Mamaday (已搬遷) 新店位置

Mamaday 是一間樓上咖啡店。店內張貼各種有趣金句，裝修大玩幽默風格。而各種菜式名字亦極有幽默感，採用的材料也較獨特。在這環境内用饍，心情當然變得調皮和年輕得多啦！🤪Rid Eye Salad   $178五成熟的草飼肉眼扒肉色呈粉紅，牛味濃又好juicy；先試原味後沾上芥辣味道各有特色。配菜除了有沙律菜和胡麻醬烏冬外，還有我喜愛的蝦片很大塊又香又脆。Seafood Pizza $268這個係餐廳嘅signature limits pizza，果然比佢的賣相吸引。大大隻龍蝦頭🦞擺在中間，內裹充滿蝦膏😍。Pizza 係薄脆餅底，配料豐富有🦞🐙🦪等；還有拉絲芝士，超級滿足。Seafood Salad    $110香口與清新的混合版，可減肥膩感覺。大大隻炸扇貝和炸蝦肉質結實和彈口，夾上新鮮沙律菜和藍莓這樣的配搭頗為新鮮。Yuzu Yakult Frappe   $56在炎熱的天氣下飲杯沙冰係極之享受。味道酸酸甜甜，嘅解渴又開胃。Hot Hibiscus Tea   $56墨綠色的壼很典雅又高貴，盛載著洛神花柚子茶可減輕食物的油膩感增加食慾。

個環境有少少Vintage 風格，餐廳色彩配搭唔錯，令人舒適，座位之間寛闊。喱間經常排隊，所以一早預約左。menu 入面啲名都好有創意。來自舊金山的斧頭豬$260，大份厚實，好似slow cook 感覺，一咬好多肉汁，一口邊邊既肥豬肉加一口肉😋，口感豐富。旁邊配有麻醬烏冬。益力多柚子沙冰，口感清爽怡人，益力多既香氣和柚子的酸甜味道相得益彰，好適合夏日消暑。其他飲品名都好獨特。有蟹GO又有蟹肉的蟹蟹蟹意大利扁麵，意粉既麵條煮得好有嚼勁，加入了蟹肉的鮮甜，醬汁既味道也很好，不會太濃郁，能夠充分品嚐到意粉和蟹肉的風味。

Mamaday🍤求其是但乜都炸啲啦Whatever Fried Platter 乜都有啲，炸蠔肥美，天婦羅蝦香脆，炸薯蓉同大量炸薯條點茄汁十分滋味。🥩美利堅合眾國草飼肉眼扒Medium Rare U.S.A Rib Eye Steak草飼肉眼扒五成熟，牛味香濃，肉汁豐富。再配有沾上芝麻醬嘅涷烏冬同沙律，夏天開胃之選。🍝有蟹Go又有蟹肉的蟹蟹蟹意大利扁麵Crab Crab Crab Meat Crab Butter Fettuccine 意大利扁麵質感Al dente ，材料有大量蟹膏，蟹肉，蟹柳，蟹籽，帶出超濃蟹味。🍨你今日飲咗益力多柚子沙冰未呀?Yuzu Yakult Frappe益力多柚子沙冰，可以食到柚子果肉粒粒口感，益力多沙冰，既甜既冰涷。🧃黃金阿婆塊皮Golden Apple Frappe蘋果Frappe 可愛夢幻綠色，解暑同時清新可愛。

尖沙咀食晚飯, mamaday 絕對唔會麻麻地. Blue curaco: 藍色 波波呢一杯, 藍泡泡 個泡泡爆咗之後 會有一種煙燻 的味道 混合酒 咽喉 的感覺. Crab pasta. 有好蟹子混合意粉 還有蟹腳 肉 全部去曬殼 食得好方便。跟住叫左一個 鰻魚炒飯 原條鰻魚 配上 木耳 炒飯炒到金黃色一粒粒. Seafood Salsa 個拼盤超抵食， 有原隻 香 煎大蝦， 帶子 沙律菜 仲有兩條長腳蟹 起曬肉 去曬 殼 畀你食。 仲有 總共六 片， 脆薄薄的墨西哥pizza.個醬汁甜甜酸酸 非常之開胃醒神

星期五放假同朋友去cafe 食下好野吹下水。環境好chill 外食物質素真心好好！蟹蟹蟹意粉-有蟹籽蟹肉蟹柳蟹鉗，真的full of 蟹-尤其蟹肉蟹籽豪不吝嗇，蟹料仲多過pasta, 每一條都沾滿大量蟹海龍皇pizza -最有驚喜的一碟，帶子& 青口已經好高質，重點係有龍蝦肉，爽口鮮甜-醬汁係千島醬，唔會太濃味，完全食到海鮮的鮮味蜜汁香茅豬頸肉-份量好多好大碟！豬頸肉烤得十分出色，蜜味濃，有少少叉燒的感覺。-豬頸肉厚切肥美，好Juicy -仲有沙律&蝦餅&柴魚烏冬，抵食！肉食者沙律-炸雞有5-6大塊，一啲都唔油膩, 雞肉好嫩滑-沙律菜新鮮，竟然有成本比較高的覆盆子，高質！椰奶Dirty -咖啡本身係濃底，加埋椰的香味估佢唔到咁夾。

𝗣𝗹𝗲𝗮𝘀𝗲 𝗳𝗼𝗹𝗹𝗼𝘄 𝗺𝘆 𝗼𝗽𝗲𝗻𝗿𝗶𝗰𝗲 𝗮𝗻𝗱 𝗶𝗻𝘀𝘁𝗮𝗴𝗿𝗮𝗺 @𝗺𝗶𝗰𝗵𝗲𝗹𝗹𝗲𝗳𝗼𝗼𝗱𝗳𝗶𝘁蒜蓉虎蝦pizza愛蒜嘅朋友必點 蒜香味超級濃郁 薄薄批底焗至焦香加上大量芝士 好味道 幾辣的泰式打拋豬烏冬呢款夠哂惹味 香料味重 仲有脆卜卜大塊蝦片 好有泰國風味 法蘭西火辣青蔥雞類似麻辣雞煲咁 肉質嫩滑 每件雞都非常入味 求其是但乜都炸d啦有炸蠔 炸芝士 吉列蝦 薯條 共4款 全部都炸得夠乾身 手工紫薯waffle 私心推介❤️ 完全唔甜 食到天然紫薯嘅味道 窩夫煙韌有咬口 加配雲呢拿雪糕 層次豐富 肉桂咖啡 淡淡嘅玉桂混入牛奶咖啡 估唔到又幾夾 氣泡齋啡 有氣既咖啡 正式發揮 食過佢嘅姊妹店 兩間水準都穩定玩味十足 裝修好得意 幾推介大家試下

全部裝飾都係以玩味加復古式創意，用色非常大膽，仲惡搞好多名人名句去令食客心情更加放鬆餐點都係以西餐為主，有意粉、蛋包飯、扒類、薄餅同炸物小食都有，而且飲品menu都毫不遜色，由咖啡、茶類、沙冰、雞尾酒同紅白酒都有，一次過滿足哂晚飯同happy hour明太子薯條 ｜$48首先上咗小食薯條先，明太子好似唔使錢咁比咗勁大兜，幾欣賞呢度既明太子冇溝其他醬，食落唔heavy同有原始咸香鮮味，薯條外脆內軟有薯香綠光八爪魚 ｜$72呢款原來係八爪魚刺身，上面有自家製青醬，味道唔會太濃，令八爪魚鮮味更出，口感幾嫩有咬口，伴菜有海葡萄配火箭菜，食落係清新開胃海龍皇比薩 ｜$268今日重頭戲之一就係呢個大pizza，造型上已經好正，成個龍蝦頭燒好放係上面，好奇拎黎一睇仲要係真野，入面仲有膏係熱辣辣可以食，材料都好充足，有齊龍蝦肉、蜆肉同海鮮等等，食落彈牙新鮮蟹肉蟹膏意粉 ｜$145全晚最好食就係呢個意粉，擺盤都幾可愛，真係扮哂蟹咁伸出兩隻鉗，份量都幾大份飽肚，一拎起見到掛滿蟹膏、蟹肉同飛魚子，食落勁多層次感，蟹味好香焦糖脆脆窩夫｜$90最後梗係食返個甜品，勁多人捧場食窩夫，基本有焦糖同紫薯味，今日是是旦

呢間餐廳食過唔只一次， 已經係列入同朋友聚餐會光顧既餐廳。餐廳裝修得意花巧，古靈精怪，入到黎都令人覺得good mood，影相都靚啲。而且野食花款多又好味，所以回頭率高🤩今次叫左三款主食+ 兩款飲品🔽 海龍皇比薩 🍕🦞因為今次黎同朋友慶生，見呢個賣相夠豪氣所以叫黎試試。一黎到好香龍蝦味，pizza 底算簿又鋪滿餡料芝士、龍蝦肉都大舊又彈牙，pizza 邊簿脆😋🔽 來自舊金山的斧頭豬豬扒厚肉、但唔會乾柴柴，咬落仍有肉汁，再配上芥末醬野味啲。伴碟有水果、沙律菜、兩塊大蝦片、同埋麻醬烏冬，一大盤多姿多彩樣樣有啲，好滋味🤤🔽 有蟹Go有蟹蟹蟹肉意大利扁麵一大碟超多蟹肉，蟹籽，蟹肉味濃😛🔽 73.5%朱古力最好味想飲朱古力飲品但又唔想咁邪惡呢個啱哂，朱古力味濃但唔會係好甜，偏可可味重啲☺️🔽 洛神花金橘茶呢個好正，甜甜酸酸好開胃，暖暖地咁比較消滯，健康養身感覺。消除食左大餐既罪惡感🤣 💭 總結： 無論食物、飲品、環境，服務質素都有水準，值得再次光顧的餐廳🙌🏻

跟朋友來尖沙咀吃飯，他選這家<Mamaday>. 一試就明白為何它如此受歡迎，平日常常需要等位了！首先餐廳環境很好，裝修非常用心，有點美式餐廳的感覺，充滿玩味。 食物選項多，pizza、意粉燉飯、炸物小食、扒類、沙律、特色飲品都很多，而且不只有普通西餐，有很多fusion的項目，例如我看菜單上有一些泰式的菜品。食物味道不錯，份量很大，非常適合一大班朋友來聚餐！「來自舊金山的斧頭豬」$260必須要先說這一個因為非常推介！超級好吃！豬扒是斧頭扒，所以有一定的厚度，但是吃下去肉質剛剛好，不會過硬，是juicy有肉汁的！配上蜜汁甜甜的調味就是完美！另外旁邊有沙律菜跟一點水果，不是那種在雪櫃拿出來冷的沙律菜，是普通室溫的，這點我很欣賞！一直都覺得很多西餐配的沙律菜是非常冷的，跟旁邊溫熱的食物不配。這道菜還有一小碗日式柴魚胡麻醬拌烏冬，以及兩片非常大的印尼蝦片，非常滿足！絕對會為了這個豬排再來這間餐廳！「有蟹Go又有蟹肉的蟹蟹蟹意大利扁意粉」$145openrice上很多人推介而選了它，果然被推介是有原因的！首先一上碟是非常的香！ 肉眼可見有真的蟹鉗蟹肉、仿蟹棒，中間的蟹膏應該是混

第一次食到嬲左，嬲到要打食評😡👎原本上OpenRice啲好評咪諗住試下啦，點知中晒伏！食物質素就正常啦（唔評論啦）但員工態度差劣，食食下野阿侍應哥哥話我地last order，有冇野要加（當時店內大把吉枱，時間都係8點左右）之後塞左張單要你埋（我仲係食緊野）再過多一陣，侍應哥哥又走埋嚟，有眼睇到啲野未食晒又同你講”用餐時間已到”我野都未食完就趕人走，感覺極冇禮貌冇下次！好失望！名符其實嘅😡👎

同朋友在非繁忙時間入座，得一兩枱客，叫餐時，服務員態度差，叫極無反應。用餐一半，已催促只有90分鐘用餐，叫我地盡快食，10分鐘後，已催付款。已付款，又話用餐時間已完。我地口中仲食緊野，都叫我地要交枱。但講緊個場仲有5/6張空枱。入座時，並沒有告知只有90分鐘。服務員態度真一流🤬🤬🤬特格係藍色背心光頭服務員🤬🤬 如果大家想成餐飯，由頭比人催促到食完，就去食啦未試過食餐飯，貼錢買難受。個藍色背心枱枱去催交枱，枱枱食到一半，其他食客都話有問題囉😑麻煩貴店留意下

🐾MAMADAY 尖沙咀據聞餐廳非常有特色所以今次慕名而來，懷舊歐美風格的設計再加上形形色色的金句，果然係非常有特色。也許是因為真的太有名了，午餐時段都差不多滿座，有興趣的朋友記得要提早預約❣️✨求其是但乜都炸啲啦有選擇困難症所以前菜就選擇綜合拼盤(炸薯條，炸芝士，炸蝦，炸蠔)。炸物香脆可口，炸粉唔會好厚身而且凍咗都唔會有油膩感，令人由頭食到落尾。四款調味均十分出色，但我尤其鍾意炸芝士，貪佢芝士味夠濃厚令人回味😆✨有蟹GO又有蟹肉的蟹蟹蟹意大利扁面 唔好抱咁大期望蒲燒鰻魚蛋包飯兩款主菜都份量慷慨，令人非常有飽足感。有蟹膏，有蟹肉，有蟹籽，每一啖都蘊含蟹的精華，非常推薦俾鍾意食蟹嘅朋友仔😋日本入口鰻魚大大條，嫩滑雞蛋🥚包住香濃炒飯口感豐富，令人食不停口，蒲燒汁整得非常出色。✨士多啤梨奶昔 天然紫薯唔太甜純粉色同純紫色的飲料，非常吸精😍士多啤梨奶昔味道天然，奶昔口感好smooth，而紫薯latte則是味道溫和，同咖啡個平衡取得剛剛好，頗特別的口感✨手工紫薯窩夫(自家製紫薯醬，紫薯蓉，雪糕，奶蓋)窩夫入邊有紫薯蓉，每咬一啖都香脆煙靭，口感方便有驚喜。窩夫配紫薯醬令紫薯香味加

今天來到尖沙咀血拼，午餐時間要醫一醫肚仔，就找到位置最近的餐廳Mamaday，一進來餐廳像去了展覽館，又有很多擺設看，相中這隻狗很可愛。餐單：每張菜單、每個菜名都精心設計又創新，好像在看一本故事書一樣，很吸引眼球。別以為這是酒，裡面是飲用水，自由斟，有創意。飲品：香蕉朱古力奶昔：不會油膩，罪惡感減低，還有半條新鮮香蕉吃☺️。青蘋果沙冰：清新蘋果香，非常夠多沙冰，不會過甜。墨仔薄餅配海鮮莎莎：蝦和蟹肉都很細心地拆了肉，而且烤得像燒烤一樣，有微微的炭香；莎莎醬以芒果為主感覺清新。美利堅合眾國草飼肉眼扒：（五成）肉眼扒份量多，肉質嫩，可能四五成熟的關係，不會韌。配菜也多，有沙律菜、蝦片、冷烏冬，飽到捧住肚子離開。法蘭西火辣青蔥雞：留意一下是我認為有中辣，這個有點像火鍋店的雞煲。底下有大約5-6塊厚身薯仔🥔，煮到軟身然後吸滿了湯汁。甜品：焦糖脆脆窩夫：（焦糖海鹽雪糕）窩夫賣相精美，別看外表感覺會吃起來很硬身，意想不到咬下去很鬆軟，外皮微微脆而不會太脆，因為我吃過其他地方的窩夫太脆感覺會熱氣，而且牙肉吃到很痛，這個完全不會 。限量紫薯蛋糕：賣相很唯美，紫色很夢幻，玫瑰花瓣做伴碟陪襯，標榜不甜的，適

今天我地三個女仔嚟到尖沙咀Mamaday，裝修風格結合了現代和復古元素，好多打卡位，而且菜式名好有創意，玩味十足😆Wings Honey Mustard雞翅炸得非常酥脆，外層包裹了甜蜜的蜜芥末醬汁，讓人垂涎三尺。有蟹GO又有蟹肉的蟹蟹蟹意大利扁麵蟹肉蟹膏醬汁非常豐富，每條意粉都飽滿地沾滿了蟹肉鮮味，加上蟹籽更意粉增添了豐富的層次感。Soft Shell Crab Pizza薄脆底的pizza，滿滿的芝士混合了菠蘿和蟹肉棒，搭配上香脆的軟殼蟹，口感豐富多樣。美利堅眾合國草飼肉眼扒。這道菜的草飼肉眼烤得恰到好處，軟嫩多汁。沙律菜新鮮，配脆脆蝦片一起吃，正！Sweet Potato Waffle窩夫外層酥脆，內部軟糯甜美。搭配上香濃的奶蓋和滑順的雲呢拿雪糕，非常正，仲有一小瓶海鹽奶蓋比你隨喜好自己加添！Yuzu Yakult Frappe和Apple Frappe。兩款飲品都非常清新，味道柔和，炎炎夏日消暑解渴！每人$270左右，食到捧住個肚走😆😆

較早前幫襯過GoodDay Badday Mamaday，感覺非常不錯，性價比超高，這次就來試試同樣位於加連威老道的另一間Mamaday。餐廳設計玩味十足，用色亦非常大膽，紅色磚牆拼鮮黃色惡搞卡通人像油畫，有趣盞鬼。就連餐牌的餸菜名稱也花盡心思，攪笑有趣。記住，期望愈大，失望愈大...雞翼雞翼共有四種口味選擇，而我揀了蜜糖芥末；雞翼外層炸至金黃色，入口酥脆，內層嫩滑，味道甜甜辣辣，帶有點點芥末香。海龍皇比薩賣相滿分，大大個龍蝦頭放在pizza的正中央，而pizza上亦放了不少彈牙龍蝦肉、鮮味帶子及肥美青口，感覺真材實料，薄餅送上來時熱熱的，薄底香脆，有拉絲效果，千島醬味道突出，味道甜中帶酸；另外，龍蝦頭內有大量蝦膏，口感潤滑，味道甘香，推介！美利堅合眾國草飼肉眼扒賣相同樣吸引，除了有主角肉眼扒，還有烏冬、蝦片及沙律，廚師很貼心，將肉眼扒切成小塊，那客人就可以一啖一口直接將肉眼放進咀裏享用。肉眼口感軟淋嫩滑，牛肉味濃郁，肉汁豐富，蝦片大大塊，脆卜卜，沙律菜份量不多，但非常新鮮，烏冬彈牙，混上醬汁，味道酸酸的，可以中和肉眼的膩滯感。南瓜湯從Lunch Set內點了炭燒雞肉日式沙律，除包括餐