Lawry's The Prime Rib (已搬遷) 新店位置

今日屋企人生日就黎左呢度慶祝我地個個都叫左set佢會用一個好大既pot整d冰凍沙律沙律菜好新鮮而且真係好冰凍食落好舒服同開胃前菜冇咩特別正正常常我地叫左兩款main dish首先係燒牛肉佢會放一舊好大既燒牛肉喺你面前切俾你睇比起平時喺自助餐見到果d仲大舊燒牛肉可以配creamy spinach 或者corn我覺得corn好食d食落好香好甜 另一款main係Grilled Fresh Seafood包括龍蝦 魚 帶子 青口一上菜既時候我地見到龍蝦肉有d透明問Waitress咁樣係咪正常佢話可能未熟透超唔好意思咁即刻幫我地換過一份呢度服務態度值得一讚👍🏼海鮮食落好新鮮同埋鮮甜完全唔會有雪味特別係帶子因為有人生日佢地會有幾個staff一齊黎唱生日歌俾你同埋送返張即影即有俾你好有氣氛

適逢朋友生日，就諗住同佢食餐好，而佢又鐘意食牛，就同佢黎左呢間專門食燒牛肉嘅餐廳！我地揀左佢嘅set dinner同埋加錢要埋wine pairing，難得可以享受下。我地都加左錢要龍蝦濃湯(+$60)，味道好濃郁，唔會太鹹，又夠鮮味，特別係啲龍蝦肉，好嫩滑又彈牙之後就到沙律，生菜夠新鮮又爽口，醬汁酸酸甜甜好啱我口味！黎到主角出場，廚師會喺我地面前即切牛肉，又會問洗唔洗加大個size，我地緊係冇加啦，佢仲有薯蓉伴碟，真係會食唔晒！燒牛肉濃厚多汁，肉質鬆化，配埋紅酒簡直係一大享受最後仲有甜品同埋生日蛋糕，佢地有一齊唱生日歌仲幫我地影左張即影即有留念！

食品優質！我叫左鑽石二人餐。沙律會在客人面前拌好，配以冰叉確保溫度；龍蝦湯味道香濃，加入完整龍蝦尾，物有所值！海鮮新鮮，生蠔大隻鮮甜、龍蝦大隻彈牙，好高質素！medium 嘅燒牛肉（Brady cut）係我暫時去扒房中最佳，肉嫰多汁，配燒汁真係絕配！最後火燄雪山個底係冰凍雪糕連提子蛋糕，凍冰冰好正！即使好飽都要食埋，整個餐好完滿同完美！下次一定再食，生日的話更送生日歌、生日蛋糕一件同即影即有相一張，呢D就係好嘅服務質素👍值得加許！

自友人介紹這間餐廳後，一直想找機會來試一次。難得有朋友請客，於是我們也就不客氣了～這裡的氣氛很寧靜，座位很寬敞，挺適合約會的。晚餐有幾款套餐，亦可以單點菜式，我們四人選了Lawry's Classics、Deluxe Wine Pairing (this is "love" for the palate)和Diamond Dinner for two。我選擇了Lawry's Classics，另外加了$208 wine pairing，每道菜都配上一杯美酒。Appetizer可選擇湯，我則加了$100轉了「法式芝士焗蟹蓋」。金黃的芝士鋪在滿滿的蟹肉上，賣相不錯。每吃一口都感受到淡淡的芝士香與鮮甜的蟹肉融合在一起，相當滿足。然後是「冰旋翡翠沙律」，server會在餐車上用大銀盤隔著冰來拌勻所有配料，使客人可以馬上品嘗這道美味的沙律。沙律菜在這溫度下當然能夠保持爽口；加上車厘茄、碎蛋、紅菜頭和沙律醬，使菜式更加refreshing。而main是「香煎爐魚配日本帶子 (香檳忌廉汁Champagne Cream Sauce)」。爐魚煎得剛剛好，肉質嫩滑，加上忌廉汁則提昇了味道的層次。帶子也很新

是日係男朋友既生日，所以就帶佢黎呢間佢講左好多次以前食過而又覺得好食既西餐廳。咁我地就叫左2個set。一個係有California Cut, 而另一個就係普通Steak Rib Eye。我就係第一次食California Cut。唔試過都唔知牛係可以咁鬆軟，又唔會難食。加上出面少地方有得食，真係會食過翻尋味！而另外個steak就比較普通。不過2個set都幾飽同埋伴菜都好食！唯一要話唔太好的，就係staff比較後生，觀感不好。總括來說，呢間都係一間愛牛者必食既舖頭！

真係10個浪漫嘅一餐，滿意度極高。今日着得靚靚地就係黎慶祝周年紀念。一睇個門面就知係高級野，我已經ready好了。入到去 成個環境十分有情調，餐廳職員即刻為我地送上暖暖既麵包。我地再慢慢睇下揀邊款肉。落單後，一路等一路食首先送上龍蝦湯同忌廉湯。超濃郁既龍蝦味，加上香濃嘅cream味道偏鹹咗少少。反而餐湯仲香而且味道適中之後黎左個冰鎮沙律，新鮮嘅蔬菜同番茄仔配合粟米加上冰鎮嘅口感10分豐富。即時預備既冰沙律😍😋主角is coming.即時切俾你😋夠曬新鮮好鬆化既牛扒 入口即溶。好牛牛既感覺我地叫左5成剛剛好 唔會有好血水既味 反而肥瘦適中😋😋我地仲加左蘑菇一定會再黎的我們😍😍

國內總行大老闆來港開會，會前戰雲密佈。人人神色凝重。但係都要食飯嘅。秘書姐姐幫我地訂左Lawry，近公司開會地點之餘，可以招待國內同事食吓西餐。餐廳環境很舒服，餐桌擺得很寬。坐滿客人都不覺得很嘈。打開餐牌，有7、8 個選項。不過全檯都是選最經典的燒牛肉餐。沙律是現場混製的。視覺上有點特色，其實吃起來無甚特別。燒牛肉也是現場切，很認真的感覺。主角燒牛肉點了medium rare。中心位非常嫩滑，肉汁豐富；邊位則富鹹香 — 好正！值得encore。

舊同事相約到中環呢間有名既Lawry’s the Prime Rib試下燒牛肉，順道預祝聖誕節餐廳環境雅緻，開餐前食左個微暖既餐包先，餐包外脆內軟是日餐湯有我至愛既南瓜湯，侍應會因應客人喜好滲上調味料，南瓜湯香滑濃郁，好快就落左肚朋友點左沙律，侍應會推架車過黎即場撈d沙律菜比客人main course點左特級燒牛肉，另外有香滑薯蓉及英式薄酥餅。燒牛肉濃厚多汁，medium rare令牛肉的嫩滑感適度好處，點上芥末味道更佳最後食埋士多啤梨配vanilla ice-cream為精緻既午餐劃上句號埋單每人約$360

阿林：來自美國加州的老牌扒房，以運載牛肉的銀色餐車聞名。香港位於金鐘的分店裝潢華麗，侍應身穿50年代女僕制服，很有夜上海感覺。這種格調下，晚餐當然不能失禮——鑽石二人晚餐 ($1588)，先有海鮮拼盤，用料新鮮。南瓜湯，濃稠度合適，十分香甜。沙律，附上冰叉，疏菜爽脆。接著餐車登場，送來燒牛肉。三分熟度控制得剛好，金百帝厚切口感絕佳。肉味不算極濃，幸而肉質平均，脂肪鬆軟。翌日翻熱再吃，也沒有發柴。伴旁的薯蓉、英式酥餅及最後上桌的甜品火焰雪山則較平庸。飲食過程包含數個「表演」，包括旋轉冰鎮沙律以拌勻醬汁、把燃燒中的酒倒在火焰雪山上，雖加強了視覺效果（享受？），但總覺得有點突兀。一頓飯下來，共聽到四、五次生日歌（包括自己的）。主菜過後，侍應唱著生日歌及捧著蛋糕過來，再為我們拍一張即影即有留念，生日配套確實完整。贈送的蛋糕，不用期望好吃，重點只在於氣氛。服務雖非親切熱情，甚至有點機械式，但每一細節也做得很足。其中值得一提的是，上甜品餐具時，侍應把其放在我左邊，這對左撇子來說非常貼心。

好朋友同我慶祝生日食最好的牛扒大餐 我習慣咗食牛扒食10-20%熟 咁先食到塊牛係咪靚 ~~ 未食已經想流口水 ... 第一口 食落去已經大叫好食 !加埋d汁真係正到不得了 每道菜配一杯餐酒 不過我吾太鐘意飲酒 食左一两啖 ...囇左... 慶祝生日值得一去 !!!!!!!!!!(全晚10枱人生日,好多happy birthday to you...聽)

2017年實在有太多唔愉快既事發生左, 所以今年生日老公都用盡一切既奇技去氹我開心.話明生日一個浪漫既dinner又點小得呢？老公今次再帶我番黎呢間充滿我地開心回憶既餐廳.今次係我地第三次黎到都依舊係同樣既server, 好有親切感. 佢超細心咁介紹每個套餐既好味菜式,所以我地就選擇左呢個set dinner. 我就再加錢要埋wine pairing, 生日真係要好好咁享受一下. 先黎個湯我地都係要左龍蝦湯, 成個湯都好rich 好creamy,仲要有一條龍蝦尾既龍蝦肉... 入口真係鮮味十足又唔會太咸. 接住就係呢個Spinning bowl Salad. 呢個salad 係Lawry好傳統同出名既,睇server 一邊spin個大冰碗一邊在你面前準備個salad 你會好大開眼介, Salad 講究到連隻碟同叉都係冰凍既,食落Ｄ菜係凍同爽脆. 再配呢杯campaign 真係好夾我的主角來了, 黎得咁傳統既Steakhouse當然要試佢地既牛排. 當佢地推架牛排車過黎時已經傳黎好濃郁好強烈既牛味上菜時佢會問我要唔要加大個Steak size. 我都只係要左個medium rare Ca

之前見過呢間餐廳一直都好想食 星期五就嚟咗食 餐牌有分兩個套餐Classic Deluxe 一個五百幾蚊另外一個八百幾蚊 同朋友叫咗兩個classic 套餐 呢度環境唔錯 行到入去有種高貴嘅感覺 佈置亦都非常優雅 高級餐廳嘅格局 燈光柔和 地方寛敞 每台都有侍應serve首先嚟咗兩個餐包 一個法包一個農夫包 餐包嚟到嘅時候非常之暖 一查啲牛油想去即刻溶 食落好香好鬆軟 餐包來講都算好好食同朋友各自叫咗兩個唔同嘅湯 一個鮮雜菌湯 好香雜菌味 creamy得黎 唔會太heavy 正常蘑菇湯另一個加左＄60叫咗個龍蝦湯 飲落去好鮮味 食得出唔係味精嗰啲 之後同個龍蝦一齊食 係完美配搭 龍蝦好爽口唔痴牙 加埋啲湯鹹鹹地個配搭一流之後上沙律 佢先俾咗隻好冰冷嘅叉我哋食 好專業 再落啲汁落去個沙律大煲到 將去旋轉然後攪勻 雖然唔知佢旋轉左係咪好食左 但食落啲汁幾好味好似千島醬咁 菜亦都好新鮮 好少有咁會有紅菜頭係入面！食完沙律就上主菜 想之前佢有講解咗個牛嘅小小背景資料 在喺我哋面前切同埋煮 呢個時候先講要幾多成熟比佢聽 即整即上 非常新鮮個牛肉真係非常鮮味 呢個係五成熟 有少少血汁得黎 唔會太生

聖誕臨近與公司同事一起到金鐘的 Lawry's the Prime Rib 吃飯做冬。Lawry's the Prime Rib 是一間燒牛肉專門店，店内裝潢雅緻，座處舒適。 無獨有偶，大部份同事也選擇了「Lawry's Special」作午餐。這是預期中的狀況，實在找不到理由不吃這兒的招牌燒牛肉。 沙律餐湯二選一，最後選擇了「蟹肉周打湯」品味。奶白色的周打湯製作傳統，質感稠厚，內裡散落鮮拆蟹肉，口感結實泛甜，令人滿意。隨湯品送上的麵包一脆一軟，食溫暖和，配上的牛油也甚香口。 不消一會，切肉師會推著大大的燒牛肉餐車到大家面前，即席切下一塊美味的「特級燒牛肉」供享用。視乎要求的份量，食客可自由選擇「香港薄切」或「加州薄切」(+$80) 其中一種份量，後者略為厚切一點點。 燒牛肉以烘熱了的厚瓦碟盛載，面上澆上秘製燒汁，並伴上香滑薯蓉及英式烘薄酥餅。此外，店員亦會送上專為燒牛肉而設的辣根芥末及調味鹽，令燒牛肉的發揮更為多元化。雖然燒牛肉的生熟程度比要求為熟 (小編要求 medium)，但亦無損其軟嫩的口感。粉紅色的牛肉肉味濃郁，近邊的部位連附著少量脂肪，更多一份甘香。秘製燒汁味道不俗，

今日公司食xmas lunch, 係中環半山返工既我地揀左和記大廈間。我地14人 被安排坐一個corner 位， 感覺好似包房咁嫁，都幾舒適！我地12點半起行，黎到坐一陣，影下相，1點半都未有得食，因為佢要對號落order, 唔比叫住先，好著重services 哦！同事揀左沙律同帶子蘆筍湯， 我就加$40要龍蝦湯，湯好足料好濃味呀，龍蝦好新鮮，好彈牙呀，但湯就越飲越咸呀！主菜呢有同事要左sea bass, 有厚肉呀，但就話好重魚油。我就揀左黑松露海鮮扁麵，海鮮好豐富，有蝦，青口，墨魚，魚，帶子，好味呀！有同事就叫左燒牛肉，係即切嫁，但望住呢堆肉感到有點可怕有同事話呢個蛋糕🍰最好味，朱古力味好rich! 要加$25。食到最後飽晒喇！而服務呢，侍應有點黑面，不帶笑容，上菜有點慢，最後三點先返到公司！

We came here on a Sunday night and there restaurant was busy but luckily we were still able to get a seat without reservations. Service was attentive which is always appreciated. The prime rib was juicy and tender and the jus was very flavourful. The side dishes were alright, nothing to be desired. The lobster bisque was also very good.