La Postre (永樂街) (已結業)

一直是La Postre的粉絲，上環lunch總是book不到位，決定6:00放工再戰。新裝修的環境與尖沙咀分店相似，簡潔舒適。Menu漂亮如雜誌，看得我心花怒放。仲夏水果茶一如以往的好喝足料。凍Mocha充滿可可和咖啡的甘味，也不會太甜。西班牙牛仔蠔肉燉飯份量很大，蠔肉大顆飽滿鮮甜，牛仔肉也是很大塊，有十件以上的牛仔肉，燉飯很入味，酸酸甜甜的很開胃。芝士煎蟹餅中間是融化的芝士，雞蛋薯仔煎成蛋餅，份量十足，吃到一半便投降召喚侍應，要求把我order的全份Waffle改成半份。半份鮮果麻糬窩夫，真正的外脆內軟，很喜歡蜂蜜的味道，吃到撐開肚子還是要食!

la postre之前已經吃過幾次，一直覺得味道不錯，今晚經過上環決定再去吃。太久沒來過的關係，原來已經裝修過，裝潢感覺舒服乾淨，牆上的投影鐘令我想起巴黎奧賽博物館裡巨大的鐘！menu方面由小食、主食、甜品到飲品都十分多選擇由於天氣太熱的關係，先叫了兩杯特飲。荔枝茉莉綠茶$43荔枝味重，有淡淡的茉莉清香，還有荔枝果肉。仲夏水果茶 $46水果茶味道清新，不會過甜，飲到水果本身的甜味。杯內也有很多水果：青蘋果、蘋果、橙等等食物方面叫了一個小食和一個主食蜜瓜黑毛豬（24個月）$198份量很大，有足四分之一個密瓜，蜜瓜口感爽脆，味道超甜。黑毛豬切得大塊，口感軟滑，香濃。味道不會過鹹，配上密瓜相當夾。西班牙海鮮飯（2人份）$298一上菜，好大盤，十分壯觀。海鮮有青口，蜆，蝦。味道方面最喜歡的是蝦，除了很大隻之外，十分新鮮，口感爽口彈牙。炒飯味道微辣，加上了彩椒，口感豐富。總括而言，lapostre對我來說水準味道依然高，而且環境裝修十分舒適。

與好友飯聚，餐廳位置方便，就近地鐵站，因已到訪幾次，裝修與以前有別，但感覺一樣舒適，絕對係與好友的聚會的好地方，在味覺及視覺上食物都保持水準，尤其今晚食的虎蝦墨汁意粉，好好味，服務員亦態度良好。不過在上餐方面可以調節一吓，能夠留意客人用餐進度才上餐，就能令食味的味道更出色。

小編今日去左上環食西班牙菜，雖然系西班牙餐廳但其實菜式不是十分西班牙（根據我的一位西班牙同事所述），我地點左兩個SET，因為小編生痱滋所以不能夠食 冬陰功意粉所以就A LA Carte點左墨汁虎蝦意粉。賣相OK啦，墨汁意粉非常濃厚小編很是喜歡，但同事點既冬陰功就覺得好辣，而且系越食越辣，其實可以叫少辣既但我同事本身都系食得辣之人不過唔知典解渠話呢種辣好難入口，越食越辣，最終放棄左，我另外既同事叫左意大利雲吞，不過不失啦，總括而言，食物質素唔差，但又未至於好正，一定要ENCORE，不過佢地服務真系唔錯既，不停為我地加水，好貼心。確實好抵贊

有時都會想去高檔既餐廳，慰勞一下自己。今日同友人黎到La Postre，餐廳位於上環地鐵站A2出口，只需步行約5分鐘便到，非常方便。環境十分優美舒適，無論係情侣拍拖，抑或是閨蜜聚會，都係一個非常理想的地方。而且餐具很有歐陸風情，令有人置身於歐洲既感覺呢。我點了一個套餐，其包括一個前菜、主菜、甜品及兩杯飲品。西班牙青豆煮硯 硯湯十分鮮鮮甜，更有粒粒蜆肉，好足料。蜆肉非常鮮美，好新鮮，配合蒜香陣陣，簡直色香味傎全，令人一口接一口咁飲。西班牙牛仔蠔肉燉飯橙紅色既燉飯非常吸引，旁邊更有蠔殻作點綴。其燉飯十分惹味，蠔肉配牛肉，蠔肉鮮美，牛肉出色，兩者非常配合，而份量亦十分大方，二人分享就剛剛好。綠茶麻糬窩夫特別值得一讚的是甜品綠茶窩夫，不單賣相十分漂亮，能殺去不少菲林。外皮脆卜卜，配合入面軟綿綿的麻糬，雙重口感，十分過癮。這道甜品不怕食厭，因為其總共有4個配料，包括紅豆、蜂蜜、吉士及抺茶忌廉，每一口也有不同滋味！窩夫中間有煙煙靭靭的麻糬。宇治抺茶紅豆作為抺茶控，飲品當然少不抺茶飲品。大大杯，抺茶加紅豆既經典配搭，加上Creamy忌廉，雖然邪惡，但都忍唔住飲晒成杯。拿鐵咖啡友人則點了拿鐵咖啡，同樣

係上環上完fitness class，同同事一行七個人踩左上附近既La Postre食睌飯😎 地點好方便，距離地鐵站一分鐘既路程😍餐廳內既佈置好靚好精緻，感覺好舒服。Beef nachos🥩🧀 $108粟米片上既芝士同料都唔少😎用左兩種唔同芝士🧀焗，更香更有層次感醬係酸酸甜甜既莎莎醬，有粒粒黃紅椒加上牛肉碎令成個nachos無咁單調Truffle fries 🍟 $68炸得好脆，係我鐘意既薯條質感☺️ 知我地多人，好細心咁比左兩碟黑松露醬我地醬既黑松露味唔算濃，沙律醬味偏重得意在裝薯條既器具好似透明水上滑梯🤣 instagramable📸藜麥羽衣甘藍牛油果沙律 🥑🥗 $138羽衣甘藍菜唔夠爽口，有少少韌既感覺沙律汁係好濃厚既黑醋，酸酸地好開胃如果要比較，尖沙咀The point既呢羽衣甘藍沙律價錢同味道都優勝d值得一提既係佢跟左個白色沙律膠夾上可以坐座枱好貼心方便食客西班牙蛋餅🍳 $98蛋餅外層煎到燶燶地好香口餅内既蛋層好厚亦有唔少配料例如洋葱肉碎，味道正常偏淡少少西班牙豬手🐷$388豬手上枱時好靚仔☺️ 好大隻😳 建議4人以上先好叫外皮焗得好脆，咬落咔咔聲肉質還可以，唔算好軟熟，有d部位

依排都好少出街食飯，一於食返餐好既獎勵下自己。裝修、環境唔洗多講，唔會失禮，拍拖一流。唔想食太膩濟，所以今日食海鮮做主菜！初嚐啤酒海鮮火鍋，湯底又真係有好香濃酒香。令到海鮮更加甘甜，海鮮本身都好新鮮，蝦係超級爽甜彈牙，螺肉都鮮甜可口。奇怪既係，打緊邊爐途中，係feel唔到辣，直到倒落杯仔度飲，先飲到辣味，非常頂癮！而芝士煎蟹餅都係無得輸，入面流心芝士混和蛋漿，賣相邪惡不過食落口唔會膩濟。飲品叫左 味道類似水果茶既Mojito同咖啡，Mojito清新怡人，比較輕盈。咖啡有濃厚榛子味道，唔需要落糖，都已經非常好飲。最後叫左個名稱特別既甜品，「洋妹子」估計係講緊脆皮內包住既「莓子」果醬，而「沙巴翁」其實就係黃色物體，味道類似Puff內既cream，有蛋黃醬既香甜味。唔想食窩夫咁heavy都可以試試依款！總體而言，食物環境都可謂零瑕疵零死角，每樣食物既細節位都有考慮，實屬驚喜之作，屬於拍拖或者慶祝既一個好去處！

很久沒有食西班牙菜，今天約了朋友一起試試。地點很容易找，一出mtr 1min 到，上到餐廳光線十分足夠，卡位又好坐。今次我們點了一個前菜蜆，最重要冇沙，湯底又好夠味，主菜係食一個牛腩焗飯，意想不到分量十分多，又多牛腩，十足三個成年男仔的分量，牛腩十分滑有肉味，加上飯的汁效果十分好，甜品方面，點了朋友最愛的，加上新鮮的生果及蜜糖，令這餐十分滿足，份量同様十分足夠。今次西班牙菜的體驗十分好，令我對西班牙外觀了不少，足球勁之外，美食也ok

早排朋友同我介紹過呢間餐廳，講到好正咁，今日就嚟試下到底係咪咁堅～一入到嚟覺得環境都幾唔錯，配色柔和舒服，都幾啱一班朋友嚟聚會。今次我哋揀咗食二人餐，個餐會包咗前菜、主菜、甜品各一，同埋每人一杯無酒精嘅飲品。就咁睇我同朋友都怕會唔夠飽，但原來啲餸都大份，唔怪得個個都話抵食，到最後我地係食太飽。因為我朋友戒咗肉嘅關係，我哋主菜就點咗西班牙海鮮炒飯。就咁睇賣相已經100分，炒飯入面仲有唔少蝦乾仔，每啖既味道都非常豐富。海鮮有大蝦，青口同蜆，全部都大大隻，係可以填飽肚嘅。意料之外嘅係有幾塊辣肉腸，都幾特別。前菜嘅芝士煎蟹餅，同想像中嘅真係差好遠。我哋都以為係打碎咗煎嘅蟹肉餅，咁嘅蟹餅的確係幾新鮮。甜品有得揀全份或者半份，唔怕食唔落哂嘢。呢個係麻糬窩夫，講真都幾飽肚。好彩唔係太甜，唔食甜品嘅朋友都接受到。

友人近排想食西班牙海鮮飯今次聚會就揀左黎食西班牙菜蜜瓜黑毛豬完全無諗過 前菜會咁大份真係有驚喜啊黑毛豬香得黎 食落又唔會好鹹 再配上清甜多汁的蜜瓜真係......齒頰留香西班牙海鮮炒飯比起平時食嘅西班海鮮飯 飯的顏色會比較紅 同埋是辣的 唔知係咪我地都唔食得辣的問題 定係廚師重手的問題個飯又真係幾辣  仲有種好似越食越辣的感覺anyway啦 海鮮的份量是多的 同埋飯是有咬口的食得辣的朋友 相信會覺得呢個西班牙海鮮係惹味的雜果麻糬窩夫怕食唔哂 所以我地叫左half set甜品賣相精緻 香脆窩夫入面係麻糬 食落煙煙韌韌 再加埋tiffany blue的海鹽雪糕 特別得黎又有層次 令人回味無窮雜果mojito呢杯mojito飲落酸酸甜甜 很是開胃fresh得黎甜度岩岩好 好適合夏天飲 順帶一提呢杯mojito配上西班牙海鮮飯係意想不到的夾 

去上環接朋友放工，揀左呢間La Postre 試新野，的確好特別！因為早去，我地可以揀卡位坐，環境幾好，岩Girls Talk or 拍拖去食！Fresh Fruit Mojito - 好清新，超級多生果！有紅蘋果、青蘋果、橙、藍莓、士多啤梨等新鮮水果。新製雜果沙冰- 都係好清新，仲好解渴！前菜的芝士煎蟹餅 - 第一次食，幾特別，蟹肉與蛋漿混合再煎，中間灌了芝士，上面鋪了一層木魚碎，好有口感，味道適中，蟹肉及芝士都好香濃！主菜係西班牙豬手 - 唔好睇佢俾配菜埋了一座山，內藏了好大隻已切件的豬手！醬汁少少酸甜，再帶少少辣味，似係芥末醬汁。最欣賞豬手的皮，十分酥脆！豬手好入味！連配菜都好好食！甜品係全份既什果麻糬窩夫 - 上面係海鹽味雪糕，咸咸甜甜，好味！鮮果睇圖都見到有好多款又新鮮！原來麻糬窩夫好得意，煙煙韌韌的麻糬在窩夫中層，好特別，形成外脆內軟！

收工同友人去試新餐廳已經成為本人既日常今次就嚟咗呢間西班牙菜餐廳食好西蜜瓜黑毛豬(24個月)HONEYDEW MELON WITH JAMON IBERICO (24MONTHS)一上枱黑毛豬火腿陣濃郁既香味已經飄過嚟可以睇到切得夠薄，掛係密瓜上面呈半透入口肉質軟綿，而且咸香味充滿口腔食完陣香味仲會係口到徘徊一陣子密瓜熟成度可謂剛剛好，密瓜肉質帶少少軟唔會好硬而且好鮮甜，配埋火腿一齊食鹹度同甜度都啱啱好可以話為呢餐揭開一個好好既序幕西班牙海鮮飯PAELLA DE MARISCOS飯質有咬口唔會過熟海鮮份量相當大方，蝦肉肉質彈牙飯充滿海鮮既鮮味味道都幾辣，但相當惹味雖然飯入面有頗多本人唔喜歡既三色椒粒但因為鮮味同辣味已經蓋過大部份椒味本人都可以照食無誤，真係相當喜歡呢個咁高汁既飯鮮雜莓莫希托FRESH FRUIT MOJITO本來仲擔心冇叫少甜會好甜，黠知飲落甜度啱啱好而且水果真係全部新鮮，唔會食到甜到不安既罐頭水果飲落有陣陣薄荷味，感覺相當清新同海鮮飯一齊食，相當配合雜果麻糬窩夫(半份)MIXED FRUIT MOCHI WAFFLE(HALF)窩夫上枱時係熱辣辣，香氣四溢入面有麻糬係

今日天氣超熱 好彩上環既La Postre超近地鐵站 行3分鐘都到去到好似去左歐洲火車站咁 佈置好靚訂座仲好好彩有卡位一坐低 即刻叫左兩杯莫希托 透心涼雜鮮果莫希托每次飲都係咁好飲 有鮮果粒粒又大大杯好抵荔枝莫希托就少少甜 大大粒荔枝肉 都唔錯前菜就選左芝士煎蟹餅 幾隻蟹鉗仔埋左係蛋入邊 蛋味好濃而且好豐富既質感 仲配有大量木魚絲 超足料又好好味主菜就選左西班牙豬手上碟既時候超震撼 因為隻豬手好大隻 仲配有好多菜同醬豬手既皮好香脆 而大部分既肉唔會乾 仲係好「腍」點埋蜜糖既醬汁 份外Juicy 好香甜好好味食左個主菜都飽飽地 但女朋友仲好想食甜品 女人大概有兩個胃吧所以叫埋個 洋妹子遇上沙巴翁最估唔到係原來我訂完座 女朋友再同打俾餐廳夾埋 個甜品上既時候 點左蠟燭仲有酥皮餅仔寫左生日祝賀 好Surprise好開心餐廳仲好好咁送上生日咭 同埋即影即有 講返個甜品縱使唔係好肚餓 個甜品都好吸引 因個酥皮好香脆 配上濃厚既莓醬莓粒同埋一小杯既莓汁 酸酸甜甜好好味 唔會死甜整體黎講全部野都好好食 環境唔會嘈同佈置好靚 服務態度都好好呢間餐廳既菜式同煮法都係好正宗既西班牙菜 唔似其他餐廳都係大路

上環一向出名多好嘢食，好多都會捐窿捐罅先可以搵到，今次搵到依間喺地鐵站隔嚟嘅La Postre. 環境相當別緻，有種庭園嘅感覺，仲播著有節奏嘅音樂，氣氛都唔錯。餐牌款式選擇夠晒多前菜我就選擇咗蜜瓜黑毛豬黑毛豬食落好香肉質鬆軟，又唔會太鹹，再配搭埋黑毛豬下面嘅蜜瓜好鮮甜，中和咗佢地一鹹一甜嘅味道，食落好夾。飲品我就點咗藍莓蜜桃茶一送到上嚟就見到入面有原粒藍莓同蜜桃，飲落又有果味又有茶味幾清甜。而友人就點咗荔枝茉莉綠茶飲落好fresh好濃荔枝果味，亦都唔會太甜主要都係果味嘅甜味，相當唔錯。主菜就點咗西班牙海鮮炒飯一送到上嚟就見到個西班牙海鮮炒飯超級豐富，上面有四隻大蝦同埋六隻青口最搶眼，仲有其他海鮮。大蝦煎到好香，食落啲肉好結實唔會霉。而個青口雖然冇乜點調味，但反而可以食到佢嘅鮮味亦都唔會腥。蜆肉食落有少少香草味，肉質都好嫩滑。西班牙飯就煮得啱啱好，食落仲好有西班牙飯一粒粒嘅口感，而個汁就完完全全咁吸收曬入西班牙飯入面，食落有啲微辣，但入面又有少少蕃茄咁中和返，食落幾惹味又幾開胃。甜品就點咗綠茶麻糬窩夫窩夫新鮮焗出嚟好香脆，點返少少抹茶雪糕一齊食，食落唔會太乾，加上入埋有少少煙煙靭靭嘅麻糬

琴日去左上環試依一間西班牙菜，環境氣氛都幾好，餐具都好靚西班牙海鮮飯份量都幾多，蝦同青口都好大隻，有少少辣，好惹味，飯入面有三色椒粒，口感幾豐富仲發現原來飯入面有好細隻既小蝦乾／小蟹乾作調味芝士煎蟹餅好特別既菜式！初頭以為會係用蟹肉絲整成既肉餅，點知原來並唔係咁簡單！佢係鋪滿木魚碎同芝士既蛋餅，裡面有些少煙肉碎同蘑菇，加上幾隻蟹鉗一齊焗！非常香口宇治抹茶紅豆　／　士多啤梨mojito抹茶果杯就感覺普普通通，如果平時鐘意飲開抹茶味濃少少既抹茶牛奶，依杯可能唔適合你至於mojito都幾清爽，唔太甜，但又唔會淡而無味什果麻糬窩夫好好味！首先，佢唔會太甜，因為本人真係非常怕食太甜既野，即使淋上蜜糖都唔覺過甜，香脆既窩夫底下有煙煙韌韌既麻糬，配上海鹽雪糕可以解膩，非常加分！水果都好新鮮，但士多啤梨略嫌酸左少少，但都係可以接受既範圍內整體黎講算係非常滿意既一餐，值得一讚既係服務態度好好！！我食飯係成日需要飲水既人，但每次要舉手叫人行過黎斟水真係一件好麻煩既事，依間餐廳既店員係自動自覺，見你無水就會走過黎幫你斟，雖然係好細微既野，但我覺得真係好重要！