點粟米味。紐西蘭肉眼扒(燒汁)~熱辣辣咋咋聲鐵板，肉眼扒份量夠，牛扒質地尚算不錯，熟透都唔韌，只是有少少筋位，牛扒下面有隻煎蛋，可以跟飯/意粉/薯角，當然薯角香口較吸引。意式鮮茄辣肉腸意大利粉~意大利粉掛滿鮮茄醬汁，濃郁番茄味道，越食越開胃，採用幼身辣肉腸。咖啡(熱)及茉莉綠茶(熱)~咖啡香濃，綠茶清新。

我之前去過馬鞍山分店，食物質素不差，價錢抵食，今日特意約朋友一起午餐。頂級安格斯牛肉漢堡 漢堡好足料，包熱辣辣又軟身，半溶芝士更滋味，配上新鮮蕃茄和生菜，感覺不油膩，薯角外脆內軟，新鮮沙律菜，份量足加配小食$6 起，好抵食蒜蓉包 $6 有兩片，蒜蓉牛油惹味；雞扒 $10，雞扒嫩，孜然粉令雞扒更惹味薄荷朱古力香濃朱古力味中，薄荷令喉嚨更清新芒果綠茶 芒果味突出，茶味清淡，附有爽口椰果，清新順喉店內加上對面商場都有座位，座位非常足夠，環境乾淨，職員上菜速度快，飲品還有不少選擇，人流旺，價錢便宜，下次要來下午茶。

今日放工後，去咗第一城搵嘢食，見到有間Cafe望落好似幾唔錯，就同男朋友坐低左。環境相當開揚，採用落地大玻璃設計，另外喺cafe出面、商場中心有更多座位。男朋友點左份「頂級安格斯煙肉牛肉蘑菇漢堡」，估唔到份量都幾足夠，有炸薯角、沙律，仲跟一碗餐湯，男朋友話食得飽佢喎！我點嘅係全店最豐富嘅全日早餐，有特濃班尼迪蛋、法蘭克福腸、辣味香腸、紐倫堡腸、牛仔腸、脆香煙肉、脆薯餅、炒蘑菇、粟米粒，每樣仲要打孖上，相當豐富！餐湯係南瓜紅蘿蔔忌廉湯，做得幾出色，南瓜味好出。最令人驚喜嘅係個草莓沙冰，草莓味好濃，甜度恰到好處，好好飲啊！下次有機會再嚟，一定會試吓佢嘅意粉同埋冬日煲飯，價錢又唔貴，成日嚟都得啦！

外賣自取九折，折完等於冇折！外賣盒足足收左我3份錢！食過幾次，吉列豬扒係好食嘅！但係今次用餐經驗真係超級不快！汁極少！個意粉乾到唔夠汁撈，真心搞唔掂！焗飯，丫唔係焗意粉真係失敗！加錢都算！在等取餐15分鐘後同我講，冇飯，轉意粉得唔得？我問，唔得咁可以點？佢話要等30分鐘！我：你地咁樣同局我一定要意粉有乜分別？我有得揀咩？我都冇辦法架喇！Ok, 算數，你地有你地難處，預唔夠份量你地唔想！再過10分鐘，我走去查詢個職員有得拎未？佢地反話冇咁快，要等多15分鐘。下？要等15分鐘你唔早講？我話由你叫我轉果陣你唔講要等咁耐？合理嗎？職員反應其大話，比返錢你囉，你咪唔好等！下？你地合理咩？冇一早講要等、等得耐話比返錢人？原來做生意係咁！？做餐飲唔好成日都係咁，比客催就即時可以出到單，仲要同客鬥氣，值得咩？個職員係咁同我講，野食係要等，我夠知要等啦！但你有冇諗過我等左幾耐同埋你又有冇同人講要等幾耐呢？由比錢到我催你，我等左25分鐘喇！由頭到尾，一句道歉都冇！