OUC……

营业中

休息中

Yesterday I had the chance to try Omakase in OUC & Childhood. The offer was 13 courses for only $988+ 10% per person which was really good value for money.The dinner started at 19:30 and the staff were so curious and welcoming. Kudos to Eric and Bobo. The courses started coming in and all were spot on in term of quality, variety and taste. I don’t get easily full after Omakase but this time I was . 13 courses for such a price was a bargain and I’m happy that I got it.All dishes were great but my

大厨用心製作，高質，好味。尤其是魚生，壽司生蠔，海膽，燒魚，牛肉，柚子雞翼，高質，好味，水準高。一般價錢，有以上水準，市場上較難預到有這樣食肆。樓下飲嘢傾偈，樓上可以包房唱K，沒切最低消費，值得介紹嘗試。正😀

今日咁啱經過大角咀，想同朋友坐低飲下野，見到富貴街有間蠔吧好似唔錯！於是同朋友坐低入黎飲下野，我本身對生蠔都好有興趣，呢間舖頭有幾款生蠔供應，配埋白酒仲有優惠 於是我地試左日本嘅「日之雪花」，大大隻好creamy! 呢度仲有大廚sammy，佢肥肥地好可愛，煮野食仲一流！原來佢西餐，鐵板燒，日餐都好有研究！同sammy 傾左一陣，估唔到佢都幾可愛，我仲以為大部分廚房佬都好惡添🤔 ...............

住大角咀既朋友果晚話帶我去品下酒、食下野😆👌🏻餐廳名幾得意🤣 呢度幾似私房菜既感覺，同埋真係有好多酒選擇！花多眼亂呢🤣脆炸大大粒墨魚咀 $78好耐冇食喇，配酒正！鹽燒手切牛舌 $78有兩串！每串有兩厚件👍🏻 唔錯呢！紅酒燴羊架配薯條雜菜沙律 $178吸引喎😍羊架又厚肉👍🏻同埋有好多薯條🤤食極仲有咁🤣值得一試！慢煮加拿大戰斧豬扒配薯蓉炒雜菜 $258呢個賣相都幾靚✨好大份！幾好食👌🏻雜菜新鮮、健康！

果日去開大角咀上興趣班，上完就同朋友search下附近食咩好🤣 最後我哋揀咗呢間餐廳試下～一入到餐廳就注意到個大酒櫃，好多選擇呀！岩晒愛品酒人士！好想飲番杯relax下🤣鹽燒手切牛舌 $78好厚呀！口感幾爽彈！好正既佐酒小食👍🏻脆炸大大粒墨魚咀 $78都ok，可以沾多啲沙拉醬邪惡下🤣燒煙鴨胸 $38味道甜甜地，好食呀！肉質幾好、幾juicy！慢煮加拿大戰斧豬扒配薯蓉炒雜菜 $258好大份！豬扒厚身！薯蓉又多又好味🤤食晒都飽肚👌🏻紅酒燴羊架配薯條雜菜沙律 $178羊架肉質軟腍、較多肉👍🏻兩個main既賣相都吸引😍打卡冇問題👌🏻同埋啲薯菜都比較豐富、有心機👍🏻

今日約咗一個住大角咀嘅朋友食飯，我一直認為大角咀無乜美食，我朋友話大錯特錯，並帶我嚟到OUC。餐廳比較細，但幾有格調。我同朋友不約而同叫咗來自意大利既craft beer🇮🇹，口感清爽配搭淡淡既大麥香氣，泡沫綿密細緻。飲啤酒當然要叫小食，我哋叫咗脆炸大大粒墨魚咀，墨魚咀真係好大粒，外皮香脆，入面嘅墨魚咀仍然煙韌。串燒亦係佐酒必食之選，自選串燒拼盤有雞肉煙鴨胸同雞軟骨。去餐廳嘅時候見到吧枱上面放滿新鮮生蠔，我地都叫左新鮮生蠔調酒，分別配上Bloody Mary同威士忌，各有特色，不過威士忌真係太濃烈🤣主菜係慢煮36小時美國牛肋骨條，味道有驚喜🤩，肉味香濃，加上36小時慢煮，肉質嫩滑多汁，加上配料薯蓉同蘑菇粒真係非常豐富。

今日繼續發掘大角咀美食，今次去左位於富貴街嘅西餐廳OUC。餐廳燈光比較昏暗，頗有格調。我地坐係吧枱，座位旁邊全都係酒櫃，每支酒嘅價錢已經寫咗喺酒樽上面，種類亦非常多，香檳白酒紅酒啤酒梅酒清酒一應俱全。- 脆炸大大粒墨魚咀第一次見咁大粒嘅墨魚咀，炸得金黃香脆，又唔會話好油膩。- 慢煮36小時美國牛肋骨條牛肋骨肉既肉味好濃，顏色粉嫩，經過36小時慢煮，肉質都幾juicy。旁邊嘅配料亦好豐富，包括秋葵、薯蓉、黃椒同蘑菇粒。- 自選串燒拼盤我哋揀咗雞翼、煙鴨胸同雞軟骨。煙鴨胸燒得幾香口，雞軟骨外酥內脆，以上兩款串燒各有兩串，不過雞翼只得一隻，調味適中。- 新鮮生蠔調酒兩隻生蠔分別配上Bloody Mary同威士忌。其中威士忌食法幾特別，職員建議先飲一半whisky shot，再倒埋whisky落生蠔一齊食，提升蠔肉本身既鮮甜。至於Bloody Mary配生蠔亦非常有風味，味道辛辣夠晒刺激。- House White Wine House white wine係Sauvignon Blanc，飲落非常resfreshing，酸度適中。整體而言，環境氣氛幾好，食物方面以牛肋骨條最突出，等下個月加人

大角咀高質西餐-OUC……Fb:下一站豬欄; IG@Pig7station奧運站附近其實都好多嘢食㗎😜小仙子同小🐷又周圍搵食啦，搵搵下去左試下呢間西餐，店舖以高椅為主，牆邊放滿唔同種類嘅酒，忍唔住叫咗支Moscato😙甜甜地易入口，另外點左:當日waiter介紹，有西班牙同法國既生蠔，忍唔住試咗兩隻😂口感唔錯，海水味濃，爽口😌慢煮36小時美國Short Rib $308: Short Rib好大份😂慢煮肉質淋之餘都有咬口👍🏻鹽燒手切牛舌 $78: 牛舌好淋入味，配上蛋黃醬拎味道更有層次，不過小🐷較鐘意厚切爽口彈牙個款😜鵝肝多士 $118: 鵝肝表面煎得好香，入面岩岩好，配上香醋，正🤤炸手工鮮蝦雲吞 $68: 雲吞炸得好香脆，鮮蝦夠爽，配上酸甜醬好開胃Overall都唔錯😙店內座位唔多，有興趣就記住預早book啦😗

今日同朋友黎到大角咀一間restaurant and bar食飯。餐廳入面擺放左一個好大既貼牆酒櫃，充滿住形形色色既紅白酒、清酒；加埋幾張高身嘅枱櫈，氣氛好chill，啱晒同朋友飲下酒食吓嘢🥳前菜方面，店員同我哋介紹左每日新鮮生蠔daily oyster🦪西班牙🇪🇸 Castillo 帶有咸香，食到陣陣既海水味法國🇫🇷 Mont blanc 比較鮮甜，可以食到陣陣獨有既蠔鮮味。配埋餐廳自家調製嘅醬汁，好特別。我哋嗌咗個「柚子柑橘脆炸雞翼🍗」雞翼數量夠，隻隻都好肥美，雞翼炸至皮脆，配埋柚子金橘醬，好開胃。「帶子三文魚子黑松露忌廉汁扁意粉🍝」我覺得呢個意粉最為驚喜，呢個忌廉汁我諗係加多咗少少🤏芝士嘅鹹香，令到成個忌廉汁口感更豐富，每一條意粉都沾滿住濃郁嘅醬汁，配合埋三文魚子，帶有少少海水嘅鹹香，成個意粉都配合得好好。「慢煮加拿大戰斧豬扒🐷」豬扒同樣好出色，又厚又大塊，一切落去已經感覺到豬扒好軟腍，慢煮完一啲都唔會乾，食落去好tender又帶點juicy，豬味好重。配菜方面都好有心思，薯蓉滑溜；加埋五顏六色嘅蔬菜，包括有蘆筍、秋葵、蕃茄仔，擺盤吸睛又健康。最後當然要叫返個甜品「蘋果金寶🍎」，

偶然發現一間喺奧運飲酒食野嘅好地方。食物款式非常之多，小至日式燒物炸物刺身，大至西試牛扒豬扒燒雞都有。叫左份脆炸雞翼（是拉差醬）$68辣辣地，炸得夠脆送嘢飲一流。推介燒雞軟骨 （$48 兩串）燒得香口，微微燒焦味，鹹鹹地，配埋沙拉醬好正。主食叫左三份卡邦尼意粉$108油膩感滿滿，煙肉炸得香脆可口，鹹香十足，意粉偏硬身，正中我喜好帶子三文魚籽黑松露忌廉汁扁意粉 $138帶子大大粒，用牛油煎到表皮小脆，肉質厚實。 三文魚子份量都多，配埋黑松露忌廉汁， 非常creamy,好食！香草牛油烤法國無激素春雞配薯條炒雜菜 $198薯條雜菜份量非常之多，炒雜菜除咗椰菜花菇，竟然仲有秋葵， 真係估佢唔到。 烤雞就正常發揮。身為螞蟻人，每餐都想食甜品揀左個未試過嘅玫瑰香檳果凍 $88外表好靚，好有美女與野獸嘅feel, 玫瑰花瓣同金黃色果凍感覺高雅。食落都重香檳味， 唔會太甜，算係一道輕盈嘅甜品。

今日經過大角咀夜晚收工諗住去搵晚餐落腳，跟住一直誤打誤撞咁樣，發現咗一間質素幾好嘅餐廳，一入到餐廳入邊服務員已經態度好好，好似一早準備等我哋入嚟咁。入咗餐廳嘅時候覺得環境氣氛好好感覺好適合飲酒嘅地方，好有情調。坐低咗之後，我就叫咗一個脆炸雞翼，燒雞軟骨串燒，卡邦尼意粉，香草牛油烤無激素春雞，薯條菜炒雜菜。首先講一下佢嘅脆炸雞翼先啦，咬落去口感呢非常之有嫩肉嘅感覺，但係外層係非常之可口鬆脆，咬落去之後好似會有汁咇出黎嘅感覺。口感非常好。 跟住就係佢嘅雞軟骨串燒，味道都係一流。肉質唔錯。黎遠嘅時候已經聞到佢香味。卡邦尼意粉，佢嘅汁亦都非常之濃郁。好配合意粉。牛油烤冇激素春雞，跟餐嘅時候已經配埋薯條。配料非常充足，雞肉肉感質感非常好，咬落去已經好Juice嘅感覺。好香口 讚👍至於薯條菜炒雜菜份量多整體用餐體驗良好推薦一試

一直都好想去試下呢間餐廳，位於大角咀，其實好鬼近地鐵站，本來諗住快快脆落地面開google map搵，點知一落去就見到佢。我係生蠔刺身愛好者！而呢間嘅生蠔未至於話有好多好多款，今次去就係有三款，法國 🇫🇷 西班牙🇪🇸愛爾蘭🇮🇪 ，而當中愛爾蘭嗰款生蠔，我係一定會返去再食！首先size嚟講都幾好肉，入口海水味係夠嘅，但又唔會好似吞左啖海水咁喊，鮮味剛好到位，味道幾creamy 老闆叫我地食完其他兩個地區，最後食呢款，應該就係咁嘅原因，食完成個口都係生蠔嘅鮮甜味，講起都想返去啪多幾隻。另外間鋪仲有啲特色玩法，威士忌配生蠔，同埋bloody mary浸生蠔，唔係講笑，都幾夾。不過溫馨提醒，揸車或者酒量極差既，點威士忌配生蠔嗰時要注意返，真係有一shooter 嘅威士忌架～bloody mary入口時小小辣，但係無後勁嘅，過一下癮又唔會令你keep住辣，幾爽同埋個味幾特別，好食的：）除左生蠔其實餐牌上面都有唔少海鮮刺身，例如珍寶帶子，海膽等等，不過各位訂位前最好訂定，因為餐廳唔算太大，為左保持所有食材新鮮，應該唔會預太多食材，訂定最穩陣，我就食唔到個海膽啦有少少失望，下次會訂左再去，但珍寶帶子

去開大角咀，其實成日都經過呢間餐廳，一路覺得佢好特別，因為好少餐廳有成幅牆都係唔同嘅酒。通常就算有啲餐廳放好多酒做display可能都係吉樽，仲要重重覆覆啲口糧紅酒，但呢間幾唔同，真係好多唔同種類唔同酒莊嘅紅酒🍷、白酒、威士忌🥃、香檳、清酒🍶……我都睇唔晒有幾多啦，反正作為愛酒之人終於決定入去食返餐！主食叫左一塊28天熟成牛扒，熟成過嘅牛扒一般嗌5成熟就夠，而相信鍾意食西餐嘅朋友都明白嗌5成係好多時最驚最後出嚟都變左7成，少少紅色都無埋，而呢間餐廳係都準確煮到我要嘅5成熟出嚟，唔會overcooked. 塊扒係肉眼嚟嘅，肉質同埋味道嚟講都偏高質，絕對唔係啲下價食材。另一方面，呢間餐廳其實都幾主打生蠔，首先佢地有唔同配酒食法嘅生蠔🦪，fusion嘢，值得一試第二度無。同埋都係講返飲酒啦，平平地嗌一隻house wine 兩份飲，咁啱又有優惠可以平平地嗌法國st martin生蠔，食下食下每人都啪左4 5隻。

呢間小酒吧係大角嘴一個隱蔽角落，一入去已經見到一排排酒擺晒出黎，感覺都幾chill～South Africa Oyster - 一嚟就整半打生蠔先，本身見係南非蠔都唔大expectation，但點知質素都好好，蠔味濃郁，海水咸鮮味湧晒出黎炸池魚仔 - 睇落都已經好靚仔，夠乾身又大條，入面好鮮嫩，真係食到唔停口一條又一條炸墨魚嘴 - 食落口個刻真係好驚喜，彈牙新鮮，個炸漿夠薄，點埋個蛋黃醬一流加拿大戰斧豬扒 - 個豬扒唔使講，做到剛剛熟又多汁，重點係啲配菜都好heart，薯蓉細密綿滑，加埋椰菜花、黃椒、冬菇呢啲蔬菜，可以平衡個油膩感，成道菜好完整Apple juice - 其實呢度好多唔同種類嘅酒，配小食好夾，不過可惜個晚自己唔飲得酒，就嗌左支蘋果汁，下次一定要啤啤佢！

本身同朋友起大角咀食完飯去酒吧飲杯野突然醒起個政府要人做檢測先可以入酒吧正當放棄之制 行經富貴街見到間餐廳做緊生蠔promotion只要開一支酒加$10就可以有一隻法國生蠔(最多4隻)啱晒我哋食飽飯過嚟chill下 法國蠔甜帶礦物味 絕對值得推薦 最後一支白酒加4隻蠔 埋單400 真心覺得抵我見佢仲有一個set係12隻生蠔配一支指定白酒價錢都好吸引 下次會再嚟試下😋睇menu呢間餐廳仲有生啤同好多小食供應 起依家酒吧咁多限制下 絕對係一個不錯嘅選擇