M18 (已結業)

今次黎m18，叫左all day breakfast！我最欣賞既係個包，平時食all day breakfast可能只係普通方包，但m18係用美心呢隻特別既包，軟綿綿甜甜地！仲有兩件！腸、煙肉果d都係正正常常。反而係個蛋，我轉左炒蛋，炒得唔錯！好過太陽蛋。

吃過幾間芝士撻，出乎意料，美心M18最令我驚喜。原本還不抱很大期望啊！有一晚，突然好想試這店的芝士撻，於是乎致電請求店員給我們留兩件，然後我們9秒9從荃灣趕到樂富買撻！為了吃 絕對是可以這樣瘋！拿到撻的時候，它們竟是冷的，是從雪櫃拿出的溫度，拿上手頗有重量，感覺應不是之前試過別家的"空氣餡" ,急不及待很想試呢！回家後立刻開爐翻焗一隻，一咬下，wow這就是我喜歡的質感吧！芝士餡是濃厚的，芝士味香濃，質感幼滑，曲奇皮也很酥脆，完全是我杯茶 另一隻我們試試凍食，估不到凍食也是流心的，皮也完全沒有變林，依然很酥脆，如果跟我們一樣喜歡濃厚芝士餡的，大推你可一試M18芝士撻，絕對有驚喜。不用排隊，價錢非常不合理， 竟然只售 $9/個

Went here randomly and had the lasagne set for $6X.It came with lobster soup and a drink.The lobster soup was ok but a bit sweet. there was supposed to be a slice of baguette which didn't arrive until the lasagne arrived.As for the lasagne, the tomato sauce was tangy and nice but the cheap beef and the tasteless stringy cheese on top ruined it .◎ⓢⓤⓟⓔⓡⓢⓤⓟⓔⓡⓖⓘⓡⓛ◎The bill: $66Service: OKService charge: noYummy factor: Could be betterEnglish Menu: YesAir Conditioning: Yes◎ⓢⓤⓟⓔⓡⓢⓤⓟⓔⓡⓖⓘⓡⓛ◎

樂富，好日都唔會踏足一次。一場黎到，又唔想咁頹食連鎖店 睇睇商場水牌，見到M18呢間bakery cafe係無乜見過嘅名，就去睇睇。見到門口個menu寫有意粉之類添，所以就衝左入去~~ 餐廳是半自助式，坐低睇完menu，都係要去counter order，飲品即時拎到返位。不能即時拎的食物類，餐廳會比號碼牌，方便之後職員送餐比大家。All day breakfast $48牛奶方包好厚，食完都飽左3成。話明係bakery cafe，塊包真係好新鮮，落左牛奶所以口感都比較滑，亦比較香。食埋兩隻太陽蛋..飽左5成 煙肉唔算肥，食落味道有點像厚切火腿，個人都幾鍾意嘅一款煙肉。雞肉腸就略嫌唔夠味道。蕃茄就新鮮又煮得入味，不錯。白汁蜆肉意粉 $65真係「等到花兒也謝了」，個all day breakfast都就黎食完，千呼萬喚始出來的白汁蜆肉意粉。不過要你等，起碼代表佢真係即叫即整，無呃人。而非常意外地，個意粉係堅OK好食的個汁份量算多，但又唔會好稀，幾濃味有落黑椒和洋蔥，所以聞起來都好香~意粉軟硬適中，蜆肉有成十幾隻，都幾鮮味又無沙~~舖頭真係唔大，所以搵位真係講彩數~~雖然都係大集團的

偶然經過樂富M18，覺得這小小食店很簡約，一直想試。今天，Honey在附近上班，所以約他來這裡吃Lunch，試吓。我們到來時，剛剛中午，人不太多。後來，漸漸人多了！還要等位。也難怪，這店面積雖小，但是裝修簡約，木製小桌和棕色小茶几，是個很舒服喝咖啡的地方。再看看午餐款式和價錢，非常實惠！我點的卡邦尼意粉，連餐飲，只售$48！( 即使大大杯的凍飲，也只加$2 )另外，加$6，可配龍蝦湯！Honey讚賞龍蝦湯美味！香濃而不太鹹。只加$6，真超值！而卡邦尼意粉也非常美味！濃濃的白汁，許多煙肉片，也有雞肉和菇，非常丰富。這樣的材料和製作，外面食店，要一倍價錢呢！哎…！別只談價錢！的確非常美味！！！！就連凍咖啡都好好喝！！！Honey點了泡菜芝士撈辛辣麵，麵質煮得剛好，拌芝士，本來是膩了一點，但是，再配上少酸中辣的泡菜，非常開胃！還有香剪雞扒呢！本來想加$10，添一件Cream Puff當甜品。但，午餐份量足，已吃不下甜品了！下一次 ^^這間小店，價錢是快餐連鎖店的價錢，但是，食物質素，媲美Simply Life般美味！有機會，一定要再來！

人人都要食早餐,而且人人都想個早餐日日唔同,所以我尊登周圍試唔同o既麵包,睇下邊間可以長食呢間o係我屋企附近,平時唔知點解會keep住有好多人,所以就亂買一隻包試下今次買左小紅莓提子包,好大袋,個麵包質地還可以,凍食都好軟,但怪就怪在佢d提子/紅莓有少少酒味,唔知係咪開始發酵...大熱天時,d麵包好易壞...下次都係試d正常d o既..

一個人的晚餐，平常會去九龍灣，但已經無乜餐廳未食過（當然唔係食勻咁勁，只係無乜想試嘅餐廳）我今晚決定開發新地方，去樂富搵食（因為都有小巴返屋企）逛下街兼上網睇下，揀了呢間因為唔係連鎖式西餐廳，去到似咖啡店格局，設計好新潮簡約，木桌金屬椅，先去收銀落單，俾錢後店員會即刻比餐湯飲品我攞埋位，加個號碼牌！之後店員會跟號碼上埋其他！店員比較cool但講解好詳盡！餐湯：龍蝦湯，夠熱！用個有耳仔嘅碗，好似飯大咖啡杯咁，龍蝦味好濃，口感幾滑！黑松露什菌意粉（$65）賣相好靚，伴碟一大塊蒜茸包！不過唔夠脆，蒜茸味唔香！口感好寡，結果食唔晒，如果浸湯會好味啲，但上意粉時，我已經趁熱飲晒碗湯！點解蒜茸包唔跟湯比埋我呢？主菜意粉夠咬口（我喜歡嘅口感）好多什菌，不過什菌帶酸味，什菌放太耐，太熟成嘅酸味！忌廉汁唔覺松露味，而且比較水！唔夠濃，應該係意粉脫水唔夠！所以令到個汁水咗！味道其實唔錯！可惜！Mocha(跟餐加$6）要加錢先可以飲「M18咖啡系列」見住店員用咖啡機做！咖啡味道易入口！不過唔太濃！朱古力味相對重啲！未到咖啡店嘅水準！香芒慕絲蛋糕（跟餐加$16）本來堂食，一落單店員就會將件蛋糕夾上碟留起（我揀

放工後一個人，肚又餓，就走去M18食午餐。其實我光顧了2次，第一次是4月尾早上食一個 All Day Breakfast. 價錢是否合理就見仁見智，因為以地區來說一個All day breakfast 包飲品售HK$48，對我來說，比較地點、份量及環境是可以接受，只要算成是高級版的快餐店，至於係那間快餐連鎖店，只要睇下餅櫃就知啦 。我那天食的All Day Breakfast，炒蛋炒得滑，至於bacon，又係看個人口味，有些「鬼佬」喜歡食較脆身(在我眼中是肉乾)，女性傾向食軟身一點。我認為如果再煎久一點點就更理想。最大問題是個蕃茄，一cut開茄水就流出來，弄得一碟都是水，結果一塊麵包變成毛巾而報銷，蕃茄煎前只是把頭跟尾cut掉，蕃茄又大又厚，煎完中間完全生的，一件又濕又生的蕃茄，點食呀!呢個故事寓意係----要最後至食蕃茄。今次食的黑松露意粉，白汁足夠，加上意粉煮得蠻乾身，所以吃時味濃而不會食到一口都是。幾合我口胃。至於店內店外裝修，從木的裝飾，落地玻璃及店外的座位都給人一種輕鬆休閒的西式風格，不過快餐始終係快餐，係要自已揾位買餐......而且會經常出現搭枱的情況。

All day breakfast $48，對本人黎講都太health 啦，$25既任您選就岩哂我，牛油包，滑旦，什菌，香腸，熱齋啡，$25去邊度搵先!?牛油包汗得岩岩好，唔會好濃黑文文，而且又夠脆，加埋滑旦咁食法，真係一流呀，什菌就凍左小小，不過味道都可以既，又唔會好油立立，不過杯齋啡就真係麻麻地啦，唔夠咖啡味，可能本人對咖啡既要求好高，so far $25既價錢都抵食啦

見到咁多好評，又試過佢嘅鹹麵包，連M先生唔鍾意食包嘅都兩秒吞哂，諗住應該okay。要咗雞扒芝士撈辛辣麵，諗住會辣要咗支裝可樂。個雞扒好乾，連少少冰鮮雞應有味道都冇，個麵有部分太腍，有部分太硬，辣粉唔夠，唯一係啲芝士幾夠味道，放面嗰啲酸薑唔多夾，反而泡菜就還可以。原來係我忘記咗佢係美心集團，搞錯咗。叫全日早餐應該okay，都係啲煎蛋烘麵包啫…

樂富有M18實在太好啦，宜家唔洗假日食早餐都係美國大型快餐用膳啦 呢度仲有全天候早餐($48) , 價格都好合理，今次先試任意選早餐($25)，選左蕃茄，什菇同炒蛋，整體配搭已經好好，蛋睇落已經知道好滑，菇都好足料，好香。本人覺得塊排包先係整個早餐既精粹所在，好香好脆，加上牛油。一絕。 加$6仲可以有一碗螺絲粉,香濃既蕃茄湯,而且螺絲粉有口感。好味。M18 既芝士火腿包賣相都已經好吸引，個包脹卜卜不在話下，啲芝士仲要多到溜出黎咁既樣，今日俾我見你新鮮出爐，唔食你又點對得住自己呀。一個包加杯熱奶茶都只係($17),好抵。M18既環境都唔錯，有沙發有high table可以俾客揀。

好少專登入樂富，今次黎又係為左交表，交表之餘當然要搵下有咩好食，搵到哩間M18,鋪頭細細，人好多，都等左陣先有位，叫左一個all day breakfast ,豬肉腸同多士俾較出色，豬肉腸肉汁豐富，咬落去有爆汁效果。面包應算是他們的強項之一，多士脆而鬆厚，有奶香，其他配件還可，但欠了茄汁焗豆，有點失望。黑松露雜菌意粉，薄薄的忌廉配上炒雜菌，松露醬，香而不油不膩。套餐配的雜菜湯不是太足料，但起碼夠熱，幾蚊就飲到，cp值不錯。咖啡係親民個種即磨，香而不苦。因人太多，食完都唔好意思座咁耐，想relax漫漫嘆就未必得了，離開前買了他們的牛奶吐司，他們還有蛋糕賣，但竟然是美心，相信是同集團吧！

我之前已經見過M18呢間cafe,見佢幾靚，所以決定今日去試下，入到去就見到一邊橫分咗為餐桌區，一邊為外賣麵包及叫餐區。裝修方面都放咗唔少嘅心機，作為中等價錢嘅餐廳，真係一啲都唔馬虎。餐牌真係非常精美，一定吸引到你去試下All day breakfast，價錢比其他cafe店平，HK$48。睇到去飲品餐牌~見到有好多特飲~Green tea latte, latte…鍾意咖啡嘅我當然就試下佢啲咖啡啦～就加咗6蚊叫咗杯cappuccino。好啦～開始啦～All day breakfast (德國腸2條，煙肉2片，太陽蛋2隻，方包2片，菌茹，焗番茄)Not bad!煙肉唔算太肥，菌茹好香野菌嘅味道，番茄唔酸幾甜，最特別就係個片麵包啦~係忌廉麵包黎架~好香。Cappuccino 好普通~無咩特別~試下都得嘅~我朋友就叫咗set2滑蛋,HK$25好正~好滑~但唔似牛奶抄似係牛油抄~要keep fit嘅女性朋友，小心啲整體上~唔差~可以試試

呢日又嚟到樂富食lunch, 因為呢間嘢位置比較自成一角, 之前有發現到, 今次都係第一次嚟食, 結果....我會再嚟~原因之一係有我最like的all day breadfast款式可能普通了點, 但我好鍾意佢個包, 皮脆內軟, 個炒菇好有香草味, 腸仔和煙肉又唔太咸而且唔油膩, $5x一個set連coffee, 我覺得抵食 (以而家食茶餐都要$4x起計)同事點的泡菜雞扒麵也不錯, 佢之前嚟都係點呢款, 辣味可以於點餐時選擇多少此店仲有好多款麵包&cake, 食完好容易會心動買多件番公司做下午茶....

說起全日早餐，All Day Breakfast，好多人會立即想起英國，因為這是除 Fish & Chips 之外，第二出名的英國菜。這一天，中午來到好多年都冇來過的樂富行行看看，而時間亦開始接近中午，於是，我決定在樂富這一個小生活區尋找美食，結果，我被這”《M18》的 All Day Breakfast 吸引到了。店子，主要是賣麵包蛋糕，收銀處的一邊，主打麵包西餅，而且我也留意到，《M18》這一個麵包品牌，進駐了不少超級市場，把超市的麵包部包起黎做。看過，他們的麵包出色，回頭一望是，發現他們的蛋糕也十分之出色，若我這一次不是為我的 Brunch 而來，而是為麵包西餅而來，也可以足夠我去寫一大篇文章。說過我不是為麵包蛋糕而來，而且我是堂食客，所以先行找個好角落坐。不懂規矩，後知後覺的我，原來要先購票後等食的。有這樣的運作，因為此餐室以 Coffee Shop 的形式來運行，早上11點，人不太多，是一個很難得的悠閒空間，若是人不多，在這一個地方聊聊天、喝咖啡，不錯的。 早上的套餐，簡單地要了一杯 tea，習慣飲香港人 tea 的大家，會覺得這茶一般，若是習慣了外國生活的人民們，這一種奶茶