La Pizza Express

营业中

休息中

Today is our off day and we planned to spend half of our day at Kwun Tong promenade to stroll around and relax. Feeling slightly hungry, we saw La Pizza Express and decided to buy some food.Even though it catered mainly for take away, they do have few tables for customers to dine in as well as bringing our food to the nearby waterfront to have picnic.They served pizza, sandwich, salad, snacks, calzone and drinks. They do have set meal as well.Oranje juice was sweet and fresh in taste, using 100%

自己係九龍灣返工大約兩年，最近先知原來觀塘海濱公園有一個滑板場，曾經作為板仔既我決定朝聖一下，滑板場附近有一間橙色貨櫃，其實係一間薄餅店。可謂臥虎藏龍。餐廳主要以外賣為主，不過貨櫃出面有三四張枱俾客人坐低食野。- 素牛肉芝士薄餅材料有素牛肉、芝士同蕃茄。簿餅底幾煙韌，素牛肉味道同真牛肉的確有少少距離，不過脂肪較小，就算素牛肉放滿係薄餅上面，口感仍然相對輕盈。- 水牛城炸雞鎚一份有大约五至六件，辣味後勁強勁，肉質幾彈牙，旁邊仲有沙律菜。- 藜麥毛茄沙律藜麥同秋葵係我鐘意既蔬菜，秋葵配芝麻醬係超好味，另外仲有沙律菜、番茄同粟米，營養價值豐富。希望遲啲有機會可以嚟呢個滑板場切磋一下，順便食多次數牛肉芝士薄餅😝

欣賞完日落後, 來位於觀塘海濱長廊的 La Pizza Express 食個簡單舒服 early dinner.最安全的露天茶座, 天橋底下唔使擔心食食下嘢有人掉嘢落嚟, 今日清風送爽, 坐喺度食嘢好舒服La Pizza是外賣店, 所有食品以外賣盒pack 好, 店外放有數張檯及椅子供客人享受戶外用餐風味。店內有汽水, 冷窄果汁及手工啤供應, 食物主要係三文治, 餅卷, 沙律, pizza及小食類, 最吸引我嘅當然係味道幾特別嘅大圍手工啤, 竟然有洋甘菊味嘅手工啤, 夠特別.Order 左一個pizza及一個水牛車雞槌, 各自叫飲品, 便是我們今晚的簡單晚餐.我order 咗熱情果茉莉手工啤大圍熱情果茉莉手工啤 ($48)以新鮮熱情果釀造的手工啤, 微微嘅果酸, 熱情果味唔算特出, 一貫手工啤嘅特質......就係麥味比較重.素牛肉芝士pizza ($68)La pizza 主打pizza, 必食啦, 最正係店舖除左有多款特定pizza供應外, 還提供pizza自選材料, 四款材料只需$48, 加$20可加配三文魚、大蝦、素牛肉等, 全部即叫即焗, 所以食pizza的話, 要預留番少小

今日天氣好好☀️去咗觀塘海濱嗰邊行吓，散吓步，望吓海真喺好放鬆😌行到攰攰地，見到La Pizza Express橙色招牌好搶眼，即刻去醫下肚先😙.🌟素牛肉芝士薄餅呢個素牛肉嚟嘅，不過食落去真喺好似食緊牛肉緊😆薄批皮好脆卜卜，好多芝士，好好味，超正！🌟藜麥毛茄沙律沙律菜裏面有蔬菜🥬粟米🌽秋葵同車厘茄，好新鮮，就算冇咩點沙律醬，都好鮮甜好好味😋再加埋藜麥一齊食，健康有益又飽肚～🌟水牛城炸雞鎚唔好睇佢咁細隻，食落啖啖肉，辣辣地好惹味😙

La Pizza Express 地址: 觀塘海濱道86號地下2號舖電話: 55992256===================想係觀塘海濱同休息吹下風食野，呢間小店我幾推薦，唔貴又可唔外賣，舖張地壇係附近草地來個野餐Pizza 是製焗，order 完即搓餅底落配料，幾等15分鐘就拎到外賣Vegan beef pizza 個素牛好真實，仲有cheese 是素食者福音，唔講我以為食緊真牛Quinoa salad 加秋葵，是非常健康高纖，同好飽肚小食buffalo drumstick $58 即炸熱辣辣架，夠多汁個公司有長櫈好光猛，店門口都擺左幾張臺架，我買完就去海邊食啦。

相信一般都市人假日都希望遠離繁囂，到海邊走走過慢活人生，而我亦都唔例外，不過，舟車勞動去沙灘未免有點辛苦，所以，我選擇到城市中既綠洲 - 觀塘海濱長廊過一個悠閒星期六。其實觀塘海濱長廊除咗景靚之外，沿途仲有餐廳，我今次就去咗La Pizza Express開餐。La Pizza Express 顧名思義就知道主打Pizza，另外，仲有三文治、沙律及小食等選擇。我隨意點咗3款食物，同bff一齊食，包括： 素牛肉芝士薄餅、煙三文魚凱撒沙律及牛仔腸。素牛肉芝士薄餅薄餅入口香脆，有陣陣焦香味，而pizza上面舖滿咗素牛肉，芝士，仲有車厘茄，味道有d似平日食開既肉醬蕃茄汁，但素牛肉既肉味反而比較濃郁，配埋芝士既香味，讚。煙三文魚凱撒沙律煙三文魚份量非常多，入口充滿煙燻同埋鹹香味，而凱撒沙律羅馬生菜口感爽脆清新，夾住香脆既麵包粒粒，同埋酸酸甜甜既車厘茄，令人越食越開口。牛仔腸牛仔腸胆衣香脆，入口唔會有一般腸仔既重油膩感，相反，牛仔腸即肉味好濃厚，加埋沙律一齊食，感覺好match。

逆齡這個topic ，永遠都有市場，由香港首富投資以色列小鮮肉科技公司去研發「長生不老藥亅、到電視台「尾亅魔女搔首弄姿、酥胸露臂去賣弄美容科技、P圖誘客。。。不過，與其逆齡於一瞬間， 藥效一過就散。。。倒不如從心出發， 保持心境開朗 ，每天做一些健康的活動更為實際。這天趁放假，福福郎就約了朋友一早去觀塘海濱長廊散散步， 呼吸下海邊的新鮮空間之餘， 順便在天橋底吃個 express早午餐！現在的天氣，我想是香港全年最舒適的季節， 二十一度的氣溫， 加上今天風和日麗的天色 。。。陽光微微斜照在海濱長廊綠油油的草地上， 不在戶外吃下一東西，吹吹海風，就真的是太笨了！！碰巧見到這家貨櫃餐廳，有pizza 、有沙律供應，很健康、 價錢親民之餘， 還提供戶外雅座 ，真的很襯今日的天氣喎！ 就選妳啦 。。。Bingo！！羽衣甘藍、藜麥、秋葵沙律 $48羽衣甘藍和我們常吃的芥蘭、西蘭花等同屬於十字花科的深綠色植物， 是營養價值極高的現代super food。為什麼這樣說呢？是因為根據營養學專家表示，每片羽衣甘藍都蘊含非常豐富的calcium (鈣質) 、iron (鐵質) 、magnesium (鎂質

上星期同朋友去海濱野餐，見到呢到有幾間舖可以買嘢食。朋友買咗個細薄餅同埋小食，可以坐低睇住個靚景慢慢傾偈。牛油果慢煮雞肉沙律 $68好健康嘅沙律，有齊我鍾意食嘅牛油果同埋朋友鍾意食嘅雞胸（健身健心）。仲有個醬可以點！素牛肉芝士薄餅 $68薄餅嘅種類都唔少，但係我哋就是呢個素牛肉。食落去個感覺好似食緊芝士肉醬意粉咁，完全唔覺得係齋。幾特別又好味！芝士薯條 $48薯條新鮮食好香脆，仲有個好香濃嘅芝士醬。薯條呢啲嘢真係要趁熱食！

近排真係好多煩事，友情啦⋯⋯感情啦⋯⋯人生啦⋯⋯因為發生了不同的事情而令我在這幾方面感到一塌糊塗，忍不住約好友去海旁鬆一鬆，抖抖氣，希望化負能量為正能量，為自己加油！邊行邊傾，發現到一間薄餅店，大家就決意吃頓early dinner，坐低休息下，邊食邊詳談。小店外形好似一個大貨櫃箱，全身鮮橙色，加埋光管燈招牌，挺搶眼！設有露天的座位，共有五張圓枱，地方闊落又空曠，仲可以望住嗰靚景，看看！很美的晚霞….看看下單處前方的餐牌，有薄餅、三文治、特色饀餅、沙律、小食和飲品。我們點薄餅、沙律和小食各一，再加兩支果汁，睇下幾豐富！************指定薄餅共有五款選擇，還有自選薄餅。卡邦尼意粉就食過，卡邦尼薄餅Carbonara Pizza ($58)就第一次見，一於揀它。用料有煙肉、洋蔥和芝士，中間還有隻生雞蛋，跟邦尼意粉的用料相若。友人先將生雞蛋拌勻，蛋液慢慢滲入餅底，好滋味咁！薄餅厚度中等，邊位稍稍脆口，面頭舖滿煙肉粒、洋蔥和半溶芝士，味道鹹香，仲有蛋香，再加了不少苜蓿牙，吃起來帶一點清新。************沙律有四款選擇，揀了牛油果·慢煮雞肉沙律 Avocado, Slow C

📍 餐廳：La Pizza Express (觀塘)地址：觀塘海濱道86號地下2號舖下午去到觀塘海濱長廊散步，響牛頭角向觀塘方向開始行，行咗無耐就見到個顏色搶眼嘅貨櫃，俾佢吸引到，就走過去望下，原來係餐廳嚟，然後望一望個Menu，價錢都幾吸引，結果就坐底食下午茶🤣1️⃣素牛肉芝士薄餅🍕Pizza真係超抵食，最平一款都係$38起，Size比想像中大個，用料非常足，而且即叫即整，保證新鮮熱辣。表面放滿素牛肉，食落有啲似平時食開意粉個種肉醬，味道同口感完全唔似素食，裡面嘅芝士亦都唔少，啖啖都食到香濃嘅芝士，仲輕鬆做到拉絲嘅效果👍👍👍2️⃣水牛城炸雞鎚$58🍗大概有六件炸雞鎚，肉唔算有好多，但食落都唔錯，肉嫩脆口，水牛城醬汁酸酸辣辣，夠曬開胃同惹味👌👌👌3️⃣藜麥毛茄沙律$48🥗上面鋪滿藜麥同毛茄(秋葵)，底下仲有車厘茄同埋沙律菜，用料新鮮同講究，絕對係健康之選😁😁😁

今日觀塘收工，落船剛好在觀塘碼頭海濱長廊，經過觀塘海濱86號有間 pizza ,超平超抵食，忍不住落 order 回家吃。即叫即焗，快手新鮮，坐下等食物之際，欣賞四周圍， 橋躉上的壁畫 , 紅色枱咖椅幾舒服， 環境休憩 , 還有不少青年人在玩滑板，眼前的海景，泊滿了遊船，寧靜優美。卡邦尼薄餅 $58(對比中環食要100元這裏真的超平) 皮薄香脆餡料多，材料包括意式煙肉，蛋王、蕃茄醬及芝士，意式煙肉味道帶鹹香，配埋流心蛋黃食好滿足。面頭加菠菜芝士洋蔥， pizza皮薄香脆因面粉經過時間充分發酵，目測都好多芝士拿起來， 絲絲芝士連餡料拉起，看到流口水，可能真的餓了，8點半才吃晚飯藜麥毛茄沙律$58沙津真心推介大家，用料貴價有誠意，加了秋葵， 荷蘭車厘茄，羅莎紅生菜， 台灣超甜粟米粒 ,火箭菜、嫩葉菠菜生長了15-35天就被採摘下來，草酸含量較低，幾乎沒有澀味，而熟藜麥添加到沙律中，黃色藜麥質感軟，膳食纖維含量豐富，最適合繁忙的都市人，平時食太少蔬菜。混了日式芝麻沙律醬，秋葵入口滑捋捋， 裏面的粒粒咬入口，口感一流，因為新鮮，好爽口。牛仔腸拼沙律Veal sausage$58德國白牛仔腸煎熱

難得週未就同朋友去觀塘海濱公園relax一下,遠離市區既繁忙.係海濱休息既時候咁啱聞到少少食物既香味,原來海濱旁都有小食餐廳！而且價錢又唔會好貴就買左黎試一試！牛油果慢煮雞肉沙律牛油果新鮮清新,翠綠牛油果質感綿滑.慢煮雞胸肉嫩香又唔會過乾柴,配上帶點果香既沙律醋汁味道更清爽開胃.香草雜菌薄餅Pizza以手拉薄餅皮即點即焗,批邊烤得香脆又唔會過硬,以咁抵既價錢材料十分足料.薄餅鋪滿雜菌,菌香濃郁而且juicy,雜菌質感卻相當爽脆.除雜菌外亦有香甜既蕃茄令整體更清新.芝士量亦豐富,充滿拉絲效果.水牛城炸雞鎚炸雞鎚唔會過厚粉,水牛城醬酸酸辣辣又開胃又惹味.雞鎚內外都醃得夠味,內裏雞鎚肉嫩唔會過乾.

年初嚟過牛頭角食嘢，然後，沿觀塘海濱公園由牛頭角行到去觀塘，發覺原來海濱呢度有幾家餐廳，不過，當時已經食咗晏，就齋睇望望吓。今回就過開嚟，揀間平靚正嘅試試，睇到呢一間「La Pizza Express」，一身橙色貨櫃鋪面，幾搶眼喎。睇店名，都知主力做外賣，不過，對出有數張餐枱，可以「堂食」，慢慢享用。亦可以買嚟到海濱嘅草地打躉，見唔少親子客、後生仔到草地區當野餐。而對出喺一片「有蓋」（其實喺天橋底）遊樂場空間，空間開揚，見有啲小朋友踩單車，年輕人玩滑板，但又唔會影響到食客，加上開始入秋，天氣涼涼哋，晌度食嘢感覺都幾舒服。門面玻璃窗貼出咗大餐牌，有咩食就一目了然，三文治、特色餡餅、沙律、小食、薄餅……等等，睇店名都知，應該要試試佢哋嘅薄餅啦，而佢哋啲薄餅主要喺賣意大利拿坡里式，即喺咩？哈哈，小弟無研究，都喺上網睇，確喺有特定做法，簡單嚟講，麵粉糰從中央往外推，揉出一道「小圍場」嘅1-2cm厚批邊，茄醬底要用上有「蕃茄之王」San Marzano製成嘅茄汁，平均灑上莫沙里拉芝士及羅勒葉。飲品方面，除汽水、冷壓果汁之外，竟然仲有手工啤同果味氣酒。收銀位前，更放咗好多樣辦，唔知喺咪之前有人隨手

店鋪：La Pizza Express (觀塘)地址：觀塘海濱道86號地下2號舖有時放咗工不時會去觀塘海濱果邊行吓散吓心，行到有蓋遊樂場同空地果邊見到有班後生仔女喺到玩滑板🛹，於是就興起坐咗喺到睇佢哋踩板，比我見到有間La Pizza Express嘅外賣小店🥡適逢第一次返夜更，諗住買啲好嘢食同同事分享，就諗起呢間 @lapizzaexpress_lpg 🍕，決定買啲嘢食返去同同事開心share🥳佢哋嘅食物都喺即叫即整，主打Pizza、三文治🥪、沙律🥗、餡餅🥙、小食，仲有唔少手工啤同氣酒🍾，最平一個pizza都喺$38，每個大概有8吋，都幾抵食👍，仲可以自選材料去整你自己鍾意嘅DIY pizza，實啱你心意😎✝️卡邦尼薄餅 $58卡邦尼意粉就食得多🍝，卡邦尼薄餅就第一次試，原來喺用咗同樣嘅材料作為pizza嘅toppings，有煙肉粒🥓、洋蔥🧅、mozzarella cheese、Parmesan cheese🧀、翡翠苗，最面頭仲加咗生蛋黃，食落更加香，pizza餅底同toppings之間放咗忌廉芝士汁，焗完之後未食都聞到勁香芝士同煙肉味，餡料仲有非常多，食完之後諗，如果加埋黑松露去食就

🍽La Pizza Express @lapizzaexpress_lpg 上星期趁放假又有好天氣嘅時候就去咗觀塘海濱野餐，由於懶得自己整嘢食嘅緣故，我哋就喺附近嘅外賣店度買咗啲嘢食，見到一間橙色貨櫃嘅pizza外賣店好eye catching就試咗~🤍卡邦尼薄餅（$58）卡邦尼意粉、pizza分開兩樣食就食得多，第一次係兩樣嘢夾埋做一樣嘢咁食。卡邦尼醬放落薄餅度味道幾夾，而且醬汁嘅份量仲好多，差啲流晒出嚟🙊🙊呢個薄餅我哋兩個人share，分量剛剛好足夠，而且價錢合理，性價比極高！🤍水牛城炸雞鎚（$58）平時食嘅水牛城雞翼一般對我黎講都會太酸，而呢份炸雞鎚唔會有好大pat醬浸到個皮淋晒，同時雞鎚又可以控制到唔會太乾身，配埋少少沙律菜健碟感覺更fresh!🤍牛油果慢煮雞胸沙律（$68）呢個絕對係健康之選！雞胸可以飽肚得來又低卡，相對地負擔更少～而且呢份雞胸亦唔會嚡熠熠，味道口感都唔錯～十分推介想去野餐chill下既大家可以考慮直接喺觀塘海濱買嘢食，一嚟可以自己唔使預備咁多，二來食嘅嘢仲可以熱辣辣😚