影片
更多
2019-02-20
838 浏览
聖誕食中餐，新年同情人節食西餐，一直都係我地兩口子嘅傳統。是晚大年初一黎到紅磡嘅呢間Outback，順便可以喺附近aeon買新枕頭。Outback近兩年似乎轉左手，似係變左某集團嘅餐廳，價錢貴左，份量少左，人情味都好似少左，冇左以前一有人生日就會想去outback嘅感覺，不過食物質素仍然係我會返黎嘅原因。order完後立即送上我最愛嘅黑糖麵包，加埋忌廉食，食極都唔厭，不過可能今晚人手少客人多，refill嘅黑糖麵包雖然已經提左幾次，但竟然到我地食哂所有主菜先送黎，不過都好，剩低嘅一半可以拎返屋企繼續回味。香煎蟹肉餅沙律係我地每次如果叫沙律嘅必然之選，鐘意佢有蟹餅又有菜，比單點蟹餅小食豐富。蟹肉好鮮甜，份量慷慨，沙律亦都唔馬虎，有牛油果、番茄、西柚同幾款菜，夠哂清新。美國紐約牛扒（USDA New York Strip）今次喺幾款牛扒之中捨棄經常會叫嘅rib eye，揀左美國紐約牛扒（USDA New York Strip）。牛味比rib eye濃少少，脂肪比例都唔錯，成件得大約5%有筋，medium rare岩岩好。配菜可以揀兩款，因為餐廳焗爐壞左，所有兩款焗薯都冇，叫左薯條同雞味飯。
Outback近兩年似乎轉左手，似係變左某集團嘅餐廳，價錢貴左，份量少左，人情味都好似少左，冇左以前一有人生日就會想去outback嘅感覺，不過食物質素仍然係我會返黎嘅原因。
order完後立即送上我最愛嘅黑糖麵包，加埋忌廉食，食極都唔厭，不過可能今晚人手少客人多，refill嘅黑糖麵包雖然已經提左幾次，但竟然到我地食哂所有主菜先送黎，不過都好，剩低嘅一半可以拎返屋企繼續回味。
香煎蟹肉餅沙律係我地每次如果叫沙律嘅必然之選，鐘意佢有蟹餅又有菜，比單點蟹餅小食豐富。
蟹肉好鮮甜，份量慷慨，沙律亦都唔馬虎，有牛油果、番茄、西柚同幾款菜，夠哂清新。
美國紐約牛扒（USDA New York Strip）
今次喺幾款牛扒之中捨棄經常會叫嘅rib eye，揀左美國紐約牛扒（USDA New York Strip）。
牛味比rib eye濃少少，脂肪比例都唔錯，成件得大約5%有筋，medium rare岩岩好。
配菜可以揀兩款，因為餐廳焗爐壞左，所有兩款焗薯都冇，叫左薯條同雞味飯。
雞味飯表現唔算穩定，有時會一舊舊比較乾，但今次又唔錯，幾軟熟，調味亦夠香。
薯仔係粗身薯條，夠熱，加埋茄汁食冇唔好食嘅理由。
跟牛扒嘅湯係薯仔湯，outback嘅湯係無敵嘅，夠濃厚材料又足。
已經冇胃口食甜品喇，不過農曆新年食西餐真係明智嘅選擇
张贴
