LM Cafe (已結業)

其實之前已經想試LM Cafe，可惜原來星期日唔開，今次約到朋友星期五晚係觀塘食飯，朋友都推廌食LM Cafe，所以終於有機會試到啦。LM Cafe 離地鐵站大約行10至15分鐘，尚算方便，入到去坐位都好闊落，不過都有可能要搭位。晚餐選擇都好多下，我同朋友就一人選左一個Dinner Set。餐湯及沙律 - 餐湯係羅宋湯，大碗多料兼好味，沙律都好新鮮，但落左太多醋，食到最後係勁酸。傳統英式早餐 - 分量好充足，煙肉腸仔都有兩份，真係可以夠兩個女仔食，而且各樣食物都好味，真係值得推薦。香蒜牛油帶子意粉 - 意粉好爽口，帶子同蒜頭的分量都唔少，而且勁香牛油味，不過真係有D太重手，但整體都係好味的。值得一提係凍飲雖然要加$2，但勁大杯，而且幾好飲。整體而言，雖然似係高級茶餐廳的格局，但食物質素同環境都真係幾好，而且分量都好充足，真係幾抵食，值得推薦。

拿了電腦去觀塘維修，肚餓了，來到這 間LM CAFE，名字叫龍門冰室，裝修好靚仔，一個男人坐了在彩色高椅子，好吧點了個奄列厚多士餐，還有凍咖啡。來了，好大隻奄列，蛋味濃郁，內裏是煙肉，夠咸香，加理D厚多士，一齊食，是那久違了的茶記味道，蛋嫩滑才是精髓啊！混著奄列內的芝士汁，香濃有芝味+煙肉咸香，配蛋一絶。那厚多烘得多香脆，厚真係口感好多呢！咖啡好香好濃，不是即磨，還是有質素的咖啡，慢慢嘆好醒晨。嘆奄列呢間真唔錯。人生原來食個奄列都好開心，簡單是一種快樂。

近年觀塘既工廈越開越多餐廳，而且各式各樣，有平有貴。朋友係觀塘返工，話公司樓下有間Cafe想試好耐，叫我接佢放工順便一齊晚餐。好啦，見有好野食，我就勉為其難接下好友放工啦～Cafe位於地鋪，就算唔熟路都好易搵到，裝修簡潔舒適，樓底夠高空間感強，以白磚牆配懷舊花地磚，設有一排黑皮梳化卡位。中間位置散布七彩椅子，為Cafe加添色彩。LM Cafe又名龍門冰室，點解又Cafe又冰室？望下餐牌就完全明白了，食物款式非常多，由Cafe系列既All day breakfast、意粉、窩夫，到冰室風味既茶記餐蛋麵、撈丁，全部應有盡有。其實呢碗係磨菇湯，望個樣真係好難估到，因為磨菇係砌成一粒粒咁放入湯，真係好特別，可能因為咁，磨菇味出晒黎，完全融入湯入面，加埋忌廉既柔滑，令味道更濃郁。芝士焗西蘭花，西蘭花夠新鮮翠綠，被滿滿既芝士汁包圍住，仲用焗爐焗到芝士半溶，夾起西蘭花，d芝士汁係起絲咁連住架，芝士味香濃幼滑，最難得係一d都唔膩，就算唔鍾意食蔬菜都非常易入口。芝士汁流心奄列醃魚柳飯，魚柳新鮮即炸，夠晒香脆，流心奄列蛋味濃，煮得剛好九成熟，保留到蛋既嫩滑，底層既白飯滲滿蛋汁同芝士汁，啖啖都充滿滋味。

論價錢 食物 算是不錯澳牛的態度我還可以接受但態度真是比澳牛還要差餐具還要自己去攞態度差不特止仲要落錯單 對一個只有1小時吃午飯的打工仔來說體驗非常之差如果態度依舊那麼差 我絕對不會再來光顧

去過兩次，一次lunch, 一次晚餐。好多人排坐得幾迫。 Lunch叫左雞排撈丁，個雞排有腥味，我地兩個人都有食，大家都覺得有怪味所以無食到雞只係食左麵。要50蚊左右。 第二次晚餐去，都係好多人。落單後侍應叫我地轉枱因為想空出4個位，咁我地就轉左枱。 之後我地等左都15mins, 我朋友發現佢地落錯單就叫佢地改返，由於又繼續等，發現侍應好似成日唔知d食物要送去邊咁樣，好亂，可能因為佢地成日將d客轉枱所以攪到咁，又出錯野。 我朋友個腸仔丁麵加飲品($28) ，都等左25mins.... 咁我又叫佢地跟下我個韓式鐵板麵($50) ，因為我都等左好耐， 結果我由7:35分落的單等到8:20先有得食，中間都同佢地講左兩次 .... 如果我食個韓式鐵板丁要等45mins先食到應該好好食啦， 點知d味好怪，好鹹又酸又辣，我唔係未食過韓式辛辣麵，但今次真係第一次食咁怪既味，d牛肉好硬，只有炸蝦同兩粒西蘭花好食 .....所以我最後都只係食左炸蝦同西蘭花 .... d麵直情好怪連我朋友食左一口 都變晒樣，叫我唔好食 ..... 我就係咁餓住返左屋企食方包。 我唔知會唔會再去。 成個管理都好亂，侍應好

全日都有既黑松露炒多士！睇落好似好油！但其實唔油！個炒蛋勁滑勁厚身！食到有蛋汁流出黎！仲有種甜甜地既香味！黑松露味勁足夠！好香啊！個多士係厚切既！個底好脆！但仲有軟綿綿又鬆化個個口感！叫左個牛扒拼香草腸配芝士汁!一見到個餐已經叫左出黎！勁多芝士！但係個牛扒依然係勁有味！仲係到黑椒既味道！同牛扒好夾！食完牛扒同腸仲有好多薯條！變左芝士薯條！正啊！仲有個沙律！係水牛芝士沙律！不過佢加左好多芝麻醬！又西式又日式feel !好食！菜都好鮮好脆！

睇openrice 見到呢間餐廳 咁多like 去到又見到咁多人 諗住應該ok la 入到去 真係坐滿晒嫁 但侍應得好少 根本應付唔到咁多客人 所以入到去 都未執好台 要企住係度 先會有人show 你 見到餐牌好多野食呀 又平 咁我地就叫左個 韓式鐵板辛辣麵 同 秘制咖哩豬軟骨 我對面個客都叫左鐵板辛辣麵 佢一食果陣都話覺得咸 我果個黎到 都不例外 都係妳咸 而我男友食果個秘制咖喱雞軟骨 。。。 真係秘製到唔似咖喱 我地仲叫左個薯條 好似食醫m記咁 食完呢次 都唔會再有下一次嫁喇 真係好難食 仲有啲侍應 真係當晒我地知 佢地黎既野係咩黎嫁喎 擇低就算 坐我對面 係另一台客黎嫁 。。 咩都唔講 就咁走左去。。

貓貓係觀塘食左個好味餐廳。餐廳好多野食，而且環境靚，好舒服既高級咖啡廳。貓貓好肚餓，order左個雜扒鐵板餐。由於係鐵盤餐，蛋黃係鐵板上好似蛋黃哥咁，屎忽彈下彈下，勁得意囉。鐵板餐好大份量，豬扒，雞扒，煙肉，腸仔乜都齊曬。仲有西蘭花同好多薯條。太幸福啦！扒煎得好靚，外層煎得少脆口，入邊水份都保留到，貓貓食到濕左個嘴。貓貓好耐冇食過咁大份同埋好味的鐵板餐，開心哦。鹽酥雞成碟黎，炸得香脆，份量多，價錢唔貴。炸得白啲就perfect詞啦。味道都唔錯既。貓貓飲杯熱菜蜜，係炎熱既天氣入邊，坐係冷氣房飲杯熱飲，感覺好暖。貓貓鍾意呢度既氣氛！咁樣食完都係好平，正正子！

今日睇到網上宣傳就去再試下。之前新開張食過幾次。大概兩點多去到但依然要登記等位，數分鐘後有位了，带位姐姐很嚴格，肯定我的同事跟隨着我才肯帶位入座。我倆點了All Day breakfast.我的义燒米粉配煎蛋厚多，飲品……28元一份……好抵但落單有點混亂……我叫煎蛋……但待應落了抄蛋……等了好耐加左3元配番茄湯底……但味道一般。環境比較嘈。落錯單叫呀姐改番，反正我份蛋都未到，她答我廚房只會跟單做，即是吾幫我改短期都吾會再黎。All day breakfast 有自由組合

接朋友放工，再順便係觀塘食個靚晚餐凱撒沙律 沙律唔單只配上沙律醬，而且仲混合咗醋，令到沙律帶有淡淡酸味，提升清新度而且仲有粒粒脆多士增添口感，為平凡既凱撒沙律帶出新鮮感芝士煙肉焗薯皮 芝士幾乎鋪滿煙肉，一D都唔吝嗇襯熱撈勻佢，仲可以見到好多芝士絲 芝士同煙肉嘅香，笠住薯皮一齊食 好濃味既小食，必試!!!星級雜扒話明星級，入面當然要夠多款，有西冷扒、雞扒、英式腸、煙三文魚同埋炸帶子 當中我最喜歡嘅係西冷扒，雖然比較薄，但勝在牛肉味濃而且肉質結實之餘並唔UN，煙三文魚都畀得鬆手，有成4、5塊咁多而令我更喜出望外嘅係，雜扒所配嘅意粉竟然係一大碟咁多(另上)，真係好大方酥炸土匪雞中翼烏冬 呢個既份量又嚇親我，烏冬起碼有兩包份量完全令我失咗預算，差D食唔曬D野(做左大哂鬼就唔好)  烏冬本身已經夠味，而且仲有粟米做配角主角土匪雞中翼炸得好香，味道同譚仔三哥嘅當然會有分別但水準完全係中上架菠蘿冰、紅豆冰 喺冰室當然要叫懷舊飲品，菠蘿冰紅豆冰又點少得而且器皿仲好有懷舊感

平時去開觀塘都只係行下APM街市之類， 估唔到係APM附近都有咁多餐廳，真係未嚟過。今日晚上同fd 約咗六點半來呢度食飯純粹係就佢放工， 估唔到俾我發現左呢間cafe 。話就話係Cafe，但其實同西式茶餐廳差唔多。好彩當日預先約左位， 因為食食吓去到七點幾八點，開始滿座啦朋友叫咗份星級雜扒， 配飯同埋羅宋湯，份量真係好大份，有西冷牛扒，雞扒，腸仔，三文魚同埋帶子咁多樣嘢，配埋一大個飯。今餐上嘅羅宋湯朋友就話好好飲喎，不過我就無試到啦而我呢，就叫咗個香蒜牛油帶子意粉啦， 另外加左杯北海道3.6牛乳黎飲添！個意粉真係值得一讚，本來以為係得啲細細粒嘅帶子，估唔到有六粒成＄5一樣大嘅帶子，仲一啲都唔韌， 真係好驚喜！碟意粉嘅蒜蓉味道都好足夠，冇令到我失望！杯牛乳我就唔記得左影相，但係係超大杯，我諗有成400毫升架，真係好正好抵！下次路經呢度嘅話都會考慮再食

去左觀塘工廈旁食個下午茶醫下肚先，是旦見到個招牌就入左去，呢間係地下嘅餐廳，地方都好大，氣氛casual，嗌左個常餐，蜜汁叉燒湯意粉要左太陽蛋奶醬多。吾洗好耐就整好，太陽蛋好合心意，中間太陽冇熟到，一口吸落口咁食，最正，哈哈！有兩隻咁多丫。蜜汁叉燒意粉，叉燒如果係肥d就更好食，不過本隻減肥嘅心，都好接受，同埋都吾係全瘦，都帶點肥的，所以都幾好食，蜜汁甜甜地，好甲個叉燒，意粉軟硬岩岩好，好滑身，又，有咬口，大大碗都幾抵食。最後好耐冇飲，見人飲又嗌多左杯紅豆冰，好大杯，飲吾晒，好好飲，喜歡佢係用大冰，吾洗食到冰，而且紅豆都好多，椰味又好香濃，好食，同埋吾貴啊記憶中，又大杯，抵食，超飽丫。

因為工作在觀塘嘅關係，平時都會返係呢區搵食，今日食LM cafe。入面地方好大，地方舒適，而且價錢好平，見到爵士西冷扒配香草腸鐵板餐跟餐湯，先$80，我諗平過大家樂吧，我選了紅湯，酸酸地幾開胃好好飲又夠熱，吾洗好耐我嘅鐵板就上碟。好大煙，炸炸聲，我嗌左龍蝦汁，平時好少有，反而好好味，因為吾會好咸，又同牛好甲味道，牛好大份，放滿成個鐵板，腸放在下面，吸了牛嘅精華，又切到一條條放便切同食，而且薯條係曲嘅粗薯條，放係底，因為龍蝦汁真係要再讚，好好味，鐵板又夠熱，所以薯條其實好正，我記得最後成份餐食晒，哈哈！另外仲叫左杯咸檸7，正丫，夠夠冰，好爽，配埋份扒，岩晒。

每隔一個星期六，我都去觀塘一新博物館出席楊教授中國文化講座，差不多每次2時後都來食常餐，幾個月前$30,约2個月前竟减2元，即$28，還有食4次，送1次，是不是好抵呢。蛋，多種選擇，蛋白，太陽蛋，北海道炒蛋（有次太實，唔滑）等，我今次選煎荷包蛋，唔油，煎程度適中，邊小小燶。多士，占醬，奶醬，奶占等，2塊3角多士，厚度不會太薄。我已前多數叫五香肉丁，叫過雪菜肉絲，愛上，之前以為深色霉雪菜，但送上來係用青色，新鲜雪菜，還好多，粉麵又大碗坐咗差不多大半小時，起程。今次題目是港人飲食與中國文化。

陪友人到觀塘買鞋~ 好開心終於揀到心頭好~可以食晚飯慶祝一下一連四天的復活節假期了~!!鞋店對門有間環境幾靚既餐廳, 格調幾時尚~ 唔諗lu~ 橫掂行到有點累~環境：原來餐廳很大的呢~ 有好多枱~ 應該可以容納50人~~ 中間有長枱可以坐2-6人, 四邊也有很多卡位~我和友人7:00pm進店~ 有一半枱已坐了~ 好在還有卡位坐~^^坐多陣差不多全店滿坐呢~~~ 我和友人各叫一個主菜~~ 每個主菜都配餐飲的~ 以觀塘地區, $50連飲品的晚餐算很抵了~~~ 還要有靚靚的環境~ 真不錯~而且還有不少特飲選擇....咸檸七/北海道3.6牛乳/黑牛/雪糕紅豆冰.....  唔係咁多間餐廳有呢d咁港式既特飲架~~~如果跟餐, 特飲都係補差額, 咁真係好抵~~所以我都即刻叫個可樂煲薑止止傷風~~  牛仔肉配炸蝦鐵鍋珍珠飯$50 + 檸檬可樂煲薑(跟餐+4)奄列魚柳茄汁意粉$52 +龍鳳檸樂(跟餐+6)上菜很快, 食物份量都很多呢! 炸蝦有4件呀!! 牛仔肉薄切有5-6片! 而奄列大塊到cover左大半隻碟~! 唔知以係蛋包飯, 咁大塊~魚柳影唔到~ size其實都只係細奄列少少~ 好誇張~平時的雙