Leonidas (已結業)

這兒給你意外收獲。相比同層的咖啡店，這兒坐位多的是，是一處三兩知己閒談和嘆咖啡之選。星期天坐在層板後，不怕扶手電梯人流影響，看書看得入神，也不會因太靜而添睡意。叫了杯意式鮮奶咖啡，咖啡和鮮奶調配適中，不太甜，味道香濃。只是環境太開放。

一早知道哩間咁近我的餐廳聖誕節檔期會推出限定布甸狗食物每款每日限量30份供應日期為11月29日至1月4日只係如果要個tea set只限24,25,26供應每天限量10set咁諗住橫點都要食未聖誕節先食開心的嘛但其實未聖誕時係不用排隊架咁我諗住大安旨意26號應該唔多人點知我11點半去到tea set條龍已經full了同原來要企係到排到2點先入坐咁of cox死去排散叫30份最終都係散叫總之就之前黎試啦今舖真係多此一舉平時到夜晚6點都未賣哂架嘛不過算啦排就排啦因為無限時關系所以都預計唔到要排幾耐不過都終算排了個幾鍾就到我入坐好姐妹同老公都剛好想食所以我們就1行4人一齊食我們差不多每款都有點3杯熱飲賣相絕對靚到唔寫得飲個個都研究點樣可以又飲到又整唔爛個花Cappuccino泡沬夠滑咖啡味夠濃mocha都好重朱古力味蜜桃檸檬茶就好香蜜桃味不過可能用果醬溝又無溝混所以越飲越甜不過就飲唔到任何檸檬味熱香餅唔知係唔係掛住影相呢又凍又硬又無味要點番的雪糕先可以入口其實未食時對熱香餅評價係最高布甸方面就除了賣相唔知點解散散地外出奇地超好味夠哂滑好濃蛋味入口即溶的感覺沙律方面都超級新鮮爽口夠哂大碟Tira

雜誌紛紛介紹新都城布甸狗，今日就同朋友一早一齊嚟影相，再嚟旁邊的Leonidas食限量的布甸美食。嚟到個陣已有D Fans企晌門口等位，再望望個牌寫住每日限30份，仲想緊唔知會唔會排到我哋已無晒 等咗一陣終於有位啦，坐底店員就比咗個餐牌比我哋。呢度係以自助形式，所以要自己出去買野食。連枱墊都係布甸狗好可愛，有3款食物，不過遲咗嚟，沙律已售罄我哋咗個PomPomPurin意大利芝士蛋糕同熱香餅配雲呢拿雪糕Share食。意大利芝士蛋糕係好可愛的布甸狗樣，旁邊有白朱古力同生果，真係唔忍心食咗佢。開動啦，好唔忍心將布甸狗開咗個洞 Tiramisu滑一滑，有好濃的雞蛋味，再帶有濕濕地的咖啡香味，非常好食成個手卷形狀係由白朱古力整成，味道亦不錯，朱古力好幼滑，不會太甜太膩。朋友點的熱香餅亦印咗布甸狗樣，好可愛，味道雖然不太標青，但熱香餅暖呼呼，都食到好香的蛋味。旁邊的雲呢拿雪糕有驚喜! 雪糕好軟滑，配埋生果一齊食相當好味。整體食物幾好食，再加上可愛的布甸狗，而且價錢都算合理。見枱墊咁得意，走個陣仲凸登問店員囉張返屋企 不過今天實在太多人，下次要閒日嚟試個沙律先。

Tiramisu $68太好,沒有酒味唔太甜,剛剛好~Lemon cheese cake $68微酸,好青新,芝士味不太濃Pancake $68普普通通,重點當然係布甸狗圖案Caesar Salad $58這個價錢算抵食,份量也適中Mocha $41 X2 Cappuccion $37 X1 其實為左布甸狗圖案先叫平時完全唔飲咖啡飲得好辛苦,淨係飲左1/5杯比唔到意見~星期日1:40到,唔算等左好耐,前日係LCX 姆明cafe 等左我成2個幾鐘呢度質素同價錢都OK不過地方真係太細太逼,坐得好辛苦得一個侍應,所以十分慢食物得意味道又OK不枉我搭一個鐘車去將軍澳探布甸布甸~

不得不讚商場的宣傳招數，令甚少踏足將軍澳的我們專程造訪，欣賞布甸狗裝飾後，順道光顧正推廣布甸狗下午茶的Leonidas！布甸狗下午茶餐限量供應，價格平均約60多元，在下午4時多已售罄了。而食物不過是廉價普通的熱香餅，所以未有點限定的茶餐。鮮奶咖啡($42) 上的布甸狗很可愛，惟咖啡的奶味過重，咖啡香欠奉，有點失望。紅莓蛋糕的海綿蛋糕與忌廉質感細滑，甜度適中，配以酸甜的果肉，相當開胃美味。朱古力蛋糕的海綿蛋糕部分密度稍低，略嫌粗糙，而朱古力則過甜，整體而言比東海堂的同類蛋糕遜色。另外，我們亦點了 Scones，但忘了拍照…一件Scone只是10多元，份量大，但太乾了，質素竟不及M記鬆餅。

之前係facebook見到有個聖誕節紅日兩日限定既布丁狗3層tea set就開始留意下呢間店早幾日番工經過望到呢排都有3款期間限定既布丁狗食物應該係配合商場係布丁狗主題聖誕展覽既活動今日就去左試下 見間店11點開就決定11點去到因為見menu寫住每日限定30份售完即止店未開之前 都有另外2pair人係度等緊開店結果11點3先開始售賣期間限定由於menu上3款飲品都係咖啡 我唔飲咖啡就點左杯熱朱古力男朋友點左杯凍cuppuccino點完餐比左錢就拎個牌坐低等 跟住店員黎左鋪枱氈張枱氈係成張布丁狗 好可愛XD 紙質好靚 男朋友話咁樣又可以收貴D(X熱朱古力凍cappuccino兩款都唔係期間限定menu上既飲品 所以無布丁狗圖案如果點期間限定咖啡先會有布丁狗圖案係面我同男朋友都覺得飲品味道唔錯 幾好飲然後上左個tiramisu 以個食品擺放黎睇好似有d空虛= =因為碟上只係一個tiramisu 3舊CREAM 少許雜果同埋2片朱古力但布丁狗tiramisu樣得確好可愛XD食落tiramisu味道非常好 好重雞蛋味 有D似燉蛋FEEL 好鬆化下面三份一係咖啡味 我都係覺得上面三分之二好食好多

第一次黎食，地方好有feel，同男朋友試下睇下好唔好食，好期待杯熱朱古力，但味道有啲怪，所有野都好有次序上，沙律菜有啲黃，唔太新鮮，但肉眼扒好好味，我本身唔食會流血既扒，佢地整到冇血浸出之餘，仲可以中間粉紅色，好有口感，值得一試！

以前曾經買過呢間朱古力，一直以為只係賣朱古力，而今天同朋友經過將軍澳先發現品牌仲開左間Cafe，望落D食物都好吸引，就忍唔到口拉埋友人一齊入去食少少野。雖然見到有Tea Set 揀，食物+飲品，價錢比較平及化算，不過最後因想食唔同的野，就散叫左1湯1沙律1鬆餅Share!點左個藍莓鬆餅後，店員就叫我地坐底一陣先，之後將微熱的鬆餅送過來。鬆餅雖然焗過，但不會好乾，而且好鬆軟，內有好多煙煙韌韌的藍莓碎，好食比利時魚蓉湯，每啖都食到有粒粒的魚蓉，味道有D似羅宋湯，但較濃郁，仲好惹味 旁邊的粟米包，質感亦不錯，非常鬆軟!我地仲叫左個沙律，燒南瓜西班牙火腿番茄沙律伴軟巴西芝士黑醋汁，先來燒南瓜，好軟身，似入口即溶的感覺，不過份量不夠多。我最鐘意係西班牙火腿，鹹鹹地的味道，帶點甘香細緻，好味道! 軟巴西芝士味道就好特別，個人覺得夾埋西班牙火腿一齊吃，更突出芝士味 整體都好滿意，食物非常好食，加上環境好乾淨，亦坐得好舒服，我地一邊傾計一邊慢慢食，真係唔願離開呀

路過Leonidas望望精緻的Macarons，色彩繽紛。店員望見我眼甘甘望住，立即講解每粒Macaron賣點和法國空運來港，最後也怎能忍手? 花了$168買了一盒8粒裝與家人分享，每粒平均$21，價錢也算合理。盒內的味道可自行揀選~選了朱古力、雲呢拿、開心果、雲呢拿士多啤梨、橙、咖啡朱古力、青檸及檸檬8款不同味道。最後店員熟練地打了一隻好可愛的蝴蝶結^^ 服務好好，好友善。回家與家人一致好評Macarons，外層薄薄地脆身，內層煙煙韌韌，少少黏牙，而味道好Rich，不太甜。爸爸特別喜歡果仁乾果，開心果味內有開心果碎碎，所以他說特別喜歡。雖然我不是每款味道也試過，只試了雲呢拿、青檸、及咖啡朱古力。味道也不錯，先說青檸味，內層感覺好Fresh；咖啡朱古力味也好吃，內層味道幾濃郁，似飲真的咖啡；不過最好吃還是雲呢拿，特別喜歡內層豐富軟滑的Cream，甜甜地，想起也後悔買時沒有多選一粒! Macarons I will be back!

我今日去左Leonidas食左凱撒沙律配烤雞肉及腸仔法包。先講講個沙津，雖然要近40蚊，但係物超所值，D菜好新鮮，加埋鹹度適中既煙肉，味道一流。而法包就選擇左軟包，軟包口感佳，加上弄熱了，份外好食。而包入面既腸仔同蔬菜都好新鮮，整體口感及味道佳。

到將軍澳找朋友，剛好三點三係時候下午茶，經過2期商場中庭位置附近，見到Leonidas Cafe就入去食少少野。呢次係第1次來，行到櫥窗見到好多款Cake都好好味咁~來到朱古力店開的Cafe，當然要選朱古力蛋糕啦! 不過有多款朱古力蛋糕呢><~ 在猶豫之際，服務員提議:「如果鍾意朱古力蛋糕，不如試試剛新推出的咖啡朱古力或松露朱古力蛋糕!」最後見咖啡朱古力只賣剩一件，應該唔錯掛? 所以叫咗件試試而朋友則選咗她至愛的芝士蛋糕。咖啡朱古力蛋糕味道不錯，蛋糕質感好鬆軟，濃郁的朱古力帶有苦苦地的咖啡味，服務員果然無介紹錯~先借朋友的紐約芝士蛋糕拍個照，再試幾口^^~ 芝士雖然挺身，但質感軟軟滑滑，還帶有香滑的奶味，不會太膩，而我最欣賞係底層的脆脆餅底，令成個蛋糕更完美。食完蛋糕後，朋友提議叫件比利時窩夫Share食，所以再行到櫥窗位置買窩夫。窩夫係套餐來，配飲品$52，價錢算合理，有兩款味，今次係雲呢拿同芒果，而我們叫咗芒果味雪糕的窩夫+凍檸茶。比利時窩夫賣相好好，配香蕉、士多啤梨再加一球芒果雪糕。剛整好窩夫熱熱地，好脆口，咬落蛋味好香，生果份量都算多，有好多片香蕉，好足料!服務

今年多了小寶貝.....正日生日是平日, 唯有簡簡單單先食一餐; 正式的生日飯都要改期食;選了屋企附近的Lenoidas , 最初以為只賣朱古力, 原來都有熱食.  位於商場內, 十分開揚, 幸好人流不是太多, 所以不太嘈 ; 店內只有數張枱, 但客人不太多, 都可以輕鬆享受這餐Pre birthday dinner!這裡的食物選擇不太多, 而且沒有set dinner , 所有食物都係散叫; 幸好叫食物, 飲品有半價優惠野菌蘑菇湯 $28旁邊放了小麵包, 暖暖的, 鬆軟, ok!蘑菇湯好creamy, 而且結身有口感, 不錯!西班牙30個月風乾黑毛豬火腿配哈蜜瓜 $48個名好長.....$48 有呢個份量都唔錯黑毛豬火腿味道一般, 豬味唔夠; 蜜瓜唔夠甜香燒羊架配蜜糖芥末汁伴雜菜 $88賣相好好, 好豐富, 有3件~ $88 真係抵!!肉質夠淋, 唔錯; 配菜最特別係上面放了煙肉, 菇的蕃茄, 唔錯~食下發覺原來羊架好多肥糕好多筋, 肉只有1/3 都唔知有無......真係過份, 好彩當晚唔係太肚饑; 同服務員講, 服務員的回答另我更加無奈......生日飯真係一肚火 本地嘉美雞野菌

獨自逛街時有點口渴，剛巧路過Leonidas，買杯朱古力特飲解渴~等店員即沖朱古力時，順便望望店內朱古力，好似好吸引呀 過咗一陣就沖好啦，坐底嘆一嘆先！朱古力特飲有好濃郁的味道，朱古力醬亦無沉底，又不會太甜，好好味！ 坐咗一陣口痕，問店員攞咗個餐牌望吓有咩好食 ~ 因不太肚餓，只點了西班牙30個月風乾黑毛豬火腿配哈蜜瓜 貌相好靚，黑毛豬火腿捲成花瓣形，雖然得三塊，40幾蚊，不過記得出面一大塊都成廿幾蚊，算抵食！火腿好乾身得來煙煙韌韌，帶點鹹鹹地，連埋哈蜜瓜一齊食，中和D鹹味，絕配 食完再叫個窩夫做甜品，有得選擇芒果或士多啤梨窩夫外層好鬆脆，入面好軟身，食到好重蛋味，鋪上窩夫上面的士多啤梨及香蕉也好新鮮！不過最好食係芒果雪糕，質感軟加入口即溶，食完口中仍遺留好香的芒果味！而份量大大份！差點吃不晒呢

逛街逛到累的時候，到附近Leonidas Cafe小休片刻! 原本只叫了杯朱古力特飲，但店員隨即推介幾款新推出的蛋糕，再望望櫥窗內，見到「熱情果檸檬芒果蛋糕 」好似好好食咁……食蛋糕雖然會好肥~但1、2件都唔怕ge~ 女店員叫我坐坐先~一陣先囉Cake過來。等左一陣，「小姐，你的熱情果檸檬芒果蛋糕同皇牌朱古力特飲。」她除了放下蛋糕及飲品外，同時亦比左條好靚的藍色餐巾。起動啦! 熱情果檸檬芒果蛋糕非常精緻，鮮黃色的蛋糕上，放置Cream及果粒碎，蛋糕質感像軟棉花糖般輕盈，微酸的熱情果之中帶點芒果香甜，每啖都好開胃，令人想再食落去!一邊吃蛋糕，一邊來杯Chocolate Drink，朱古力柔滑細膩，而且味道剛剛好。起初以為啡色的花紋係朱古力杯的設計，走個陣仲同店員講”隻杯D花紋好靚”，原來花紋係朱古力來，真有趣!

搵一粒好食的酒心朱古力真係唔容易，之前買過不少品牌的酒心朱古力都好失望，酒量太少、朱古力不夠軟滑等…都唔能夠將餡內的酒味發揮得淋漓盡致。前幾日經過Leonidas，買咗幾款朱古力，有乾果朱古力、脆米朱古力等，其中1粒是酒心朱古力，想返起呢粒車厘子酒心朱古力，真係覺得好正!打開紅色的包裝紙，朱古力質感相當香滑，與濃濃的車厘子酒相當匹配! 最值得讚的係，內餡的酒心份量適中，味道甘甜，更是酒中帶車厘子果肉，食起來感覺到口中的原粒車厘子超大粒!!!果肉搭酒及朱古力的味道，正呀!呢間店雖然晌open area但座位晌入面，唔會比人周圍經過的人望住食野! 聽店員話剛推出幾款新Muffin，只可惜今天時間上比較趕，加上岩岩食完飯有D飽的關係，沒有機會坐底試試呀，搵日一定要試堂食先!