Paisano's Pizzeria

营业中

休息中

Had a massive pizza craving and ended up with a satisfying huge piece of pepperoni pizza. Delicious cheese and topping. The size is equal to 3 standard pieces and costed only $30! Definitely the to go place for a quick pizza.

放左學，又係要去為飽肚子時段，原來呢頭有呢間大pizza 食，好耐無食過了，終於有機會再食。叫左呢個夏威夷，呢度pizza係軟綿綿，好鬆軟，係可以卷起佢黎食，唔係個底脆個種，我反意仲意食呢種口感。 仲叫左份小食雞翼，有三只，好香辣，外皮超脆，內仲有好多肉汁，雖然感覺好熱氣，不過又好惹味，真係忍唔到口。

這個中秋假期中我們都是行山踏單車 ,吃唱玩樂，飲飲食食，食到底食韓式燒烤放題料理，沙田大排檔即炒即食,夠鑊氣，美味料足小菜，所謂米芝蓮竹升麵，又不外如是!平食地道濃郁綿滑粥品及日本任食任飲滋味放題料理！今午餐想小吃小頓，養肚保胃，休息吓肚皮再作戰，穿過馬路下天橋，見到一間意式薄餅專門店: Paisano's Pizzeria，即刻看看櫃面有各樣各款披薩選擇 !即買一塊來試食:Margarita.有意大利風味，酸酸味味，用料濃郁，夠食夠飽，美味可口，有些過韌皮厚，與大型披薩（薄餅）店比較好味特味，價錢適中，價錢大眾化，份量夠大, 享受意式美食！

意間既Pizza店係快餐店形式^_^當食同外賣都可以既^_^今日叫左個炸洋蔥圈，脆卜卜兩件Pizza 一個係夏威夷風情，一個係辣肉腸再加一杯芒果沙冰同士多啤梨沙冰總共只係$105所以性價比超高而Pizza 味道真係一流，醬汁十足，尺寸又超大^_^

來了新公司已好幾個月，下午茶時間同事問我試過附近間珍寶大pizza沒有，若然未試過一定要試試，於是下午茶委員會立即行動，草擬下午茶計劃，眼見隊長積極徵詢專業團隊意見，諮詢點什麼餡料，加什麼小食，我就當然安心坐定定等食。三點三，期待的pizza來了，16吋pizza香噴噴脆卜卜，餅底入口鬆脆又不油，香濃的芝士份量很足，沙樂美腸蘑菇pizza加了parma ham和菠蘿口感更加豐富，忽然覺得吃完一大件都不夠喉。另外他們也點了粗薯條、洋蔥圈和凱撒沙律，估不到每樣都如此有質素，薯條比平日吃到的鮮味得多，凱撒沙律的羅馬生菜新鮮爽甜，醬汁味美，不論堂食或是外送，pizza或是小食，他們都儘力在熱辣辣脆脆卜卜的最佳賞味時間送到客人手上，難怪客人絡繹不絕。

因為上一次嘅經驗我早咗兩日去訂呢個pizza因為呢間野如果滿額就唔會再deliver可能我自己太過想食嘩佢又要三百蚊先送貨咁我唯有叫夠300蚊嘢所以叫咗佢最大size個pizza仲要加多兩個toppings真係夠8個人食個薄餅一嚟到差啲連門都過唔到送薄餅嗰個人都好好態度但係佢呢 一見到我哋咁少人又咁大個pizza都有啲驚訝 雖然焗得燶咗少少各式肉腸非常滋味芝士茄汁都好好味最正係佢個白洋蔥Very juicy onions味道非常之夾

pizza 既吸引力我諗無論三歲定八十都唔會抵抗到，老實講，如果要我一日三餐食pizza我都得呀呢間大大pizza相信大家都唔陌生，好多旺區都有分店，例如灣仔，中環，尖沙咀等等，每次經過都被佢地既味道吸引住，今次就係灣仔呢間食，呢間鋪唔算大，好多人都會揀企係到食。夏威夷pizza $35:呢到最大既唔好處就係太！多！選！選！每一塊睇落都咁好食每一塊都咁香，真係令人好想叫哂佢地囉最後爭扎左好耐，決定要返個最經典原始既Hawaii pizza，都係最平果款。如圖所見，配料主要係火腿同埋菠蘿，火腿量都幾多，而我最中意呢隻味因為有菠蘿粒酸酸地可以減低成塊薄餅既油膩感，而呢到既菠蘿粒好大粒而且夠甜，絕對無過酸既感覺，好開胃，簡簡單單兩種餸但就好滿足，pizza 呢一主角就當然係芝士，呢到既芝士從來都唔吝嗇，因為呢到好多外國人食，而外國人最中意就係重芝士嘛，所以呢到食絕對唔驚會唔夠芝士呢個問題，而且芝士味都好濃下，所以呢到個配料同味道都好但始終呢間係整定哂係到，當您買完最多幫您加熱，所以一定唔會係話好新鮮，尤其是薄餅底唔會有好香脆既感覺，放得耐仲會好油（呢到啲野好重油份）食薄餅點可以唔飲野，但一罐

今日想不到吃甚麼，路經常與它擦身而過的Paisano's Pizzeria。這裡的薄餅款式還真不少，但只能用一個字形容，大。選擇還真不少，但最後還是叫了個FOUR CHEESES來試試，$45。店員態度尚可，最少比對面SUBWAY的好得多。點菜後店員會將PIZZA翻熱再給你帶走。五分鐘後拿到，PIZZA香氣撲鼻。其實它的份量也蠻大的，這份量當是一個正餐是絕對飽肚的。味道又如何﹖芝士味算濃，但和我想像中的有落差，香氣比味道更佳，薄薄的茄汁讓整體吃起來少了份滯膩，另外批邊焗的不夠脆，是美中不足之處。自問食量不大，似乎這裡再來的機會應不會太高吧﹖

呢D大Pizza，一般好難做得難食，呢間我亦幫襯過幾次，算係唔錯。今晚夜夜地收工，唔知食咩，就簡簡單單食個Pizza 算。叫左最貴個Piano’s，Topping份量唔少，有橄欖、洋蔥、豬肉腸、肉腸、磨菇…但係最重要個批底就唔係好夠底火，批肉有少少濕濕地，好似未熟咁，唔夠乾身，入口好似食緊未焗透既麵糰咁。不過呢D都唔係重點，想講既係佢地衛生意識低，可能就快收，仲有好多 Pizza 未賣，而有D Pizza仲整緊，佢地就清潔，員工用百潔布同鋼絲清潔爐頂既牆身污漬，污水及污漬向下滴，爐身濕晒，中途有員工打開爐門，入面有Pizza焗緊…………後面就係放Pizza既地方，側邊就係做Pizza既工作枱…咁樣係高位清潔，D污水、清潔劑、塵埃等等彈到四圍係，有機會彈到食物同工作枱上面…我最怕就係呢D場面，係食物附近做清潔，洗涮過桯好易彈到四圍係…如果比我比錢前望到，應該就唔會幫襯…希望有份參與清潔員工係過程中唔好走去做Pizza，真係無眼睇！下次都係早少少先幫襯…

喜歡祟洋嘅我最喜歡食Paisano's ge pizza簡直係大件夾抵食 重要係即場制造 👍🏼👍🏼 今晚做左大胃王 一個人叫左兩塊薄餅本來諗住簡簡單單 唔想食肉叫左芝士pizza 新鮮出爐 熱辣辣切開時芝士可以拉絲😂 好香濃嘅芝士味配上蕃茄醬 微酸唔覺膩 手拉嘅薄餅餅底唔算太厚 口感較為煙靭 食完唔夠飽 又買多塊夏威夷薄餅😂菠蘿粒十分鮮甜 配上片片火腿 口感豐富加埋芝士 完全係絕配👍🏼

今日放工之後要到灣仔上堂，上堂前只有不到半小時的時間，但總要吃點東西才上堂，在附近逛逛，看到Paisano's Pizzeria 的巨型Pizza，就決定試一試它啦～ 平時經過它的分店，總想試一試它的滋味，但總沒有機會，今日終於可以試一試啦～薄餅的口味有不少，小妹就選了最基本的Four Cheese ($45)來試一試～買完後，店員會為薄餅翻熱，等數分鐘就可以食啦～店子只有數十個坐位，剛好小妹去的時候有位，就不用等了～薄餅大大片的，比碟子還要大！成品芝味撲鼻，入口香脆鬆軟，香濃的芝士底下是一層薄薄的茄醬，令薄餅加添一點甜甜酸酸的味道，層次更豐富，更討喜呀！用了四種芝士做成的關係，入口陣陣芝香，一口咬下，可拉出芝士絲的，正合小妹心呀！不要看輕這片薄餅，當晚餐食也很飽的！！大食的小妹最後也吃剩小許邊邊呀～

琴晚做冬食得太過滯, 今天想找D輕食，行過地鐵這Paisano's一道香氣襲來，一向就見到門口中間個大玻璃Pizza暖櫃，置中當眼位就有個40寸大既素Pizza, 二話不說就買來試下等候約3-4分鐘就叫我取，隨便找個高檯坐，約廿個位到，不過就算企住食都無問題我就玩野D, 揀個位對住…Vegetarian Pizza($40+$10罐裝飲品)有幾條波菜同十零粒黑橄，勁多洋蔥同芝士，怪不得香到爆午市時段依然多外籍人仕幫襯另外街外面都有幾個位坐啦

今日經過灣電嘅時候，突然見到一間似曾相識的pizza 店，記得係以前女友帶過我食過的，為咗緬懷過去的感覺，二話不說便入去排隊了(正值Lunch time)這店的特式是款式多、大大件真係大件到紙碟都裝唔哂架本來都想試吓個5式芝士的，但好似除咗芝士外、都係芝士……所以最後都係揀咗夏威夷，而店員都會將客人order了的pizza 再放於大爐翻熱，務求每塊pizza 比客人時都熱辣辣，至於價錢都算抵，連埋罐可樂$45

灣仔站經過，見到超巨形PIZZA,是大過平時的好多好多！我叫 pepperoni pizza 及 cheeseburger pizza!Pizza 真的很大件！Pepperoni Pizza: 芝士味甘香又小小咸味，pepperoni 小小辣但好野味！雖然唔係即做，但即叫即放入全統大oven！Cheeseburger Pizza: 好多crispy bacon,用cheddar cheese所以整出來是金橙色！比pepperoni 芝士味更strong!不得不講係pizza的crust,做到剛剛好，有口感！

我第一次係灣仔站對出經過依間鋪頭既時候，已經深深比佢傳出既香味吸引左。今次終於有機會黎試下。我叫左一個辣肉腸pizza，雖然切到每一件只係有十幾分之一既size，但係都足足有12寸咁長，大到一隻普通紙碟都載唔晒呀。唔講味道，30幾蚊一件咁大既pizza都抵晒啦。件pizza真係好香，食落去，辣肉腸唔算辣，但係佢既咸味同香味令到依個pizza比起純cheese pizza有層次好多。pizza既香味好大部分黎自佢既芝士，唔止係香味，依度既芝士比起好多其他地方既pizza既芝士濃味好多，再加上鬆厚既厚批，味道真係好好。