Maki拉麵 (已結業)

我在某個星期三晚去光顧這餐廳，當時客人不多，廚師身兼服務員殷勤招待我們，拉麵、小吃上枱時間剛剛好，她見我穿白色衣服，所以貼心地給我一塊即棄膠圍巾，實在太開心呢！食物質素也很好

以前响旺角附近工作，都試過好幾間食店，但唯獨這家日本麵店未曾食過，朋友話好食，咁就嚐一嚐吧！麵店雖小，但裝璜整潔，原來佢地 d制作，睇到係用咗心機落去！✨黑蒜油豚骨拉麵✨豬骨味夠濃，加埋黑蒜油味道更濃郁；麵可選擇硬度，裡面有二塊肥瘦適中的日本叉燒、木耳、好多蔥、日本溏心蛋和一片好大的紫菜，將它撕碎放入湯一齊食，增加湯嘅鮮味，值得一贊係溏心蛋的賣相和流心程度，非常吸引✨汁燒雞肝✨燒到好香口 ，燒汁同味道唔錯。✨厚燒牛舌✨外香肉嫩，口感一流。✨魔鬼燒魚翅乾✨香味濃郁，有些煙韌感覺。同朋友一邊傾吓偈，一路慢慢品嚐🥰

豚骨湯底拉麵，半粒蛋味淡，咁大塊紙菜唔知做乜的，超級韌，可能比你撕碎灑落碗麵度，個麵是幼麵，淋到一個點以為自己食緊蘭州拉麵，跟餐既雞軟骨餃子就好脆既，但個碟會見到成羹油響底

雖然冇食過一百碗唔同嘅拉麵，但脷尖上嘅味蕾都仲分得開乜嘢叫好食同唔好食，Maki 拉麵耐唔耐都會幫襯下，佢地款式唔多但用料同味道一流。佢地嘅麵比較幼同白，唔似一般日本拉麵，反而畀到新鮮感，叉燒肉質有口感，流心蛋同大大塊紫菜都一啲唔馬虎，個湯底做得好好，淺嚐一兩口後都唔覺口渴。另外啲小食都有水準，推薦煎餃，饀料加入軟骨，增加咬口，唔錯。價錢在同區稍貴，但小店用心烹調，亦算值回票價。

本人好鍾意食拉麵，香港好多間都食過，去旅行都會專登搵拉麵食，咁多年食過超過一百間拉麵，依間油麻地Maki真係好難食，絕對唔針對任何店舖，只打真食評，亦唔係做飲食依行。只針對食物本身，湯底，我都唔知有咩好講，仲衰過用粉沖出黎拉麵，食落去啖啖粉，好似未熟既差版上海麵咁，同兩個朋友食左一啖都你眼望我眼，不如你去買現成拉麵返黎烚好過啦肉，無乜問題既紫菜，無乜問題既所謂既蝦餅，極難食，你地可以諗下一舊大炸粉上面加少少蝦干，面頭再加一堆蝦干，仲叫我食左蝦餅先服務員，無乜問題既裝修，唔可以叫新淨，但乾淨既絕對字字真實食物真心真心係難食，唔係唔好食咁簡單去過一次保證無回頭

個人推介櫻花蝦拉麵：味道不錯，有些許的辣味，湯底都算濃郁，櫻花蝦有細心咁搓成扁狀，櫻花蝦味好濃郁，而且味道幾豐富，但係唔建議浸湯食。至於個湯底食得出佢有花時間熬製，拉麵我揀咗硬身，麵條都幾煙靭，不過唔係好重嘅小麥香味。兩塊嘅日本叉燒特登燒製過，雖然唔係幾重煙熏味，而且係薄切，口感還好，唔建議對日本叉燒太大期望。另外溏心蛋都幾好食。整體而言，我覺得佢嘅湯底最為出色，熬製得幾濃郁，有一種入口即化嘅感覺同幾香濃，櫻花蝦拉麵值得一試！🫡

拉麵就食得多呢間就未食過細細間似係小本經營事沿成日留意返工附近有咩好新，試新野和唔同既野，甘上openrice揾到呢間都OK好食既，不過個湯咸左D，亦有水供應定價就較高既由於係12點幾無咩人唔洗等位

陪朋友出油麻地辦事，搞到天都黑，不如食埋晚飯唔湊米氣嘅佢話想食拉麵，仲話呢間食過唔錯，一於奉陪呢頭除咗煲仔飯，大排檔，原來都有日式拉麵，頗有日式家庭式擺設feel。主理女師傅Maki曾經喺日本學師，真係要試試拉麵主打四色，分別是白，黑，赤，橙，還有期間限定同素食拉麵。坐低先來一碟中華沙律，然後慢慢睇食乜。叫了白色的特濃豚骨拉麵$82湯底呈奶白色，湯底醇厚，唔會死鹹，有兩塊叉燒，肥瘦適中，好淋入味，木耳爽口，半隻溏心蛋，真係做到溏心，蛋味香濃，非常吸引，還有一大塊紫菜。呢度嘅葱可以自己選擇多少份量，麵又可以選擇軟硬程度，呢碗叫了硬，好合朋友心意黑色選擇了黑蒜油豚骨拉麵$88湯底添加了黑蒜油，香濃。餸的材料是一樣的，同樣兩塊叉燒，木耳，半隻溏心蛋，葱，紫菜，紫菜建議撕碎放落湯裡面，增加鮮甜度。我自己揀咗適中的麵硬度這裏還有不少小食，串燒，叫了厚燒牛舌$38牛舌軟腍爽口，燒到外脆內軟， 牛味濃郁，非常惹味鹽燒雞軟骨串$26呢度啲雞軟骨唔係淨係得一粒骨，還有好多肉，有嚼勁在油麻地一個不錯的選擇。

這天晚上我約了朋友在油麻地吃晚飯，經過網上的介紹，我們便決定來到這間日式拉麵試一試，店內環境清潔衛生，餐廳會播放音樂前菜帶子群邊味道酸酸甜甜，令人十分開冑黑蒜油豚骨拉麵($88)豚肉香稔軟嫩，糖心蛋軟綿綿，拉麵十分軟身，拉麵可以選擇軟或者硬的拉麵，黑蒜油湯底味道很濃郁，黑蒜油很香，而且冇味精，飲完不會口渴，整體份量廷多盬燒雞翼($20)先用盬醃再燒，雞翼外脆內嫩，非常新鮮盬燒雞軟骨串($26)雞軟骨有嚼勁，十分新鮮，細細件，很易入口，另外有檸檬，可以加檸檬汁調味雞軟骨餃子($25)外層煎得十分脆，雞軟骨爽口，配上沙律醬，味道酸酸甜甜，十分開冑，份量十分多，十分抵食炸雞($30)炸雞香稔軟嫩，非常新鮮，富有肉汁，份量廷多整體來說，食物的質素十分高，食物的份量十分多，食物的選擇足夠多，食物的用料非常新鮮，食物的賣相很吸引，食物是即叫即做，所以食物的温度夠熱，食物的定價很大眾化，每張枱都有紙巾和消毒搓手液供應，而店員亦有良好的服務態度和有禮貌，所以我認為這間餐廳是值得再去惠顧

♨️Maki Ramen 拉麵油麻地鴉打街46-58號雅寶大廈地下3號舖@maki_ramen_730 ♥️就近油麻地地鐵站嘅一間日式拉麵店，店舖唔大但好有日本feel，拉麵有五款湯底：白、黑、赤、橙及季節限定，叫咗兩個拉麵再加啲串燒已經飽哂☺️🔷白～特濃豚骨拉麵一大塊紫菜好啱打卡又好食，兩塊豬肉唔算肥偏瘦但都係滋味，湯底味濃，一口一口，飲晒成碗🔷橙～味噌豚骨拉麵味噌湯底相比白湯底再濃D及咸D，適合重口味嘅人士🔷汁燒鮮魷魚燒完好香又彈牙，性價比高追住黎食🔷燒牛舌夠牛味算厚切，但又軟淋🔷蒲燒鰻魚串Juicy多汁夠香🔷雞軟骨餃子完勝的餃子，外包炸得好香脆食物：8.5/10抵食：8/10環境：8/10

今日同朋友去油麻地買嘢，經過見到呢間拉麵店，鋪面又幾吸引有特色，大家又肚餓決定入去食碗拉麵🍜醫肚。我同朋友叫咗兩碗拉麵同一個小食、一個甜品，拉麵有軟硬度選擇，可以迎合個人嘅口味。❀特濃豚骨拉麵 $82乳白色嘅豚骨湯，濃郁湯頭無味精不油膩，麵條軟硬度適中，爽口有麵香。紫菜大大塊，建議撕開小塊配麵一齊食，仲可以吸收埋豚骨湯底，好好食。叉燒肥瘦適中夠入味，而溏心蛋味道亦值得一讚👍🏻！❀黑蒜油豚骨拉麵 $88 朋友就揀咗黑蒜油豚骨拉麵，加入黑蒜油，帶有濃濃的蒜香🧄，麵條煙靭爽口，叉燒入口鬆軟，糖心蛋流心狀態賣相一流。朋友太肚餓，追加叉燒兩塊😂。❀雞軟骨餃子 $25（5隻) 外皮薄脆，微焦香脆，內餡的雞軟骨和豬肉完美融合，爽脆口感，滋味無窮。❀日本芝士蛋糕 $25入口有濃郁芝士味，軟滑濕潤，口感好似雪糕，芝士控必食。

今日來了油麻地濕平，順道去Maki 拉麵食個lunch。坐下後，我們叫了2碗拉麵一白一黑 ～ 特濃豚骨拉麵，及黑蒜油豚骨拉麵。店員快快地先來一個前菜中華海藻，給我們醒醒胃。特濃豚骨拉麵：上枱時已被大大塊的紫菜吸引著，配料還有木耳、叉燒、溫泉蛋。木耳爽口，健康兼有益。叉燒入口很香，肉質細滑鬆化。溫泉蛋流心個樣好吸引，一啖已吃完啊！麵條條條分明，軟硬適中，很有咬口。黑蒜油豚骨拉麵：湯底黑黑的，入口充滿黑蒜味，配料同樣有紫菜、木耳、叉燒、溫泉蛋，麵條的軟硬度可以配合個人的口味來選擇，非常體貼。

今日下午要去油麻地附近開會，要趕快食餐美食，我選擇左拉麵，搵到間隱蔽地方食好西🥰🥰入到店員先送上小食，辣味蜆肉，少少辣夠開胃👍🏻點選了味噌豚骨拉麵😍2塊半肥瘦叉燒，油脂分部平均，又不偏乾，味噌湯底香濃，拉麵彈牙，又大量芽菜、蔥花加半隻糖心蛋，糖心蛋滑溜溜，勁流心，忍唔住加多一隻😂😂勁正再點了串燒，牛舌-厚度夠厚之餘亦爽口，重牛味，好好味😍😍雞肝-燒到恰到好處，雞肝保持粉及嫩，味道佳，又香又綿質感，正👍🏻加多罐可樂，簡直爽爽😍🫶🏻

最近在油麻地發現一家超級好吃的拉麵館，這家拉麵館位置雖然不大，但非常的好找。除了有拉麵，竟然還有一些日式的小串燒，還有日式的甜品，選擇非常多。我選了他家的豬骨濃湯拉麵，聽說這個拉麵是招牌的，湯底好濃郁，一大片紫菜分量也很足。不單指面的份量很多，連肉的份量也很多。我另外點了雞皮，雞脆骨，還有雞翅，還有一些串燒。最後加了一份甜品，甜品有芝士蛋糕，還有撅餅，我點了一份撅餅，非常迷你，非常小的兩顆，非常有口感。Maki拉麵 (油麻地)油麻地鴉打街46-58號雅寶大廈地下3號舖

油麻地拉麵小店，女師傅原來曾經到日本學師，要試下手勢先得。✨特濃豚骨拉麵乳白色既豚骨湯，非常香滑濃郁。义燒用上日式醬油以及自家配方滷製而成。經歷慢煮數小時，味道好濃郁，而且帶微微焦香。配料仲有木耳同溏心蛋。大大塊紫菜，建議逐小塊撕落黎配麵食。拉麵可自由選擇口感，呢碗選擇左正常，都幾彈牙。✨櫻花蝦辛辣拉麵濃濃既櫻花蝦味，配合特製辣椒油，幾惹味。將櫻花蝦製成天婦羅，有心思。外脆內軟，咬落亦唔覺油膩。呢碗拉麵選擇左較軟身。拉麵一共有5款，其中一款係期間限定。如果拉麵唔夠喉，仲可以考慮串燒同甜品。