影片
更多
2007-03-25
22 浏览
今日爸爸有局，哥哥又上咗珠海睇賽車，淨返小妹同親愛嘅母親大人相依為命...一晚咁多啦!本來想帶母親大人試吓銅鑼灣嘅樓上cafe，點知佢又話好耐無去鰂魚涌嘅甩之島，諗起MOS Burger鰂魚涌間分店好似開張咗，就帶母親大人試新嘢啦!五點九去到，見到排晒龍，以為會好好食啦，點知...望到張menu，無乜選擇，已經有啲失望，不過一場嚟到，都排吓隊啦!小妹叫咗個牛蒡米堡跟粗薯條，吉列豬扒漢堡跟沙律，再另點兩杯綠茶鮮奶...係咁多，盛惠捌拾五元正(Hong Kong Dollars Eighty Five Only) 吖???唔係啩?咁嘅價錢，Triple O 同Subway 都食到啦! 飯tastics都叫到四個咯!仲要係combo價添! 好無奈地攞住個牌埋位等...當嗰位好似未瞓醒嘅waitress徐徐地拎盤嘢埋嚟，就送咗個cake比我...唔係...係kick先啱，真懷疑佢係咪著鐵頭鞋，我都有返咁上下份量，我成個人都郁咗一郁，佢都面不改容，仍然keep到個未瞓醒樣...都係講返啲嘢食啦!份生菜沙律係裝响個直徑六吋，高一吋仲要係有蓋嘅紙碟，大家可以想像到究竟裝到幾多片生菜，簡直係少得可憐，
五點九去到，見到排晒龍，以為會好好食啦，點知...望到張menu，無乜選擇，已經有啲失望，不過一場嚟到，都排吓隊啦!小妹叫咗個牛蒡米堡跟粗薯條，吉列豬扒漢堡跟沙律，再另點兩杯綠茶鮮奶...係咁多，盛惠捌拾五元正(Hong Kong Dollars Eighty Five Only) 吖???唔係啩?咁嘅價錢，Triple O 同Subway 都食到啦! 飯tastics都叫到四個咯!仲要係combo價添! 好無奈地攞住個牌埋位等...當嗰位好似未瞓醒嘅waitress徐徐地拎盤嘢埋嚟，就送咗個cake比我...唔係...係kick先啱，真懷疑佢係咪著鐵頭鞋，我都有返咁上下份量，我成個人都郁咗一郁，佢都面不改容，仍然keep到個未瞓醒樣...
都係講返啲嘢食啦!份生菜沙律係裝响個直徑六吋，高一吋仲要係有蓋嘅紙碟，大家可以想像到究竟裝到幾多片生菜，簡直係少得可憐，我包粗薯條倒出嚟得嗰幾條，仲要係唔熱同腍晒，失望!最正常(指size同味道)都算係個吉列豬扒漢堡喇...至於個牛蒡米堡就...應該同大澳啲茶粿差不多大細...可能佢會大小小(+/-5%)啦...由於我地都係志在試味，母親大人小心翼翼切成兩份，牛蒡米堡即時變成牛蒡炒飯咁，散晒!味道都alright嘅...不過一樣咁嘅味道，我一定會go for西龍傳香飯糰...至於嗰兩杯綠茶鮮奶...不提也罷...
都唔係好明，我之前响台灣食嘅摩斯漢堡同香港嘅點解會有咁大嘅出入...
p.s.間舖的飾得可憐，同啲飽一樣...有個比較唔小心嘅男仔，佢行入較中間嘅座位嘅時候，佢隻腳幾乎橫掃所有櫈腳...@_@"
张贴