OUC……

营业中

休息中

本身同朋友起大角咀食完飯去酒吧飲杯野突然醒起個政府要人做檢測先可以入酒吧正當放棄之制 行經富貴街見到間餐廳做緊生蠔promotion只要開一支酒加$10就可以有一隻法國生蠔(最多4隻)啱晒我哋食飽飯過嚟chill下 法國蠔甜帶礦物味 絕對值得推薦 最後一支白酒加4隻蠔 埋單400 真心覺得抵我見佢仲有一個set係12隻生蠔配一支指定白酒價錢都好吸引 下次會再嚟試下😋睇menu呢間餐廳仲有生啤同好多小食供應 起依家酒吧咁多限制下 絕對係一個不錯嘅選擇

. 約個朋友係屋企附近傾計食飯，呢間係個好選擇. 餐廳有多款日式串燒，用黎送酒一流，今次淨係食飯就少少地叫左鹽燒手切牛舌串試下厚切牛舌好大塊但完全唔靭，經燒後外層有炭燒味. 韃靼生牛肉 配多士呢款小食唔似一般做法，佢既生牛肉粒有埋酸瓜粒同紅蘿蔔粒，加上鵪鶉蛋香，味道層次豐富，多士細細塊可以一啖一口，細心位黎. 慢煮加拿大戰斧豬扒 講到斧頭豬扒，你可能會驚煎完中間唔熟又或者煎到質鞋颯颯，所以餐廳用慢煮方法，豬扒肉林又入味，配菜仲有烤過既蔬菜同埋薯蓉。

星期五收工同朋友去咗呢間OUC……度食野。呢度既環境幾chill，好適合放低工作壓力過黎輕鬆一下。睇完menu嗌咗幾樣野食，然後發現間鋪頭已經將d酒放晒係你眼前，寫埋價錢比人慢慢簡。頭盤小食嗌咗個牡丹蝦刺身同清酒醬油慢煮帶子。我就覺得個帶子比較好食，重點係佢個青酒醬油汁幾開胃。另外嗌咗份生牛肉配多士，少少酸酸辣辣既感覺，配埋多士食落好好味，認為係是日MVP。主菜方面就嗌咗一份帶子三文魚子黑松露意粉同埋瑞士汁豬仔骨。臨走既時候發現有個生蠔set 六百幾加一支酒，好似都幾抵食，下次再黎試。

上星期五有落雨，收工後同朋友想搵間餐廳食下野飲下野chill下，就搵到呢間氣氛唔錯既餐廳，呢到燈光唔會太暗，適合同朋友聚會一入去就見到餐廳有好多唔同既酒簡，有寫埋唔同酒既價錢因為我地兩個人，就試左兩個頭盤。牡丹蝦刺身同埋清酒醬油慢煮帶子。刺身都算新鮮同甜，清酒醬油第一次食，酸酸甜甜好開胃然後係生牛肉配多士，好新鮮既組合，好少食生牛肉不過呢個都幾好食，唔會有腥味，加埋多士岩岩好主食叫左帶子三文魚子黑松露意粉，黑松露味幾重好香，份量岩岩好仲叫左個推介既瑞士汁豬仔骨，呢個分量都幾多，仲有埋薯菜，食到好飽瑞士汁好特別，唔洗再點醬都夠味。呢到好岩同朋友飲下野傾下計，環境都舒服

成日聽講大角咀有好多情調好既西餐廳，今晚就揀左OUC....成個酒櫃n枝酒俾你開枝慢慢嘆慢慢傾，我朋友就叫左杯Gin tonic .韃靼生牛肉 配多士 $138生牛肉粒拌以酸瓜粒既酸紅蘿蔔粒既爽脆，作為開胃既小食好得.帶子三文魚子黑松露忌廉汁扁意粉 $138扁意粉用黑松露忌廉汁烹煮，香氣撲鼻，帶子目測係3L刺身級，大粒到一個點.慢煮加拿大戰斧豬扒 $258豬扒用慢煮方法令到肉質唔會鞋又鎖住肉汁，再以香草煎封四邊，令豬扒唔使沾醬汁都好夠味，配菜仲有烤過既蔬菜同埋薯蓉。

已深，簡單食少少嘢。留意咗屋企附近呢間酒吧餐廳OUC好耐，見菜式都幾特別，有D甚至以酒入饌，一於入去試下！小店座位唔多，但環境舒適，其中一邊係酒牆，好啱一邊食嘢一邊小酌幾杯。可惜呢排身體不宜飲太多，唯有先試試食物！燒美國牛骨髓($128)估唔到小店都會有燒牛骨髓食！即點即燒，店員溫馨提示需要等約30min左右。牛骨髓唔多肉，將牛骨髓嘅油脂塗抹在蒜蓉多士上，香香嘅油脂同脆口嘅多士味道好夾，配酒更加一流！香煎本土養殖本目鱸扒配羊肚菌，姬松茸，椰菜花蓉($188)超級推薦！鱸魚煎至表皮香脆，魚肉嫩滑，底下墊咗軟綿嘅椰菜花蓉，增添飽肚感又健康。我特別欣賞羊肚菌，姬松茸醬汁嘅配搭，菇味香濃，而且可以提升鱸魚嘅鮮香，好味！Mini Breakfast($88)晚上都有得食早餐！不過此早餐不同彼早餐，有鵪春胸包鴨肝及煎鵪春蛋配法包多士。雖然份量不多，但兩款都好特別！鵪春胸包鴨肝用上嫩滑嘅鵪春雞胸包住軟綿creamy嘅鴨肝，味道同口感都好有層次！煎鵪春蛋好迷你，造型可愛。鵪春蛋煎至邊位香脆，同香脆嘅多士一齊食，好惹味！

去左奧海城行街又呵想食商場嘅餐廳，近近地揾到呢間有蠔又有燒物，幾啱胃口同朋友試試。舖位唔算好大，但座位之間都寬敞，店員招呼唔錯。食左呢幾款:日本生蠔 $58/隻鵝肝醬配多士 $118慢煮加拿大戰斧豬扒 $258 咸蛋黃脆炸雞翼 $68鹽燒手切牛舌 $78 (2串)生蠔有幾款揀，日本生蠔算係中價位，每人一隻開下胃 🦪 滑溜鮮甜，忍手唔encore (生蠔是個無底洞😆)鵝肝配多士，鵝肝係一整塊，夠厚又軟滑，放上多士一掃就spread得開，肥美滋味✨戰斧豬扒係今餐最愛，慢煮鎖住肉汁，肉味濃郁，口感鬆軟，而且夠曬大份。對於鹹蛋黃有情意結，所以食左呢份炸雞翼🤪無失望，外皮裹滿鹹蛋黃，而且無剝落，每啖都惹味。牛舌厚切肉味濃，稍嫌燒得耐左少少🤏🏻整體黎講環境、食物、服務都唔錯，開心嘅一餐。

近近地去大角咀覓食，呢間OUC……酒吧餐廳嘅食物好有驚喜。餐廳一邊係酒牆，好有特色，有別於其他酒吧餐廳，餐廳座位不多，環境比較溫馨，可以靜靜傾計，毫不焗促！帶子三文魚子黑松露忌廉汁扁意粉（$138）意粉非常creamy，面頭放咗大粒厚肉嘅帶子，伴上晶瑩剔透嘅三文魚子，更添鹹香。意粉亦煮得啱啱好，唔會太淋，好惹味！店員推介串燒，點咗2款試下：燒雞皮($48/2串)雞皮簡單用鹽燒，火候控制得唔錯，唔會太乾，雞皮食落好有彈性又脆口！燒冬菇($38/2串)冬菇好juicy，調味唔錯。燒牛骨髓($128)牛骨髓燒過後，脂香十足，配蒜蓉多士一齊食唔單止冇咁膩，軟滑嘅油脂同香脆嘅多士都好有口感！好鍾意呢度嘅擺盤，好用心好靚！店員都好友善，值得推薦嘅一間小店！

開放晚市一段時間，終於可以約朋友見面。朋友在大角咀奧運站附近返工，所以揀了公司樓下的餐廳。原來附近一帶，很多高級精緻的小店，趁今個機會可以四圍行下，最後見到一間西餐廳，就被擺滿紅白酒的裝修吸引。 位於富貴街，即係匯豐大樓長電梯 ，一落去的對面馬路，十分就近朋友公司和車站。 走進店內，右邊擺放的酒牆十分誇張，好似來到高級美酒商店一樣，燈光偏暗，很有情調。 =日本生蠔 $58 (每隻)=每日新鮮的生蠔有幾款選擇，今日就點了日本蠔 ，海水味唔會太重，入口鮮味又夠滑身，不錯的口感。 =鵝肝醬配多士 $118=外表十分吸引，鵝肝醬份量多，入口juicy，唔會太鹹。啖啖鵝肝鮮味，配上多士口感更好 ，可以化解膩感。 =慢煮加拿大戰斧豬扒 $258=主菜種類有不少高級食材選擇，今次點了加拿大戰斧豬扒。豬扒的質素有保證，肥瘦均勻，嫩口味道，完全不會鞋身，而慢煮的方法雖然不會香口，但可以帶出肉汁豐富的味道，伴菜薯蓉，入口綿順，整體精緻又高質。=咸蛋黃脆炸雞翼 $68=雞翼口味有柚子金橘/咸蛋黃/燒烤醬等等，而咸蛋黃口感超滿足，炸得香脆的雞翼，加上厚厚的醬料，咸蛋黃醬不算肥膩，作為佐酒食物更完美。 =鹽燒手

隨住夜市限聚令解除，我終於可以出動狂食～呢一晚黎到出名多酒吧既富貴街，OUC......原來店名係包括有個省略號......好有趣下 一黎到俾佢個酒櫃吸引左眼球，睇黎做唔少熟客，好似好多朋友仔都會留低一兩枝名酒係度。 而我地坐底二話不說就叫左半打南非蠔。呢批蠔size不算大，但味道卻幾濃及新鮮。 第二味是酥炸池魚仔～炸池魚仔份量十足，食下食下我想有超過20條，好抵食。而炸粉十分之薄，1口半條，外脆內軟，雖然是魚仔，但啖啖肉，送啤酒一流。 然後再來一個酥炸大大粒墨魚咀墨魚咀新鮮炸起，質感非常意外地爽彈而不是韌，個人十分喜歡。這是炸物很難得既口感，值得推薦。 主菜是慢煮加拿大戰斧豬排豬排厚身多肉，夠熟之餘同樣爽彈，廚師用心處理，配菜薯蓉creamy。幾道菜都是回頭再吃之作～

生蠔選擇不俗，狀態好好👍🏽㨂咗支澳洲Sauvignon Blanc，果味濃郁，價錢合理。帶子三文魚子黑松露廉汁扁意粉，有驚喜，汁的黏度剛好，魚子同廉汁味道好夾，意粉質地彈牙，帶子火候亦剛好🥰慢煮36小時牛筋骨，醬汁惹味，肉質juicy但不會鬆散，配菜薯蓉亦相當有誠意👏🏾總結：餐廳氣氛夠chill，音樂選擇不俗，餐具有誠意，店員服務細心，食完生蠔不用提醒換碟，餐酒選擇足夠，食飯吹水一流🦪🍷😌

大角咀呢邊越嚟越多唔同類型餐廳進駐，即使係啲較細型嘅餐廳，食物質素都好有驚喜！今日同舊朋友聚會，去咗一間佢之前試過，食物質素唔錯嘅西餐廳，係奧運站C1出口一落電梯，行多幾十步果條街原來有幾多餐廳！一入餐廳右邊係成片酒牆，餐廳座位唔多，十幾個左右，環境相對寧靜唔洗四圍都係人，食飯傾計都無咁焗促呢餐好豐富：➺燒雞泡魚乾$108雞泡魚乾真係最佳小食，即燒即上枱熱辣辣又可口，沙律醬多到令人好滿意！➺香煎鵝肝多士配蕃茄沙沙$78賣相好靚，成件藝術品咁，最重要係件鵝肝上枱時係有温度，香濃夠味，入口即融！多士好脆，有口感！➺鹽燒手切牛舌2串$78好抵食！2串加埋有4大塊，醃得好入味，切件食都仲係啖啖滋味，彈牙爽口得嚟幾juicy！➺帶子三文魚子黑松露廉汁扁意粉$138魚子同黑松露份量唔少，意粉掛滿忌廉汁，好香好好味！➺瑞士汁豬仔骨配薯條，雜菜沙律$198豬仔骨好大塊，瑞士汁鋪滿肉面，價錢合理！個人覺得連金黑色嘅餐碟都好型格好有態度！

同朋友放完工特登嚟大角咀食OUC 西餐廳呢度有好多唔同嘅酒類，環境寧靜，氣氛很好適合同朋友暢飲一番🥂前菜叫咗雞泡魚乾，配酒一流鵝肝多士 多士脆卜卜，鵝肝好好味😋牛舌$78 兩串份量好多，煙韌程度剛剛好帶子三文魚子黑松露忌廉扁意粉🍝味道很好，黑松露配上忌廉再配上三文魚子扁意粉好彈牙瑞士汁牛仔骨配薯條🍟牛仔骨啖啖肉，肉質鮮甜配上瑞士醬汁感覺好特別醬汁同個牛仔骨好match薯條炸得好脆👍🏻整體感覺不錯，價錢不貴食物高質，下次可以同一大班朋友再過嚟

，開番堂食，約朋友食飯，佢話依間幾好試咗又真係唔錯喎！環境靚，見到鋪內好多酒，鍾意飲兩杯一定有推介。而食物質素都高質嘅，兩個人叫咗兩份頭盤帶子，一份本地魚扒，一份豬肋骨，覺得都幾大份(可能我哋細食)，因為配菜幾多而重點推介個朱古力熔岩橙酒蛋糕(朋友作)，無論幾飽都想食多個唔多解釋，試過就知，同埋橙酒可以揀落唔落，唔飲酒嘅人都可以食！雖然地理位置唔係咁就腳，不過香港地食飯都慣咗㗎啦，所以搵日值得再去！

今日訂咗呢間《OUC….》嘅浪漫西餐廳，店舖裝修以格調為主，環境優雅又寧靜，加上食物質素有保證👍🏻，所以比較多情侶💑到店！🦪日本/法國生蠔～＄328先點半打慢慢品嚐😌！果然，新鮮肥美！店內另一特色，就是有一個酒櫃牆🍷🥂🥃🍶🍸想暢談一晚👍🏻一定有一支合你心意🥰！🦀黃金軟殼蟹天使麵～＄138軟殼蟹皮薄外脆內軟帶微辣， 炸得好香口，口感亦好鬆化，麵底吸收哂蛋黃醬汁，加埋蟹子，層次提升不少！🐷瑞士汁豬仔骨 ＄198一睇就知惹味，豬仔骨面層沾滿醬汁，內裏肉質軟熟，配上熱辣辣嘅薯條和黑醋田園沙律又開胃，超滿足😊😊！