Pancake Colours Cafe & Bar (已結業)

約左個朋友睇戲, 見未夠鐘...就上瓊華醫左肚先...見水牌寫住新派西餐廳...就試下啦!我地叫左2個餐,一個咸豬手配酸菜, 一個牛肝菌意大利飯!仲叫左個小食...新彊燒羊架!餐湯係羅宋湯, 足料又夠熱辣辣!!正!飲完湯, 小食就黎喇!一擺低, 就聞到好香孜然粉味!食落唔算好膻, 幾好!!之後就黎左意大利飯, 我地加左$10要埋溫泉蛋!個飯既軟硬度岩岩好!估唔到呢到做咁好既水準!!值得一讚!不過最好襯熱食...因為凍左D飯就會硬左少少!食緊飯既時候, 隻豬手就黎喇!平時我一定唔會叫豬手, 因為好麻煩!, 好難切!不過呢度好好, 落ORDER既時候會問你駛唔駛碎上!隻豬手D皮脆卜卜!真係超好味!!$119既價錢, 大大隻!仲要皮脆肉嫩!!物超所值!!!配埋D酸菜, 就冇咁漏!!不經不覺就消滅晒成隻豬手!最後叫飲品啦~見到個Drink menu, 就眼花瞭亂!樣樣都想飲!!結果俾我搵到亮點!!!+$28就有alcohol cocktails!!!咁抵?!唔飲對唔住自己啦!!!本身諗住飲荔枝味既cocktail, 好可惜冇晒荔枝汁!最後叫左杯"碧咸", 係朱古力味既cocktail!!!好大

一向朋友聚會間中有唻呢度, 都有幾年. 因為地點方便, 坐得舒服, 可以坐得夜, 同埋價錢相宜.但最近呢幾次太差, 忍唔住要評一下!第一次, 野食尚算同以前差唔多, 但服務急轉直下!侍應見到都唔理你, 粗魯地劈低食物及飲品。我地坐到大約十一點幾, 全場突然熄哂冷氣, D侍應企埋一邊望住D客, 似想趕人走咁. 但D客繼續坐, 大約過左10-20分鐘, 冷氣再開返。第二次, 26/12. 知道呢D日子, 事前已問定有無位, 佢話OK. 我地上到去真係得幾枱,仲有好多吉枱. 佢帶我地去窗邊四人卡位. 到後來已經食緊野傾緊計, 有個侍應同我地講: "唔好意思, 原來你地張枱有人訂左, 麻煩你地移去第二度坐" 我地當然呆哂, 當初係你帶位, 周圍仲有好多位, 而我地已經食到一半, 你要我地調位!!??茶餐廳都唔會啦! 我地再問佢: "週圍咁多位, 佢地坐第二度唔得咩?" 點知侍應話: "因為人地落左好大筆訂金"  我地已經無話可說。唻到呢度, 我諗好多人都會同佢地大吵一輪或者據理力爭, 因為點講都係佢地唔啱. 唉,但過時過節, 嘈完盞自己谷住道氣! 唯有調左去後面坐, 但今次之後真係好失望, 我

今日睇完戲後,上黎食tea,幸好無俾人包場,但鄰桌的年青人有時比較嘈,環境幾闊落,但燈光再猛少少會更好,因為睇menu果陣,令我們看MENU的字不太清楚呢Tea set款式很多,全頁係小食的Tea set,我點左1款 小龍蝦碎蛋tart $34我見其他tart寫明係mini,但呢款又無寫明,但直到上菜的那1刻就知道呢款tart也是mini…共2個mini tart,個tart無味道的….個口感又不好 的確有小龍蝦,唔係鮮味….而碎蛋更加唔稱得上難忘的好味……姐姐吃的闊條麵看來ok wo~***每款小食tea set均配餐湯,沙律,甜品,飲品 *v*||||聽落真係幾吸引+抵吃當我order飲品果陣「我想要杯凍檸檬綠茶,走冰」個男職員好串話「走冰就唔係凍架喇喎」真係好唔like職員有咁o既回應,咁全部台式飲料店的飲品都可以揀走冰啦,咁都唔係熱飲,仍然稱上係凍飲啦!! 可惡極了的傢伙原來當小龍蝦碎蛋tart上菜果陣,那隻細細的碟,已經包埋甜品,沙律,用印上café logo的杯盛著,甜品就係一杯朱古力慕絲??但又無慕絲咁soft,但又有少少jelly狀的感覺…略為甜,不太好吃…而雜

當日星期日,同朋友sakura特地到此café又玩又食,我地12:50pm到達,點知好神奇地全場一個客人也沒有,我們成為第一批入場的客人呢~環境相當不錯,又夠晒闊大,更可以自行揀卡位坐呢!那張椅像外星宇宙的椅一樣~又如歌手拍MV專用的椅似的,非常大張,加上當我一躺下去,後面就有咕o臣可以攬住呢!!正呀!!因近玻璃窗的關係,有微微的陽光照著我們的桌~非常不錯喔!當我地睇set lunch個餐牌真的令人花多眼亂, set lunch的款式實在多得很!! 我點左1客set lunch 意式南瓜燴飯 $46上菜時見到意大利飯實在很多!!!而且佈滿香甜的南瓜醬汁,其實這款飯應該加上什菌這兩個字吧, 但可愛的是,呢款意大利飯的英文名有註明mushroom的,但中文名就無「磨菇」呢2個字喇~因為這款飯的賣相一看就見到有好多好多不同的什菌磨菇呢!!! 意外的驚喜~而且味道非常之棒呀!!芝士米蘭焗肉醬意粉 $38呢款意粉也是非常讚呀,有5-6件茄子,鮮茄與肉醬的mix實在正正正呀!!!美味到不行呀~芝士的融化,使肉醬充滿芝士味,真係好味極了,而意粉的口感也是讚!!餐湯意大利菜湯熱度十足的~唔會油膩!真

兩個人原本諗住上10/F Teawood 食晚飯, 但實在太多人排隊, 所以放棄, 但又唔想再去第二度搵食所以落咗樓下既pancake colours, 見無人等都試下啦....點知就奶哂野...我地無叫西餐, 叫咗個蜜糖雞翼, 一食已經發現入面唔熟即刻叫人換咗佢, 但其實我想轉第二款雞翼因為我覺得d蜜糖怪怪地, 唔似出面平時食既蜜糖雞翼....不過佢已經9秒9行咗去咁就算啦...仲有叫咗個豬頸肉波蘿炒飯 (無咩調味,豬頸肉好硬好乾) , 炒通菜 (個味怪怪, 食咗幾條我已經無食), 越南春卷 (個皮又林又un)....一個字講哂"差"!!! 真係以後唔會再去!

入到去pancake colours見到佢啲裝修格局都唔錯，啲凳整到高高矮矮咁好得意，講秘密都唔會比人見到真係唔錯子!去到拿拿林叫個聽聞最好食既卡邦尼意粉黎試下，再加埋個檸檬綠茶!餐湯話咁快送上，速度真係無得輸!食落個意粉真係好好食啊!! 啲汁岩岩好，唔會太結又唔會太稀!! 味道又果真唔錯，我最怕卡邦尼汁整到好鹹，好彩呢個一啲都唔鹹，味道岩岩好!檸檬紅茶成日飲，估唔到綠茶都唔錯!!好有檸檬味係我中意既檸檬茶啊!! 實在太高興!!呢間嘢總結黎講都唔錯，值得同一班fd上黎吹下水食下嘢!

放Lunch去食，鋪入面冇乜人，但入左去一陣先有人serve, 坐低左又冇人抹抬，叫餐時待應態度其差！問佢野又話餐牌有寫自己睇！食緊時兩個男侍應講晒噪口又大聲!講完態度講食物，一黎個羅宋湯好鹹，飲得出係番熱，我主菜係食西令扒配飯，上菜算快，但件西令其細（一部Samsung galaxy note2大細），叫5成熟，砌開一D紅都冇！汁小飯多！我用等佢上菜既時間已經食晒。餐飲叫巨峰提子蜜瓜粒soda，一飲超甜！仲要係合蜜瓜粒！總之又貴又冇服務！一定唔會再黎！

今日係旺角行完街，就去揾地方ee肚，就黎左呢間pancake colours café食野。餐廳裏面張張梳化椅同埋支支吊燈都唔同款色，環境好有格調!! 超餓既我地，揀食物都揀左4個字！因為款式實在太多！我地最後點左兩個set dinner，主菜分別係『全條豬肋骨配沙律薯條』，和『黑松露野菌燴飯』。先黎兩碗忌廉湯，兩杯熱低糖檸檬綠茶。再等多一陣，我地既第一份主菜就到。第一份主菜係豬仔肋骨，上菜時我地嚇呆了，真係好大塊豬肋骨！果然係原條上！豬肋骨啲肉好嫩，一絲一絲的，好易咬開，配上肉汁，再加視覺上的享受(超大塊的)，真的是一絕，不愧為呢到既皇牌主菜！伴菜啲薯條是粗薯條！！而沙津裏，就有我至愛啲小番茄。豬肋骨份量十足，吃了一半，我已經有少許飽肚啲感覺。第二份主菜係黑松露野菌燴飯，整個飯都洋溢住黑松露啲香味！超濃郁！如果喜愛黑松露啲朋友絕對不妨一試。飯啲味道十分特別，唔似一般燴飯黏住，清新美味！那些野菌咬下去時還很多水份，非常滑溜。這個飯一定要襯熱食！兩人吃完了兩個晚餐，已經超飽！本想甜品點一個朱古力火鍋，但根本飽到吃不下，但他們的甜品賣相實在太吸引！而且有跟餐價，平啲，加上我有一個放甜品啲胃

晏就同幾個FD行街行到攰就去左瓊華呢間CAFE入面D椅好靚好得意架!顏色同STYLE全部都唔同...真係好有心思去裝潢最後選左個窗邊位坐好似係TEA TiME所以都唔洗等位叫左個午餐,好似叫白咖喱魚柳飯佢有送埋野飲同羅宋湯野飲我就要左凍綠茶個湯都唔錯呀,唔係太咸,食得好咸既就叫佢加加鹽野飲超大杯，好似飲極都飲唔哂咁,岩哂我吹水口乾個陣飲呢個就係個飯喇~我最鍾意佢係個咖喱汁上面加左脆蒜~食落非常有口感同軟綿綿既汁互相襯托,用黎送飯真係正到痺!!~~個魚柳都算岩我心水因為個人唔鍾意食太多面包糠炸既野食所以呢塊魚柳做得唔錯又唔會偷工減料,成舊都係魚黎~哈哈環境真係唔錯，可能係TEA TIME啦，員工都唔會趕人所以同FDS吹水真係一流呀好似而家食中午有折，不過係幾錢就唔記得LU

人少但係上菜慢，单点同套餐一样价钱呢样嘢比较讨厌，d嘢饮应该係随便沟出囄嘅，连街边茶餐厅都不如，份牛排个饭散嘅，好在个汤都几好饮（个人感觉，朋友觉得唔好饮），pancake卖相係几好了，但係个pancake好松散，一切就散晒了，，如果唔係楼上茶木要等位真係唔囄吃！

一行三人24/12 中午12時20分落單，落單已問焗飯等幾耐，佢話十分鐘。心諗都ok。全餐廳得三張枱有客，等左半個鐘都未黎問侍應，佢話整緊，餐廳開始full，但枱枱都係得飲品。等了40分鐘即一點正想cancel所有野埋去第二間，侍應先pat低第一個餐，一啲都冇誇張，係pat低。Lunch set 本身有湯家下話冇湯，講一聲就走。見侍應去其他枱話呢樣冇果樣冇，侍應話賣哂。1點10分第二個餐即焗飯到，焗飯係唔熱既。等到1:20分第三個餐都未黎，我地問侍應佢先講冇石頭飯，真係火都黎埋。冇一個侍應願意解決問題，淨係落單落單，個感覺係落左單你就要等。其實餐廳一早知食材唔夠，或廚房人手唔夠可以唔開住或老實講，唔應該一落單就乜都得，之後乜都冇，同呃人冇分別。最後我地唔等第三間餐埋單（90蚊）走，咁既質素真係請我都唔黎。

Pancake Colour 唔係真係一間皇宮, 而係入變裝潢好似皇宮, 每個四人座都有差唔多兩個人咁高既梳化, 雖然餐廳有唔少其他既食客, 呢種設計俾人有種 cubicle 既感覺。Happy Friday 約左前度女友出黎食飯, 兩年無見, 佢靚左, 揀呢間餐廳亦係佢既意思, 因為佢記得我鍾意食石鍋飯, 個種暖意係冬日真係由心底入便滲出黎。所以我點左既就係西京牛柳粒溫泉蛋石鍋飯, 而幫佢點左千層麵 (因為我都記得佢鍾意食 Lasagna), 再加多兩個小食, 一個係芝士肉醬焗薯條, 另一個係 American Buffalo Chicken Wings。點完菜, 我開始關心佢既近況, 傾下傾下, 侍應拎住兩個碗過黎, 原來係正餐前既羅宋湯, 非常開胃, 尤其係係食呢一餐之前, 因為見客既緣故, 食左個西多士做 tea, 未至於飽, 但係有 D 膩, 呢個湯濃度適中, 特別係酸味。 原來既我對好多餐廳既餐湯都不感興趣, 今次少有的成碗清哂。隨之而來既係佢既千層麵, 賣相討好, 由於有我最鍾意食既芝士, 所以我都有切一份黎試下, 肉醬加焗乾既芝士真係賣飛佛, 至於麵層有少少似拉麵個種煙

約左個frd Gathering, 想坐得舒服, 所以揀左呢度~ 美國黑安格斯肉眼扒配牛肝菌汁 (5成熟) – 肉眼扒夠大塊, 厚薄適中, 有肉汁, 配埋酸酸地又開胃既沙律, 就中和番晒~ 黑松露卡邦尼煙肉意粉 – 侍應一放落枱, 我已經聞到好香既黑松露味道, 而且我都無諗過佢會用咁多黑松露! 由於我地只有2個女仔, 所以份量多左少少, 但味道還可, 而且賣相好ok~ 新派調酒既玫瑰夫人 (熱飲) – 天氣開始凍, 飲番一杯好香玫瑰花味, 又有酒暖下個胃既熱飲, 真係一流!  什菓法式Pancake – 賣相真係好靚! 尤其係d士多啤梨, 切到成朵花咁! 生果好甜好新鮮, 然後Pancake配上冰凍既雪糕真係好好味!! 朱古力心太軟 – 外皮好脆, 質地好似曲奇咁, 然後加埋熱熱又濃濃既朱古力漿, 口感真係一流! 

今日我地8個女仔去慶祝生日，開頭d侍應叫都唔睬，行過又扮睇我地唔到，明明得兩客，但係就要叫幾次先黎落單，之後我地叫左5個心太軟，但係全部都係油多過朱古力，我地同佢講、佢就咁收走左就算，好彩我地有影相，同個經理講，個經理就叫我地去睇醫生，睇完拎返張醫生紙返黎claim,一句道歉都無，咁既服務態度都有既，又死都唔認錯，話d心太軟無問題，大家有眼既就睇下有無見過咁多油既心太軟啦。

幾年冇上黎啲野真係變得不知所謂！今次唯一可以讚環境仍然咁好！好抱歉其他都係唔多掂：卡邦尼意粉啲汁又小又完全冇味；件焦糖芝士餅就還好，但都冇咩特別；最慘就係個草莓美式斑戟，簡直比麥xx早餐啲熱香餅更差！除左件餅係凍嘅之外，仲要等左半個幾鐘。食落去嘅感覺就好似⋯硬左嘅海棉蛋糕，冇味又乾。我同我老友完全投晒降，難為佢仲要唔好晒野食埋佢。啲餐飲就更加想死，杯凍0茶冇茶味的，不過鍾意清淡伯爵紅茶嘅朋友可以一試。咖啡沙冰，冇咩好提。最正應該係杯0水喇！