Panash Bakery & Cafe (西寶城)

营业中

休息中

逛完山頂一圈，落回香港大學站附近搵食。記得寶翠園商場有一間餐廳，午市套餐好抵食。餐廳麵包好出名，所以餐前麵包🥖好好味，有兩款。餐湯是什菜湯，清甜可口，清新蔬菜香。主食要了水果豬扒焗飯🍛，水果其實係罐頭桃和菠蘿。飯是炒底，蕃茄醬汁，還有芝士，非常濃郁，滋味。咖啡☕️好好飲，日本品牌，品質有保證，餘韻持久。

158+1嘅risotto, 我都唔期望好大碗，但都唔係面積細過手掌，厚度薄過iPhone掛我一向當menu圖片只作參考，份量少唔緊要，本身都諗住味道搭救都好啦，切開嗰塊韌過擦紙膠嘅西冷，喂大佬，暖嘅嗰種lukewarm係你用微波爐加熱但較咗中火解凍三分鐘再拎返出嚟咁完全理解唔到點解飯係熱但扒係暖，定我應該慶幸至少個飯係熱嘅？成餅飯(細到用唔到碟同碗做量詞)唔使十啖食曬。同桌朋友嗌咗個焗豬，正正常常。埋單差不多$300，我$170食咗個空虛落肚。食到懷疑人生，真係不可一不可再。

晚餐餐牌餐包：上面是合桃包，下面是法包。忌廉湯：有少少水汪汪。日式田園沙律 ：沙律菜+蟹柳上面有鰹魚粉 ，令人很開胃 。D餐—香煎比目魚 $188煎得很香，邊邊位會「林」身啲 ，但中間會有少少「鞋口」 ，可能煎久了。下面是薯溶， 好香好滑 。黑色汁應該是燒汁，但個味怪怪地，可能我喜愛比目魚配蛋黃醬～C餐—紅酒燴牛面肉闊條麵 $158牛肉很琳，不會黏牙，麵不會很乾，很香牛肉味。以下是散叫的。野菌忌廉湯+酥皮 $75 （被我弄到有點..）很香菇味，湯又濃又結 ，不會水汪汪。兩個麵包是合桃包和法包，很鬆軟和脆。日式燒肉汁牛肉奄列蛋飯 $138 蛋很滑，燒汁很香，牛肉的肥瘦比例一致，不會黏牙，也不會太肥膩。P.s. 有加1服務費。

點了一份套餐，伏伏伏伏。原本以為正常坐滿，d圖片又幾靚，餸名又唔錯，又唔少客，以為都會食得下。點知……見佢好似好pro，凍咖啡完全水準之下，一d味都冇，好似飲水。佢係面包舖開出黎，餐包以為ok,點知又係唔得，牛油幾近全溶。西湯又係好似水咁，仲衰過普通茶記…..到個天使面，完全食左一啖已經唔使再食，淡到好似冇落過味同忌廉咁，我知忌廉貴….但佢個面完全冇味囉….大佬…..最勁連三文魚都可以冇味。希望其他人千萬不要中伏….🙏🏻

鋪頭裝修明亮時尚，乾淨企理。忌廉卷圈一圈圈的， 排得可愛酥皮不是脆的，較硬身，層層的酥皮都不錯。上邊砂糖不會太甜。忌廉是室溫狀態，打得有質感，奶油的感覺。都夠大件， 夠飽的。 

今天特登去了西寶城，去到這間麵包店食T。價錢：$80起，有不同的款式食物：～兩人Tea set OK的! （其他份量太太太少）～份量少。～咖啡俾你飲多杯 （總共兩杯）。～咖啡好味， 有質素。～有多款麵包在Tea set 中。～甜的鹹的也有，不會搞到太甜。服務：～店員很友善。～幫我們影相很盡心。～建議早啲叫第二杯咖啡因為要等，建議非常好。環境：～不夠光猛。～不夠溫暖。～不夠優雅。～其實就像坐在商場的一角落頭，樓底低，地方細。

星期一至五Panash係開11:30應該係無早餐供應嘅。今日星期日姐姐休息，放低個B比老公湊自己偷偷地去食番個早餐，我去到餐廳9:30左右所以未有好多客，等量完體溫就可以入座😙。叫咗個魚柳餐走包 同咖啡(我知嚟度包好好食，不過戒澱粉嘅我就要忍忍口啦😫）過咗一陣先嚟咗咖啡，佢地係上齋啡另上温奶，想落幾多就幾多，咖啡味好香，一啲都唔酸，醒神👍🏻過多陣食物到啦，魚柳炸得好脆好乾身又香口，沙律菜份量唔多，但好新鮮(如果多小小就更好), 煎蛋無乜特別，不過唔會油淋淋。食到中段職員仲會為你refill 咖啡tim, 整體食物水準同service都好好😋會唔會再幫襯？答案係《會》

今日同媽媽食早餐, 媽媽話好耐都未食過Panash嘅Cafe, 所以今日一於食好啲Panash嘅Cafe早餐種類好少, 有選擇困難嘅朋友仔都唔洗驚<煎蛋、多士配吉列魚柳>麵包片應該係bakery嗰邊攞過黎, 經過少少烤過, 口感外脆內軟又煙韌炸魚脆卜卜, 配上佢嘅他他醬, 好開胃煎蛋同沙律比較standard, 但因為價錢唔便, 性價比唔高<橙汁>跟餐送－杯野飲, 大食妹就揀左橙汁, －啲都唔會酸<早晨套餐>媽媽叫左份早晨套餐, 份量比較多, 有黑松露炒蛋、火腿、司華力腸、煙三文魚、扒茄同厚切多士司華力腸同炒蛋好乾, 就唔係好推啦...<熱咖啡>媽媽跟餐叫左熱咖啡, 咖啡濃度偏低, 但可以免費添飲一次, 就俾佢過關啦

一行5人去到，女侍應已經指令式（惡）叫我地生一張好細的圓枱。然後因為眾人被嚇一嚇，所以要求換正常的6 人枱。正常坐下後，另一女侍應面黑向我們寫單。fine!最後5 人之中，最先2 位先9 秒9 嚟咗2 份餐，然後另一位要等20 分鐘，最後2 位要在50 分鐘後才到餐。當中我們已兩次詢問進度，每次只問我地「叫咗咩呀」，面目可憎，完全沒有向我們解釋進度，更不用説道歉。最後到餐的兩位朋友已經要加速食，但最最最後竟然未食完被女侍應直接收餐，完冇問過食完未！太過份！唉，其實食餐午餐姐，心情竟然變成無奈、失落和憤怒。

媽子知道大食妹鍾意試新野, 見到Panash出左新品 - 餃子麪包, 就買返屋企俾我做早餐。<餃子麪包> (好味: 4/5) (抵食: n/a)外表好得意, 有粒大大粒嘅白菜豬肉水餃係面, 麪包好鬆軟, 裏面包住啲薯仔, 係薯仔麪包嘅2.0。推薦大家—試

呢日難得早起，無乜特別野做，決定帶自己去食得靚早餐，食少次平時成日最愛食既茶記去到西寶城既panash，嗌左個煎蛋大啡菇漢堡 (唔係好記得係咪exactly呢個名，大概啦😛)配熱朱古力見到杯朱古力就後悔了，唔記得叫佢走cream 🙈再見埋友人杯咖啡，灰左，早知叫咖啡，係虹吸式咖啡!!!! 不過算啦，唔想假日都要吸取咖啡因🙃個漢堡黎啦!賣相幾好，有薯格伴碟🤤個大啡菇都幾厚身!不過食既時候有少少麻煩，切左一半就散落左，原來佢枝牙籤無插到落底，唯有賴斯文食。味道正常，菇夠juicy👍🏻假日咁樣開始，幾好🤗

又係食外賣，來到西寶城地下，panash bakery & cafe。今日叫左鮮果焗豬扒飯，返到屋企打開，有驚喜。🤷‍♀️真係用鮮果焗的，即叫即焗，好新鮮。連d茄汁都好新鮮，唔似一般茄醬，入口香甜，在講下個厚豬扒，份量十足，厚身而且好鬆軟，所謂鮮美味濃。誠意推薦 🤗

今日下午我們去咗西環西寶城嘅「Panash Bakery & Cafe」食下午茶！我們叫咗英式下午茶套餐同蘋果酥皮批！英式下午茶套餐一上碟嘅賣相係非常吸引，但祇係好睇，而唔好食，迷你什錦三文治嘅包質一啲都唔鬆軟，相當韌身，要出啲力先可以齒開！迷你蛋糕就不過不失！精美小食炸春卷炸得都幾金黃香脆！蘋果酥皮批出嚟嘅實物同餐牌上面嘅圖片完全唔相同，圖片影焗出嚟嘅顏色係好金黃酥脆，但實物嘅蘋果一啲都唔新鮮同一啲都唔金黃酥脆，味道完全唔香甜，而且中間仲未熟得透，仲要無咗用嚟點綴嘅士多啤梨，我們問嗰位店員小姐點解會無咗粒士多啤梨？佢竟然用好晦氣嘅語氣答我話：「你要呀！咁我攞番畀你囉！」今時今日咁嘅服務態度真係！唉⋯⋯

今年二月中，相約了在附近上班的同事，一同到 Panash Bakery & Cafe 吃午餐。這裏環境清靜，最適合三五知己歡聚。Panash 的 Set Lunch 包括餐湯、麵包、主菜和飲品 (咖啡、茶、果汁或汽水)。餐湯可以選擇意大利菜湯或蘑菇忌廉湯，豬豬就選擇了香濃的蘑菇忌廉湯。忌廉味道不重，但蘑菇蓉極之香濃。餐包絕非坊間餐廳提供的嘉頓牌衛星包，而是 Panash Bakery 自家出品的新鮮出爐麵包，既鬆軟又香脆。豬豬點的主菜是照燒雞扒、溫泉蛋碗飯、沙律菜。這種西式與日式結合的餐飲方式，非常特別，同時也充滿營養價值，是均衡飲食的好例子。同事點的煙肉、雞絲、茄子茄汁意粉和忌廉田螺天使麵也同樣吸引。餐飲使用的茶具也非一般講究。愉快的午餐時光，又匆匆過去了。

裝修後去試下，食物水準一d都冇改善，個餐牌仲選擇小咗。個咖喱鷄扒飯ok, 應該係因為咖喱汁係現成的, 同樣個意粉都食得落，個白汁都係現成的。但最離譜嘅係個滑蛋豬扒飯。。。只有D好稀嘅蛋白汁，一d味道都冇。難道厨師一次滑蛋豬扒都未食過？總部冇教過點煮嘅咩？點解其他分店好評多咁多嘅？如果唔係住樓上，有時帶住細路唔想去咁遠，真係唔想再嚟。