影片
开饭介绍
环境阔落的西餐厅和酒吧，提供扒餐和各类小食，牛扒肉质鲜嫩。设有电视机直播球赛，让食客可以在晚上和朋友边睇波，边饮酒聊天。
继续阅读
营业时间
今日营业
11:00 - 00:00
星期一至日
11:00 - 00:00
以上资料只供参考，请与餐厅确认详情
有关奖赏计划
🍽 今日去咗啟德 Oasis Place 嘅「La Mensa Grill & Bar」，試咗佢哋性價比超高嘅午餐半自助餐，每位只需 $145，就可以享受到主菜+無限量沙拉吧、湯品同甜品，真係又飽又滿足！😋🥩 主菜亮點紐西蘭肋眼牛排+薯條呢道肋眼牛排真係肉食控嘅天堂！牛排煎至外層帶有完美嘅焦香，內裡保持嫩滑多汁，肉味濃郁，熟度亦可以按喜好選擇。配埋香脆金黃嘅薯條，簡單直接但非常滿足！牛排配上特製醬汁更加突出肉香，食完真係令人回味無窮！🥩🍟是日鮮魚+奶油薯泥鮮魚煎得外脆內嫩，魚皮煎到輕輕金黃，魚肉鮮甜嫩滑，每一啖都帶有海洋嘅新鮮味道。配搭幼滑嘅奶油薯泥，奶香味濃郁但唔會過膩，兩者組合一啖魚一啖薯泥，口感豐富，特別啱鍾意清新口味嘅朋友！🐟🥔🥗 無限量湯品和沙拉吧Chicken Lettuce Salad呢個雞肉生菜沙律非常清新爽口，雞肉嫩滑，配上脆口嘅生菜，食落去清爽唔膩，係一個好開胃嘅選擇！🥗Couscous Sweet Potato Salad呢款沙律都好清新，couscous 粒粒分明，有好多唔同種類嘅生果蔬菜，食落去層次感十足，係一個比較特別嘅沙律選擇，唔妨一試！🍠Cold Platter冷盤區提供咗火腿，鹹香濃郁，配埋其他沙律一齊食，感覺好豐富！🥓Crab Chowder Soup蟹肉周打湯絕對係湯品嘅亮點之一，湯底濃稠而帶有深海嘅鮮甜味，每啖都可以食到細細粒嘅蟹肉，口感豐富，暖胃又滿足！配埋麵包一齊食，簡直可以食出幸福感～🦀🥣Velvet Cake甜品方面，有任攞嘅 Velvet Cake，蛋糕質感鬆軟，入口綿密，甜而不膩，為整場自助餐畫上完美句號！🍰☕ 飲品選擇午餐仲包括茶、咖啡或者汽水！☕📍 地點方便，氣氛舒適「La Mensa Grill & Bar」位於啟德 Oasis Place，環境非常舒適，氣氛輕鬆，特別適合同朋友、家人聚餐，或者喺忙碌嘅工作日偷得半日閒～服務員都係講英文，態度好親切，感覺非常貼心。📦 總結$145 嘅午餐半自助餐，無限量沙拉吧加上高質嘅主菜，性價比可以話係超高！無論你鍾意牛排、魚定係沙律，呢度都可以一次過滿足你嘅味蕾。如果你鍾意歎住輕鬆午餐，又想試吓高質自助餐，「La Mensa Grill & Bar」絕對係你唔可以錯過嘅選擇！💯
继续阅读
｜啟德墨西哥菜🇲🇽Happy Friday想放鬆吓食chill啲聚會…呢間位於啟德嘅墨西哥餐廳就好啱🎶 侍應主要講英文，半開放式座位，望住出面大空地都幾舒服。墨西哥菜必點taco，餡料可選蝦、牛、雞。為免食到唔新鮮的蝦，最後點了雞。估唔到比到驚喜我地，啲雞好入味。個醬汁剛好，辣度同酸度平衡做得好好，牛油果蓉更係增添絲滑感覺。值得一讚佢個薯條好重本，完全冇諗過佢會俾咁多份量同埋鋪滿松露醬同埋芝士🧀仲有sour cream ! 食呢個都好滿足。唯一係個花枝蛤蜊義大利麵汁有點太酸，整體都不錯。🧉松露薯條 HKD78TRUFFIE FRITIESFrench fries, black truffle, mozzarella cheese🧉墨西哥塔可（雞肉） HKD130Mexican taco (chicken)Sour cream, guacamole, tomato salsa🧉花枝蛤蜊義大利麵 HKD150SOUID PASTA WITH CLAMSFresh clam & white wine sauce
继续阅读
行完啟德新商場sogo打卡 順便喺附近行吓發現一間好多異國情調嘅西餐廳 - La Mensa Grill & Bar 餐廳空間好闊落 燈光昏暗 好有氣氛 屬於半開放式西餐廳 非常啱一班朋友聚埋飲嘢 享受Happy hour～🔹我哋嗌咗PARMA HAM PIZZA🍕見到寫住自製PIZZA 果然有驚喜🤤Pizza底薄 熱辣辣 邊緣金黃色且脆 煙韌好食 帕馬火腿份量好足 熱辣辣嘅芝士同帕馬火腿mix得啱啱好 整體口感層次分明 同frd食晒個披薩已經有8成飽啦🙈🔹雞肉牛油果漢堡🍔份量都好大 一擺上台就睇到勁大塊嘅雞扒 雞肉嫩滑 加埋營養豐富嘅牛油果 酸黃瓜 搭配撒上孜然粉嘅薯條 薯條係新鮮炸嘅 仲係好熱 想要蛋白質和健康脂肪嘅你可以食吓呢款漢堡包 美味又健康😊🔸飲品方面都好多選擇 邊食嘢邊望住公園 感覺好舒服 食完仲可以喺附近散吓步 下次會再過嚟 收工約埋同事飲🍸🍹chill chill
继续阅读
今日過咗嚟啟德，休閒嘅星期日早上，想揾返間Chill啲嘅餐廳🍴係Airside對面有間好精緻，裝修超有feel，係好有異國風情嘅西餐廳😍餐廳有酒巴，相信夜晚一定更加有feel❤️🔶雞肉墨西哥夾餅🌮一份入面大約有幾多6件，兩塊墨西哥餅入邊夾住咗雞肉同芝士等食材🤤另外，佢仲會配埋牛油果醬、乳酪醬同莎莎醬，酸酸甜甜，好開胃！🔶卡邦尼意大利麵煙肉🥓佢好香脆，食落好香，味道好夠，蛋味好濃郁，麵條熟度剛好，醬汁會包裹全部一樣嘅食材同埋麵條，好正❤️推薦嚟到啟德真係可以嚟嘗試下😍
继续阅读
🍗燒烤雞肉Pizza $160pizza外皮焗得金黃挺身，而且比預期中大份又足料。底又唔會太厚，咬落唔會好lum身🤤烤雞肉質鮮嫩多汁，配埋燒烤醬嘅獨特煙燻味，整體口感豐富～醬汁嘅微甜同香濃，配合甜椒嘅清脆，同埋洋蔥的香氣，咬落去真係啖啖好滋味。🦑墨魚汁蟹肉義大利麵 $148啲麵口感彈牙，煮得恰到好處，吸收咗濃郁嘅墨魚汁，每一口都充滿海洋嘅鮮味。墨魚汁嘅香氣同味道，搭配竟足料嘅蟹肉，蟹肉鮮甜，質感細膩！不得不提嘅係櫻桃蕃茄嘅加入為呢道菜增添咗亮點，佢嘅酸甜味同墨魚汁嘅濃烈形成一定對比，清新嘅感覺令整個菜式更加豐富。仲有香菜嘅加成，食落去完全又唔會覺得油膩！😚加分嘅係餐廳落咗小小橄欖油，令成道菜望落更吸引，同埋食落好滑🤩如果係蟹肉意粉嘅愛好者嘅話，強烈推薦大家試吓～
继续阅读