One More Hotpot 來一鍋 (已結業)

琴晚幫襯了銅鑼灣鬧市中的滄海遺珠-- 一間唔顯眼，不過食過番尋味的火鍋料理餐廳，味道、份量、款式都比出面好多火鍋店出色，絕不馬虎，值得推介！首先環境好闊絡，一個卡位坐6個人都唔會逼。仲有圓枱(大廳)、廂房，無論情侶拍拖或家庭聚餐都容易安排，視乎人數而定。酒水當然唔可以忽視。汽水啤酒任飲之餘，絕對不是是但但，好多外國款式揀！最重要一提，可以揀白酒、紅酒！我咗白酒因為火鍋有海鮮盤！湯底係「花膠螺頭雞鍋燶湯」我係湯底內夾咗6片大花膠出來！（圖中係其中2片）足料程度唔洗再解釋啦，好補好滋陰啊海鮮盤包括有殼鮑魚、龍躉肉、有殼青口、有殼扇貝、貴妃蚌、大蝦、象拔蚌(可惜當晚生蠔售罄)。每樣都好鮮甜好味，個鮑魚碌熟都成隻羹咁大！老闆果真大方！對於食肉獸來講，手切安格斯牛肉當然不少得。牛肉鮮嫩可口，味道濃郁，第一次食牛肉無點醬油已經覺得好好味！🤗仲有手工肉丸、手工餃子，份量一啖一粒，可以留肚食多幾款，啱晒女仔眼闊肚窄的心思！

見藥膳湯底就踩上去，上到去先知係任食，喺決定288定368既套餐時，好困難！娘子愛食海鮮，我愛吃肉，有同樣困難既，建議288,再加錢單點一款海鮮。半打原隻象拔蚌，對得住個價錢！湯底香濃！我地叫左人參烏雞，入面都有花膠，愛吃湯渣既人記得吃小許湯中豬肉！入口鬆軟！參味重，前期飲一啖湯，中期都可以飲飲，不過打完就唔好飲，相對上咸好多！好在2人入席，任食單點每樣野都係叫一碟就岀2件，食左唔好食既都唔會浪費好多，蟹柳係巨嗰隻，鐘意食挺身既蟹柳友能大滿足！美中不足既係脆鯇腩係脆鯇腩肉切片。食物質素好優質！新鮮！比較乾淨。飲品既選擇就見人見至，佢有紅白啤汽，我淨飲汽水，有凍同唔凍既選擇！款就差啲，不過滿足到9成人既！

朋友生日，一早book好位，慶祝慶祝，任飲任食火鍋放題！貪呢間店坐得舒服，任食時間長，任飲指定啤酒,紅白酒及汽水🥤。侍應主動遞上醬料。海鮮火鍋的湯底好有意思，湖南香辣牛坑腩鍋，冬瓜白肉卜卜蜆鍋、冬陰功海鮮鍋和喇沙海鮮鍋等等。濃湯派系中，花膠螺頭雞鍋、人參藥膳烏雞鍋、和印度椰子雞鍋等等。我們選擇了花膠螺頭雞鍋，用料精緻，實而不華，食完好滿足。手工豬肉釀鮮菇及墨魚釀豆卜等。都是位上的，食完唔夠喉。水餃、九菜餃、雲吞拼盤餃子自家製，隻隻都皮薄飽滿手打墨魚丸、豬肉丸、牛丸自家手打墨丸蝦丸新鮮，入口彈牙有口感兩款即炸響鈴和即炸魚皮，每次要「分秒必爭」，淥一淥，半脆口感好過癮。安格斯牛肉牛肉一望就知高質，帶鮮紅有油花而且脂肪同肉平均，輕輕煮8秒已經變色可以食用，食落肉質厚、嫩滑。西班牙黑豚豬，薄薄而片，好易熟，嫩滑唔鞋口。火鍋配料，美國肥牛，任食，肉質鮮紅，夠曬新鮮。啤酒🍻任飲，呢點係最吸引，還配埋冰凍啤酒杯，幾細心。整體環境服務質素都好好而且食物擺得好靚期間服務員都不斷幫我地加湯！同朋友傾計食野聚舊一流既好地方！

如果在銅鑼灣食任食火鍋，我都會黎呢間one more,個名好容易記😂今日一行4人，又食火鍋，呢間任食之餘，時間有2.5小時，岩曬我地呢班吹水友。呢度裝修以藍色為主，大大的卡位，地方很大冷氣充足，好乾淨而且坐得舒服，一入去已聞到好香的藥膳鍋味道，流口水。一坐入嚟侍應就遞上前菜辣木耳和手拍青瓜和調味料，調味料就自己揀，有生蒜 炸蒜 蔥 芫荽 辣椒🌶️等等價錢有368/位的海鮮火鍋，和288/位的藥膳火鍋，有朋友不吃海鮮，所以選擇了藥膳鍋。湯底有好多選擇，花膠螺頭藥膳雞鍋，人參雞鍋，姬茸菇藥膳雞鍋，韓式藥膳雞鍋等等，朋友建議選花膠，貴價嘛。一個價錢已包前菜，還有安格斯肥牛，西班牙黑豚肉，手工制手打丸類，新鮮炸魚皮，手工餃子🥟，即炸響鈴。還有其他火鍋配料無限任點。安格斯肥牛肉厚薄切得啱啱好雪花分布都好平均煮完既牛油甘香仲係到 而且入口溶化 好食！西班牙黑豚豬切到好薄，豬肉味濃 加上大大片 好抵食！花膠雞煲，好香的藥膳，湯非常清甜，半隻雞，雞肉嫩滑，煲左好耐都唔會鞋口。花膠是火鍋配料，可以任點，同朋友食了勁多，大大舊，爽到滑口。即炸嚮鈴，成把尺甘長，沒有油膩味，夠曬脆口魚片都值得推薦👍人頭位上的手

難得今天老爸放假，以往都是買海鮮在家裡自己做，但是今天要偷個懶，出去吃！銅鑼灣這家海鮮火鍋很隱密，在2樓，不仔細搜真的找不到。我們選了每位$368的海鮮任食任飲火鍋，主菜海鮮是每位一份的，其他配料任食。海鮮有魚片、鮑魚、青口、象拔蚌、貴妃蚌、扇貝和蝦。全部的個頭都不小，扇貝比我手掌還大，鮑魚煮完也不會大縮水，新鮮，不會有腥臭味。湯底選了冬瓜白肉卜卜蜆，材料也不少，除了一大圈冬瓜和豬肉片以外，還有番茄n塊、大蔥、芹菜、蟲草花等等。即炸響鈴，好大的一卷，比我的手前臂還粗，吸了湯汁好好吃。即炸魚皮，這個真的要讚一下，魚皮應該是原條魚的，很大塊，炸得很酥脆，在湯裡泡一下還是很酥脆，而且吃起來有淡淡的五香味和魚皮本身的油香，推薦啊！手切安格斯prime grade牛頸脊肥牛片，油脂分佈很均勻，而且不會過分油膩，肉香足。手工墨魚丸、豬肉丸、流心牛肉芝士丸：丸類的水平屬於正常，並沒有特別驚豔，要注意的是流心牛丸是真的有芝士流心啊，會有點燙，咬開的時候會爆漿，要小心喔。手工墨魚釀豆卜：墨魚只有表面薄薄的一層，味道不太重。手工豬肉釀冬菇，冬菇新鮮很滑，豬肉的肉香很足。手工韭菜餃、羊城水餃、獅城魚尾餛吞：

見呢排無咁熱，嘆番個火鍋先！「 One More 來一鍋 」向來用料新鮮，火鍋配料又多選擇，最難得既係，除了一般飲品任飲之外，紅、白酒都係任飲，抵到爛！而且可以用餐2.5 小時，非常抵食！同朋友一邊食，一邊摸下酒杯底，慢慢吹下水，真係人生一大樂事！！多款特式湯底非常吸引！最愛花膠螺頭雞鍋，真係超正超濃味！今晚來個花膠螺頭雞拼冬陰公海鮮鍋，一邊滋潤養顏、一邊酸酸味味，好惹味，一次過滿足2 種口味，大滿足！湯鍋本身已經非常足料，再加埋套餐既海鮮，新鮮肥美。安格斯肥牛，肉質鮮嫩，牛味濃郁。全部食材用料上勝，真係物超所值！！食海鮮最適合配白洒，雖然係任飲，但絕不失禮，白酒味道芬芳，帶少甜，好飲！！今晚呢餐真係好豐盛，好滿足！！

我本身係「邊爐友」，一年四季都鐘意「拾下拾下」。今晚約左best friend dinner, 第一次食 「One More 來一鍋」，非常有驚喜！！我地 2 個女人，梗係要叫個滋潤湯底 -「花膠螺頭鷄鍋」，大量花膠 （大大塊），螺頭同鮮雞件，真材實料，非常足料！湯底味道超濃郁，幾乎可以當湯飲🙊，真係好好飲我地order 左$368 既海鮮火鍋套餐，主菜海鮮（位上），非常豐盛，連鮑魚都有貴妃蚌、象拔蚌、扇貝、全部非常新鮮大隻！鮑魚、大蝦，入口鮮甜，啖啖肉，正！炸響鈴超巨型，好味！炸魚片，有鹹香，炸得香脆！手工丸亦絕不能錯過，一口size 剛剛好，彈牙爽口。當然少不了安格斯肥牛，紋理清晰，肉質鮮嫩！除了以上位上配料之外，重有多種其他配料任食。個人覺得質素高、服務好，絕對值得一試！

公司今天老闆萬歳請食火鍋，他帶我們去到銅鑼灣的來一鍋，不單止任飲任食，重有紅白酒飲，好少火鍋放題有的，店內地方都好大又整潔，座位寬敞。有二款套餐選擇，藥膳和海鮮火鍋套餐，可以自選其中一款。包鍋底、主菜、肉類、火鍋配料任食、飲品任飲。任食有多款選擇，有肉類、丸類、蔬菜類、飯麵粉類等等，任飲有紅白酒、啤酒和汽水。主菜和肉類是一次性的，如果再想食，可以參考收費類再加一些。，我和另一同事選了海鮮火鍋套餐，多種湯底中要了花膠螺頭雞鍋，湯底好足料，味道鮮甜很濃郁。主菜有大蝦、貴貴妃蚌、象拔蚌、龍躉肉、扇貝、青口、鮑魚，海鮮新鮮，鮮甜彈牙。另外還有即炸響鈴，超大條。即炸魚皮，手工製作的有墨魚丸、豬肉丸、韭菜餃、羊城水餃、墨魚釀豆卜、豬肉釀鮮冬菇、魚尾雲吞、流心牛肉芝士丸。每人一份，材料新鮮美味！多款火鍋配料任食，特長蟹柳、花膠等不要錯過喔！食完重有甜品送！

冬天打邊爐，夏天都打邊爐，一班人打邊爐，二個人都打邊爐！所以話呢，任何時候都係可以打邊爐嘅！海鮮套餐buffet$368（醬料每位$10/+10%)、有前菜，麻辣木耳和手拍青瓜，兩樣都好惹味，好開胃！湯底我地揀咗是是足料花膠螺頭雞鍋，湯底清甜入味，唔會好油膩。主菜則包括了一些手工餃、手打丸、手工釀冬菇和豆卜，樣樣野都好精緻美味，還送來一大盆新鮮海鮮，有蝦、扇貝、鮑魚、青口、貴妃蚌和象拔蚌，而其他火鍋配料係可以任叫任食，種類繁多，特別鍾意食佢嘅花膠，好軟滑又好有骨膠原嘅感覺。飲品亦都係任飲，有啤酒、汽水、韓國汽水、果汁、烏龍茶....成個雪櫃任你揀！連紅、白酒都有得任飲，真暢快！

呢間火鍋店完全係overrated。首先全部食物都好一般，三百蚊一位可以有更好選擇佢最大賣點係任食，但其實只係表面上，牛肉只限一小碟。最離譜係可以連續漏兩次單，一開始坐低點完第一次，呆等左廿分鐘湯底都未黎先發覺漏單，再點第二次淨係黎左個湯底同啲跟餐食物（仲要黎得好慢），自選食物淨係黎左一碟其他全部唔見哂完來又漏左單食到最後因爲等得太耐都已經無哂胃口食落去唯一比較可取就係任飲飲品選擇多，但食物方面都普普通通炸響鈴好難食，賣點只有大條，一d都唔香脆，絕對唔係即炸，兩條仲要唔同顏色牛肉普普通通，唔好寄望會有上等牛肉所有蔬菜都唔係好新鮮，睇落去霉霉地，黎到我都唔敢食唯一好食係芝士腸同午餐肉

見個個人都話呢間野好抵食，所以一直都想來試試～於是擇日不如撞日，咁岩約到朋友響熱辣辣既天氣底下都願意陪我試下打邊爐。當然要好好把握呢個機會我地一坐低，店員已經比咗兩碟餐前小食，麻辣青瓜同雲耳都好醒胃，味道唔錯～我地兩個女仔想滋補一下，所以叫咗花膠紅棗雞肉湯底，見到d花膠大大舊，真係覺得好興奮，果然係真材實料，唔怪之d人話抵食而令我最驚艷既，一定係勁大勁新鮮既炸響鈴我咁大個人都無響其他地方見過咁巨型既響鈴，同個火鍋湯羹一樣長，絕對可以用黎打卡呃like最好既係，依個響鈴絕對係有姿勢，更有實際！有部分餐廳既炸響鈴可能會因為放得耐或者炸得唔好而有陣油溢味，但呢道絕對無呢個問題，食得出響鈴係新鮮炸起，脆卜卜又香噴噴除咗響鈴以外，其他配料都好有水準，地點又方便，絕對係gathering既好地方，值得一食再食

大熱天時打邊爐又有咩好怕喎！於是今日就揀左呢間位處於銅鑼灣鵝頸橋側邊既樓上任食火鍋 - 來一鍋 黎熱一熱佢。你可以揀價錢相宜既$288藥膳套餐又或者可以好似我地咁揀$368既海鮮套餐，兩者都可以食左兩個半鐘。話明任食，野飲都當然任飲，除左一般果汁、汽水同啤酒之外，竟然連紅酒同白酒都有得任飲。湯底揀左花膠螺頭雞湯，十分足料，最重要係夠哂滋補。海鮮拼盤係位上既，帶子、蝦、象拔蚌、鮑魚、青口、大蜆同龍躉片，份量十足。手切安格斯牛頸脊肥牛片，牛味濃郁羊肉片都唔錯全晚最驚喜就係呢個巨型炸響鈴，大到連過煲都差D放唔哂，連炸魚皮都比一般大件墨丸、豬肉丸，流手牛肉芝士丸、釀豆卜、雲吞、韮菜餃同水餃全部都係手工打造釀製，新鮮足料。最尾仲要每人一杯3.6牛乳布丁，香滑濃！總結：食物多元化，環境舒適寬敞。

收工同班港島fds食飯，有人建議去任食邊爐，search過見呢間地點就腳，中等價錢，就拍板book枱。叫咗個花膠螺頭湯底展開暴食之旅，首先出場嘅係海鮮拼盤。海鮮大大件，仲好新鮮，配埋清清地嘅湯底，夠晒鮮甜！花膠都係大大件，絕對係童叟無欺！呢度最特別嘅，係條手臂咁長嘅響鈴！影相呃like一流，不過要浸入鍋度，就有d難度！打邊爐梗係要有肉有丸，不過有d肉同手工丸再叫係要加錢，所以我哋只食咗一碟。主攻其他任食配料，如長長嘅蟹柳👍🏻飲品方面，雖然賣點係紅、白酒任飲，不過我哋唔太鍾意飲酒，就轉攻其他飲品。大路嘅汽水、韓式罐裝飲品都有，但不得不提嘅係有一堆冇雪凍嘅汽水放喺枱上面俾你揀，啱晒啲唔鍾意飲凍野嘅OL ！

今日朋友介紹銅鑼灣火鍋佢話紅白酒、啤酒任飲聽到已經好開心🤣因為我都好鍾意飲白酒！地方非常合我心意座位非常寬闊，兩個人都會比張卡位！冷氣勁夠所以食得好舒服，Relax行先！有兩張菜單都研究左一輪分368及288兩款主要分別原來多咗個海鮮盤最緊要兩款都係白酒紅酒啤酒任飲🤣🤣🤣其餘菜式差不多一樣一嚟到已經開始飲白酒非常容易入口，夠晒凍😆已經好滿足！☝🏻花膠響螺燉雞湯底非常正及濃，可以飲咗個湯底然後先打邊爐☝🏻海鮮拼盤有蝦、厚魚片、帶子、青口、大蜆都非常新鮮！☝🏻牛頸脊肉片非常鮮味，值回票價！☝🏻雜錦拼盤我好鍾意個size細細粒味道都OK，墨魚丸最正！☝🏻響鈴炸魚片響鈴好鬆脆，自家製同埋有韓國啤酒任飲！整體：食物質素非常好，加埋紅白酒，加埋個卡位，值得推介！👍🏻

任食邊爐幾時都係最抵食同埋食得最飽嘅！今次去咗銅鑼灣嘅來一鍋食，果然冇令我失望呀！ 任食有分有海鮮好同冇海鮮，我梗係食個有海鮮架啦，都係貴$100咋！我哋叫咗個小辣嘅麻辣湯底，其實唔算辣，但係個鍋一上來嘅時候已經聞到好香好香嘅麻辣味，即刻口水都流埋😍而且個湯底好重味，啲食物就算唔使點豉油都仍然好夠咸，超級惹味🤤個響鈴係按人頭上嘅，見到佢係即炸嘅，超級大舊，返落去就吸晒啲湯底，好好食啊😍😍肥牛真係打邊爐必叫嘅！呢度啲肥牛真係好正，脂肪分布得好均勻，咬落有淡淡肉汁又唔算肥，仲好林添😋啲手工餃都好好食，勝在全部細細粒，可以留肚食其他野😆重頭戲梗係海鮮啦，佢海鮮有好多款，有啲都叫唔出個名😂而且全部都好新鮮，好好食！仲要一次有咁多款海鮮，啱晒啲鍾意食海鮮嘅人，可以食到飽啊😍