Le Velo - The Baker

营业中

休息中

今日下晏去左上環,無意間見到呢間cafe,就入左去"裝"下!見到佢地有d自製面包, 外型同pumpernickel類同, 我估係用面包機整o既...再行入去,佢個餅櫃有幾款蛋糕. d cheesecakes個樣麻麻,但係有個朱古力杏仁果乾批幾靚, 上面係蛋白脆, 裡面係果乾fillings,$18一slice. 除此之外, apple tart個樣都唔錯! 可惜今日飽, 搵日黎試下先...如果嗌tea set$25包一杯野飲... p.s.門面個女仕好nice,我問東問西佢都好有耐性咁答我...

本來想去睇下食開的蛇舖今年仲有沒有蛇賣，無意中發現呢間標榜自家製麵包的舖頭，見佢位置偏僻但都唔少人幫襯，所以又試一試。要了黑椒牛肉香草包，香草包果然有淡淡的香草味，黑椒牛肉有少少韌但都OK，配芥辣都幾好食。連菜湯和熱咖啡，份量勉強足夠，注重健康的女士們一定夠飽，但食量不少的男士如我就要買多個鬆餅，口感不是太鬆軟，感覺是好健康。佢要45蚊，唔平，要食得健康就要付出代價，但見其無咩做宣傳都其門如市，好明顯是大有市場。外賣唔包湯就32蚊，同Delifrance的假法國鬼佬餐差唔多價，都可以一試。麵包就幾平，鬆餅5蚊。