Mee...lemongrass (Megabox) (已結業)

夏日炎炎沒有胃口，吃酸酸甜甜的東南亞菜就最適合不過！菜式多元化，由新加坡、馬來西亞、越南、泰國及印度均一應俱全！地道串燒(牛或雞)共4支 ($68)牛肉鬆軟，雞肉嫩滑，再沾點沙爹醬來吃，增加風味，惹味醒胃。軟殼蟹紙米卷6件 ($72)色彩斑斕，賣相吸引。內餡除了有軟殼蟹外，還有三色椒、牛油果、芒果和蔬菜，非常足料。咬下去外皮煙韌，內餡一軟一脆，口感豐富，味道既清新又香口。馬來蜜汁炭燒厚切豬扒撈檬 ($72)香氣撲鼻，豬扒份量十足，入口甜蜜軟腍，檬粉口感軟彈，加上集甜、酸、辣於一身的魚露甜酸汁，開胃惹味。

原來MegaBox裏便都有好多嘢食㗎喎今日走去食咗呢一間泰國菜見到佢午市嘅時候有午餐Menu都幾抵食但係我就冇叫到午餐Menu純粹散叫嗌咗個海南雞飯食落雞件口感唔會話好鞋好硬另外通常都會只見到海南雞飯會配湯同埋飯但係呢間竟然會有埋一碟菜仔俾你略嫌佢個菜係凍嘅同埋唔係好淋另外朋友嗌左一杯黑糖珍珠奶茶如果叫咗一個飯嘅話都只係加$10但係奶茶應該係平日外面茶飲店嘅大杯size所以加$10來講都幾抵食朋友就叫咗一個鐵板牛柳粒因為係鐵板嘅原因啦所以食落會特別香口而且牛肉一啲都唔會好難咬開覺得不錯👍🏼

Megabox成日都有好食餐廳，但因為有點偏遠好少去食今次lunch time就去到11樓的馬來喇沙餐廳 Mee....🔶馬來蜜汁炭燒厚豬扒配喇沙 $78豬肉好鬆軟，唔似一般豬扒，有啲似梅頭肉個味道都好好味，甜甜地又有少少馬拉味👍🏻最好味係個喇沙面，湯面唔會太咸但又會好濃味麵底係滲滲（即油麵加上米粉）好有特色🔶招牌無骨海南雞飯 $78跟油飯、菜、清湯，穩陣健康之選！個海南雞質素唔錯肉質嫩滑，個甜豉油醬&酸辣醬好惹味🔶跟餐送一杯飲品，特飲要加錢，好大杯抵叫+$10 黑糖珍珠鮮奶（珍珠好煙韌，真鮮奶）+$14 茉莉奶蓋綠茶（唔中意甜既人可以點呢杯，綠茶味香濃，但個奶蓋有點奇怪，可能是用海鹽芝士，所以同平時飲到個啲有不同，少少咸咸地既芝士味）

九龍灣mega box午市成日都好多人，特別係最近疫情轉好，好多office都resume，好食嘅餐廳真係一位難求架！朋友叫咗個波士頓龍蝦喇沙，估唔到咁大碗，份量又多，最後只好問店員拎個碗share食原隻嘅龍蝦好有肉，浸係金黃嘅喇沙湯度，吸收咗椰汁同花生香濃嘅味道面頭有芫茜蔥粒，顏色好靚湯底同係外國食喇沙時嘅味道一樣，仲要佢真係有2款麵：油麵同米粉，「摻摻」得嚟味道又夠balanced加上索湯嘅豆卜，雞蛋，特別令人難以忘懷店員會拎個小盤同埋搣龍蝦殼嘅鉗俾你，你拆完肉仲可以用埋佢嘅濕紙巾抹手龍蝦肉結實彈牙，就算係龍蝦鉗，啲肉厚到唔惹少海南雞飯套餐有去咗骨嘅海南雞髀肉，青菜，蔥油飯同冬瓜湯金黃嘅雞皮代表滑到反光嘅靚黃雞油，薄薄地包住入面粉嫩嘅雞肉佢有2款醬汁，分別係濃稠嘅甜豉油，同埋經過調味嘅酸辣汁雞肉點上酸辣汁真係好開胃，不過真係要留意後勁十分嘅辣味跟餐加少少錢就有杯黑糖珍奶，鮮奶嘅味道香濃，黑糖煮得好甜，加上煙韌嘅珍珠，真係估唔到可以係呢間餐廳飲到出面賣$20～30嘅台式飲品

尋日同阿媽出開去九龍灣諗住話行下街，睇下野，睇下有咩買，之後係megabox搵下有咩好食，發現到呢間，其實我係屋企附近有食過呢間，不過每次去食都係晚餐，今次諗住睇下九龍灣呢間同之前食開既有咩吾同，睇下午餐有咩好食先~打開午餐餐牌，其實同晚餐最大吾同好似係午餐有套餐，晚餐全部逐份叫，連飲品都係單點，午餐就連埋野飲，特飲果d就再要加錢，但都比晚餐既單點平。呢間餐廳係要加一既，午餐晚餐都一樣要加一，雖然係貴一點點，但係我都係覺得抵既，因為服務態度會比較好，同埋真心好食。講返下我最鐘意食既喇沙，佢既喇沙係兩種粉麵一齊上既，有油麵同埋米粉，米粉吸味，油麵飽肚，一碗粉有兩種享受，我地叫既係mee 喇沙，一睇就係招牌，做得招牌正常黎講係最好食，最好賣既，的確係好好味，好夠味道，我好鍾意佢個喇沙湯底，真係辣得黎又爽，味道一流。加上吸味既豆卜那些，海鮮啊～食落真係回味~另外我地仲叫左個海南雞飯，因為佢間鋪其實下面有一行細字寫海南雞飯專門店，呢個應該都係佢哋既拿手菜吧～食落雞件係幾滑嫩，醬汁都吾錯，我食到最後計果幾條青瓜都沾著汁食埋，食落爽口，又好味。旁邊有少少酸蘿蔔，食落都幾開胃好味，雖然我媽話佢個蘿蔔

一個人食飯去咗megabox上到foodcourt嗰層都未搵到食咩見到呢間想食吓喇沙嘢叫咗個套餐，78蚊有麵有飲品抗疫期間既會幫客人量體溫，提供消毒用品仲會用膠片分隔客人無骨海南雞喇沙有喇沙之餘，仲有海南雞食喇沙湯底有輕微濃稠感，麵條幾掛湯入口有啖啖椰香，香甜味略帶些微辣感同鹹味飲多幾啖湯幾暖胃，但會有幾分刺激材料唔算多，得蛋同豆卜，不過豆卜好索湯食豆卜可以食到湯底精華，如果有蝦味就更好而麵條兩種，有油麵同米粉，好似叫摻摻油麵會比較索湯同滑溜，米粉就清啲除咗喇沙麵，仲有一碟海南雞海南雞用咗雞胸肉，雞胸一般比較嚡但佢啲雞胸肉都幾嫩滑，雞肉啖啖肉，唔係太乾太嚡口其實雞胸比雞髀更健康，無咁肥膩蘸雞醬汁有兩種，一款帶鹹味，另一款蒜香味重仲叫咗杯草莓芝芝冰茶係鮮果冰茶加芝士奶蓋，同一般茶飲差唔多最頂係芝士奶蓋，略帶芝士鹹香味下面係士多啤梨沙冰同茶好冰凍，適合而家天氣轉炎熱時飲用士多啤梨甜味偏重需要將芝士奶蓋同冰茶攪勻先飲以免飲完甜再飲鹹，鹹甜味會完全分開

間唔時都會去Megabox行下 唔想出返去熱住搵其他地方所以呢日lunch就起度食埋喇見到有Mee... 岩曬 我見到有喇沙湯麪就決定呢度 lunch menu都幾多選擇下 有十幾款午餐除咗喇沙湯麵跟唔同餸之外 仲有海南雞飯 印尼炒飯咁 唔錯喎我就叫左份馬來蜜汁炭燒厚切豬扒配喇沙 喇沙湯麵同馬來蜜汁炭燒厚切豬扒都係regular size 真係大大碗大大件 馬來蜜汁炭燒厚切豬扒食落味道微甜 口感幾實在 起度食唔洗怕吃到好鬆散既豬肉喇沙湯底好濃郁 微辣香濃同淡淡椰香 湯麵有兩種 係油麵加米粉 米粉幾入味 食落口感幼身而有咬口 油麵就食落煙韌彈滑好掛味 兩種組合配埋喇沙湯底嚟食 真係幾惹味呀爸就叫左碗無骨海南雞配喇沙佢話海南雞質素都幾好 雞肉肉質食落幾嫩滑 食落幾香滑 喇沙都係幾好食之後嚟Megabox可以再試埋佢既其他野食 自問係食肉獸大胃口加重口味 絕對唔可以錯過Mee...既lunch 份量同味道都好重量級

平時喜歡叫這間餐廳的熊貓外賣，貪它不用提早太多下單又準時，最重要是食物質素好和對我口味😛今天經過看見人不算太多，不用等位便可以直接入內了～Lunch menu選擇很多，很多熱門的東南亞菜式都會找到，總有一款適合你🙈🙈✨馬來蜜汁炭燒厚切豬扒配喇沙 $78餐牌上有regular size的喇沙，也有像我這一款拼上炭燒豬扒，蜜汁豬扒吃起來有點像叉燒，甜甜的，不同的是口感更實在，吃起來沒有肥膩的感覺😍喇沙亦很香濃足料，無可挑剔100分的配搭😘😘✨印尼炒飯 $76這個炒飯我也是非常推薦的，平時叫外賣怕送到後蝦片會變淋，所以很少叫，今天堂食就不怕了😝蝦片保持香脆可口，沙嗲雞肉串嫩嫩的，炒飯入味多料，隨餐還附送清雞湯一碗🥰✨黑糖珍珠鮮奶 & 伯爵珍珠奶茶 (跟餐+$10)沒想過在餐廳也可以喝到高質素的飲品😍甜度適中，珍珠很彈牙～兩款飲品都很推薦呢👍🏻

準備迎接放假的心情，總係想食返個好少少的Lunch~呢間Mee...lemongrass一直都有唔少人幫襯，最近多左人叫外賣，而我就比較中意坐低慢慢食，四個人岩岩好Mee…喇沙 $78經典喇沙口味無得輸，材料豐富，有大蝦、蜆肉、蟹柳、魚蛋、豆卜、雞蛋，平時會覺得係出面食蝦有d麻煩，但千祈唔好miss左佢地既大蝦，大大隻鮮美爽口彈牙，包你唔會後悔。最讚係麵條用上傳統油麵加米粉組合，掛湯米粉口感柔軟有嚼勁，油麵滑而煙韌，一次過食到兩種質感。無骨海南雞喇沙 $78喇沙湯頭濃稠適中，唔會過膩，椰味香甜，後逐帶有微辣的餘韻，有種越食越刺激的感覺，朋友忍不住喝掉半碗。無骨海南雞用上雞胸肉，質感鮮嫩不乾，除海鮮以外，雞肉係喇沙的另一好配搭。馬來蜜汁炭燒厚切豬扒配喇沙 $78厚切豬扒大大件，炭燒風味頗有特色，既可以保持肉質嫩滑，又可以鎖住蜜汁豬扒的肉汁，配喇沙或撈檬同樣好食。最後以$32追加香芒椰汁糯米飯，整到好似手握壽司一樣的芒果糯米飯，打卡同味道一樣咁出色，芒果香甜多汁，糯米飯煙韌軟熟，另附上椰汁可自行添加份量。

下午要去開會，就到公司附近的Megabox食好了，貪呢度星期一至五人少啲，食店又多選擇。一個人食就梗係揀午市套餐啦，黎左lemongrass食，等左一陣就有位，快快落單先。叫左招牌無骨海南雞飯，同場食客好多人點呢，個人就貪佢有菜有肉有飯又有湯嘞。雞件約有六、七件，份量蠻多嘛。雞滑溜，皮下脂肪亦不多，連皮吃亦沒太大罪惡感，但雞肉本身較淡味，個人見議點醬吃啦。呢度個雞醬好味噃，有蒜香又酸酸辣辣咁。菜心無特別，我都會去點醬食嘅，因佢本身真係白灼菜心黎。油飯很黏很軟腍，加上大大碗超飽肚。雞湯較清淡，但至少無油膩膩，都幾好飲。最驚喜係呢杯黑糖珍珠鮮奶，係鮮奶呀非奶茶，黑糖味好香甜，珍珠有咬口亦有濃濃的黑糖味，奶香幼滑，估唔到食東南亞菜嘅舖頭有一杯咁好飲嘅台式飲品，正。一個餐再加一杯珍奶真係飽到爆啊，食飽飽再繼續下半場的戰鬥了。

近日疫情影響，1945左右去到大概坐滿8成左右，唔計封咗嘅檯櫈，到離開八點幾都有客人入黎食嘢。叫咗Mee喇沙($84)，湯底好香，賣相吸引嘅，每款餸都有兩件。😊另外叫咗招牌無骨海南雞飯($82)，雞肉好’鞋‘，食落口麻麻。加上配普通白飯加啲炸蒜片，口感一般。🙁唯一要讚嘅 - 地道串燒($68) 有兩串雞&兩串牛。 配醬好重花生味，同串燒好夾，加上簡單兩片吐司，中和返串燒嘅油膩👍🏻最失望係甜品叫咗椰汁千層糕($28)，賣相0分！蒸到塔晒，其中一件仲要係切開咗。廚房師傅咁都要出，出菜嘅見到都唔理照比客人。 口感都係0分！勁淋，一啲咬口都無。飲品方面，茉莉奶蓋茶都唔推介除非走奶蓋。奶蓋好薄，飲嘅時候飲到好假嘅vanilla味同埋啲冰令到個奶蓋好麻麻，茉莉茶底就正常。埋單$350（要加一）正常價。但唔會返單，難食甜品破壞哂成餐飯。

來到九龍灣Mee…lemongrass。首先揀咗『Mee喇沙』，勁多料，有大蝦，蜆肉，蟹柳，豆卜，魚蛋，魷魚，半隻蛋，仲有色靚椰味香濃嘅喇沙湯，仲有仲有啲粉係麵+粉二合一，俗稱『摻摻』，唔會淨係得一樣咁寡。平時吃開喇沙，肉骨茶，今天試吓新意思，就係『緬甸咖喱牛腩』，咖喱係有雞及牛腩二揀一，感覺牛腩矜貴啲，同樣價錢揀咗牛腩，咖喱味濃但不會太辣，好溫和，而牛腩好大舊，量又多，煲得好腍又不黐牙，實在好正。加配飲品有加10蚊的『黑糖珍珠奶』同埋『十勝紅豆牛奶』，啲珍珠好腍，超鍾意，好耐未試過，紅豆亦係，起哂沙，好好吖。

今日係megabox 行街，首先出黎食個lunch先😋.招牌無骨海南雞飯 $78成個餐好豐富，有湯、菜、海南雞同油飯，好大份，海南雞肉質好嫩滑，點特製既辣醬好好食，油飯好香雞油味🥰.馬來蜜汁炭燒厚切豬扒配喇沙 $78我較喜歡這個！豬扒真係燒到有炭燒味，喇沙好濃郁，湯底正，比較辣，朋友食得較辛苦但我ok😍.凍黑糖珍珠鮮奶 +$10珍珠彈牙，奶味香，似出面台灣手搖店質素！.凍泰式奶茶 +$2似泰國飲到既奶茶！滿足我想去泰國既心願🤣

前幾日去MegaBox 逛逛見到呢間餐廳未食過，就同男友行入去試試，聽講肉骨茶好好香夠味，而且配料十分充足，食過返尋味，而且而且啲豬骨汁炆得好琳，佢跟餐仲有埋啲小錢財同埋嘢飲十分之抵！ 會再去！

今日繼續九龍灣午餐推介，我地去左位於11樓Megabox既Mee. Lemongrass。餐廳入面幾光猛，牆身掛上拼畫同船夫帽，增添東南亞風味。- Mee. 喇沙配料有大蝦、蜆肉、蟹柳、魚蛋、豆卜同雞蛋。湯頭充滿椰奶同咖哩香氣，帶點辣勁。麵條同出面比有啲特別，同時用左油麵同和米粉，前者滑溜，後者煙韌。唯一挑剔既係缺乏蝦味。- 無骨海南雞喇沙豆卜吸湯，海南雞啖啖肉，肉質幾滑溜。浸入湯底之後更吸收咖哩香味，非常惹味。飲品方面，朋友揀左黑糖珍珠奶茶，虎紋非常漂亮，黑糖味道濃郁。我叫咗泰式珍珠奶茶，奶茶冇一般泰式奶茶咁甜，不過有少少苦澀。總結而言，飲品麻麻哋，不過喇沙有別一般傳統，可以一試。