NUTTEA (海光街) (已結業)

講起堅果奶，我都係去旅行後先識呢樣嘢。香港依家都開始有products, 但手調飲品或咖啡店就少d會用個日同朋友行過，覺得裝修幾靚，而且用我好耐無飲嘅堅果奶！ 即刻一人一杯試試佢真係好多款，睇到眼花撩亂。個日我哋放假，所以就無叫咖啡。我呢個熱愛朱古力同伯爵茶梗係叫咗大熱伯爵朱古力堅果奶蓋茶伯爵茶非常之香，朱古力奶蓋亦都唔少！濃濃嘅朱古力奶蓋配上淡香嘅伯爵茶，超級好飲啊朋友叫咗香蕉燕麥堅果奶，都超級有驚喜啊！香蕉味係真嘅，唔假！就算加咗燕麥都飲落非常之滑 以後我又多個選擇啦~

公司附近開了間飲品店，主推堅果奶蓋，常常經過都大排長龍，今日終於和同事可以試一試店內雖然沒有座位，但裝潢光猛，給人有乾淨的感覺飲品都可以自己選擇甜度和冰的份量，想健康一點當然是少甜少冰我和同事每人點了一杯飲品，大概5 分鐘便可取火龍果堅果奶賣相非常討好，滿滿少女心的紫紅色。堅果奶是沒有奶精的，份外健康。再配上紅肉火龍果，非常適合我們少吃生果的OL手沖咖啡奶蓋即是齋啡再加上招牌堅果奶蓋奶蓋非常非常濃郁，而且真的有一粒粒堅果粒，非常有口感。配上齋啡是出奇地夾，咖啡中和左奶蓋的腻感，咖啡豆味十分香濃終於可以試到鰂魚涌名物之一的堅果奶蓋，真的一試難忘，值得一試

呢間主打堅果奶嘅茶飲店，我就久仰大名，今次終於黎見識下。呢度嘅奶蓋係用左多款果仁，包括杏仁、榛子、核桃、腰果、夏威夷果。包括堅果本身各種營養，完全無奶嘅成分，奶素者都適合，又營養豐富。今次揀左兩款季節限定飲品。伯爵朱古力堅果奶蓋茶（$46）呢款原來攞過獎，係台灣奶茶節特色飲品金賞！本身奶蓋打入左朱古力粉，好香，朱古力口味又唔會過甜。本身伯爵茶又酸甜帶橙香。本身奶蓋非常厚而實淨，飲茶嘅時候唔係好飲到奶蓋，要用呢度嘅迷你鏟畢起。芒芒堅果奶蓋茶（$42）加入原塊芒果嘅茶，奶蓋則係原味。芒果嘅量好多，啖啖肉，好juicy，將堅果奶蓋完全攪入去，變成芒果奶昔，都好正架。

夏日炎炎，行出街點少得一杯手搖飲品。啲人成日都話珍奶飲得多無益，但唔飲又好口痕啫？好在呢個世界有NUTTEA! 簡直係我呢啲飲手搖飲品成癮但又怕唔健康嘅人嘅救星。行入舖頭，見到林林種種的嘅飲品選擇，好似同一般珍奶店無異，但你睇真啲，會發現呢度啲奶其實係大有來頭，原來佢係由五種堅果打出嚟嘅，而呢五大堅果包括腰果、核桃、杏仁、榛果、 夏威夷果，一見到就已經覺得好健康喇。同我一齊嚟嘅Vegan 朋友更加係雙眼發光。一場嚟到，梗係要試吓名物「伯爵朱古力堅果奶蓋茶」啦，每日限定100杯架咋！杯嘢好搞笑，隨飲品附送一個剷型嘅匙羹，原來係用嚟俾你𢳂面頭啲奶蓋食。呢個奶真係不得了，滑得嚟又香，絕對唔係一堆泡咁簡單。堅果奶同朱古力嘅可可味簡直係絕配，𢳂𢳂吓，好似食緊雪糕咁。再飲啖茶，一飲，溝埋個奶，香滑過絲襪奶茶，好好味呀～朋友就鍾意果茶類，佢呢度都有好多堅果奶MIX生果嘅選擇，佢點咗杯草莓堅果奶。個樣就夠哂夏日感覺喇，至於味道方面，味道好清新，有啲似飲緊奶昔，但就唔會覺得好漏。MENU上面其實仲有好多生果可以揀，唔鍾意甜嘅仲可以揀微糖（好似我朋友呢杯，就係微糖喇。我覺得接近原味得嚟又唔會太寡，啱啱好）

今日經過鰂魚涌去太古坊做野忽野比我發現到油站隔離有一間新既手搖店！仲要好似一直都未試過😂 佢呢間鋪係主打健康既nuts奶蓋！同傳統既奶蓋吾同！比較健康同埋無咁肥！ 我同同事一人叫左一杯 share一齊飲！我同事果杯就係伯爵朱古力堅果奶蓋茶！每日限定100杯一拎上手已經發現到佢個奶蓋同一般既吾同！望落去好綿密😆😆feel到一定好濃郁既味道😛一飲落去係勁濃既朱古力奶蓋味！入完口之後仲會feel到一陣淡淡既堅果味！比起其他所有既朱古力飲品都要濃烈😍😍朱古力狂好者既人一定好岩！除此之外！伯爵茶既茶底真係好香！店員係你落order之前都會好細心問你需吾需要微甜或者走甜！岩哂一班貪吃又怕肥既OL🤣另外一杯就係我叫既繽紛火龍果奶蓋茶！我個人黎講就比較偏好呢一杯👅👅一黎個奶蓋味道比較清新！又有啖啖濃郁既nuts味🖖🏼係奶蓋上面仲有一粒粒既火龍果肉！夠哂層次感😍濃郁既奶蓋配招上清新既火龍果果汁！真係襯到絕！絕對係消暑既好方法🐽🐽

見到呢間店既奶蓋係堅果奶，感覺好似比其他店既奶蓋健康d，於是問朋友一唔一齊試下。點知佢即刻同我講Nuttea係會飲上癮既，因佢已經飲過好多次，話好好飲喎！令我更加期待！😋我第一次飲，所以揀左有三粒星推薦既伯爵朱古力堅果奶蓋茶，另加藜麥; 而朋友就揀左草莓堅果奶蓋茶每杯都有一個鏟，用鏟食奶蓋真係好正，又rich又滑，好邪惡啊！食完一啖又一啖😋食到後尾就撈埋伯爵茶一齊飲，好正！因為奶蓋唔會超甜，又有少少咸味，飲完唔會覺得個胃好’濟‘！nice!😬雖然呢度無得坐，但有位可以比客人同朋友企住，望住馬路食，傾下計咁，店入面既裝飾都幾靚，所以整體感覺都幾chill～下次會再同朋友一齊試下其他味！😬

/又到左接男朋友系列😌佢話依頭有間好正既飲品點，我地就去左試😂去到發現原來好耐之前係飲過佢既飲品！到依家都好記得😍..🥤繽紛火龍果奶蓋茶 $38係用紅肉火龍果呀🤩紅肉比白肉更甜架😋上面有好濃厚既奶蓋🥰佢既奶蓋仲要係由nuts組成🤩完全岩晒啲果仁控😂佢既果汁就微甜都好夠🙈.⚠️依間分店都有好多打卡位‼️仲要有一個空間比我地飲晒杯野飲先走，完全岩晒依家既疫症時期，唔洗邊行邊飲💯.📌五大堅果🌰缺一不可❗️

喜愛放假行街嘅時候買杯飲品飲。除咗常去嘅連鎖咖啡店之外，我哋都鍾意發掘下其他小店。這日行過呢間舖頭，見到第二杯有特價，所以吸引咗入去試一試舖頭嘅裝飾幾得意。睇餐牌先知道，原來佢哋嘅飲品係不加牛奶，主要係堅果奶。原本想要朱古力奶蓋，但應之前太多人點這過，我哋晏晝五點嘅時候已經賣晒。我哋叫咗：香芋堅果奶我哋點左兩杯飲品也是微糖少冰，飲落去堅果好足料，飲到唔同嘅堅果碎粒，好有口感。芋頭令飲品更杰，飲完之後好有飽肚嘅感覺。朱古力榛果堅果奶朱古力味道香濃，榛子味都好出，配合埋其他堅果都夾。相比起剛才香芋嗰一杯，依杯會較稀，視乎唔同嘅人鍾意飲嘅質感係點再選擇。整體來講，這間店的飲品味道都幾多，而且配合得幾好，材料也較健康，感覺都唔錯！

最近公司搬左去鰂魚涌，要發掘下好味又好飲既餐廳，俾我發現左呢間以「堅果」為主題的飲品店，齋睇manu 簡介都覺得好吸引，佢主要有堅果奶蓋茶同堅果奶茶😍😍😍😍今次就試佢個紅噹噹既火龍果堅果奶蓋茶，而朋友就叫左杯苿莉堅果奶蓋茶。我杯火龍果紅噹噹好吸晴，厚厚既堅果奶蓋😍😍😍佢好細心俾個「鏟仔」你食d奶蓋，未飲之前要試試濃濃堅果味既奶蓋，真係好香既味道，i like it😋😋😋 再試埋個火龍果茶，因為佢係微甜，所以唔會好甜，飲到淡淡火龍果甜味😛😛呢度仲好細心解釋點揀個甜度同冰度👍🏻👍🏻👍🏻好有心思既declaration 💛💛💛呢間飲品值得推介👍🏻鍾意堅果既更不能錯過

呢間堅果奶蓋想試好耐啦(๑•̀ㅁ•́๑)✧ 新蒲崗同觀塘都有分店🤓 不過佢分店嘅位都唔近我🤣 舖頭幾大 裝修又靚 仲有一兩個位可以坐😆❣️四季春堅果奶蓋茶 $34最安全嘅選擇(⁎⁍̴̛ᴗ⁍̴̛⁎) 奶蓋嘅份量多到驚人😱 真係勁少會有1/3杯都係奶蓋🤩 好開心🥳 杯口好大個位同埋會比隻鏟仔畢奶蓋😆 堅果奶蓋好特別好好飲💯佢用咗幾款堅果所以好香 好綿密 鹹甜適中 加埋微甜嘅四季春 好享受🥰不過由於佢太厚實 所以唔係好溶到落茶度👅 好推薦大家試吓👍🏻٩(˃̶͈̀௰˂̶͈́)و

手作飲品應該已經成為咗好多茶餘飯後嘅飲品，而且喺香港真係越開越多所以質素上真係難免會出現好多嘅競爭奶蓋一直都係一杯嘢飲嘅靈魂， 尤其是奶蓋會係喺飲品之上所以第一啖就已經可以試到究竟奶蓋係主角定係茶先係主角而呢一間主打用堅果打做新穎嘅奶蓋就真係第一次試甚至係第一次聽，可能係奶蓋比大眾嘅感覺都係比較肥膩嘅嘢所以加啲堅果落去就會叫做健康啲姑且勿論呢一個諗法係唔係正確但可以肯定嘅就係呢一度嘅奶蓋真係做得非常之好，我自己就試咗伯爵朱古力堅果奶蓋茶，顧名思義即係上面嗰一層就係用朱古力堅果奶蓋而下面就係配合伯爵茶首先整出嚟已經係一杯好有水準嘅飲品而且最特別最特別嘅地方就係店員會比一支小匙羹你目的就係要你不左嚟食先，點解呢因為呢一度嘅奶蓋係做到夠晒硬，唔係淨係用嚟同啲茶混合， 仲可以食㗎真係淡淡都係滿足❤️❤️❤️❤️❤️❤️❤️伯爵茶清淡而不失餘韻，就算配合咁濃嘅朱古力奶蓋之下亦都係嗰一啖嘅末段開始滲透伯爵味，一切都係由心而發嘅感覺， 甜度亦都啱啱好，大熱天時最適合就係用嚟解渴而且係有健康性嘅解渴👍🏼👍🏼

NUTTEA想試尼間野好耐架啦之前一直都有聽到尼間野但係都唔就時間唔就腳今日去灣仔做廿四孝男友女朋友請我飲佢尼度有show到佢用既五種堅果你見佢尼度已經講明每日限定100杯伯爵朱古力堅果奶蓋茶唉我去度佢話已經賣晒啦😭😭😭下次黎真係要早啲黎試一心想試 有點失落佢display左幾款奶蓋都好attractive《朱古力力榛果堅果奶》$38Chocolate Hazelnut Nut Mylk $38第一次飲堅果奶真係每一淡都係好有堅果味個口感係幾full不過可以再濃啲個朱古力味《香芋堅果奶》$38Taro Nut Mylk第一啖飲好濃榛子味而且好多芋頭蓉粒芋頭打到好綿同平時個啲香芋飲品唔同佢唔係好甜佢真係好濃芋頭味極度鍾意芋頭既朋友一定要叫啦😍😍

自從響美食展飲過一次nuttea嘅紅火龍果奶蓋茶之後，已經成日對佢念念不忘，因為畢竟香港雖然周圍都係茶飲店，但真係無乜係會用堅果嘅奶黎沖我平時對啲乜乜芝士奶蓋無乜好感，因為飲落真係好漏，但呢度個堅果奶奶蓋我係大力推介，必試！因為個奶蓋好香果仁味之餘，濃厚得黎又唔似芝士奶蓋咁漏，超正今次我同朋友分別叫咗個signature嘅伯爵朱古力同芒果，芒果啖啖都係果肉，好抵飲又清新! 朱古力雖然都好飲又係皇牌推介，不過飲半杯已經會好飽肚，個人都係中意水果系列多啲總括黎講，雖然nuttea價錢真係唔平，不過俾足料又好飲，CP value 絕對係高

炎炎夏日踏入小店，早已擠滿客人，果然名不虛傳💕只等了不足5分鐘，已經領到飲品～😍店員有附送小鏟，不過基於環保原因就冇攞了哈哈(´▽｀)堅果奶蓋有別於一般奶蓋，夠杰、醇厚，較凸出的味是榛子味，混集堅果碎，口感滿分！出色的堅果奶蓋並無奪去四季春的色彩以45度傾斜飲用，即可品嚐冰凍四季春的清香，一解只有奶蓋的膩。二者互補不足，確實缺一不可。*建議立即飲用，才可品嚐最佳味道呢！回頭度：⭐️⭐️⭐️⭐️⭐️

終於到星期五，可以輕鬆下。放工之後約左朋友食飯，食飯前黎左呢到飲番杯野。呢到地點好近鰂魚涌地鐵站，而且鄰近太古坊，放工時間一定會人來人往。Nuttea顧名思義主打用堅果，感覺好健康，之前都有黎飲過，飲品味道都好好。朋友叫左藜麥燕麥堅果奶茶，而我就叫左繽紛火龍果奶蓋茶。朋友話佢個杯好有口感，每一啖都會飲到好多層次，而且味道好香濃，充滿飽腹感。而我個杯火龍果奶蓋茶，飲落感覺好清新，配合埋上面個層濃郁既堅果奶蓋，味道互補，而且紅肉火龍果本身有豐富營養價值，比白肉火龍果更抗氧化，飲完無罪疚感之餘仲好似健康左咁🤣基本上飲完已經大滿足，晚餐只需食少少就已經好飽喇。平時就好鍾意周圍搵野飲，呢間既飲品好飲之餘，仲好健康，非常值得推介！