Mad for Garlic (已結業)

今日食晏去咗time square 食通天搵好嘢食，行行吓見到呢間餐廳門面幾靚，其實本身都唔係太肚餓，但係又好想食D好嘢喎，一於入去試試先！入到去見到個menu好多嘢食，有海鮮有扒有韓國嘢有小食，好多元化！就好似我哋香港社會咁，多元👍🏻👍🏻👍🏻我叫咗個忌廉藍青口同埋燒腩仔，青口好新鮮，我忌廉汁又好味，Mix埋一齊食好好食! 而且份量啱啱好，對於我今日唔係太肚餓來講，分量剛剛夠！我另外我叫咗個水果茶，有好多水果係入邊，茶味甜度適中！而且呢度坐得好舒服，下次可以再嚟呢度嘆番個lunch，慢慢食！

進食時的心情很影響對味道的感覺， 能夠與知己 共晉晚餐， 在味道上 已佔盡先機。這一家西韓式餐廳，氣氛情調一流， 開放式廚房 能欣賞廚師烹調 美味的意粉 所產生的火光。前菜點了 炸魷魚Crispy Calamari ( 68元）， 炸魷魚配上金黃色的蒜片沾上 sour cream 醬汁非常和味。主菜點了龍蝦蟹肉意粉（178元）， 這道菜的特色是 龍蝦肉和蟹肉都是拆了出來的，混和了意大利麵， 每一口都 有相當的 龍蝦和蟹肉， 所以 每一啖 味道都非常之鮮甜， 配合了煙韌的意粉 非常好味。另一主菜是鮮蝦 蒜粒炒飯 Garlicholic Rice (138元)， 飯粒粒分明， 鮮蝦爽口彈牙， 混和了蒜粒 感覺有點像中式的椒鹽鮮蝦， 惹味非常。好朋友加上美食再加上舒適的環境，為Ben爺充滿了電。

放假約朋友去食好西，就嚟到時代廣場的食通天，我倆都是蒜頭控，決定去這間mad for garlic 試一試。餐廳環境寬敞，枱面之間保持足夠距離，與朋友傾心事，也不用擔心被其他人聽見。這裏食物選擇很豐富，由前菜，沙律，意粉和飯，薄餅，甜品，應有盡有。 一時間很難決定點哪道菜。偶爾也充當一下健康寶寶，所以點了牛油果車厘茄珍珠芝士藜麥沙律。沙律食材很新鮮，食材切成丁塊，每一口也能夠吃到各種食物，而醋汁為沙律增添一份清新感覺。我們加配了煙三文魚，也具水準。另外，我們點了熱板烤美國肉眼扒，有驚喜!我們點了五成熟，加上鐵板的熱度，吃下去剛剛好是七成。肉眼十分軟淋，帶有香濃牛肉味，令人忍不住 一口接一口。朋友十分欣賞配在旁邊的黑椒鹽和醬汁。簡單的調味，更顯出肉眼本身的質素。而焗西蘭花苗配脆蒜片和預期之中有些不一樣。起初，我和朋友以為是焗西蘭花，但上菜後發現賣相似菜心。雖然和預期有出入，但西蘭花苗十分爽脆，略帶鮮甜。整體而言，這裡食物具有質素，我和朋友都十分喜歡。

今天朋友約我食晚餐，為忙碌的日子打打氣，到時代廣場逛逛，見到mad for garlic 感覺環境不錯，被吸引進去了。這裏的環境確實不錯，燈光呈暗黃色調，店內很多卡位，更有一些紅酒瓶的裝飾櫃。牛油果車厘茄芝士藜麥沙律沙律的材料非常豐富，我們還加了煙三文魚。食物賣相十分精美，沙律用的醋汁更是額外奉上，可按個人口味決定加多加少，十分貼心，酸甜感亦非常開胃。蟹肉龍蝦肉忌廉意粉意粉幼身，掛汁能力很好，而忌廉汁濃而不膩，我和朋友都非常喜愛。因為加了蟹肉和龍蝦肉，吃下去時有陣陣的海鮮味，我忍不住一口接一口。不過因為食物一次過來，有些微放涼了，如果能夠熱食，相信味道會更好。烤熱板美國肉眼配蒜味薯蓉是這頓晚餐我最喜愛的 ，作為食肉獸的我們 ，對這份肉眼都十分滿意。我們點了五成熟，肉質軟淋，牛味十足，加上鐵板烤過獨有的味道，風味十足。而薯蓉面層，鋪滿了芝士，非常邪惡。柚子芝士蛋糕這款蛋糕屬於凍餅，質感厚實，有淡淡芝士味 ，配上柚子醬，很清新。最有驚喜的是面頭有一顆蒜漬，原來蒜味融入甜品之中，也別具風味，為這頓晚餐寫下完美句號。

早幾日去咗銅鑼灣時代廣場行街,攰左就去食通天搵嘢食，我哋見周圍都排晒隊，勁多人、於是就去咗呢一間mad for garlic ，兩條友叫咗個Pizza同埋一份龍利柳，個Pizza好重炸蒜頭，而且夾雜着好多芝士同埋蝦、每一口都好脆好香！個批又整得薄👍🏻、最怕啲勁多麵粉！份魚好香，有沙律做配菜、整體來講整得唔錯！因為條魚好滑！帶子亦都新鮮， 兩個人share食啱啱好！最後仲有個抹茶同朱古力嘅甜品🍮，好完美的一個lunch👍🏻#madForGarlic

慶祝朋友搵到新工，搵個中間點食番餐去慶祝一下 。今次去左Time Square樓上食通天11樓的Mad For Garlic，地點方便，一上地鐵站就到。睇下有乜嘢食先，餐牌都有都好多選擇， 有前菜，沙律，主菜，甜品，咖啡茶。 大部分都同蒜頭有關係，真係好符合餐廳的主題。經典凱撒沙律伴烤南瓜片，配脆芝士脆煙肉粒。 點沙律會附上兩片蒜蓉包。 蒜蓉包外脆內軟。沙律內的生菜原條上，新鮮脆口。 烤南瓜片連皮烤，好香口，又淋。侍應亦會在現場即磨新鮮芝士碎落沙律。 香氣大增，食指大動。特級海鮮意大利珍珠麵。因為未食過珍珠麵，所以點黎試下。珍珠麵外形似切碎咗的意大利粉， 但就俾意大利粉更有咬口及硬身少少。再配上青口 ，蜆肉，蝦同帶子及海鮮蒜頭醬。 海鮮都新鮮，帶子好大粒，冇點縮水。好豐盛同美味，味道都好夾。糖漬蒜香蕉朱古力醬 薄餅配雲呢拿雪糕 呢個甜品真係好特別。薄餅皮超薄，配上薄切糖漬蒜香蕉片，nutella朱古力醬。上枱時仲熱熱地，食嘅時候配上冷凍既雲呢拿雪糕同焦糖醬。又凍又熱，又甜甜地，好正。 估唔到甜品都可以同蒜頭有關，真係好有創意。食完飯可以點一個嚟試下，不過咪獨食吖，一齊share黎食最開

服務超差，頭盆3樣一起上冇諗過客人可以一起吃，頭盆先上沙律，食食下來湯，已不高興轉飲湯放下沙律，再即上蜆八爪魚及麵，告訴他如何吃?飲完湯蜆八爪魚已凍，擾攘輪仍上蜆八爪魚，堅拒才拿回廚房，要客人不高興才拿走，但仍也不段送蜆八爪魚上抬三次，三個不同服務員只是從廚房桌上不段送到我們桌上，根本不理客人感受，令客人一頓好好的氣氛的晚餐變得很差，結果蜆八爪魚麵包也不熱😡😡😡，服務員堅稱三道頭盆一起上，西餐有程序不是快餐店，有冇想過本來好好的食物就給你們摧毁了。

平時煮餸都鐘意多蒜既我，一聽到朋友介紹呢間以蒜為主題既餐廳，真係期待咗好耐了！光是看門口佈置，已經感受到蒜頭們在向我招手！餐廳燈光較為昏暗，某些坐位更是以酒窖為設計主題，頗為有趣摩登。做足功課的我第一樣就點了主打小食Garlic Bread Tower。呢款果然無令我失望，包面都是滿滿的紅椒粉和蒜蓉，濃濃的蒜香味搞到我口水都流哂出嚟。店員在上枱後會幫手將面頭的蒜山壓落法包裏面再切開4份，方便人客食用，十分細心。法包沒有平時食的咁硬，外脆內軟之餘，每一口都食到微辣蒜蓉，個種滿足感，正啊！之後便點了另一皇牌 - Garlic Snowing Pizza，上面的芝士是店員上枱後才即場灑。topings以菠蘿同炸蒜片為主，甜與鹹之間相輔相成，味道好夾。再加上係薄底pizza，食完都唔會有heavy 既感覺。

這次見有牛扒優惠，特地和朋友再來這店。作為一個「蒜頭控」，吃到蒜頭都十分滿足，吃到滿滿蒜頭更是幸福。這家店剛好達到我幸福的要求這次除了叫牛扒外，還叫了蒜蓉包山及海鮮意粉...每一道菜都有蒜頭，只是份量不同⋯⋯牛扒的質素不錯，不會因為有優惠而改變。蒜蓉包山的蒜蓉分量十分足夠，不過如果焗再熟一點會比較好意粉的質素不錯，不過蒜蓉味比較淡。我朋友最喜歡這道菜。這家店用的蒜頭是比較不會「臭」，作為一個「蒜頭控」覺得如果蒜頭味再濃一點更好。如果熱愛蒜頭，又有一個臭味相投朋友，絕對值得來這裏尋一下幸福

中午同好朋友黎左食晏佈置幾靚，餐廳位於銅鑼灣，位置都比較方便，環境坐得幾舒服，空間感都算足，衛生都ok。凱撒沙律配焗南瓜和脆芝士賣相方面還算精緻。沙律上桌後，店員會按客人口味和需要，加入即刨芝士碎。每顆羅馬生菜被開成兩半，上面蓋滿蒜片。蒜片經油炸過，超級鬆脆。整個配搭雖然簡單，但口味卻很創新，給人有種特別的感覺。微辣的韓風意大利飯配醃漬蒜蕊，酸酸辣辣，十分惹味，加上軟腍的蒜頭和彈牙魷魚，令creamy的意大利飯更加鮮味。价格：價格總體還算可以，下次還會來。總括來說，我同朋友都覺得還可以。

來到呢一間係Times Square嘅餐廳，知道呢一間餐廳以蒜頭為賣點，見到佢嘅餐牌真的大部份的食物都有蒜頭。入到餐廳裝潢悠雅，侍應服務好好。首先上咗兩個蒜蓉包，蒜蓉包是免費的，很重蒜蓉味，很香脆。叫咗一個signature ，garlic snowing pizza，材料有蝦有菠蘿蒜頭。薄餅好薄， 菠蘿味好重，鹹得來又有點甜的味道，另外薄餅薄得來又脆，必叫之選。Garlic Szzling Rice - 有少少辣，有煙肉，葱同沙律醬。個飯剛剛上時新鮮滾熱辣，撈埋炸過的蒜頭，好味。Spicy Crispy Porchetta，一共有9件，伴上沙律菜。因為炸過的關係，皮脆肉嫩，仲有少少甜。再配上沙律菜，中和左肉的濃味。最後仲叫咗個Rosemary Iced Tea。

朋友係一位蒜蓉控，所以今次約會特登去了這間以蒜頭為主題的餐廳。頭盤揀左 Caesar salad 同 Calamari. Caesor salad 的菜係原棵切出來，調味及配料滲入菜當中，與一般的Caesar salad 不同。Calamari 炸得比較黑，如沒有想像中香脆，亦冇乜調味，靠勁蒜味的 aioli 搭夠。主菜叫了 Prosciutto risotto and lamb chops. Risotto 中規中矩，Garlic 和 risotto原來係一個不錯的配搭。Lamb chop 味道不錯，可惜$288的主菜只有三塊。據聞食蒜頭係對身體有益，咁呢餐又算唔算係養生餐呢？

因為懶所以遲左寫食評，但印象唔錯，所以都係寫返先本身揀呢間係因為主角媽咪鍾意Garlic, 一開始唔會太期待，但可能咁就出乎意料好味比較驚喜係一開始個沙律，好正，雖然怪怪地，勁大舊菜要自己切另外我地仲叫左蒜蓉包(唔記得個名)如果叫呢個要拎定相機，幾特別，佢會先叫你影相，然後就由上而下咁將最面嘅壓到最底，再幫你切件，不過呢個就感覺唔太夠味除左沙律外，覺得好正嘅就係個pizza, 好特別，好似有d煉奶咁，個皮又脆脆地，幾得意又幾夾反而叫牛扒就唔太特別，係d蒜皮個個都話好香，好似食薯片咁最後因為母親節，就叫左個甜品，好似話平d, $8x左右，不過好夾硬加蒜，又冇乜蒜味，其實就算以蒜為主，都唔洗係咪都加奶凍又係就咁加兩片喺面，冇乜意思咁至於飯，同埋餡包就好一般，再揀嘅會唔要呢兩味不過總括都唔錯，又坐得舒服，d野都上。得快

食蒜對身體有益銅鑼灣呢間餐廳主打用蒜頭做材料連甜品都用上蒜頭都幾特別下脆脆蒜蓉包Garlic Snowing Pizza蝦、菠蘿、炸蒜片MFG招牌意大利薄餅$148個pizza好多cheese好香面頭好多炸蒜片又香又好味牛油果車厘茄珍珠芝士藜麥沙律配微辣青椒蒜香醋汁或雪梨酒醋汁$138Quinoa Cobb Salad個沙律有好多唔同材料顏色豐富個汁配香醋汁fresh得來又開胃Crab & Lobster Pasta意粉口感彈牙龍蝦肉好爽口d料都幾多Garlic Lamb Chops脆香焗蒜蓉澳洲羊假配香草蒜香忌廉汁及薄荷醬$268叫左七成熟火喉control唔錯肉質juicyApple Crumble 呢個甜品好好食底層有玉桂蘋果粒同蒜頭加埋個雪糕估唔到好夾呢度食物同環境都一流值得推介

餐廳內的裝修，枱與枱之間的距離，加上柔和的燈光，令整頓晚餐都充滿著浪漫氣氛。前菜，番茄白酒青口。番茄配白酒煮，這種配搭外面少有，試試無仿。份量足夠2人食，青口頗大隻，配上淡淡的番茄白酒汁，口感不錯！主菜。韓式牛肉炒牛油飯，考妙地用鐵板上，米飯的水份在鐵板上慢慢地被蒸乾，由開始軟飯食到變硬飯，配上旁邊的綠色配菜，辣辣地，好惹味。Pizza。辣肉配墨西哥片，鬆脆餅底加上墨西哥片，脆上加脆，配上辣肉和芝士醬，惹味又有口感，本人好喜歡。