MOS Burger (已結業)

近日唔知點解愛上「牡丹樓」新出嘅漢堡飽，因為佢地終於好似有少少開竅，漢堡扒有番啲肉汁，又識夾啲生菜同埋蕃茄，唔駛咁油膩。不過要講到食漢堡飽，都係以前間Burger King好食好多。宜家山頂都有一間，不過冇理由下下都上山頂食漢堡飽。最近行經太古城，發覺開咗間响日本都幾出名嘅漢堡飽專門店，所以响好奇心驅使之下(當然亦唔少得阿K嘅「鼓勵」啦)，我地買咗嚟試吓。我叫咗個「摩斯芝士漢堡」，飽都幾大個，漢堡扒亦比「牡丹樓」嘅至尊漢堡多肉汁。不過都係犯咗一個相同嘅毛病，就係麵飽本身乾爭爭，又唔係咁鬆軟，只可說有漢堡飽嘅肉體而冇咗靈魂。一個整得好嘅麵飽可以發揮畫龍點晴之妙，暫時响香港都剩係响Burger King食得到。至於價錢就一啲都唔平，要成四十二蚊一個餐，包括一個漢堡飽、一包薯條及一杯飲品。如果平一啲嘅話，我嘅評價或者會高一啲。

今日偷得浮生,放自己半天假.康怡呢間mosburger開張以唻,每日見到0個條人龍,的確被嚇怕,所以雖然自己住正隔離,都從未幫襯過.今朝11點幾,出奇地見唔到有任何人龍,於是就入去光顧0左個"海鮮珍珠堡"套餐C,即係海鮮riceburger配沙律.盛惠$42!等於老麥兩個餐喇,都咪話唔喇.自己之前只係0係大阪食過一次mosburger,0個次叫個普通有牛0既包,好食,但唔係超好食.今次0係香港第一次食就試rice burger.因為即叫即整,所以好夠熱,亦好夠味.但要人等,似乎唔係太0岩乜都要快0既香港人. 0係等0既時候,我數過成間鋪有12個人堂食,居然在座有成6個日本女人!佢0地全部一pair pair,分3坐.佢0地就好啦,好似好悠咁!0係呢一刻,因為係地鋪,鋪裏面又有幾個日文0既牌,隔離又有幾個吱喳不斷0既日本女人,出面又落緊雨,我自己又唔使返工,0個刻真係有0的覺得自己正身處代官山.令我一刻出神...haha最後好值得一提:坐我隔離係一個香港中年男人,佢衣著並唔光鮮.但係佢做0左樣0野令我對佢肅然起敬.佢用膳完畢後居然跟手好有手尾咁自己拎埋0個盤出去"返卻口"!!仲倒埋0的垃

選擇是MOS BURGER的帶子天婦羅珍珠堡!真材實料！內裏真的很多彈牙帶子，醬汁亦很好味，不太甜，有點似鰻魚汁，加上紫菜及珍珠米的包，實在太美味了！與此同時，我又想起難食到死的M記的“壞死baka”(Rice Burger)，哈哈哈！套餐有一個帶子天婦羅珍珠堡、一件摩斯脆雞同可樂！共$43更多相片請參考：http://hk.myblog.yahoo.com/samuel-cheung/article?mid=1508&fid=13

28-3-2007 1553新工還未上任，除了陪屋企人及兩手準備繼續見工外(正如對一部份人，係行為上「搵仔搵女」黎個有幾手準備道理一樣)，都會落街行下食下野，這間連鎖漢堡飽專門店，我還未試過，咁落去幫襯下。撞正放學時間，人客一點也不少，我只要了一個摩斯芝士漢堡，都要等10分鐘先有，包比一般大，裡面有蕃茄、芝士及炭燒牛肉，牛肉比老麥既至尊漢堡稍為多的肉汁，但同Burger King 及Triple O 還有好大距離，芝士普通來貨，尚可接受，蕃茄切大片，多汁，本身熟一點更加好，不過問題係個包唔軟。如果同至尊漢堡同價，我會俾笑臉。

還記得MOS BURGER在開業頭幾星期,門口都是排著人龍,我梗唔肯為食個包排大隊啦!大約3-4星期後,人潮越來越少,熱潮開始減退.有一個晚上下了班,同蝦子餅回家路經(約8點),見唔使排隊,便去試試.輕而易舉的搵到2個位,叫了2個套餐.感覺係...應該唔會再光顧?!我覺得唔係好好食的原因係...唔夠熱,但係新鮮即製又真係唔夠熱?皆因佢D配料...蕃茄,生菜係雪櫃拿出!我有個好唔好的習慣,就係食熱食要好熱至鍾意.不過佢地的薯條要讚,無麥當當噤乾,好味D.

周日早上11點幾到，人少少不用排隊，而且轉眼cheese burger($22)及chicken burger 配薯條、咖啡的set($37)就送到。雖然價錢並非同一水平，不過還是邊食邊與麥記比較。Cheese burger的牛肉明顯較為幼滑，也特別喜歡其洋蔥粒，水準令人滿意。Chicken burger則相對上一般，沒有特別優勝之處，不過配新鮮爽脆的椰菜絲也頗合口味。薯條也普通，而且分量少，感覺不值。最失望是咖啡，濃澀但不香，完全沒有日本咖啡的幼滑，可說與麥記的不相伯仲。

星期日2點半左右去到, 唔係太多人, 等位都係等左一陣, 排隊點餐都係得5個人左右, 比起apm等成1個鐘好好多倍~2個人2個餐,咁岩都係mos chesse burger包- 汁唔多, 如果一啖咬咁食都食唔出有牛肉/芝士味...最後我分開一層層食~因為每樣野d味都唔濃,比蕃茄搶晒d味~炸雞- 好脆,好香...總之好好食薯條- 失望, 得個粗字, 冇味, 老麥好過佢粟米湯- 幾勁粟米味, 不過一d都唔天然, 好d味濃到有d假~本來想試帶子珍珠堡, 可惜要到5點後先有...味道分係俾炸雞~!整體黎講得3分~

男友聽我成日提要試下MOS Burger, 咁我地係星期日下午茶時間,就一於黎試試.都幾多人等，等了一陣先有位。呢間舖位窄窄長長，d坐位都幾逼。買野仲要排隊排到出門外(出面好熱!) 咁貴食個包，但係坐到咁，真係唔係咁alright!佢\d包分Set A, B 同C. Set A係跟炸薯條，B係跟炸雞扒,C係跟田園沙律。Set 包基本飲品，如選特飲要加錢。我地點了招牌的MOS Burger Set A 同海鮮珍珠堡Set B. MOS burger, 有少少生菜，厚切番茄一片加MOS特制製醬汁。個包係細個，牛肉唔算厚，但係勝在有肉味，醬汁既味道不是太濃，有洋蔥碎。整個包配合得幾好味。海鮮珍珠堡，真係好細個，海鮮有帶子，魚柳，蝦，露筍，紅羅白絲，有小小汁，雖然係炸，但係唔係好油膩，好好味。珍珠米幾彈牙，呢個rice burger 比麥記的好食好多。貴係抵的。炸雞都唔初，唔係太油膩。炸薯條好細包，話係厚切，唔似美式的厚切，幾好味。單買一包$15似乎係貴點。飲品我地要了Ginger Ale 同咖啡。咖啡就唔掂喇，又細杯，又苦。Ginger Ale okay 啦。每人要約$40的下午茶餐\，都算

近來對hamburger的興趣好大,試左麥記既至尊漢堡後,又心思思想試下其他對手既出品.上星期六下午茶時間,見冇乜人排隊,就一於買個黎試試. 眼見款式唔算多,都唔係好impressive,就揀左個最basic既fresh burger(包+牛肉+少少生菜+番茄+少少thousand island醬汁)試下佢既真章.整體來說,冇乜特別,牛肉有少許騷味,唔算厚,醬汁既味道亦普通....同至尊漢堡在味道及材料上的分別唔大,不過價錢就高d ($20 vs $14.8).俾我再揀, 我都係cheap cheap 地揀至尊漢堡.另外,要彈既係mos既service速度太慢,雖則話即點即製,但相信都係即點即"夾"埋d餡料o者.現場只有5-6個客人在點單, 但係我都等左成15分鐘先得...仲有,見到其他客人既薯條全部都係白雪雪,一d香脆既感覺都冇,完全唔吸引...試左呢次就算喇!

三間都食過, 覺得招呼都係觀塘好d, 可能係第一間掛, 不過d雞同薯條一樣咁難食, 應該改善下.

星期三咁岩唔洗返工!!放學同左D 同學去食...我諗係因為期望太高...SO 好失望!!都會再去ga...但希望唔會再係咁啦//話晒都叫貴* (比起m 記)

尋日由灣仔撘"叮叮"去太古城行街,係康怡吉之島落車後回頭一看,竟然見到有間MOS burger地舖開咗係到,之前淨係知道係APM同朗豪坊有舖,唔知道竟然係到開咗香港第一間地舖~~早前去咗朗豪坊間MOS burger食過一轉後發覺同日本嘅MOS burger水準差好遠,諗住對港版MOS burger死心,不過見佢開咗地舖都幾有日本feel諗住比多一次機會佢啦~~排隊排咗幾個字諗住叫個照燒雞肉漢堡,點知個cashier話買晒,咁唯有叫返最basis嘅MOS burger A Set啦~~仲記得上次係朗豪坊都係食MOS burger,食嗰陣覺得個包同d薯條都好快就唔熱,越食就越覺得唔好食,一d都唔似日本嘅MOS burger,同老麥差唔多~~但係今次係呢間舖食同上次食係完全唔同,今次個包同d薯條都好熱,就算食到最後嗰條薯條都仲係暖嘅,好好味,雖然都係比唔上日本嘅MOS burger,但係比起朗豪坊嗰間已經好好多啦~~都唔知點解,大家都係MOS burger啫,d質素會相差得咁遠嘅,唔知係咪因為呢頭多日本人住,所以d嘢食嘅quality都要keep得好一d,食完呢轉後總算對港版MOS burg

The Mos Burger tastes really good.and the 'Teriyake'chicken is good as well. (sorry, don't remember how to spell).Fries are very average.Definitely will try again.I've been there twice, luckly, I got a table every time.It is slightly more expensive than Mc. Donald and other fast food restaurants. However, the quality is better ( the burger) The green tea latte is also good.Mos Burger is cheaper and better than Triple O (the one at Great food Hall) I would suggest you guys to order a deep fried

脆雞漢堡好難食m記ge麥香雞仲好味...反而rice buger好好多..我今次試左海鮮rice burger..雖然食唔到有海鮮..但個sauce幾好味但我一定唔會再為左食mos burger而排隊..

今日心血來潮試試, 首先係排長龍. 跟住等位. environment hot and crowded, with flies wandering around us and our food. 從一個無選擇的餐牌中選了日式燒雞Mos Burger+Green Salad (Cabbage + cherry tomatoes + corn)+提子蒟葯. 細佬選擇Cheese Mos Burger+燒雞+牛奶綠茶. 半小時才端出, 怪不得人潮淸得那麼慢. 試後我同細佬都認為不會再次光顧, 因為實在太普通, 麥當勞比它好.