Mue Mue

营业中

休息中

星期日中午12:00去到叫了3位$358套餐🥹，食物每款都不夠熱😔，主菜等左個半鐘都未到🥹，1:40分才送上主菜😂，食品看上用心製造，但整體全部食物都不夠熱，湯只係溫暖，更好味的湯如不熱有什麼好飲？炒椰菜有點鹹,其餘都是炸物,但都不熱，唯一可取是生蝦味道可以，椰子雪糕甜品好味，經理要注重食物做好要馬上送給顧客,冷氣開得太凍，看到咁多食評都講到好好，可能我是星期日去人多坐滿廚師做不切，去過一次唔會再去😔

嚟呢間開咗一輪嘅餐廳試吓，朋友推薦 看過究竟午市嘅海南雞飯好快已經做晒啦午市套餐抵過散叫好多好多，份量又一樣，因為我見散叫八八折嗌咗少少，但係發現份量唔多，而且質素一樣，以後都係食午餐Menu的 不過午餐選擇唔多，因為我唔係咁食炒粉麵怕肥好油 變咗海南雞飯賣晒嘅話就會乜嘢揀，就嗌咗個 就咁青咖喱雜菜，不過原來佢啲茄子同菇都係走過油炸過 雖然幾好味但驚驚今餐嗌咗牡丹蝦刺身同埋冬陰功湯試吓，冬陰功酸酸辣辣幾特別，但係海鮮唔多同埋海鮮質素普通呢個蝦我就覺得好好味，有少少辣因為嗰啲青辣醬！隱藏咗喺蒜頭下面，底下嘅柚子沙律好好味好甜一人份量嘅酸辣湯材料如圖睇晒串燒咁抵， $188但係又覺得唔算多 而且其實好細小和牛面肉都幾好味，但係啱啱食完青咖喱又係青咖喱就有啲厭哈哈環境非常好，店員亦非常親切，而且有禮貌本身成日覺得美麗華食嘢嘅話搵廁所好難，因為出到去又未必同一層，之前食未味就係咁，原來呢間有獨立廁所

朋友早已bookmarked了這餐廳，今日逛完街齊齊來試試。裝潢很不錯，連餐具也落足心思，適合打卡，適合情侶來慶祝的餐廳。•紅磚豆腐 $98 賣相有新鮮感紅菜頭為豆腐染上誘人的紅橘子色，外層酥脆，內裡卻保持了豆腐的嫩滑口感。係超嫩滑，一口咬下和外層絕然不同的口感。避風塘式的炒蒜增添了濃郁的香氣和層次，將傳統泰式風味與創新烹調手法完美結合。味道帶少少辣，不會太辣太刺激🤣 •摩登海鮮冬陰功 (半例) $168半例的份量已很足夠，湯中都是滿滿的材料，大蝦魷魚青口各樣的海鮮，海鮮新鮮飽滿，完美吸收了湯汁的精華，蕃茄湯底酸甜中帶冬陰功的味道，與傳統冬陰功的辛辣完全不一樣。帶點少辣，吃不了辣的朋友也可挑戰這”摩登”冬陰功。•炭燒沙嗲雞串 $108炭燒的香氣撲鼻而來，不誇張，一上枱即聞到濃郁的香氣！炭燒過的肉類真的遠遠都聞到。雞肉經過精心醃製，吸收了沙嗲醬的香濃味道。外層微微焦香，內裡卻依然多汁鮮嫩搭配的花生味醬汁香濃可口，更增添了豐富的層次感。推介！•雪糕紅豆珍多冰 $78 Signature whiskey 雪糕紅豆珍多冰 $128和朋友都點了雪糕紅豆珍多冰，我是酒鬼of coz點了帶烈酒的版本

超正嘅泰式fusion餐廳，美食好食之餘，佢嘅裝修都好華麗，好適合打卡慶祝！我哋都特意揀咗呢個打卡嘅位置，慶祝生日🎂🌴森式青醬牡丹蝦（6件）$188牡丹蝦鮮甜爽口，肉質紮實醬汁鮮香、酸辣、爽口，喺一道絕佳開胃菜。🌴摩登海鮮冬陰功 $168冬陰功湯頭濃郁，香料香氣撲鼻酸辣度適中，海鮮鮮甜新鮮🌴黃咖喱金菇粉絲牛頸脊 $268非常出色嘅泰式x中式fusion菜口感層次豐富，調味出色，菜式嘅顏色都好吸晴！對於喜愛嘗試異國美食的朋友嚟講，值得一試！調味惹味，融合了多種經典香料如薑黃、香茅等，散發出濃郁的熱帶氣息。咖喱醬汁恰到好處，唔會好膩。加上適量的魚露，增添了菜餚的鮮香同風味。🌴炭燒沙嗲拼盤（6串 ）$188將牛肉、雞肉、豬肉串燒烤制，伴以特製的沙嗲醬料，簡直係絕佳嘅泰式組合。沙嗲醬料正到飛起！將花生、香料、香油等元素融合，恰到好處，帶有濃郁味道，提升了肉類嘅口感，非常惹味！🌴椰青 $68椰青水清爽可口，甜度恰到好處。

尖沙咀搵食，來到美麗華一期3樓嘅Mue Mue，就係為咗佢呢個“THAI夏狂歡週末早午餐”，餐廳一開門即迎來唔少客人，好犀利吖，有時見到啲食肆冇乜人都戥佢心噏，但呢間嘅情況完全唔同，人都開心埋，希望度度都咁旺吖。前菜有“爽脆酸辣鱼皮”、“魚子醬红磚豆腐 “、“泰式青醬鮑魚”，最初以為只可揀一様，但原來唔係，於是乎你就見到好靚一碟前菜上你來，鮑魚係切片，有2片，好清新；紅磚豆腐够精緻，面頭有魚子醬，入面白雪雪豆腐好嫩滑。至於湯羹就棄平時的冬蔭功而揀咗“蟹肉海鲜羹”，有個好靚嘅玻璃芡下邊有青口，魷魚粒等海鮮，美味。跟住嘅精彩點来啦“泰式青醬生蝦”、“ 炭燒豬頸肉沙律“、” 即烤沙嗲串”、“盔甲脆魚皇”、 “香茅雞翼”、“ 馬拉盏炒椰菜“和“ 脆炸魷魚鬚”都係佢點的，其實乜都食啲已好飽，想知我encore最多嘅係咩呢？到時話你知。主菜就嗌咗“金沙原隻蝦球”，好滋味，而甜品“芒果糯米飯”都有一球雪糕，好滿足；跟餐的mocktail 有西瓜，提子.......清爽好飲。

呢間店內既裝潢搭配精緻的泰式風格營造出溫馨而不失典雅的用餐環境。柔和的燈光與泰國音樂，讓人瞬間彷彿置身於曼谷街頭。紅磚豆腐外酥內嫩的豆腐，炸至金黃，口感豐富。炭燒沙嗲經香料醃製後炭火燒烤，肉串焦香四溢，蘸上花生醬更是美味。摩登海鮮冬陰功傳統冬陰功湯結合新鮮海鮮，酸辣濃郁兼具。金沙麥皮蝦酥炸蝦仁裹上金沙蛋黃與脆麥皮，鹹香適中，口感層次豐富。菠蘿炒飯香米飯與菠蘿同炒，搭配蝦仁和腰果，清甜爽口。芒果糯米飯糯米飯浸透椰奶香氣，配上酸甜芒果和椰漿，甜而不膩。威士忌紅豆冰將冰涼的紅豆冰沙與微醺的酒香結合，口感清新又層次豐富。椰青內含清甜的椰汁，味道清爽解渴。嫩滑的椰肉香甜可口，椰香四溢

MUE MUE Thaid Up Summer brunchThai夏狂歡週末早午餐！今日放假同朋友去食咗一餐好豐富嘅泰菜🥹👏🏻有前菜、湯、小食放題、主菜、甜品唔叫要另外加錢嘅食物 $328 呢個價錢都算幾好環境靚，食物有質素，又坐得舒服靜靜地同朋友聚會👍🏻好鍾意飲冬蔭功湯，呢一碗有滿滿嘅海鮮😋平時食泰國嘢必點嘅沙嗲串燒嚟到就可以任食啦 正呀👏🏻甜品芒果糯米飯我覺得加錢都值得點，好好食！有機會encore👍🏻

週末經過尖沙咀美麗華商場，見到有間門面幾靚，似做spa的，原來係食泰菜fusion菜色，又幾得意。見到個餐牌，設計到好似聖誕feel咁，其實係Thai summer Brunch。就入去試試。前菜共有三道菜：爽脆酸辣魚皮：酸酸甜甜配有彈牙的魚皮，好開胃。泰式青醬鮑魚：溥切、有咬口、幾鮮👍🏻魚子醬紅磚豆腐：表面脆卜卜😋內裡嫩滑。Soup我揀了蟹肉海鮮羹，這個好正，羹好滑配有蟹肉，調味恰到好處😋。主菜揀了咖喱脆魚柳，炸到紅色脆卜卜，好靚。配上紅咖喱，還有鬆脆薄餅。超正。到小食啦！因為小食是可以無限添加🤣🤣🤣。一個字：爽。即炸沙嗲（豬/雞）兩種都好食，又juice，又嫩。必定要encore。泰式青醬生蝦，夠生鮮，點青醬感覺好清新。盔甲脆魚皇，這個好特別，好似好硬，但其實只係鬆脆，味道不錯😋。炭燒豬頸肉又係好得，賣相都好吸引👍🏻。整體都好唔錯，滿足🙏🏻

一嚟到呢間餐廳嘅裝修已經覺得佢好靚🤍 四周以象牙白色設計好似泰國古典嘅宮廷咁🐘典雅得黎又有各種植物點綴環境好適合打卡🌿味道方面泰式口味地道得來又有創新既Fusion配搭🌍整體非常值得一試⭐️ 紅磚豆腐 🧱炸豆腐入口非常香口原來用咗紅菜頭汁上色🎨入口熱辣辣非常嫩滑🥹⭐️ 摩登海鮮冬陰功 🥘海鮮嘅用料份量都好豐富鮮味十足🌊湯底嘅辣度都幾高口味正宗🌶️⭐️ 炭燒沙嗲雞串 🍗沙嗲充滿炭燒香火候十足🔥 特別配上花生醬料口味充滿層次🥜⭐️ 金沙麥皮蝦 🦐期待咗已久嘅亮點🤩蝦肉非常爽口彈牙肉香脆嘅麥皮同埋鹹蛋黃裹上🍳香口得來但係濃郁嘅鹹蛋香真係好滋味 💛⭐️ 菠蘿炒飯 🍍加入唔少腰果肉鬆同埋提子乾口感好豐富🌰特別在食到一啲臘腸嘅鹹香味道🍖減低了油膩感⭐️ 芒果糯米飯 🥭糯米飯既黏度恰到好處🍚配上甜度好高嘅芒果同埋雪糕整體口味好平衡🍬⭐️ Signature Red Bean Ice Fleecy 🫘一定要是呢杯招牌真係好有驚喜😜可以話係成人版嘅紅豆冰🫣保留了紅豆冰幼滑而且香甜嘅味道🍼再加入了威士忌🥃強烈得來中和返甜度好有特色⭐️ 原個椰青 🥥入口夠清甜消暑中和返濃郁嘅味道啱啱好🏝️

朋友帶我食好西,Mue Mue既泰菜好有創意,有fusion既感覺。首先去到呢家店已經有椰林樹影,檯仲有花,好令人relax.湯係tom yum soup,係tomato based,味道相當唔錯,夏天飲蕃茄味既冬蔭功湯,酸酸甜甜。小食有炸fish skin包住鯪魚肉、雞翼、pork neck沙律,每樣都好創新好有驚喜。主食係金沙蝦球,salty egg yolk包住大大隻既蝦,好好味.甜品都好有心思,係黑糖椰絲雪糕,睇得又食得,見到椰絲就諗起泰國旅行既回憶.

今次係我第一次上泥美麗華呢度食飯，之前唔知道呢度上邊有餐廳，仲要係間咁靚咁chill既泰菜❤️食泰國嘢係唔可以少左冬蔭公，呢度既tom yum加左唔少海鮮所以好鮮甜，另外香料味濃，感覺上比平時既更鮮甜又香，但係無咁辣同無咁椰，整體係一碗好清爽好開胃 高分既冬蔭公🤣之後係signature既紅磚豆腐，炸皮係用咗天然既紅菜頭汁，兼顧到美感之餘又好健康！另外都有啲避風塘料食落好惹味，豆腐都好嫩滑❤️之後我哋叫咗一份三串嘅沙嗲牛肉串，燒到外層帶點焦香，但係保持到肉汁，牛肉粒都好Juicy又有油脂香🤤之後我哋叫咗個主菜係金沙麥片蝦，蝦肉新鮮爽彈，而且啖啖肉食得好方便，一碟總共有六隻大蝦，每隻都沾滿咗鹹蛋黃同埋麥片，食落好滋味！菠蘿炒飯，擺盤精美，有菠蘿粒海鮮臘腸肉鬆提子乾腰果等等嘅材料，口感好豐富炒得都好有鑊氣🔥甜品揀咗經典嘅芒果糯米飯，糯米飯嘅煙靭同埋溫度都控制得好好，nice ending😘呢度嘅飲品係非常打卡able! 強烈推介大家試吓去過雪糕紅豆冰包保你有驚喜！芒果smoothie都係好refreshing！值得一讚呢度嘅侍應都服務好好，而且好專業咁介紹每一道菜式嘅特別之處，而且都好warm

Grateful to have a friend who always willing to invite me eating good food🥰🥰this time we found a Thai restaurant in Mira place! I Reli dunno there’s a floor with such high class and grand restaurant😳🙈We ordered a set of 2, including tofu, skewer, soup, shrimps, fried rice and even dessert🤭we were so satisfied with the dinning experience👌🏻👌🏻👍🏻Every dish was like an art piece❤️deep fried tofu is crispy outside and soft inside, we love it 😻 grilled skewer (pork/ beef/ chicken) of cos we chose beef🥳🥳

話說見到好多推介，所以選擇試吓，點知中伏肉唔熟，蝦都唔熟，好失望正常泰國菜串燒係算最唔易伏，點知豬咬唔郁，牛就正常D，雞唔熟⋯連豬頸肉沙律都唔熟⋯一言難盡，價錢都唔平，咁嘅水準，好失望咯⋯

今日同朋友慶祝生日，黎到TST既呢間泰國菜，環境好grand，而且店員服務都好好! 紅磚豆腐見到呢個好似係人氣之選，個樣幾有趣。原來磚紅色係來自紅菜頭，外面好脆酥，有D似避風塘口味，咬開中間個豆腐係好滑!炭燒沙嗲叫左牛肉，沙嗲醬好香濃，牛肉燒得好香。摩登海鮮冬陰功 入面有好多海鮮，有蝦，青口同埋沙白等等，好豐富。飲落冇平時既咁重香料味，店員話係用左中式蕃茄湯，唔怪得飲落蕃茄味特別香濃。而調味都幾辣，好開胃。金沙麥皮蝦呢款又係招牌菜，咸蛋味好突出，蝦肉好大隻同彈牙! 菠蘿炒飯融入左中式既臘肉，原來都幾夾，仲有D腰果同肉鬆，口感好豐富，食落都冇咁膩。芒果糯米飯擺碟同平時食到既好唔同，仲有2球芒果味雪糕，糯米飯微暖，上面既醬原來係用黑糖整，難怪同平時見到既椰漿唔同色，黑糖味令整體食落冇咁甜而芒果份量多又夠甜。 特式mocktails 推介songkran ，原來係泰文潑水節既意思，飲落好清新!

呢間泰菜set lunch buffet好抵食,有fine dining既感覺,但小食又可以無限添加。前菜係青醬鮑魚,凍食,炸豆腐.好滑呀! 沙律係lobster mango,好有夏日既feel,又有泰國既特色。湯我叫左海鮮湯,裡面有好多蟹肉,好鮮美。小食就叫左雞同豬,好大個,燒得好入味。主菜叫左一客黃咖哩和牛粉絲,粉絲充滿黃咖哩既味道,而和牛又好好食。最後甜品係sticky mango rice,有好多芒果,佢既煮法有自家風味,上面仲有好有corn flakes添。叫左椰青,好好飲,有埋店既logo,真係每個細節都好精心準備。