Marco's Oyster Bar & Grill (彩鴻酒店)

营业中

休息中

今日同朋友到佐敦食飯，去到餐廳不需要等位就可以入座 。我們叫了一份紐西蘭資雲酥羊架套餐再加一個蒜片活蜆炒意粉，套餐包括一份煙三文魚沙律，牛肝菌忌廉湯和餐飲 。我們點的紐西蘭資雲酥羊架套餐，羊架表面酥脆，搭配新鮮的時蔬和香草醬，色彩鮮豔，擺盤精緻。羊肉肉質鮮嫩，帶有淡淡的草香。每一口都能感受到肉汁的豐富，搭配微微的鹹香和香草的清新，味道層次分明，口感滑嫩。套餐中還包括一份煙三文魚沙律，沙律的色彩鮮明，搭配新鮮的生菜和小番茄，煙三文魚的鹹香與沙律的清新，讓人感受到清爽的口感。牛肝菌忌廉湯湯色奶白，濃郁的香氣撲鼻而來，牛肝菌的香味與奶油的絲滑完美融合，口感濃厚卻不油膩 。蒜片活蜆炒意粉煮得恰到好處，搭配新鮮的蜆和蒜片，散發著誘人的香氣。蜆肉鮮美，與意粉的嚼勁形成完美的對比 。總體而言，味道不錯，有套餐優惠，性價比高。

同朋友慶祝生日，選址氣氛好好的Marco's Oyster Bar & Grill 。可以在餐廳order 蛋糕，免費寫字，仲有團隊唱歌慶祝，整晚洋溢歡樂氣氛。order了兩杯 Pina Colada，好香椰香及菠蘿味，好有熱帶感覺！點了一打生蠔送紅/白酒一支，叫侍應發辦幾款生蠔，當中最喜歡的是Gillardeau，肉質肥厚，口感爽脆鮮甜！另叫了一個鵝肝餐，餐湯是法國龍蝦湯顏色紅亮，香味濃郁，很鮮甜。加$58點了法式焗田螺用蒜蓉、香草同牛油焗香，螺肉變得甘香軟滑，滋味非常，底下的薯蓉十分綿密。三文魚撻撻兩塊多士上一份是沙律蛋，一份是三文魚碎。鵝肝拼美國豬鞍扒鵝肝自是細膩滑嫩、充滿油香，想不到豬鞍扒肉質亦十分鬆軟，完全不柴，很好吃！Order了一個芝士蛋糕，味道濃厚，相當滿意！

位於佐敦Marco's Oyster Bar & Grill是一間主打意大利菜的餐廳，餐廳內的裝潢低調優雅，營造出一種親切而不失高雅的氛圍。佢哋呢度嘅鵝肝拼牛柳套餐$298/ 位真係值得一試！三文魚撻撻頭盤係三文魚撻撻和蛋沙律多士，三文魚軟滑多汁，食落夠新鮮，入口好滑溜，帶住少少海水嘅鹹香，超級開胃。沙律多士，唔單止味道好，營養價值亦好高。伴碟嘅沙律菜清新爽口，蔬菜的新鮮度和口感搭配恰到好處，搭配著醬汁，清淡中帶點微酸，令人回味無窮。法式龍蝦湯法式龍蝦湯濃郁醇厚，散發著龍蝦濃郁的海鮮香氣。湯汁搭配著奶油和香料，口感豐富柔滑。龍蝦肉的鮮甜與湯汁完美結合，仲帶住少少奶油香。啲湯入口暖笠笠，好有滿足感，真係想一啖接一啖咁飲落去。鵝肝拼牛柳到咗主菜，我揀咗佢哋嘅招牌 鵝肝拼牛柳。呢個牛柳煎得外面脆脆地，入面仲係粉紅色，啖啖肉汁滿溢，咬落去真係好嫩滑。至於鵝肝，就係另一個層次嘅享受，入口即溶，濃郁嘅油香配合埋牛柳嘅肉味，呢個組合真係無得輸！食飯期間見到隔離枱有人點咗芝士意粉，見到店員現場將熱辣辣嘅芝士融化，再拌埋意粉，好香呀！望住都覺得好好食，搞到我都好想試吓，下次一定要點嚟食！呢餐飯真係食得好

放工來到佐敦食晚餐，餐廳有駐埸歌手即埸演出，食物種類豐富很多選擇，佈置浪漫😆 ⭐️自選生蠔我們點了不同產地的生蠔，有來自法國，愛爾蘭，美國的，每一隻都很肥美新鮮，配上檸檬汁蠔味更有所提升😊👍 ⭐️法式龍蝦湯湯很濃郁，每口都充滿著龍蝦味，湯十分足料，裡面真有龍蝦肉! 😆😆 ⭐️三文魚撻撻一共2塊有2個口味，分別是三文魚和沙律蛋，在脆脆的多士上充滿三文魚沙律，配上沙律菜一起食，很清新可口 ⭐️牛柳拼鵝肝鵝肝很大塊肥美，充滿鵝油的香味，牛柳選5成熟，廚師火喉控制得很好，不會過熟，牛柳肉質鮮嫩😄 ⭐️卡邦尼意粉很有驚喜的一道菜！廚師推車仔在我們面前煮，首先炒香意粉，加入一隻蛋王和煙肉，最後把煮好的卡邦尼意粉再放入cheese wheel 撈芝士！ 意粉充滿3隻芝士的口味！😍😍 ⭐️朱古力心太軟切開心太軟很流心，配上雪糕一起食，冰火相融😊

Marco’s Oyster Bar & Grill一進入餐廳，就會俾餐廳嘅浪漫裝飾同live music，多重感官氛圍，令人置身浪漫派對之中。法式龍蝦湯法式龍蝦湯嘅龍蝦味濃郁香醇，鮮甜滋味。體現咗法式料理精湛技藝，加上忌廉喺湯上畫畫般點綴，份外精美。作為開胃湯品，配上甜甜嘅餐包，十分出色。煙三文魚天使麵煙三文魚天使麵麵質地細薄，帶清新感覺，同時吸附咗三文魚嘅油脂同煙薰香氣，令每一口滑嫩多汁。三文魚切片鮮嫩，沾滿忌廉汁嘅蘑菇彈牙，搭配麵條口感層次豐富。以三色椒同洋蔥提味，提供清脆嘅口感反襯，既健康又美味。意大利雲吞配黑松露忌廉汁意大利雲吞配黑松露忌廉汁，係經典嘅意大利pasta，雲吞皮薄餡厚，餡料充滿黑松露嘅鮮美多汁。黑松露忌廉醬汁散發濃郁香氣，充滿醇厚風味。Pina Colada Pina Colada 無酒精雞尾酒，清新爽口，完美詮釋咗愜意嘅度假風情。香甜滋味令人陶醉，係可口醒神嘅夏日飲品。Tiramisù Tiramisù 呢款經典嘅意式甜點口感細緻綿密。乳酪餡柔滑香醇，特別鍾意Tiramisù 浸潤咗咖啡酒液嗰一層，同朱古力粉嘅微微苦香遙相呼應。店員向我哋分享，原來餐嘅Tira

今晚同朋友去佐敦Marco's Oyster Bar & Grill食晚飯，好耐冇見就出嚟聚下舊，呢度環境唔錯，餐廳仲佈置了好多打卡位。脆炸德國咸豬手套餐，有煙三文魚沙律🥗加香濃的牛肝菌忌廉湯，豬手份量充足，並已切件上碟方便食，配菜係薯條同沙律，豬手皮香脆，肉質嫩滑同時保持到肉汁，薯條唔太幼外脆內軟，豬手同薯條都幾熱氣，配返小小沙律中和下油膩感。海鮮意大利飯，一上枱就覺得性價比都幾高，有隻幾大嘅龍蝦鉗，又有蝦同蜆，意大利飯都好入味。流心的朱古力心太軟，配上雪糕球好好味，朱古力味濃得來唔算太甜，套餐加$20就有。隔籬枱有人生日現場嘅結他歌手同佢哋慶祝，餐廳環境氣氛非常之好，歌手好識得炒熱個場，如果同朋友嚟慶祝生日，的確係一個好地方。

剛落車有點餓，見到有生蠔，終於忍唔住。今次嘗試下午茶餐，選擇唔算少，有扒，有意粉，有飯揀，仲有tea set for two（鵝肝多士，三文魚他他，巴馬火腿配蜜瓜，春卷咖哩角，心太軟，芝士餅 ，頗有誠意。今次以優惠價試咗生蠔，味道唔算濃，但新鮮，有海水味，可以一試。下次有機會再試紅酒或白酒。

哩間充滿90s風味嘅餐廳係老字號蠔店出名抵食、蠔選擇多、又有live聽叫一打生蠔仲送白酒一枝🥂！（勁正！所平日去都都唔少客人亦會見到叔叔、嬸嬸嘅聚餐成個氣氛都好好。🦪法國Fine de Claire（$28）蠔肉有透明感、肉質有彈性、爽口、入口帶榛果香味及甜味。🦪愛爾蘭 Irish（$28）蠔肉飽滿爽甜、海水味輕、帶礦物味、好fresh
🦪美國Pacific rock（$18）石蠔海水味較淡、肉質肥美、夏季特別爽口清甜。🔸野菌忌廉湯（跟餐）❤️用意大利蘑菇，真係超香！質地creamy香滑，有好多打碎左嘅菇粒黑糖餐包又係超好食😋係我至愛！🔸原隻龍蝦海鮮意粉（$398）龍蝦肉新鮮、彈牙爽甜！仲有蜆、魚塊、蜆、青口等每啖意粉都沾滿濃濃龍蝦汁，滿滿海味呀！🔸Tiramisu ❤️口感好滑好滑！咖啡酒香十足！又係必食。另外原個蛋糕買走都只係 $120

約朋友食下野飲下野，主打蠔吧，正蠔選擇多，最後朋友點選了4款美國 Pacific Rock: 海水味較淡，有鮮味，價格相宜蘇格蘭 Scottish: 肉質爽脆法國 Fine De Claire: 海水味濃，肉質柔軟滑溜，甜中帶礦物味澳洲 Coffin Bay: 海水味適中，味道清新仲要1打蠔送一支白酒或紅酒😍太好點選意大利白酒，酒體豐滿，有青蘋果及柑桔香味，配搭生蠔最適合四季薄餅-餐牌特別推介，有莎樂腸，Parma Ham,蕃茄，蘑菇及水牛芝士，經典意大利薄餅，餅皮夠薄，邊位香脆，每啖都有我至愛材料，推介整體滿意，一邊傾計，一邊聽駐場歌手自彈自唱懷舊英文歌，超好氣氛。超正

今日屋企人生日 佢鍾意食生蠔 所以我哋揀咗一間有生蠔食嘅西餐廳慶祝 現場仲有live singer唱住英文歌 非常有氣氛睇餐廳名都知呢度其中一個主打會喺生蠔 最平嘅美國Pacific Rock試一試 而家只係半價 每隻只需要18蚊 叫一打仲有一枝紅酒或者白酒送 非常抵食 生蠔比想像中厚肉 而且新鮮鮮甜帶淡淡海水味 呢個價位可以話真係性價比十足 下次可以試下外賣返屋企慢慢嘆蒜片鮮蜆意粉 呢個屬於濕炒嘅意粉 個汁有淡淡蒜蓉味 蜆肉份量都算多 意粉亦有咬口 西班牙黑毛豬鞍扒 呢個味道都幾高汁 黑毛豬肉質爽彈唔會硬班班 而且又肉汁 加埋面頭酸酸甜甜嘅芥末汁 味道非常夾 伴碟仲有炸薯條添

今日同老婆週年紀念 去咗間有歌手現場駐唱嘅餐廳食個飯 有氣氛感覺浪漫D而家做緊優惠 叫一打生蠔會有一支酒送 生蠔都有好多款 我哋揀咗最平嗰款Pacific Rock試試 味道對得住價錢 新鮮鮮甜肥尾另外餐廳仲有晚市套餐 會包一個主食沙律同湯 不過我哋叫咗另外一個同樣係餐牌特別推介嘅豬手套餐 除咗有德國咸豬手仲配埋Stella Artios生啤兩杯 每杯有500ml超大杯 最重要係夠凍 咸豬手都算係我食過嘅德國豬手裏面算頭幾名 鹹鹹香香而且肉質唔會乾柴 加上外皮超香脆辣肉腸薄餅 佢屬於厚餅底 面頭簡簡單單放上辣肉腸同芝士 芝士做到拉芝嘅效果

真係有啲癲癲地第一次係食威靈頓牛肉、卡邦尼意粉、生豪12隻有酒送：威靈頓牛肉可以接受，之前食過貴價威靈頓牛肉所以冇得比較，佢個正宗意大利卡邦尼邦意粉，我好鍾意！係你面前煮意粉，又玩燒芝士，真係氣氛一流芝士味好濃厚加煙肉鹹鹹香香😋 係我試過最好嘅卡邦尼🫶🏻第二次我就食斧頭扒、生豪、同埋火焰雪山蛋糕：斧頭扒兩個人食就有啲over，但係味道係OK嘅，重頭戲火焰雪山蛋糕，係我第一次去見到念念不忘要食嘅蛋糕，其實呢樣嘢幾廿年前已經有味道唔錯，兩個人食就真係有啲飽，整體成餐飯都好開心，台台都係生日飯，唱歌唱唔停！！ 真係每台都唱五隻歌㗎！真係要靜靜地就唔好去啦，同埋冷氣都好大，食物好快凍，今年好大機會食第三次

Good food and amazing vibes. Fun and good musician singing nostalgic songs. Pork knuckle, pasta, tiramisu, lemoncello ice cream and chocolate lava cake were great!The pork knuckle was tasty and crispy, with the skin roasted just right. The soury tabgy taste of the lemon gelato was soothing after the meaty dishes.

朋友聚會揀選這間餐廳，之前我沒有參予討論去那裡吃飯，到約定當天才知道，是去這間久違了的餐廳。其實我 N 年前都去過他們其他分店用餐。大角嘴，黃埔，佐敦近寶靈街。今次這個地方是第一次到訪。我們四位女士，揀了一個 2 人 sets ，另外再加多一個威靈頓牛排。因為是晚餐，不能食太多。餐廳老板非常之好客，送多兩杯飲品給我們。份量，質素，味道都保持水準之上，希望能夠堅持下去。因為我們用餐當天也不算太多客人。羊架，海鮮龍蝦意大利粉味道不錯，甜品心太軟配雪糕 (signature item ) 真的沒有失望。現場環境舒適，又有 live band 唱歌。值得推薦給大家。

下午食完車仔做lunch ，晚餐收工，繼續跟Foo去覓食。佐敦的Marco’s Oyster Bar & Grill 有好多打卡位，有燈籠，照燈，電子蠟燭，氣球等飾物，適合各類慶祝活動做背景影相。主打西餐和鮮蠔系列，人均消費$250左右。一來到，已經被餐牌的$298法國鵝肝拼牛柳餐吸引到。有三文魚撻撻，幾特別，多士上面有三文魚餡料。沙律都好新鮮翠綠。法國龍蝦濃湯就好鮮甜惹味，每啖都有豐富的龍蝦膏味道，相信廚師熬製多時，別具心裁。鵝肝拼牛柳的牛柳有不同的煮熟程度可以選擇，5成熟再送到面前，外層已經煎熟，裡面就有餘溫繼續煮，到食到嘴邊時，裡面已經呈粉色狀態，肉嫩而有牛汁，鮮嫩的口感，極厚切的牛柳，令人一垂涎三尺。另外鵝肝亦都令人幾意外，無腥羶味，食完不似食內臟，幼嫩可口。肉醬闊條麵$138亦都不錯，肉醬的精髓遍布每條意粉，彈性的咬口，整碟都食得好滋味。