Mue Mue

营业中

休息中

我同女朋友都好鍾意食泰國菜，日前佢話好想去間適合打卡、坐得又舒服嘅泰國餐廳食，叫我負責search下。咁我見Mira Mall嘅呢間Mue mue裝修環境一流，而且食物評價好好，就一於試下！原來呢度weekend有個非常抵食嘅brunch，$538+10%除左包前菜、湯、主菜同甜品之外，更有多款泰式小食任食，非常吸引！前菜有三款，當中我最鍾意嘅係青醬鮑魚，因為啲鮑魚味道非常鮮甜！海鮮湯亦非常足料，俾大家睇下：主菜就有四款可以選擇。作為一個咖喱控，梗係試下呢度嘅咖喱和牛啦！我覺得呢度嘅和牛油脂豐富，肉質算係好嫩，加上啲咖喱汁超惹味，所以係好高質嘅一道主菜。女朋友叫嘅香茅剁椒烤雖然份量細細份，但賣相精緻，而且魚肉煎得啱啱好非常juicy！小食方面，我最鍾意嘅係盔甲脆魚皇，脆卜卜嘅外層包住啲爽口嘅魚肉，令人食上癮。另一個亮點絕對係沙嗲串燒，平時啲普通泰國餐廳食呢啲串燒都頗貴，而呢度嘅串燒咁正，梗係忍唔住要食多幾串啦！香茅雞翼雖然好似好普通，但係其實熱辣辣食落去的確係非常惹味，我忍唔住encore咗兩次！甜品方面，芒果糯米飯嘅芒果好甜，配埋糯米同埋一大球芒果雪糕一齊食，簡直一流！

今日約咗朋友食brunch，見到美麗華呢一間餐廳主打泰菜，環境仲好靚就決定咗食呢一間！好彩12點嘅時候仲有位置，再晏少少就坐滿全場了見到佢依家做緊紅日同公眾假期有一個Brunch Menu, 我哋就一齊試咗😆見到佢$328，包咗七款小食，一個Main，仲有頭盤同甜品！CP值超級高！✨前菜魚子醬紅磚豆腐唔係太食豆腐嘅我都覺得得呢一個盤磚豆腐好好食！熱辣辣炸到脆皮啱啱好！加埋魚子醬點綴一下，係我覺得好出色嘅前菜✨摩登海鮮冬陰功湯見係泰式餐廳，我對呢個冬陰功湯都好期待結果都令我冇失望，唔單止十分之足料，味道更加係傳統冬陰功嘅味道！原隻大蝦，加埋其他冬陰功必備嘅材料，十分之開胃同埋好飲✨小食放題✨即烤沙嗲串（豬/雞）小食入邊最鍾意呢一個沙嗲串，個人覺得豬肉比較出色。但係無論係雞肉定係豬肉，加埋佢嘅沙嗲醬都非常惹味！烤串係即刻製作，燒到脆皮啱啱好，一百分！✨盔甲脆魚皇魚皮炸到十分之香脆好味，原來入邊係魚餅，10分有驚喜！ 外脆內軟，鍾意食魚嘅朋友真係可以無限encore✨馬拉盞炒椰菜好擔心小食食咁多會好熱氣，但係入邊仲有得嗌馬拉盞椰菜，即刻嗌咗一碟上台見到佢10分足料，加上馬拉盞嘅味冇搶哂碟菜好

今日同朋友去咗美麗華呢一間食泰國菜嘅餐廳，餐廳有幾種唔同嘅形式，包括係有單點嘅形式或者假日嘅brunch! 我同朋友就想呢都是少少，所以就揀咗去假日嘅brunch! 價錢嚟講覺得唔算太貴，因為食物嘅種類真係非常多，而且真係有晒我哋想試嘅唔同小食，會有頭盤小食同埋主菜甜品. 小食亦都係任叫任食，真係非常吸引，我哋首先叫咗小食每人一轉！食物亦都好快到咗！🔥炭燒豬頸肉沙律，用咗泰國傳統嘅沙律係木瓜柚子在家蘿蔔絲造成，非常好食，而且入口非常清新，可以同豬頸肉非常match! 同朋友都非常鍾意食呢一個豬頸肉，因為本身都唔會太油膩，所以餐廳喺呢一個方面都做得幾好！🔥泰式生蝦，餐廳仲有日本嘅刺身生蝦，質素嚟講非常高，再加埋本身餐廳特別調製嘅醬汁真係非常好食，所以我同朋友都忍唔住再叫多咗一次，呢一個真係非常抵食，亦都係好回本嘅小菜，出邊平時食四隻都真係起碼$100，而家真係放題真係非常抵食！🔥沙嗲串燒，有雞同埋豬肉我哋比較鍾意食豬肉因為豬腩仔真係非常好食，而且油香非常豐富，我同朋友都幾鍾意佢嘅沙嗲醬加埋嚟講真係非常夾！🔥主菜就揀咗金沙原隻蝦球，係一個主要以鹹蛋黃做嘅蝦球，呢啲菜式喺出邊都好難食到呢一間

尖沙咀美麗華廣場一期走近彌敦道旁邊，享受一下泰式brunch。當中Starter，appetizer, 湯同主菜任選一款，七款小食任食放題。小食都幾多選擇，例如生蝦，豬頸肉，豬雞串燒，魷魚鬚，雞翼等。最喜愛係炭燒豬頸肉，燒得香口，泰式青醬生蝦，每隻都牡丹蝦咁嘅size，夠爽肉。香茅雞翼都encore咗兩次。其實食完小食放題都飽咗七成。主菜揀咗金沙蝦球，好在份量唔太大，否則食唔晒。最後叫個芒果糯米飯，又有芒果雪糕。環境好似去咗亞熱帶地方，好多綠色植物，空間闊落。

如果唔係朋友聚會揀中呢個地方，我都唔知道原來呢度有間咁適合聚會嘅餐廳。環境真係好一流，好靚，周圍都係打卡位，啱晒女仔去今次我哋全部人都叫咗佢個週末早午餐，佢部份小食係放題，一路食一路傾都幾唔錯。而且佢嘅放題係侍應攞啲食物俾你，咁就唔會出現餐廳客人走來走去嘅情況。如果唔係朋友聚會揀中呢個地方，我都唔知道原來呢度有間金適合聚會嘅餐廳。環境真係好一流，好靚，周圍都係打卡位，啱晒女仔去今次我哋全部人都叫咗佢個週末早午餐，佢部份小食係放題，一路食一路傾都幾唔錯。而且佢嘅放題係侍應攞啲食物俾你，咁就唔會出現餐廳客人走來走去嘅情況。整體嚟講有幾樣食物係我覺得做得特別出色嘅首先係佢嘅飲品，二揀一嘅飲品我揀咗watermelon grade delight. 飲落好清新，西瓜同埋提子嘅味都好突出，而且有好多果肉，勁fresh我哋升級咗個龍蝦芒果沙律，我覺得升級得好值，佢嘅龍蝦雖然唔係熱嘅，但係都比平時自助餐嘅凍龍蝦更加有龍蝦味，而且芒果都幾甜，配埋下面嘅沙律醬同埋一啲其他蔬菜，就好清新。另外佢個蟹肉海鮮羹都幾出乎意料，因為佢嘅海鮮好多 有八爪魚，青口，真正嘅蟹肉。味道比起其他菜式相對清淡少少，所以建議開

香港雖然有好多泰國菜餐廳，但係要搵一間適合打卡、坐得舒服、交通又方便、而且抵食嘅就唔容易。今日我嚟呢間位於美麗華商場嘅Mue Mue，係我覺得少數能夠符合以上條件嘅好餐廳！餐廳最近嘅weekend做緊一個好抵食嘅小食放題brunch，除咗有前菜、主菜同埋甜品之外，更加有好多多款泰式小食可以任點任食，而且每一樣質素都好高！前菜有三款可以試曬，當中我最鍾意嘅係炸魚皮，因為好爽口彈牙，而且味道好鮮甜！主菜就有四款嘅選擇，作為牛魔王嘅我就梗係選擇咗咖喱和牛啦！啲黃牛肉質鮮嫩，牛味十足，配合埋好惹味嘅咖喱汁，真係非常好味！朋友就選擇咗香茅剁椒烤魚。呢度烤魚份量細細份，賣相好精緻，而且表面煎到好香脆，係高分之作！小食方面，雖然我哋唔食生嘢，所以冇食到個泰式青醬生蝦，但係其他每一款小食我哋基本上都試晒。當中我最鍾意嘅係炸魷魚同埋炸豆腐，脆卜卜勁香口～沙嗲串燒亦都係另一個回本之選，其他餐廳食呢啲串燒都幾貴，呢度咁高質素嘅串燒可以任叫，梗係要encore啦！甜品方面，我加咗$48試左芒果糯米飯。隨然少少貴，但絕對唔會後悔：佢啲芒果非常之甜，而且有一大球芒果雪糕，為成餐飯完美作結！

呢一日約左朋友係尖沙咀shopping，然後黎左MUEMUE 食飯，我地係前一晚預約好的。我地大概7點半抵達，由於預約咗所以唔使等。一入嚟職員超友善，好好笑容同我地say hello，即刻令人覺得好relaxed💕 環境都闊落舒適，杯杯碟碟都幾靚😆餐廳有提供set dinner，由於2個女仔，覺得set會食唔晒🤣，所以我地揀左a la carte，手機落單，分別點左：紅磚豆腐、豬頸肉炒椰菜、泰式和牛炒河。本身仲叫左2杯香茅茶，但是後來職員話已售罄😯豆腐睇落去好似好辣咁，不過其實唔辣㗎，咬開啲豆腐好滑，幾好食😋和牛炒河都幾好食，牛不會太熟，整體好香，又唔會太辣😆但係，豬頸肉炒椰菜就唔推薦🤫，賣相同我地想像既差好遠😹整體好油，好似某啲傳統中菜咁油，而且味道也一般，我同朋友都後悔叫左呢個🤣總結一下，整體既體驗都唔差，不過上菜好慢，適合可以放慢腳步，悠閒地傾偈的聚會。

朋友早排在尖沙咀美麗華3樓發現有間泰式裝修好靚、食物打卡又可以的餐廳。今日去到餐廳發現佢地而家做緊一個泰夏週未狂歡周未早午餐，Menu上每位價錢$328。這裡介紹下我哋食了甚麼，我覺得佢主要賣點係有小食放題，呢度小食放題有成七款小食咁多，分別有泰式青醬生蝦、炭燒豬頸肉沙律、即烤沙嗲串（分別有豬肉同雞肉串）、灰甲脆魚皇、香茅雞翼、馬拉盞炒椰菜、脆炸魷魚鬚。縱觀呢七種小食之中，比較推薦嘅有泰式青醬生蝦，佢既生蝦好新鮮，而沙嗲串都好好食，雞好嫩滑，亦都好多汁，我們追加左食2次。😆而每人都會配一個海鮮蟹肉羹，海鮮好足料，有蟹肉、蝦仁、仲有蠔&青口，另外佢都有齊三種前菜比每一位揀嘅呢個早午餐set既人，我們都加了$38要個頭盤 - 龍蝦芒果沙律，呢個芒果龍蝦沙律都係高質素嘅，$38都可以一值去加。主菜方面我就選擇了香茅剁椒烤魚，呢個主菜份量唔大份，基本上同小食一樣大既size。餐飲方面就要咗一杯mocktail，我哋要咗cool cucumber，係peel cucumber，荔枝汁，有青瓜片、薑糖水，杯嗰度仲有幾粒爆爆珠，咬落去好特別，唔係一般既爆爆珠，係好似薏米嘅質地嘅。今餐食得好飽又好滿足

平時行過美麗華都見到依間打卡靚坐得舒服嘅THAI Cuisine，今次同埋朋友一齊嚟食weekend brunch，環境都幾舒適，係Gathering 嘅好地方😊😊爽脆酸辣魚皮魚皮酸酸辣辣，底層有柚子沙律，好開胃😉😉泰式青醬鮑魚冰凍過鮑魚好爽口，加左啲青醬，提升左鮑魚嘅鮮味😋😋小食亦都係無限量供應，泰式青醬生蝦、炭燒豬頸肉沙律、即烤沙嗲串(雞/豬)、盔甲脆魚皇、香茅雞翼、馬拉盞炒椰菜、脆炸魷魚鬚。平時喺泰國遂碟叫，依度就可以一次過食到。特別推薦泰式青醬生蝦、盔甲脆魚皇、脆炸魷魚鬚。生蝦好鮮甜，加埋青醬更加惹味。盔甲脆魚皇，用魚皮包住啲魚肉再拎去炸，外脆內軟嘅口感，加埋泰式醬汁辣辣地好開胃脆炸魷魚鬚炸得啱啱好，加啲柚子沙律好清新蟹肉海鮮羹 海鮮冬陰功2款湯都好足料，海鮮超多，冬陰功偏辣少少，但幾正宗。蟹肉海鮮羹就啱唔太食得辣嘅人，口味偏清甜😍😍香茅剁椒烤魚中式烤魚就食過，fusion泰式烤魚就第一次食。魚皮焗得好脆身，魚肉依然保持嫩滑juicy，加埋泰式醬汁真係好好食🤤金沙原隻蝦球蝦球新鮮炸起，上碟仲冒緊煙。金沙加埋蝦球簡直冇得輸，加埋啲麥片增加左口感，果然係邪惡之選😇😇黑糖椰子雪糕最後

muemue位於尖沙咀美麗華高級地段，餐廳都係行high class路線，裝修相當高檔，環境舒適寬敞得嚟食物質素都好高～先點左份紅磚豆腐，外脆內滑，至於紅色因為用左紅菜頭炸漿，令豆腐味道再多咗層次。跟住點嘅冬蔭功海鮮湯真係要推介，超級好味！湯底本身辣辣地，集合晒海鮮嘅精華，單飲湯都好好味。而且海鮮份量同種類都好多，魷魚大蜆等都好鮮甜。另一個要大力推介嘅係金沙麥皮蝦，炸得香脆惹味，蝦肉結實彈牙，大大隻又夠新鮮，好味到殼都舔埋😋甜品方面就一定要試下芒果糯米飯，芒果鮮甜多汁，結合椰汁嘅清香，淋落煙韌彈牙嘅白糯米上，配合軟綿綿又冰凍細滑嘅雪糕球，口感豐富多重享受😍總括而言，餐廳普遍菜式都好精美，包括沙嗲串燒同菠蘿炒飯等都做得好好味。野飲都調製得好出色，cocktail 為例推介一杯威水威士忌，用紅豆冰中和威士忌嘅烈酒味道，好易入口～工作辛苦想放鬆下不妨試下呢間泰菜，真係泰好味！

為慶祝考試合格，我今晚同朋友去左食尖沙咀美麗華既一間特色泰國餐廳。平時都去開美麗華行街，但好少上到3樓，冇乜留意呢間餐廳。Search Openrice 見到評分幾高就即管試下環境暗暗地，有氣氛，裝修偏西式，幾Grand。服務周到，不時都refill水，同埋上菜都快手，野食來到仲係熱辣辣！海鮮冬陰功酸酸辣辣咁，好開胃，有蝦、魷魚、蜆、青口等等，足料又新鮮沙嗲豬肉串燒肥瘦均勻，另外仲可以點佢秘製醬汁，唔係好辣有一啲鹹香味道，燒到啲肉仲係好嫩紅磚豆腐好考功夫啊，炸完仲係好完整，紅色係用紅菜頭攞色嘅，好好味菠蘿炒飯都真係幾大份，仲有一個鮮菠蘿係底盛住金沙麥皮蝦比起平時係小菜館食嘅黃金鹹蛋大蝦多咗份脆皮感覺，炸完好酥脆，蝦肉好彈呀芒果糯米飯入面仲擺咗2球芒果雪糕同芒果肉，非常之fresh，糯米飯底唔會話好甜，配埋芒果一齊食啱啱好！

同frd係美麗華食飯，今晚肚餓叫左好多野。餐廳裝修好modern，舒服，有少少清邁cafe嘅感覺。紅磚豆腐外層紅噹噹，炸得酥脆，內裡滑溜嫩口，豆腐好滑。沙嗲豬串燒肉質嫩滑，醃製入味。沙嗲醬香濃而不膩，有花生香。冬陰功湯酸辣開胃，海鮮新鮮豐富，蝦、魷魚、青口等海鮮配料鮮甜彈牙。湯底香茅和椰奶，非常開胃。金沙麥皮蝦外層的鹹蛋黃金沙味濃郁，同麥皮嘅香脆口感好夾。蝦肉鮮嫩，整體味道層次豐富。菠蘿炒飯色香味俱全，甜酸菠蘿與鹹香炒飯搭配，份量好多，差d食唔曬。芒果糯米飯好正，甜而不膩，糯米飯軟糯香甜，配上兩球芒果雪糕，冰火交融，口感獨特。cereal增添脆口。飲品我叫左椰子芒果沙冰，係用新鮮水果打嘅，無另外加糖，感覺健康。

📍Mue Mue 😍尖沙咀高質素打卡餐廳🤩～紅磚豆腐😍採用有機紅菜烹調而成☺️炸得勁香👍外脆內軟😘～炭燒沙嗲雞肉🤪燒得勁香😛雞肉嫩滑☺️仲要串串都勁多肉👍~摩登海鮮冬陰功😍好耐冇飲過咁正嘅冬陰功湯🤪仲要勁多海鮮全部都好新鮮👍😍~金沙麥皮蝦😘外皮質感次黃金鮮魷😍非常有鑊氣🤪每一隻蝦都勁大嚿😍👍～芒果糯米飯😛每一粒芒果都勁甜😍雪糕勁好食👍😎餐廳環境靚😍食物質素高🥳店員服務態度好👍📍港鐵尖沙咀站B1出口 步行約3分鐘Mue Mue (尖沙咀)尖沙咀彌敦道132號美麗華廣場1期3樓302號舖

今次就嚟到位於美麗華廣場嘅新派泰國餐廳Mue Mue搵食，餐廳裝修優雅高貴，打卡一流📸 唔怪之得開業大半年都仍然咁受歡迎，仲係人氣滿滿～✨紅磚豆腐原來餐廳係參考咗泰國紅磚場嘅風格去設計呢道菜，所以外層特意用咗有機紅菜頭汁去上色！外層酥脆，內裡嘅豆腐依然保持嫩滑～✨炭燒沙嗲（雞肉）雞肉柔嫩多汁，而且帶有一種淡淡嘅煙熏香氣，配搭埋充滿花生香味嘅沙嗲醬汁，味道一流～✨摩登海鮮冬陰功(半例)呢個冬陰功湯聽講係用咗成個蕃茄同蝦湯去熬製，酸酸辣辣好開胃！湯料有蝦、魷魚同青口等等，真材實料～✨金沙麥皮蝦每一隻蝦都好大隻，肉質爽口彈牙，充滿住鹹蛋黃同牛油嘅香氣！表面佈滿麥皮同粟米片碎碎，口感亦非常之多元化～✨菠蘿炒飯菠蘿炒飯與別不同！除咗菠蘿、臘腸、蝦、魷魚之外，仲加入咗腰果、肉鬆同提子乾，口感豐富，係名副其實嘅色香味俱全～✨芒果糯米飯芒果肉好甜，仲有粟米片同埋芒果雪糕配搭口感軟糯嘅糯米飯，味道有驚喜～✨原個椰青連椰青嘅賣相餐廳都非常講究，椰青上面仲印有餐廳嘅名，好有特式～✨芒果椰子沙冰以酸酸甜甜嘅芒果味為主，帶有淡淡嘅椰子香味，味道清爽，仲有啖啖芒果肉～

上星期同閏蜜食飯，佢哋極力推介位於美麗華廣場嘅一間泰國菜 – Mue Mue。話食物質素好之餘，環境又好，啱晒約會或同閏蜜聚會…講到咁，梗係叫埋老公一齊去探店啦…餐廳以清雅象牙白色為主調，結合柔和舒適嘅光線，仲擺放咗啲翠綠植物作點綴，呈現出摩登氣派！坐喺度，感覺真係好chill，好舒服！炭燒沙嗲雞串雞串除咗醃得入味之外，肉質鮮嫩，又多汁，再配上沙嗲醬，夠晒香口惹味，讚…摩登海鮮冬陰功作為泰國經典菜，用料點可以馬虎呢！除咗蝦之外，仲加入青口、蜆、魷魚等，湯頭鮮甜無比，十分清爽惹味。金沙麥皮蝦呢道菜簡直係必食之選！餐廳以去殼嘅巨型新鮮大蝦球，配上鹹蛋黃、麥皮快炒，鹹蛋黃包裹住每一嚿蝦球，鹹香惹味，令人無法抵抗！菠蘿炒飯味道遍甜，而且配料都幾特別；喺菠蘿炒飯嘅基礎上加入臘味、肉鬆、海鮮等，估唔到臘味同菠蘿炒飯都夾到，真係估佢唔到！Songkran飲品方面，我就揀咗呢杯“Songkran”，酸酸甜甜，清新之餘，仲帶有淡淡百香果同荔枝香氣…原來呢間餐廳仲設有戶外酒吧區，等天氣無咁熱，約埋班friend再嚟happy hour先！