Outback Steakhouse (形點 I)

营业中

休息中

Since the company announced the closure of some “outback” restaurants, I’ve been visiting the one near me with my friends more frequently. It’s always bustling on weekends, and we usually have to wait about 10 to 15 minutes for a table. Last Saturday with no exceptions, as the place was packed again. Fortunately, we arrived early and got in line just before the crowd arrived. Since it was around 8 pm, I assumed the earlier diners have finished their meals, which opened up for more tables. To kic

今日趁放假同男朋友去咗Outback食飯，叫咗燒烤醬味豬肋骨🍖同燒雞肉芝士夾餅🧀🌮。豬肋骨煮得非常入味，燒烤醬味濃郁，啖啖肉唔會得骨，肉質嫩滑，非常惹味，絕對係一道唔會踩雷嘅招牌菜👍！至於燒雞肉芝士夾餅，芝士味香濃但唔會太膩，配上嫩滑雞肉，每一口都好滿足🤤！最特別嘅係佢哋提供任食嘅黑糖麵包🍞，熱辣辣嘅麵包配埋cream🧈，口感鬆軟，甜度剛剛好，真係停唔到口😋！另外，套餐仲包埋湯🥣同飲品🥤，性價比極高，埋單只需$300左右，真係超抵💰！Outback係一個非常適合朋友或者情侶聚餐嘅地方💑，環境舒適，食物質素穩定💯，特別推介比鍾意燒烤味或者芝士嘅朋友🔥🧡！

星期日同家人嚟食午餐，當日1：40後來到不需等位坐位靠窗，空間同景觀都好，唔嘈坐得舒服叫咗三個午餐lunch set, 包埋湯，黑糖麵包，主食同飲品，每個餐大概百五至二百幾元粟米忌廉湯，溫度唔夠熱，好彩唔會太稀，味道 ok, 湯料粟米粒都足夠黑糖包水準保持到，味道同質感都好，達到期望值好緊要茄汁海鮮意粉，汁多咗d，味道可以，海鮮同意粉份量足夠鷄肉芝士夾餅幾香口，薯條就麻麻地好食漢堡包質素正常，只係餡料太過濕，個包底都濕晒淋晒飲品只叫了凍檸茶，正常冇問題員工工作算有效率，服務態度就冇乜特別好或差性價比普通

🍝肉醬長通粉肉醬超級濃郁，醬汁和長通粉的比例剛好，長通粉亦煮得彈牙不軟。🌭🦞加拿大龍蝦包龍蝦肉飽滿，配上牛油烘包，底下有沙律生菜及沙律醬；薯片厚硬身，外國式風味，脆鹹脆鹹的；最後還有少量沙律減膩。

用餐時間平日晚上6時半，不用等候可直接入座。有匯豐信用卡優惠套餐，有2至5人份量套餐以供選擇。今次選擇了4至5人餐，吸引地方斧頭扒🤭套餐有：沙律 ，餐湯 ，併盆（雞翼，芝士著條），芝士薯仔 ，蝦意粉（有幾款選擇），斧頭扒。套餐另外叫飲品或甜品會有8折。每樣都好好食，而套餐我都覺得抵食，平日晚餐時間最好，由於 weekend 套餐會貴$200到,如果5個人食每人平均$350左右，都可以。平時散叫個斧頭扒餐牌上價錢都$1400多，因此套餐幾化算。有匯豐信用卡的不妨可以去食，當然都要睇下食物岩唔岩自己食啦，岩食都算抵既。

今日食評✍🏻Outback @yoho mall 1️⃣肉醬意粉加$18配餐湯&餐飲肉醬意粉都幾大碟賣相唔錯意粉又好有咬口醬汁夠多餐湯就一般但係杯熱咖啡就好好飲2️⃣散叫薯條🍟36相對抵食好多餐廳都要$40至$70薯條新鮮炸起，香脆可口不過最好味嘅都係佢跟餐嘅黑糖麵包🥖BB木製凳幾好坐有四枝蠟筆送俾BB食飯嘅時候畫畫🎨⋯⋯全單加一169無論大鋪小店我哋都會盡試盡講Follow我哋bw.foodie

今日食評✍🏻Outback@Yoho mall好多兒童餐選擇我揀咗意粉🍝、炸雞🍗腸仔、豬肋骨、薯條🍟配豆奶🥛炸雞🍗好好味😋香脆肉嫩腸仔ok豬肋骨醬汁有啲淡可能配合返小朋友嘅口味薯條ok最好味係餐包😏最開心係有兒童crayons 米豬都畫咗一陣畫🎨先食飯不過唯一可以建議改善位點餐嘅時候侍應見我點咗個兒童餐隨後問咗佢你自己食乜嘢？其實佢可以話『仲有冇其他order?』免得客人尷尬連加一埋單107無論大鋪小店我哋都會盡試盡講Follow我哋bw.foodie

我哋叫咗兩份slow roasted prime rib 都要 medium rare，嚟到除咗連個樣都望落乾到爆炸之外，仲要兩份都完全一定唔係所謂嘅medium rare。一切開見到竟然連入面都係咁乾爭爭，食落仲要好似煲湯瘦肉咁，每一啖都咬到個口好攰先吞到落肚，完全係為咗唔想浪費先食埋佢。然後個汁都唔同曬味，而家食落竟然同美極差唔多。明明係好多年前細個同屋企人排兩粒鐘都要食到嘅開心回憶，變成而家咁樣真係好可惜…

一行六人捻住据扒，家人提早5點半已經拎定飛，點知等到7點幾先入座，未食之前已經有不太愉快經歷。事源當時陸續有數張2六人檯埋單，係係未有叫好既情況下，有一檯客人入座，覺得奇怪，有禮貌咁向職員查詢叫號情況，但職員答唔知道唔清楚😅，真係聽到呆左，但家人想食就照等，但覺得職員對答上同等位安排可以再清晰D。黎outback 一定係食黑糖麵包，真係好好食，最開心係可以encore 再encore, 今次encore 左兩轉，黑糖麵包太好食啦。跟餐湯一般呢個蝦闊條面ok,正常發揮通常豬胺都好難出錯，呢塊ok,但可以嫩D叫左兩個唔同熟度牛扒，一個3成一個七成，兩塊都ok,算抵食仲叫左個risotto, ok 少少辣，幾惹味最後埋單約1500，人均250到，西餐食扒黎講算ok，但服務黎講有D混亂，可以改善，都係覺得最好食最抵食都係黑糖包

約了三五知己去吃下午茶餐，環境舒適清靜，最適合傾偈撮舊。每人叫了一個餐share食，有麵包有湯有主菜和飲品，麵包和飲品仲要係無限添。湯是青瓜忌廉湯，不油不膩，青青地，唔錯。*香煎蟹肉餅沙律～蟹餅淋淋地沒什麼口感，但沙律菜配柚子汁就非常好吃。*燒雞肉芝士夾餅～雞肉不錯。主要是個芝士夾餅好好味，滿滿的芝士，最啱我呢d鐘意食芝士嘅人，又香又軟。*燒肉醬味豬肋骨～骨多肉少，燒得不夠香，欠些火喉；但薯條就炸得唔錯。

形點這間區outbacks 週末週日經常午餐時間要在門外等好長時間。原因不單止是人多，也是因為人手不足所致。今天星期日11月12號，我們一行二人去到餐廳門口撳飛仔，我攞到58號飛，佢嗌到47號。之後我望入餐廳，發現好多吉位，全部都係枱面是堆積上手客人的碗碟，然後再望餐廳出邊嘅戶外嘅seats，與及吧枱，全部都一樣係上手食客淨落嚟嘅碗碟同埋食物殘渣。根本冇人執枱。我同門口比飛我哋嘅侍應講，我哋想坐出邊，佢話人手不足，出邊未有人執枱，跟住我話我哋等唔到10張飛，你有吧枱俾我哋好嗎？跟住佢話等陣睇吓有冇人得閒執吧枱。因為我好好禮貌，所以佢真係搵個人同我執個巴枱俾我哋坐，唔使我哋排隊。我哋大概用餐接近45分鐘便走，全程餐廳門外都係積滿好多個等嗌飛的人，而餐廳裏頭依然繼續好多未執枱嘅吉位。戶外嘅座位全部都係吉的，但係冇人執枱。人手不足的問題浪費了食客寶貴的時間。佢特登唔請人？定係請唔到人？

小編以前好鍾意食outback 每逢生日或者節日都去呢度慶祝🥳慢慢食落覺得食物愈黎愈普普 但價錢又愈黎愈貴😟今次再食直頭失望 唔想再黎😢黑糖麵包(free)Outback其中一樣出名的菜式非黑糖麵包莫屬黎呢度食野就會免費送🤤仲要免費refill真係可以食麵包食到飽🤭食落有淡淡的黑糖香味熱辣辣的麵包配上旁邊甜甜的cream好好食配湯食都一流不過今次食個包室溫個cream又唔夠凍冇左個種冰火交融的過癮😥美國紐約西冷牛扒 12oz - 黑椒汁($328)配是日餐湯/特色沙律+特色自選配菜x2本來想食肉眼扒 點知原來星期五六日5pm後先供應想食的朋友仔記得留意返啦😬先講價錢 比起以前簡直翻倍❗️幾年前食都係百幾二百蚊 幾抵依家貴左咁多 我當然對佢有更高的expectation至少要keep到水準呀我地叫左medium點知外面煎到好似全熟咁 好很難切🥴入面睇黎又好似五成未足Supposed應該有好多肉汁(esp我切得咁用力) 點知零肉汁 真係好失望😪調味除左好鹹我都唔知有咩好講兩個人唔想浪費都食剩一半🤧香草蕃茄海鮮意粉($168)+$10可以加配是日餐湯/+$30加配特色沙律呢個係好食嘅🫶🏻醬汁似

首先叫左一個二百幾蚊既美國禾牛牛油果沙律， 點知黎到， 件牛完全切唔開， 咬唔爛， 我已經叫左半熟牛， 但整件牛都係根， 而且完全咬唔到吞唔落， 牛油果一上枱就見到上而每一黐咗隻蚊，係一隻活生生嘅蚊，所以牛油果又食唔到， 至於沙律菜全碟都有銹黃色， 一d都唔新鮮。 叫左兩份兒童餐， 一份雞肉炒飯，另一份係肉醬意粉，首先雞扒完未全無味，而且非常之乾，好似食緊雞肉乾。最普通嘅肉醬意粉，上到嚟味道完全古怪， 識落口有一啲臭味， 似化學味道。 兩個小朋友只食咗三份一， 之後其中一個食餐飯後兩個鐘後出現嘔吐、腸胃炎跡象。最後，一個叫咗份芝士漢堡包， 此份漢堡包已經是整餐最好的一個，但是當中的漢堡扒可以說是完全沒有水份， 而且食落口會有一陣酥味， 令到你唔想吞落肚。餐廳環境，我們被編排到一個卡位，一坐落位已經聞到好大陣臭味， 似沒有清潔乾淨，或是有嘔吐物的味道， 令到我一坐落去已經即時想走。 餐廳員工服務態度奇差， 招手要求幫助， 但員工看到都當沒有看見一樣， 整體感覺奇差， 食物價格超貴食物語品質不相符性價比超低， 完全不值， 沒有下次。

相信大部份人都對呢一間西餐廳一啲都唔陌生～唔少人仲覺得黑糖麵包喺呢間餐廳嘅主菜🤣🤣我每次嚟到都自己一個啪晒成條黑糖麵包㗎！🍞每一次食黑糖麵包都會覺得outback可能係被西餐耽誤嘅麵包店🤣🤣講返正題先，雖然佢個黑糖麵包係好好食，但係大家都唔好忽略佢嘅主菜，其實都一樣性價比高！蕃茄餐湯🍅我哋嗰日去到嘅是日餐湯係蕃茄湯，一上枱就即刻心諗，唉應該都唔慌好飲😂點知原來估錯咗，呢個蕃茄餐湯唔會太酸，質地creamy，下次再食outback我會希望可以遇返呢一個餐湯🥰🥰凱撒沙律🥗呢個就正常發揮，沙律菜新鮮，不過就略嫌芝士同埋麵包粒份量唔夠多（其實沙律菜嘅份量都少🙈）燒肉醬味豬肋骨配烤雞（各半份）🐷🐔呢度嘅豬肋骨不嬲都有水準，今日都唔例外，肉質夠淋，而且調味適中🐖🐖～至於烤雞，我就覺得比較一般，除咗雞髀部份嘅肉質可以接受之外，雞胸真係比較鞋同埋乾身，味道亦都冇乜特別，呢個就有進步空間！順帶一提，呢一疊豬肋骨同埋烤雞嘅擺盤感覺略為遜色一啲，出嚟嘅感覺唔打卡able，細節位感覺上可以做得好啲～🙈🙈燒帶子煙肉白汁燴飯🥓🍛燒帶子原材料絕對唔係平價貨，食得出帶子有鮮味，絕對唔係冰封一萬年嗰種😂不過調味方面就偏

Suddenly craving for steak and american pasta, so decided to visit Outback where I haven't been to for quite a while. My previous experience in Outback wasn't quite impressing, but both the food and service were exquisite this time (maybe it's just because I didn't have really high expectation). Anyway, the 𝑳𝒐𝒃𝒔𝒕𝒆𝒓 𝑻𝒂𝒊𝒍 was so good that I wish I could have more. It was rich in the lobster flavor, tender and juicy. The 𝑪𝒉𝒐𝒄𝒐𝒍𝒂𝒕𝒆 𝑻𝒉𝒖𝒏𝒅𝒆𝒓 was really tasty too! Thought it would simply be a sweet tre