Nara Thai Cuisine (港威商場)

营业中

休息中

二訪海港城呢間泰國餐廳，裝潢充滿度假風，座位好舒服，仲有好多打卡位! 蝦餅 $15蝦餅餐廳都採用QR code落單，一坐低店員就送上一份蝦餅同兩杯水，蝦片份量好多，好脆好香口，最讚係完全唔油膩！大蝦柚子沙律 $138份量十足的前菜! 大大隻蝦，肉質爽口彈牙! 柚子肉大大塊，入口juicy 唔會有苦澀味道，配上香脆蒜蓉粒粒和泰式特調的酸辣汁，味道清新又惹味，食完好醒胃!黃咖喱軟殼蟹 $228咖喱和軟殼蟹分開上好貼心! 黃咖哩加入蛋黃慢慢推至糊狀，再加入辣椒油增加香味；而鮮甜多肉的軟殼蟹外脆內軟。蘸上惹味咖哩汁一齊食，不但能突顯軟殼蟹的香脆，口感更加豐富!冬蔭卡邦尼意粉 $148好特別嘅Carbonara! 第一次食泰國風味嘅西式意粉! 一上枱就香氣十足，卡邦尼意粉加上芝士、忌廉和香脆煙肉。再加上冬蔭功平衡咗油膩感，反而更開胃，令人想食多幾啖！ 拮穿蛋黃之後，將蛋黃汁和意粉撈勻，每一條意粉掛滿汁，超級香滑!

與友人經過海港城，便去了這間已經去過幾次的人氣泰國餐廳，當天平日都差不多滿座，建議大家先預約！這間泰國過江龍餐廳主打正宗傳統泰式料理，被評為泰國最佳食府，食物有質素，價錢合理；餐廳環境舒適，風格簡約，氣氛悠閒，座位舒適，窗邊位置便可以欣賞維港海景，旁邊Lady Nara更有打卡位~餐廳採用QR code落單，十分方便一坐低檯上已有一籃炸蝦片小食提供 (溫馨提示：每籃收費$15)蝦片份量多，脆酥可口，入口不油膩，微辣香口花膠海鮮冬蔭公 $258上枱有蠟燭保持溫度，份量大概有四至五碗左右，酸、辣、鮮味層次分明，十分惹味食材份量多，十分足料，有花膠、虎蝦、青口、帶子、魚塊、魷魚、鮮菇等，鮮味豐富花膠淋滑，厚肉彈牙，入口沒有腥味；帶子大大粒，鮮甜好味；開邊大虎蝦爽口彈牙又肥美；魚塊好滑口新鮮；青口、魷魚十分入味泰式炒金邊粉 $148賣相好有心思，金黃色的蛋網下，包裹著鳳尾蝦、蛋、豆腐乾、芽菜及金邊粉，旁邊有辣粉、糖、青檸自由選擇加入份量蛋金邊粉好濕潤，炒得香口，有五至六隻蝦，整體味道偏甜酸，拌以花生碎食，口感十足素炸春卷 $88春卷，形狀似雪茄，外皮酥脆，內裏的素餡口感豐富蘸上泰式酸甜醬汁味道

呢間餐廳被泰國雜誌熱棒，分店裝修現代木系，環境寬敞，可以望到海景，又可以喺花花千秋打卡。香脆蝦餅(3件) 蝦餅熱辣辣又夠香脆，炸粉唔厚。泰式炒金邊粉望落份量唔多，賣相一般，但拆開蛋網，食落幾多，原來有大大隻鳯尾蝦、豆腐乾、芽菜同金邊粉，加上青檸汁、白糖、辣椒片同花生碎，味道更多層次集酸甜辣。 鴛鴦豬手滷水加香炸 豬手經香炸外皮脆口，有啲邪惡嘅肥膏，豬手肉帶鹹香，配合滷水都無咁易食膩，適合三個朋友以上食。

最近到了尖沙咀海港城的Nara Thai 一嚐泰國菜。因為天氣開始轉涼，見到Nara Thai 有幾道菜都係用明🔥煲仔仔上，感覺食完會暖笠笠！今日兩個人撐枱腳，餐廳預留咗窗口位俾我哋，一路望住海景同埋ICC🌃 非常浪漫🌹 餐廳以正宗泰國美食為主打，今次嚐了幾道菜，包括泰式椰子雞湯、泰式炒金邊粉、馬莎文咖喱牛腱、印度薄餅和泰式奶茶。泰式椰子雞湯（$128) 非常難忘，明火上🔥椰香味重，湯底亦加入冬陰功的風味，又酸又辣，基本上就係一個帶有椰香味嘅冬陰功湯😂🌶️雞肉份量超大方！又滑，裡面仲有唔少泰國香料，增添了微妙嘅層次感。泰式炒金邊粉($148)，擺盤好靚，配上豐富的🦐新鮮大蝦和蔬菜🥬。金邊粉保持到彈性，搭配上獨有泰國調味👍🏻放咗白糖、辣椒粉、青檸、花生在旁，任客人以自己口味調味。馬莎文咖喱牛腱($138)，加印度薄餅($40)🥘🌮。牛腱肉質非常鮮嫩，炆到入口即溶，份量又多😍啱晒share plate。咖喱汁味道濃郁而小小辣🐮🌶️，完美地同牛腱肉融合在一起。印度薄餅亦非常香脆，咬落去「crisp」一聲！如果唔配印度薄餅，仲可以配餐前小食🦐蝦片($15)，每一枱都會有一盤☺️Thai Tea 就真

都已經有一段時間冇去泰國了，真的懷念泰國菜，如果喺香港要食到地道泰國菜風味，海港城港威中心的Nora 真係唔錯嘅選擇！本身就係泰國品牌進駐香港，鍾意佢一路以嚟都能夠保持住泰國曼谷本店風味。今日點餐 泰式椰子蜆煲，今次第一次試，非常有驚喜，第一啲蜆已經大大隻，跟住個椰子湯有驚喜，好清甜，清甜得來非常有層次，仲有酸辣好balance，我覺得係清甜版的冬陰功湯。前菜就叫了泰式魚餅及泰式肉碎煎蛋飯，泰式魚餅對比泰式蝦餅，我個人更加鍾意食泰式蝦餅比較鮮味啲，魚餅嘅味道會比較濃味鹹少少，而泰式肉碎煎蛋飯份量非常十足，真係夠四個人食，肉碎炒得好香，微辣當中又帶點九層塔的風味。最後甜品就叫了一個椰香奶黃流心湯圓，鍾意佢個湯圓即係糖不甩，煙煙韌韌，但係加咗少少椰絲比傳統糖不甩更香。整體佢哋環境望到海景，而且有一個好靚嘅蕩千秋可以打卡影相，加上食物質素一直保持到，而且價格同一般食泰國菜差唔多，價格孫親民，整體嚟講我覺得值得回頭再食！

今日同朋友去尖沙咀呢間出名嘅海景泰式餐廳high tea。一入到去店員就帶我哋去窗邊位。磚瓦拱形窗配藍天白雲，藍色cushion配竹藤椅，環境一流，真係好寫意。而食物當然非常有質素。我哋試咗：❤️ 鮮芒果乳酪非常高質！淡淡芒果香配鮮乳酪，好新鮮，完全無一般其他舖頭嘅芒果乳酪咁甜得過分，而且溫度亦好適中，唔會凍冰冰咁，乜味都飲唔到。❤️ 雞肉炒金邊粉金邊粉份量好足，亦好足料。加上金邊粉炒得好咸香，再配好新鮮好爽好多水嘅芽菜，好夾！而且仲有配上少見嘅砂糖，夠哂正宗。❤️芒果椰奶糯米飯食完鹹香野再配甜點，非常滿足！糯米飯煙煙韌韌，仲有少少微暖，果然係新鮮做出尼。而芒果亦都好新鮮，好鮮甜，配埋椰奶，好夾。呢間海景泰國餐廳無論係風景，環境，定係食物質素，都好高質，好滿意，好舒服！

昨晚早左收工，就約左同事放工約了朋友一齊去左附近尖沙咀港威商場的Nara Thai Cuisine ，侍應生好有禮貌請我們入去坐，安排左對住海既窗口位，每張枱都放上一碟蝦片，蝦片都好有鮮蝦味而且仲好脆口。泰式椰子蜆煲$218: 蜆肉都好鮮味，大大粒草菇爽甜，用香茅和加左椰子煲的蜆湯好鮮甜，連湯都給我地飲光光。泰式炒通菜$88: 豆瓣醬炒通菜炒得好嫰滑，上面落咗一些香蒜，味道撲香而且不太油膩，也不會太咸剛剛好。泰式豬肉炒河粉$118: 河粉是採用陳村般口感既河粉，比較大片和爽口又滑身，材料用雞蛋、碎花生、芥蘭、肉片，炒得好有火喉，啖啖食出好味道，泰式炒河味道就比較偏向甜，如喜歡食辣D，旁邊也有一些辣粉和砂糖，還有一片青檸，方便每個客人的需求，非常貼心。鮮椰子沙冰$60: 是採用椰子和鮮奶再加上冰打出來，好濃郁椰子和奶香味，冰冰涼涼好爽，真心好好飲。喜愛椰子的朋友不過錯過啦！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

呢間係尖沙咀海港城嘅Nara Thai 我已經回訪過幾次💕 頭先佢有好靚嘅海景位置🌊食物仲好高質 之前試過佢嘅豬頸肉 冬陰功 蝦餅同咖喱等等都好好食！今次同朋友專程去試呢個咁吸引嘅甜品～～✻ 泰式奶茶意大利芝士餅 HKD108Tiramisu食得多 奶茶味嘅好似真係第一次xd奶香撲鼻又creamy嘅忌廉 倒係滿佈髒髒粉嘅Tiramisu 上面 無論係賣相定味道都好吸引～ 影相打卡仲好靚添📷 ✻松露雜菌忌廉意大利飯 配 香煎牛扒HKD238呢個完全估唔到會咁好食！！今次純粹諗住試吓新嘢 所以叫咗呢道唔似泰國菜嘅料理🤣🤣 意大利飯嘅口感軟硬適中 重點係超級無敵多松露同埋芝士🖤🧀 口感超級Creamy～～～大推 而且牛扒都煎得啱啱好 (˶ˊᵕˋ˵) 配埋松露雜菌一齊食簡直大滿足！❤️❤️❤️✻泰式炒金邊粉 HKD148金黄色蛋網下面 包住左蝦 豆腐乾 雞蛋 同埋泰式金邊粉～ 鹹鮮味滲出 滋味絕妙！另外撈埋佢嘅醬料 辣辣哋咁好惹味:3

靚太好友去海港城食午餐，我地就揀左去Nara Thai依個有泰式午餐，因為鐘意望到海景之餘，餐廳裝修又帶點少女風，感覺很舒服呀！當然裝修最吸睛就一定係個花花打卡位，我影完出嚟真係後生幾年…哈哈。Lunch Set包沙律、餐湯、主菜同飲品，都有好多選擇。望住個海景食午餐，真係份外有Feel~我嘅就叫左 泰式雞肉炒金邊粉 ，金邊粉炒得幾好，唔會好油得得仲夠彈牙，而且雞肉嫩滑仲好夠份，食之前Mix埋砂糖、花生碎、辣椒乾，入口好惹味。朋友嘅 香茅燒豬扒配白飯， 香茅豬扒煎得不油膩，而且個厚度剛剛好，食落好有口感，而朋友話佢個白飯都係一絕，粒粒均勻有米香味。一啖飯加埋啲特制嘅醬料連豬扒，會更加好食，大家可以試下呀。Set包嘅沙律、餐湯都唔弱，先嚟泰式菠蘿紅蘿蔔絲沙律，口感好清新。而冬陰公湯就有驚喜，味道酸酸辣辣而又唔會好嗆喉，飲完好開胃。我地都叫左一份 香脆蝦餅 小食，炸到外層脆脆，咬落蝦肉仲好彈口添。最後就嚟兩杯餐飲，朋友嘅熱檸檬茶，我就為打卡叫左杯 玫瑰泰奶茶 ，靚靚嘅外表，配上玫瑰味奶茶，而奶味唔會好重，茶味都好香滑，所以依睇得又飲得嘅。

呢度主打泰國菜，但亦有西式既選擇，都幾多元化😂坐窗邊位可以睇維港景，不過點估到閒日七點已經爆曬🥺▪️ 蝦片（7.5/10）💲15 一坐低即刻送上一籃，無特別講要收費，但餐牌上面有寫到既🤫蝦片夠脆，帶胡椒既微辣，真係會食上癮🤓▪️ 香脆蝦餅（7.5/10）💲68 (3件)炸到熱辣辣，外皮脆口，內裡爽彈，無咩油膩感🦐配甜酸醬，甘甘地既梅味，但個人鍾意泰式酸辣汁多啲🌶️▪️ 菠蘿肉鬆海鮮雞肉炒飯（7/10）💲158面頭有炸過既開邊大蝦，菠蘿同提子乾幾甜，肉鬆同腰果香口，個飯加上黃薑粉炒得乾身，有蝦仁同雞肉等🍍▪️ 泰式豬肉炒河粉（6/10）💲118用上闊身河粉，加豬肉片、芥蘭同花生碎，莫名有種黑糖氣味，會比較黏身同甜，唔加糖既話啱我口味多啲🫣 ▪️ 泰式鹹魚芥蘭（7/10）💲88芥蘭爽脆唔會苦澀，有陣鹹魚香氣，但唔會太鹹或油😌🔎 整體評分（7/10）

再次黎到海港城行街食野，本身打算搵間未食過既餐廳試試。但係最後都簡返之前食過既泰國餐廳。因為質素同水準都保持到😍最鍾意食蝦餅，今次仲試咗炒金邊粉勁好食！泰式奶茶都好好味！🤤🥡泰式炒金邊粉 $148熱辣辣的金邊粉，加上大大隻蝦好足料，一吃再吃🤤🍤香脆蝦餅 $68啖啖既蝦肉，實在而美味😋🦀黃咖喱軟殼蟹 $228香味四溢的黃咖喱配香口的軟殼蟹，流晒口水，軟殼蟹份量超級多🤤🍤蝦片 $15必食的飯前小食，香口美味，每次未上菜已經食晒啦🥰🍹海鹽焦糖泰式奶茶香滑的泰式奶茶配上海鹽忌廉。完美配搭😍

十月生日之星一齊出來尋找美食，我們非常熱衷吃泰菜，尖沙咀有一間人氣美味的，心癮開始發作，我們打算到「Nara Thai Cuisine」，享受美食佳餚，同她盡興吃一餐。餐廳佈置充滿心思，精緻美觀，安排坐窗邊位置可欣賞海景，多個打卡位，即時想進入去餐廳。炸蝦片餐前小食是炸蝦片，即時食落去好脆口，美味可口。燒雞扒配青木瓜沙律呢個款式非常精美，雞肉嫩滑，青木瓜Q彈，沙律食落香滑。香脆蝦餅蝦餅叫了三件，見到都想食，大塊又脆口，仲好多蝦肉，真心很好味。菠蘿肉鬆海鮮炒飯每次食泰菜都叫菠蘿肉鬆海鮮炒飯，材料豐富，菠蘿、蝦、肉鬆、青口、雞肉、提子乾等，炒飯炒到金黃色，非常彈牙，令人吃得滿足。Nara Thai Cuisine（尖沙咀）地址：尖沙咀廣東道3-27號海港城港威商場3樓3303號舖

今晚同細妹去左尖沙咀買野，去左呢間泰國過江龍餐廳！之前係泰國食過好正，估唔到香港都開左好幾間分店！😋＊＊＊＊＊🌋🍖珍寶火山排骨 $238超級大盤嘅火山排骨😆啲排骨好唸好易咬，個湯都好入味😋佢有少少辣架，唔食得辣嘅朋友要留意啦🍍🍛菠蘿肉鬆海鮮雞肉炒飯 $158上面有隻燒大蝦🍤😍另外仲有菠蘿、肉鬆、魷魚、腰果等等😋🪻🍹凍蝶豆花茶 $45＊＊＊＊＊

同媽咪係海港城行街，佢話想食泰國菜，我就帶佢黎NaraThai，因我之前同朋友食過覺得唔錯，好開心啊，店員好好，安排我兩母女侳坐窗邊位置，媽咪好開心啊，可以一邊享用晚餐，一邊欣賞到維港海景😍💞個張檯已有一籃蝦片，每一塊都脆酥可口，又辣辣地，感覺幾CHILL，每籃收$15💞花膠海鮮冬陰功 $258湯底由泰國虎蝦蝦頭及蝦殼熬煮，酸、辣、鮮味層次分明，食材非常非常之足料，有大大塊厚肉彈牙花膠，多隻肥美虎蝦、青口、帶子、魚塊、魷魚、鮮菇等等，鮮味豐富，酸酸辣辣好惹味💞香脆蝦餅 （3件）$683大件較一般蝦餅厚身大份，外層炸至黃金色，超級甘香酥脆，內𥚃蝦肉彈牙有嚼勁💞泰式炒金邊粉 $148金黃色的蛋網下，包裹著鳳尾蝦、蛋、豆腐乾及泰國金邊粉，味道略微過酸📍Nara Thai Cuisine (港威商場)💒尖沙咀廣東道3-27號海港城港威商場3樓3303號舖

適逢週末，相約了朋友到尖沙咀閒逛，順道到海港城一間海景泰國過江龍餐廳「Nara Thai Cuisine」品嚐一頓滋味豐盛泰國菜作是日午餐❗餐廳裝修精美，坐享維港美麗景色，座位寬敞舒適！我們一行二人品嚐了以下菜式：1️⃣香脆蝦餅 (3件) $68這道香脆蝦餅是一個絕佳的開胃小吃。蝦餅外層煎得金黃酥脆，一咬下去，可以感受到蝦肉的鮮嫩和豐富的口感。蝦餅的香氣迷人，帶有一絲微辣的辛香味道，增添了食欲。搭配著泰式甜辣醬一起享用，更是美味無比。這道菜絕對是一個不容錯過的美味小吃。2️⃣泰式雜菜炒金邊粉 $128金邊粉是一種寬而薄的米粉，炒得剛好入味，有著彈牙的口感。菜餚中的雜菜包括青椒、胡蘿蔔、洋蔥和豆芽等，它們的鮮嫩脆爽與金邊粉的軟綿相輔相成。3️⃣芒果軟殼蟹米紙卷 $138米紙包裹著新鮮的芒果、軟殼蟹肉和蔬菜，每一口都充滿了新鮮和豐富的口感。芒果的甜味和軟殼蟹肉的鮮美相互融合，增添了這道菜的風味。4️⃣蟹肉炒飯 $118蟹肉的鮮甜和炒飯的香氣相互交融，令人垂涎欲滴。炒飯中加入了蔬菜和蛋，豐富了整道菜的營養價值和口感。