Mr. K Pizza N Chicken (已結業)

登龍街又多左間食pizza食炸雞既餐廳！新店，唔係唔試呀嘛！座位闊落，仲要好多卡位。店員細心介紹芝加哥pizza、手工pizza同韓式炸雞！ - 手工薄餅🍕 -款式都多而特別，包括泡菜烤肉、芝士通心、松露誘惑等，我地揀左同樣特別既韓式牛仔。用左乾番茄、韓式烤牛肉、火腿、蘑菇，彩椒等製作而成。燒烤醬+番茄醬+芝士，味道甜甜地，配烤牛肉口感煙韌，異常地夾！仲有餅底手工做既關係，比起出面既薄餅相對煙韌有口感。（雙拼固定金額 $178） - 韓式炸雞🍗 -我地揀左半份蜜糖芥末，炸雞款式同平時既差唔多，但食落口完全唔同。尼間外皮酥脆唔油，肉質非常嫩滑，蜜糖芥末唔會死甜，仲帶有芥末香味。店員話廚師專門去跟韓國師傅學，手法跟足韓國。 嗌左兩樣，就飽到上心口，一定要call齊人馬黎食，先可以試埋其他小食同意粉。

今晚收工出去銅鑼灣行街，去到食街見到有間新開張晚韓式Pizza and Chicken, 店舖燈光明亮，裝修新穎。見到個menu 介紹話個Pizza餅底係黑糖邊，就試下個招牌Mr.K番茄芝加哥pizza, 個餅底係黑糖麵包，口感出奇地好，煙煙韌韌，中間仲有芝士又夠熱，做到拉芝士絲既效果，有勁多餸，乾番茄🍅、烤雞、蘑菇、煙肉等，份量勁多!全份炸雞可以簡兩隻味，炸雞份量比想像中多，即叫即炸，夠曬脆口，蜜糖芥末甜甜地，芥末味唔會太重，甜酸炸雞，酸酸地都幾開胃，重點係性價比好高，我地一行四個人都夠飽！

新店開張, 位置係timesquare後巷食街就咁睇門面, 似係一間懷舊港式x意式嘅餐廳內在環境, 有啲估唔到係咩風格嘅餐廳睇menu同bgm先知原來係韓國菜🥢~menu~講真，整得有啲hea 如果係茶餐廳嘅價錢, 呢個design比較合理但呢個價位, 建議可以更加靚餐廳主打Pizza同炸雞, 各叫咗一樣🍕Mr.K蕃茄芝加哥🍕$198wui~個人認為很好, 幾特別,一嚟到黑糖味勁香類似Outback嘅黑糖包包底包中仲要夾咗好足料嘅芝士🧀配上蘑菇蕃茄🍗炸雞🍗叫咗兩種味道一半一半, 每份有5隻-蜜糖芥末-甜酸味道正常, 都夠脆嘅, 醬汁份量適中但個人偏好pizza多啲建議可以多啲人嚟食, 因為兩條友應該點唔得多嘢, 呢度埋單成為$458*2人set兩條友冇可能食得晒, 完

今日同女朋友喺Times附近搵野食，食通天食到悶左，就去左隔一條街既登龍街搵到呢間Mr.K, 見到我最鐘意既Pizza同炸雞就即刻入去試下！卡位坐得好舒服，因為我都幾大件，試過坐卡位真係「卡」住，都咪話唔尷尬😅睇下餐牌發現係手工芝士Pizza同意粉，即刻個喪食mode開左，就嗌左個二人餐，又有Pizza, 又有意粉，又有野飲，你都咪話唔正！口痕仲嗌多左2件韓式炸雞，直情係爽呀！頭盤先黎個凱撒沙律打個底，新鮮生菜，有芝士粉，蕃茄仔。Pizza嗌左燒烤派對芝加哥-醬汁good, 雞肉嫩，重芝士，成條芝士拉絲咁拉左成呎長！鐘情芝士既朋友一定滿足😍意粉係-泡菜魷魚卡邦尼- 有泡菜辣味，岩大眾口味，魷魚夠鯰唔難咬，意粉要讚！有心之作！最後一定要大讚個炸雞，嗌左蜜糖芥末同甜酸炸雞，個皮炸得好脆，但又唔會好粉，雞肉夠嫩，同KXC冇得比；最緊要個汁，直情將韓國口味帶左黎香港咁！二人餐叫埋炸雞都唔使$600，如果食通天同等份量一定過呢個數！總結：地方就腳，用心製作，用料講究，CP值高，完！

登龍街新開左一間Mr.K Pizza&chicken，友人喜歡食pizza，一齊食就啱哂！座位幾寬闊，亦有卡位！播住k-pop，氣氛不錯！店員細心介紹芝加哥薄餅同手工薄餅，非常有特色！👉🏻凱撒沙律先上沙律菜好新鮮，勁大碟，食完超開胃，預備好迎戰9寸pizza！👉🏻蟹肉樂園芝加哥薄餅 $215一上台真係嘩左一聲，因為望落靚到好似蛋糕！pizza好厚底，加了穀物，所以啡色邊！內有雙倍芝士夾心，水牛芝士同車打芝士，芝士控必食！蟹肉、蟹肉棒同蜆肉濃郁鮮甜！連車厘茄同紅洋蔥都好入味，正！👉🏻泡菜魷魚卡邦尼扁意粉 $145開心轉左做天使麵，味道好creamy，魷魚爽口，泡菜不算辣，適合港人口味！👉🏻蜜桃梳打凍蜜桃梳打，透出十分迷人的橙色，啖啖甜蜜醒神！午市套餐，無論意粉定係手工薄餅都配沙律同餐飲！仲有2人套餐揀！以後食lunch又多一個選擇！