NUTTEA (海光街) (已結業)

呢間手搖舖頭就係正我公司樓下，平時同同事食完午飯都會去買杯手搖返Office嘆吓，今日終於有時間寫下review。首先佢係主打用堅果奶去沖唔同種類嘅嘢飲，所以對牛奶敏感，或者好似我咁樣生勁多暗瘡，都可以放心飲用！而且非常健康，完全冇罪惡感！最重要嘅係，呢間舖頭係黃店！五大堅果，缺一不可！舖頭嘅職員都好好服務態度。我今日叫咗限量發售嘅伯爵朱古力堅果奶蓋。佢同平時嘅奶蓋非常唔同，佢有濃郁嘅堅果味，所以一啲都唔膩，而且份量仲有好多！朱古力再加伯爵茶實在太夾！我個同事就叫咗火龍果奶蓋。呢杯係我介紹佢飲嘅。完全打破咗佢對水果手搖嘅概念。首先火龍果汁好新鮮，然後同個奶蓋出奇地配合！一邊健康，一邊少少邪惡，融合得天衣無縫。

作為一個手沖嘢飲愛好者，其實係見到呢間Nuttea嘅時候，已經深深俾佢嘅堅果奶蓋吸引到😍，只可惜一直都冇咩時間去試下🥺而今次終於有時間！！特登同朋友搭車去鰂魚涌去搵佢出黎！！🤭（其實唔洗點搵，喺鰂魚涌A出口一出，過對面馬路就已經搵到佢😂 間野收20:00，同朋友趕到嘅時候已經係19:40，幸運地做咗佢最後一位顧客🤣🤣不過，作為最後一位顧客，其實佢勁多嘢都已經冇晒（雖然真係有啲可惜，唯有下次再試其他🤤咁今次，我叫左宇治抹茶堅果奶蓋茶🤚🏻第一啖試佢嘅奶蓋！！真係不得了佢嘅奶蓋超有厚實感！！😍😍（有淡淡的榛子奶香味，真係好正🤤🤤而朋友👭，叫左烏龍堅果奶蓋茶🤤🤤第一啖試佢嘅奶蓋真係不得了佢嘅奶蓋超有厚實感！！！😍😍（ 有淡淡的榛子奶香味，真係好正！！🤤🤤不過對比起佢下面啲茶嘅話，我佢嘅抹茶有少少失望，因為杯野冇咩抹茶味😂如果重啲嘅話，我會覺得更加好飲啲😂😂但朋友果杯就啱啱相反，烏龍茶嘅茶味都幾出，所以個人感覺覺得佢果杯好飲好多🤤🤤

現在手搖飲品大行其道，要在眾多鋪頭中突圍而出實在不容易。可是偏偏就對Nuttea這間舖頭頗為有印象，難得經過鰂魚涌就特意來朝聖一下。 Nuttea位於鰂魚涌海光街，地鐵站一出對面馬路便到達地點，方便就腳。Nuttea是全素茶飲品店，主打堅果奶茶，特別照顧素食者和對奶類敏感的人士。我們一行二人分別叫了伯爵朱古力堅果奶蓋茶和繽紛火龍果奶蓋茶。伯爵朱古力堅果奶蓋茶(⭐⭐⭐⭐⭐)這個可為舖頭的Signature飲品，差不多每名客人也會叫的。濃郁的朱古力奶蓋上配上一層薄薄的的可可粉。堅果奶蓋濃郁綿綿， 跟其他舖頭牛奶製奶蓋味道不相伯仲，而且還多了一層微微的堅果味，有一點兒像吃金沙。底下的伯爵茶甘香獨特，中和了奶蓋的漏，一個人也輕能完成整杯奶蓋茶。繽紛火龍果奶蓋茶(⭐⭐⭐⭐⭐)朋友叫的這個火龍果奶蓋茶也十分不錯。 奶蓋味道同樣濃郁可口， 配上味道較為淡的火龍果和綠茶，又是另一種不同的味道衝擊。而且火龍果本身十分有益，纖維豐富，幫助腸胃消化，絕對推介給現在注重健康的都市人。總括而言，這店鋪的出品價錢不算太貴，而且質素也在水準之上，下次經過也會再來試一試。~~~~~~~~~~~~~~~~~~~~~~~

Nuttea堅果奶蓋四季春葡萄堅果奶蓋茶伯爵朱古力堅果奶蓋茶價錢💲: $34/ $40/ $46好味程度😋: 4.4/5服務🍴: 4/5環境🗾: /性價比🥢: 3/5回頭率😚: 4.2/5 -Nuttea我相信冇咩人唔識。以前佢地的分店唔太方便，而家旺中觀塘都有，真係多左機會飲🥳一路都對堅果奶蓋好好奇，終於試到，梗係要試2款。-講左個好蓋先，佢同平時飲開有奶個啲差好遠😂 佢好企身，好實，係飲完成杯都仲可以有完整的奶蓋係到🤤 你要刻意撈先會mix埋一齊。第一個食法就係比左羮你不來食😋 好似食甜品咁，佢係好濃榛子味，食繽紛樂咁！入口都咬到面頭個小小果仁碎😝 雖然用堅果奶，但一樣咁creamy咁thick!👍🏻 我地一杯要左四季春。呢杯個茶唔甜，但好香茶味。配上有小小漏的奶蓋，啱啱好，真係幾好飲！-另一杯就叫左水果系列的葡萄🍇堅果奶蓋茶。呢杯個奶蓋一樣的，下面就好似多左層提子沙冰咁。佢落勁多提子，所以提子味好出，加埋淡淡的茶都唔錯。不過個弊處就係佢勁多提子皮，係每啖都有🙈 我就覺得好似有嘢痴呀唔太舒服。所以麻麻地🍇皮。-回頭的第二次，我已經試埋伯爵朱古力堅果奶蓋茶啦，呢杯要$46真係幾貴🥴

呢間人氣嘅茶飲店NUTTEA位於鰂魚涌港島東商業區，頗受OL歡迎，原因係呢度嘅奶蓋唔係好似出邊一般嘅茶飲店用奶精或用鮮奶製作～～用上5種不同嘅果仁所製成嘅堅果奶，堅果奶用上嘅果仁包括左杏仁，核桃，榛果，夏威夷果仁同埋腰果。我哋呢次叫左兩杯分別係繽紛火龍果堅果奶蓋茶同埋草莓堅果奶蓋茶，店員落單時會細心詢問不同嘅甜度同冰度，而有啲則固定甜度和冰度係因為想做到令客人滿意嘅口感和味道。先講士多啤梨，茶底有勁多果肉，好好飲 再加埋個奶蓋好正奶蓋好企身，而且超重榛果味，覺得好似食緊繽紛樂咁😂😂 至於朋友既火龍果，好清甜～ 呢度每杯鮮果嘅茶飲都係用上新鮮嘅生果打磨出嚟，有著天然嘅味道，而呢度嘅糖都係自家熬製而成，無任何加工，突顯出茶飲嘅完美口感和味道。

來自台灣嘅Nuttea，標榜天天新鮮研磨，以杏仁丶合桃丶夏威夷果仁丶榛果丶腰果五種堅果製成的純素堅果奶，配埋新鮮水果調製，真正全素嘅茶飲！伯爵朱古力堅果奶蓋茶 $46每日限定100杯，見佢係店方推薦飲品，諗都唔諗就決定要試吓！根據建議飲法，首先要用特製鏟仔試吓奶蓋，質地厚實，似忌廉咁滑，朱古力味濃，仲有微微鹹香；再大啖飲啖Earl Grey，獨特嘅茶香，好清新；最後將奶蓋同茶攪均，飲落有啲啲似港式奶茶，果然係皇牌之選草莓堅果奶 $45招牌飲品之一，用新鮮士多啤梨製，打開蓋會見到士多啤梨果蓉，飲到少少堅果微粒，好香，好好味！飲完心情都靚啲！

自從quarry bay都開左gym之後就逢weekend都會嚟運動下，做之前嚟nuttea補充定protein是常識吧😻.叫左杯即整士多啤梨奶😍😍 士多啤梨味好出，酸酸甜甜嘅，加上十分順滑嘅堅果奶真係好夾☺️難怪咁多人叫啦😁.另一杯叫左奶蓋手沖咖啡！好耐之前系x記試過杯類似係超難飲😞點知nuttea沖嘅居然令我刮目相看呀！首先個奶蓋十分濃厚，帶咸香的，係mix之前飲一啖會感受到奶蓋同咖啡係口中相遇，撈好後飲更加smooth!! 🥳 下次一定要再叫嚟飲😻😻

《好堅嘅堅果奶茶💛》———————————————-#Nuttea 🥤- 呢間超人氣黃色茶飲店我諗無人會唔識，主打堅果製成既純堅果奶，非常健康，加以不同既茶底、水果配搭出不同口味，而且奶蓋濃厚而充滿堅果香🌰-因為做緊辦公室優惠，今次我同同事叫咗兩杯， 一杯係伯爵朱古力堅果奶蓋茶，另一杯係四季春堅果奶蓋茶，現場落單第二杯就半價，超級抵deal😍-伯爵朱古力堅果奶蓋茶係招牌產品，每日限售100杯！杯上面好貼心咁寫明飲法，先用小鏟子食少少上面既奶蓋，再45度咁連埋啲茶底一齊飲，最後再均勻攪拌，好有層次😎-加咗朱古力既堅果奶蓋好香濃，質地柔滑，甜而不膩，好似蛋糕上面既mousse。同事們就覺得四季春堅果奶蓋茶既茶味更加優勝，完全唔澀，甜度適中🥰-⭐ 參考價錢︰（已折扣）伯爵朱古力堅果奶蓋茶︰$46四季春堅果奶蓋茶︰$17🍌 抵deal 指數：8/10

第一次飲堅果茶係台灣飲，覺得好新奇，香味同口感都幾難忘，終於係香港都有分店🥰全素茶飲店特別之處係用五種堅果製成純素堅果奶，連奶蓋都係用堅果製造，素食者都飲得五種堅果分別係杏仁、腰果、合桃、榛子和夏威夷果仁，小店有水果茶、奶蓋茶、奶茶做配搭，價錢大約$35-$45左右，可以當做代餐，因為都幾飽肚🙈－－－－－－1.伯爵朱古力堅果奶蓋茶 $46季節限定每日100杯，100%純朱古力，冇牛奶冇防腐劑冇加工成份，店員隨飲品比左一支迷你鏟比我，食奶蓋用的，非常新穎同方便🤣堅果奶蓋上面加左可可粉，食落好似朱古力慕絲，綿密香滑，口感醇厚，仲有陣陣堅果香味，配伯爵茶沒有違和感，飲一杯真係可以當一餐飯😋不過如果加多點堅果碎口感會再豐富一點2. 四季春堅果奶蓋茶 $34四季春茶底味道都幾出☺️不過唔會好濃，入口溫和，奶蓋比例都幾多，上面仲會見到堅果碎碎，增加口感，奶蓋冇芝士奶蓋個款咁膩

並非第一次黎Nuttea, 今次想試生果而非茶類.  堅果奶蓋厚而充滿堅果香, 火龍果果汁本來就沒有什麼太大的味道, 所以跟堅果奶蓋混起來喝變得更好味~~Not the first time I tried Nuttea and this time should refer something fruity rather than just tea. The nut cream was very rich in texture and had a strong taste of nut. The dragon fruit juice was rather plain, I personally think it tasted much better after mixing with the nut cream.繽紛火龍果奶蓋茶 | Dragon Fruit Fruit Tea with Nut Cream  38HKD

這間小店位於鰂魚涌商業區的內街，裝修十分新淨，主打是手搖飲品。但不像台式那種用奶精，而是用五種堅果打出來的奶汁。店內的佈置十分高檔優雅，令人看著舒服。 也有一些企位可以和朋友在那裏談兩句。比起一些台式飲品只得一個店面落單來得舒服。店內擺設就像一個展覽館，在那裏介紹它的堅果奶是由什麼材料做成的。還有成品的擺設。餐牌選擇跟一般台式飲品相像的，有奶茶類 純奶類或純茶類。而且還可以選擇家庭裝的堅果奶。選擇是挺多的，不過我們昨天去的時候很多水果都沒有貨，有些可惜。為了健康起見，我還是點了兩杯熱飲。 一杯選了店員推介的皇牌飲品伯爵朱古力堅果奶蓋。而另一杯本身是想選香芋珍珠的，但怎料沒有香芋也沒有珍珠，所以選了另一個代替品寒天椰子水，感覺是有些驚喜。寒天椰子水裏的寒天份量十分多，椰子味道比較淡，但堅果奶的味道非常濃郁。還好像會飲到少少堅果的渣，感覺健康。 伯爵朱古力奶蓋上面的奶蓋是堅果奶做的。 厚厚的棉滑非常，而且有少少鹹鹹的味道。再加上朱古力粉非常濃郁好味。底下的伯爵茶味道不會太濃，應該有再加上堅果奶。伯爵茶加上奶蓋一起飲下實在是十分美好的口感。

之前講過依間野飲舖頭會好好味，好味到我要寫食評去讚佢。今日同開朋友食飯，去鰂魚涌食，所以就順便買埋。今次叫左兩杯新野😂😂😂貪新鮮嘛，叫左一杯仲有一杯朱古力榛果堅果奶。唔使好耐就已經整好👍👍堅果珍珠奶茶有別於一般既珍珠奶茶。佢係有果仁味道，雖然唔係好濃，但就有與別不同的感覺。而珍珠就係彈牙，飲完杯嘢仲有好多珍珠淨。係咪好抵先😂😂😂朱古力榛果堅果奶超香！身為朱古力愛好者，我上次飲完個杯伯爵茶朱古力奶蓋就梗係試埋其他新嘅朱古力口味飲品啦！一杯朱古力榛果堅果奶，帶比大家唔同嘅感覺。首先，佢嘅朱古力好濃郁味道，加上榛果，又可以將杯嘢飲推上另一個層次我真係好少飲到好飲既野要出po，佢又成為了我最鍾意嘅飲品舖了😍😍😍

呢一排都一直係work from home 好少出街 更加冇返公司 今日要開始返公司勁眼瞓勁唔慣lunch time跟同事買完外賣後 行經呢間堅果飲品 之前都未飲過 今日要飲返杯茶鬆一鬆我叫咗伯爵朱古力堅果奶蓋 個奶蓋好厚身好creamy飲完都幾飽 好濃烈堅果味 果然幾足料我同事就叫咗紅玉堅果奶蓋個茶底幾好飲夠清香 配個cream又夾 吳會膩 鋪內有個小小空間做影相位幾好 附送埋呢個鏟仔畀你食啲cream 幾cute多款茶底可以揀

好多人平時都好鐘意出街買杯野飲，我都唔例外。不過平時街上多數係啲好甜既珍珠奶茶，好唔健康。今日經過鰂魚涌既時候比我發現呢間專賣堅果飲料既飲品店。佢呢間店最出名係堅果奶蓋，亦都有堅果奶，感覺好健康。同埋我平時係勁鐘意食nuts既，完全岩哂我。佢啲野飲全部都勁吸引，我同朋友一人點左一杯野飲。佢呢度有好多唔同選擇，包括有堅果奶蓋茶、水果茶、冷萃茗茶、堅果奶·茶、堅果奶同埋手沖精品咖啡，包有一款岩口味！我點左一杯宇治抹茶堅果奶蓋茶，呢杯野飲真係冇得彈，濃香既抹茶上面蓋全住豐厚既奶蓋，我鐘意唔用飲管就咁飲，咁就可以一次過飲到抹茶同埋奶蓋！堅果奶蓋比起出面既芝士奶蓋冇咁滯，飲多啲都冇罪惡感！朋友點左火龍果堅果奶，好特別既野飲，好味又健康！

珍珠奶茶店成行成市，單是香港已有不少過江龍進駐。個人非常喜歡台灣全素茶飲店NUTTEA的堅果奶茶。味道新鮮之外，亦較為健康。Nuttea主打5種堅果(腰果、核桃、杏仁、榛果、 夏威夷果)製成的純堅果奶，奶蓋厚而充滿啖啖堅果香。加以不同的茶底、水果配搭出不同口味的全素飲品，純素素食者一樣可以飲到。隨飲品附送一個可愛剷狀匙羹，方便大家一羹羹品嚐奶蓋。作為堅果控，個人十分喜歡NUTTEA 的口味，十分推薦。