La Kaffa (已結業)

一直都好鐘意呢間Cafe CP值高 而且有好多種all day breakfast簡😍😍佢而家外賣自取有九折 個包裝盒都幾保暖 隔咗成個鐘都唔會凍哂A10 西冷牛扒 炒蛋 薯餅 蘑菇 茄汁豆 吐司 $68 個西冷牛扒 啲肉好嫩 一啲都唔柴😍好易切 呢個價錢有咁嘅質素 外賣都有咁嘅質素 超級開心 而個炒蛋都好滑😆😆 而且個多士係用麥做 好厚😂 不過就有啲乾🥶 但都好好味😂經典香煎豬扒    嫩滑炒蛋  粟米粒  廚師沙津 全麥多士 $56個豬扒好大塊😍 而且都唔會好柴 佢唔多肥位 但係都好好嫩 配埋廚師沙律 成個食晒都唔會話超級油膩

放假瞓到自然醒真開心！慢慢輕輕鬆鬆起身就出去食左早午餐先。這間餐廳很好喜歡吃的食物沒有限住要早餐定午餐先可選，喜歡點邊樣都可以，款式也很多真的有選擇困難症呀！A3. 特濃班尼迪蛋、脆香煙肉、粟米粒、茄汁焗豆 $54即叫即做的班尼迪蛋脹卜卜很吸引呀！醬汁加埋蛋黃好夾，煙肉甘香鬆脆配以粟米同茄汁豆真是絕配，沙律菜夠新鮮。P4. 白酒蜆肉意大利粉 $60很香白酒加蒜蓉炒蜆肉很惹味，蜆肉很多又鮮甜，意大利粉夠煙韌好彈牙。另外點了一杯熱低糖紅茶同凍低糖紅茶，兩者一樣香濃有茶味。

我由這餐廳開店就有幫襯，起初食物味道是十分濃郁，奶茶是合我口味的重奶味，價格雖然偏高但物有所值，所以會經常去下午茶或者晚餐，我阿爸口味極度挑剔都會稱讚當初的他們。但我有一段時間冇食之後發現食物質素下降嚴重，意粉醬汁淡超多，飲品有時只有甜味，麥包剛上就是凍的，連我最愛的下午茶芝士三文治味道都變得只有鹹味食物調味變得極不用心，令我十分失望。你可以不進步我也能忍受你一點點退步，但我絕對不接受因為不用心的退步

原來有很多連鎖分店，現只剩最後一間，店員說明與其他同名分店無關。 見有多款all day breakfast找天可以過嚟再試試。今天已吃午飯，又約了晚飯放題，下午茶沒叫東西吃，只叫了兩杯咖啡飲，但係可以食的咖啡。（內有咖啡啫喱）左《 凍朱古力咖啡啫喱》 小cream味道都幾甜，啡味濃。右《 凍焦糖咖啡啫喱》小甜就要小焦糖， 泡沫香滑味道不錯。味道有點像，之前很多連鎖店的仙跡岩，什麼咖啡點點……，但現在已所餘無幾間了。 珍珠奶茶的衝擊挺厲害。個人很喜歡咖啡啫喱，飲時煙韌硬咬口的感覺。

食個早餐一坐低，張櫈腳爛咗一隻，好彩平時有做吓深蹲，唔係P硬K, 職員走來唔好意思當然冇聲，仲覺得好似你整爛佢張凳，換過張又係搖搖下，有特色嘅櫈你識條鐵咩⋯⋯老人家千祈咪嚟，PK起唔返身就真係大吉利是！飲品加三蚊叫咗杯凍台式奶茶，正呀，如果你嬰兒時期冇奶飲記得黎飲吓，純奶水絶冇茶味，店主強調係佢本店嘅特色，堅持冇問題唔換，有特色嘅台式奶茶你識條鋼咩⋯食個早餐冇嘢飲淨係送你一肚氣！食個早餐可以練埋深蹲仲飲埋特色奶飲品，你識條⋯咩

平時食下午茶見都好大份，今日夜晚都同男朋友嚟食，一向都覺得味道好，份量夠，今晚叫咗個 松子雞扒炒意粉同All day breakfast，食到9點幾見職員已經清潔緊，咁我哋都食得快咗，開始聽到職員講“仲有入面嗰枱呀”，“肯定有排食”……等等。之後個男職員過咗嚟話“可唔可以食快啲，洗碗姐姐要收工”，男朋友話“可以，食快啲唔係問題，但唔使叫人冚X產咯”(我淨係聽到前面佢畀說話我哋聽，聽唔到佢後面咁講)，個職員好尷尬咁笑咗幾聲行開咗，我已經唔想再食，食多幾啖都快快走，再食我驚佢問候埋我媽媽~其實我都唔想阻住你收工，係食得慢咗少少，你嫌我哋阻住你收工，我可以同你講聲唔好意思，我哋盡快食完，但唔需要咁樣鬧人仲要畀人聽到咯。間餐廳仲要有烏蠅定蚊滋陪住你食，原本唔介意，得閒都會嚟下午茶同晚餐，但今晚之後就不了~

平時好少嚟第一城，今次因為探朋友，所以就嚟咗附近搵嘢食，第一城個商場都貫穿晒，中間有個小公園，見到呢間Cafe，有indoor 同outdoor位置，座位都幾舒適，幾啱同朋友傾計，就揀咗喺度食嘢。嘢食都係以西餐為主，另外餐廳有自己嘅飲品bar，所以都有各種嘅飲品可以選擇。嘢食方面，揀咗:頂級安格斯牛肉蘑菇漢堡$66漢堡扒好好味，流哂落黎既熱融芝士加埋牛味濃又多肉汁既漢堡，另外有蘑菇片同酸瓜粒放響旁邊，可以等客人自己選擇落幾多來調味，伴碟既嘅唔係普通薯條係薯塊，更加飽肚。溫泉蛋卡邦尼意粉$54成功嘅溫泉蛋令卡邦尼意粉加分，本身意粉汁都係比較杰身，同溫泉蛋攪勻左之後，意粉變得更滑身，更好味兩樣主食都跟餐可以加免費餐飲，我哋就加咗無糖綠茶。晚餐人均$60🤩西餐廳質素，抵啊!

食物賣相看起來還好，但是收銀處的姐姐態度非常差，還經常在跟別人在聊天，或在辦公時間是打電話，沒有把客人放在眼內。當我打算下單時，她只顧着自己打電話，我等了一會兒，她才理會我，幫我下單。明明沒有其他顧客在等候，但是她像很趕時間的幫我下單。明明是鋪頭的標記不清楚，寫了紅點標記的飲品，卻沒有在餐牌上找到任何紅點。我向她詢問，她卻像發脾氣的回答。如果想食類似的東西，建議到旁邊的那間，服務態度更好，用料也更豐富，味道也更好。

有落單沒有食物來，二客意粉同一張單，廚司居然只做一份，話重覆咗，在餐廳職員追單下，廚司還説不可催佢😡！本來食物烹調的方式是令人滿意的，但這樣的服務是非常非常之令人失望！

悠閒地在沙田中央公園散步，不想到沙田市中心食飯，因此走到沙田第一城找食。第一次到這裡，有點迷路，商場分成不同部分，縱使看地圖也找不到想到的餐廳。最後亂衝亂撞走入了這間餐廳~La Kaffa。呢間餐廳在openrice都有不少好評。餐廳門口是收銀處和水吧。店內坐位不算多，原來外面的坐位也屬於這餐廳的。星期六下午茶時間人流不算多， 不用等位。 這裏下午茶餐的選擇都不算少，而且都幾特別。 我和朋友太肚餓了，所以沒有點下午茶餐，點了全日早餐和牛角酥。全日早餐 ($54 )連飲品這份早餐有甜椒蘑菇奄列，紐倫堡腸，火腿，炒蛋，粟米粒，茄汁焗豆，沙律菜和全麥多士奄列非常足料，有紅椒，青椒和大量蘑菇。奄列加了黑胡椒，令整個奄列很香口。腸仔是帶有很黑椒味的豬肉腸，不錯。還有我很喜歡的全麥多士。這早餐豐富而且性價比算高！另一份是煙三文魚碎蛋牛角包連飲品 ($45)牛角包都算頗大， 外層幾脆。煙三文魚和碎蛋沙律的份量也頗多。 味道正常不算太特別。飲品跟餐熱和凍奶茶 不是港式奶茶而是台式的那款，非常甜，重奶味，沒有茶味，不是我杯茶（奶茶）。整體來說，食物不錯，餐廳環境也很舒適，可一試！

其實唔係第一次嚟呢度食，之前食都覺得幾好嘅，呢晚嚟食我覺得都幾失望。之前嚟食多數叫全日早餐，今次想有薯條，叫咗個安格斯包餐, 睇圖係薯條但嚟到唔係有薯條，點解係薯角....算，我應該醒目問下先然後個包好細，磨菇安格斯點解d磨菇係曬個包出面嘅...懶得塞返入去，食完個包先食，但d,菇無任何味道嘅...下次食都係食返全日早餐算...都唔知係間野水準差咗定一向包餐唔掂，杯奶茶唔止無茶味，奶味都無，成個餐唔係話好唔得，但呢個價錢（個餐70）去附近m記食安格斯漢堡好食得多，仲平好多

放早，到左第一城歎個輕輕鬆鬆的下午茶。二十幾三十蚊就有交易，單睇餐牌，配搭都幾有心思。店舖少少，由於tea time 時段，幾乎冇乜人。去櫃檯order 加付錢，然後可以自己搵位坐，會有侍應送餐架。一人可以獨佔臨窗卡位，份外舒服。久違了的小區寧靜感。叫左下午茶餐 T5, 加熱咖啡 $37。先來的是咖啡和雜菜湯通粉。通粉的茄湯底十分濃郁，細細碗，熱辣辣都幾好味。再來的是焗流心蛋芝士吐司，熱辣辣香噴噴。食到中間真的有爆漿流心蛋，溶岩 level , 小心滴到件衫呀！不過真的好滋味，欣賞佢。而伴碟的黑醋汁沙律菜亦幾新鮮的，完全唔 hea 唯獨係咖啡唔夠香，而且冷氣太大，轉個頭就凍了。總括來說算幾抵，下次會試 all day breakfast!

一早打完波 來個早餐才回家。自從搬了家 好耐無去 La Kaffa 吃早餐，好懷念他們的台式奶茶啊！奶茶來啦，很香 除了香味更加了少少甜，好飲。經典英式炸魚、嫩滑炒蛋，茄汁焗豆，廚師沙律及全麥多士 是我必吃的，但久違了的炸魚已經不似從前，以前是大大件魚塊，肉質比較結實，炸出來仍有口感，但今天吃到的是魚肉稔稔潺潺滑滑 好似好多水份在其中，有點失望。

一個豐富的早餐已等同一個午餐或晚餐的份量。位於沙田第一城的La Kaffa 每天早、午、晚也供應多款的全日早餐。我今天來到此店，當然便要試試啦！除全日早餐外，此店亦供應其他的美食如沙律、意粉、焗飯和鐵板扒餐等等，各適其適，任君選擇。同行友人便選了一款廚師精選。這店食客絡繹不絕，買過票和取得號數牌後，需要一點時間才能找到座位，然後便等候服務員將餐送過來。～全日早餐A12完全輸不了的A12早餐十分豐富，那大塊經典香煎豬扒表面煎得微焦，肉醃得恰到好處而且嫩滑，一切即開，味美。厚厚的炒蛋是一層一層的，非常嫩滑，放在全麥多士上來吃是絕配。廚師沙律的鮮蔬菜和車厘茄配上醋汁來吃，清新醒胃。最後，清甜粟米粒也不能放過。吃畢便完全明白大部分的食客也為這裏多元化的全日早餐而來的。～經典焗豬扒飯賣相不俗，熱騰騰的飯面有剛溶的芝士，滋味無窮。豬扒腍滑，完全不韌，配鮮蕃茄和茄汁來吃，非常美味。飯的份量不算多，不經不覺便吃掉整個飯，感覺滿足。～茉莉綠茶飯後來一杯熱茶是最好不過。有微茉莉香味的綠茶濃淡適中，容易入口。～蒜蓉包法包烤得外脆內軟，有完全令人不能抗拒的蒜蓉牛油香。

次次lunch time La Kaffa都係非常多人過左一點去就要自己搵位等位.繁忙時間搭枱同埋食完坐陣就走係基本所以無左cafe既好處，不過非繁忙時間應該係幾好坐既☕️次次黎食都係叫All day breakfast，因為相價比都高但今日食素所以就初嚐佢既Pasta跟餐有一碗湯同飲品既湯無得揀一定要白湯細細碗，幾啖就無但失望既係個湯係普通茶餐廳個種味精白湯😣黑松露香菇意粉份量正常，味道唔錯有黑松露味道突出，意粉質感彈牙可口醬汁調味唔錯，而且夠撈晒成個意粉香菇份量都唔少，仲有少少洋蔥做配料增加層次友人叫左卡邦尼意粉味道唔錯，但比預料中稀，因為本身醬汁都有啲醬汁撈埋蛋黃就無左卡邦尼應有既稠但調味係幾好，份量都夠👍🏻飲品我地叫左一紅一綠無落糖既紅/綠茶，岩我用👍🏻茶味唔算出，但起碼唔係港式茶餐廳飲品總括而言坐得算舒服，五十幾數有湯有主菜有飲品算係咁🤗非繁忙時間叫個All day breakfast悠閑坐下會係個唔錯既選擇