Papa (已搬遷) 新店位置

店舖裝修不錯，可惜食物質素十分差。價錢猶如中環地區，但食物加飲品質素就比茶餐廳更加差，從來未食過餐前沙律都可以差到連一個小蕃茄都無，菜仲係唔新鮮！離譜！主菜更加不再多說，完全無味道，飯同義粉都無味。份量更加不適合普通女士，男士要叫多三個人份量才足夠。一個字形容這個午餐「伏」！

假期滿心期待同小朋友黎食lunch. 點知有點失望。這個價錢應該是中環，soho的水準。食物味道是不俗，但份量都不算多。叫了是日精選6吋Pizza，今日是水牛芝士。雖然只是$88，但無諗到只係得半份嘅6吋pizza😅。另外叫左海鮮番茄醬意大利粉，意粉份量都不是很多，但海鮮就好多，味道都很好 ，很濃郁的番茄醬不知道是不是假期多人 ，侍應很忙，要杯水都好耐先有。最後埋單要$260，2個大人加個小朋友，如果大食啲應該唔夠食。

早到咗，雖然未可以order住，侍應姐姐比我地坐底慢慢等，贊！差不多夠鐘，待應又主動問我地order食乜，解釋意大利海鮮飯啱多人分享，怕我地食唔晒，態度親切有禮，贊！洋蔥湯厚厚芝士配上甜甜的洋蔥，好幸福呀！😍這裡有很多款沙律，我揀了yellow，因為有我喜愛的牛油果🤤同芒果！主菜嘅魚非常美味，魚鮮又厚肉，汁就香但不知用咩油製造，非常match同香，仲伴上用糖粒烤過嘅無花果，好鬼正！希望可以多幾粒👉👈羊菌乳鴿意大利飯就ok,係老公話like中式燒乳鴿啫！激死我！

剛剛星期六是 Papa 的 Grand Opening，我們幾位大學朋友相約在這兒晚餐。因為早到了，還可免費品嚐 Opening 的美食。這裡裝修主調是粉藍和白，氣氛和諧。樓底高感覺開揚，落地玻璃設計盡把美好的陽光帶進每張餐桌，邊吃邊吸收正能量。這裡有兒童餐具、BB櫈和一系列繪本故事叢書供食客享用，表現相當細心，真是很適合一家大小在這裡消磨。Papa Salads 用料新鮮兼極具營養，蔬果種類很多，紅菜頭、雜莓、芒果、牛油果、溫室菠菜、藜麥、合桃都有，芝士也有分 Buffalo 和 Feta，配搭頗有心思。每款 salad 各配不同風味的 dressing，單吃嚐到食材本身鮮味，加 dressing 便畫龍點睛。Papa Ice Tea 感覺很清，原來是 cold brew。冷泡特點是令材料中的營養得到最高保存，同時沒有熱泡的過苦和過酸，當中 Grapefruit 的 Vitamin C 便不會破壞。唯一是個人喜歡 grapefruit 可再特出一點，更有 signature 感覺。Americano 濃淡適中，body 乾淨，不苦也不酸，喝後有香氣回出，以非 coffee shop

見新開業西餐廳，有烤海鮮拼盤，即管入去試試。我哋4個大人，1個B，侍應安排我哋坐卡位，重好細心咁安排好BB櫈同BB餐具，抵讚!我哋先叫咗個Green Salad，蔬菜新鮮，醬汁酸酸地，非常醒神!好啱做前菜呢!!我哋重叫咗蜆肉意粉，辣辣地，好好味。烤羊架，7成熟，剛剛好，不會太乾，又不會羶。水牛芝士蕃茄薄餅，上面係厚厚嘅芝士，夾在芝士同薄餅中間，用咗新鮮蕃茄片，食落更清新而且不膩，非常唔錯嘅配搭。最重要係烤海鮮拼盤!!店家會採用時令海鮮製作!雖然成400幾蚊，但有成10隻青口，2排長腳蟹腳，男士拳頭咁大嘅鱈魚魚柳，2隻大大隻虎蝦，大大件魔鬼鰭......下面墊有切片翠玉瓜，黃椒，薯仔等蔬菜，吸晒啲汁，好香口好味但唔會腥!一拎上枱，已經超級香牛油，海鮮同香草味，熱辣辣灑上檸檬汁，真係非常可口。可惜餐廳試業未有酒供應，否則送白酒或啤酒真係一流!!!我哋重試咗冷壓果汁，新鮮好飲。下次一定會再去食!!!!

同屋企人食生日飯，見到呢間餐廳新開，就試下啦！果然有驚喜，價錢唔算貴，每樣食物都有酒店級水準👍唔講其他，淨係講主菜：一家都係牛魔王，梗係要叫牛扒試試啦！因為有細路，叫咗7成熟，切開唔會出血水，牛扒鮮嫩多汁，充滿燒烤香味！鱸魚皮有少少脆，肉質肥美無骨，好適合小朋友同老人家食，係有d細舊囉😬；意大利飯軟硬適中，乳鴿肉質幼嫩，可惜份量少d！我個女唔夠喉仲想追加！（食得開心得滯唔記得影相）特別推介個海鮮拼盤，份量大、種類多和新鮮，兩個女食到舔舔脷😋，唯一美中不足嘅係食到隻手好污糟，餐廳應該主動提供檸檬水給顧客洗手！飲品方面，我極度欣賞佢壺奶香烏龍，清香撲鼻，食得飽飽地又可以消下滯!總結，一間可以常來的餐廳！

PAPA Orange 即係鮮果大蝦沙津開頭諗住都係雪蝦味salad, 點知大蝦竟然彈牙鮮甜😳 個芒果sauce用個樽仔另上，份量剛好，撈埋落啲水果度成個沙津感覺係清新嘅👍不過份量可細番啲，食完個沙津飽咗3成😅慢煮西班牙黑毛豬成日聽"慢煮"，今次都係第一次食，原來呢種烹調方法可保持肉質鮮嫩，咬落去堅有肉汁咇出嚟。美中不足冇sauce點，有就可多個食法。小驚喜，呢個dish主角雖然係舊豬，但反而配菜都好好食，尤其係黑松露薯蓉，好香好滑👍👍燴乳鴿risottoRisotto配鵝肝食得多，今次配乳鴿好特別，係店員推薦我哋叫的，隻鴿真係外脆內軟，搶鏡過啲risotto😅 Risotto 味good, 硬番少少會更正宗😌蕃茄羅勒水牛芝士pizza普普通通嘅pizza食落唔普通，超級多料，我個女隊咗兩塊😅蘑菇忌廉湯原本冇諗住叫湯，店主誠意推介，嗯....好濃郁好正，最鍾意呢個湯，10個like👍Overall可能新開張，菜色唔算多，但食得出用心去煮，價錢呢個水準算okay，環境氣氛好好，有落地玻璃，又正正喺石門站一出就係👍唔知俾唔俾包場？開私人Party係一個好選擇👍Ps 今餐飽到上頭頂，下次要試

啱啱個星期日, 應朋友邀請一齊去試新嘢, 石門呢個地方, 我都係第一次去, 一向我都好鍾意食西餐, 尤其是牛扒同埋意大利飯, 一行6人, 點左6樣嘢首先先黎幾個餐包仔, 包種幾好, 好香, 不過係凍左小小, 跟住個蘑茹湯同埋洋蔥湯, 蘑茹湯超香, 好濃郁, 好快就比我哋清碟, 跟住個洋蔥湯賣相就麻麻地, 不過都係好飲之後就開始上主菜, 乳鴿意大利飯, 乳鴿燒得好香, 好有肉汁, 乳鴿雖小, 但勝在味道夠, 而個意大利飯真係令我好驚喜, 自從喺歐洲食過正宗意大利飯後, 喺香港都好難再食到, 因為香港D意大利飯已經變得好港式, 全部都”林啤啤”, 我鍾意佢的意大利飯, 好有口感, 抵讚再黎就係炭燒西冷牛, 淨係見到嗰D一格格網紋, 已經垂涎三尺, 好香好嫩, 好有肉味, 我冇點個紅酒汁, 因為我鍾意就係嗰種網燒味, 真係好正, 有種苦苦哋嘰味, 超正, $208抵食跟住到慢煮黑毛豬, 好淋, 可能我鍾意食牛多D, 所以就OK啦, 不過不失, 但我就鍾意個配菜, 黑松露薯蓉, 好香呀~~~再黎煎鱸魚, 外皮好脆, 肉好滑, 可能份量較小, 我哋6個人都係每人一小件試下, 不過下次我會再食,

因工作關係首次涉足石門, 馬鐵ㄧ出原來有條少少食街, 但不銷ㄧ回已行完ㄧ趟, 結果與同事㨂了PaPa。ㄧ坐下已有侍應禮貌招呼, 餐廳是那種簡約優閒風格, 感覺不錯。我和同事二人點了傳統洋蔥湯、蜆肉忌廉湯, 主菜我點羊肚菌燴乳鴿意大利飯及PaPa Iced Tea; 同事點了蜆肉意大利扁意粉(他實在太鍾情"蜆肉")及cold pressed fresh apple juice。洋蔥湯完全是高级酒店質素, 湯面充滿芝士的面包我真心俾滿分(ㄧ般餐廳造法有如食橡膠), Risotto看似份量很少, 但其實好充實, Risotto本來就是用生米,質地必然較有咬口, 但發現飯有微微血水, 於是掦手揾話事人問問, 原來佢地用法國乳鴿, 此煮法才能達至最佳効果, 於是放膽吃, 乳鸽肉嫩而且非常香, 好正! 再試吓杯Iced Tea,落order時服務員解釋"今日"的iced tea是西柚加ㄧ片薄荷葉,(吓！心想即係daily special?ㄧ杯凍茶都咁認真, 抵我寫食評啦!)果然有驚喜,入口清新(唔係似牙膏, 而係好fresh的感覺)個人認為直情應該classify為特飲多過普通凍茶, $28真心超

低價扮上菜，用現成嘢煮的食物~又油又鹹。1) 餐包，雖然用法國法包企圖扮高貴，但又凍又"un", 仲要比兩嚿硬挖挖的牛油。我們問佢拎醋點麵包，啲黑醋"嗱"喉。2) 湯用現成的粉開，再加生生的蔬菜。3) 慢煮黑毛豬加薯蓉，薯蓉加咗松露油，黑毛豬唔知點解慢煮都會鞋又唔"lum" ，用嚟點黑毛豬的"懶人現成醬"係凍的。4) 蜆肉意粉竟然係辣的，同啲員工講話個麵辣，有小朋友食唔到(餐牌冇講明辣)，佢就多多藉口話呢個麵係辣，仲想走開唔換! 聽到我們講話成個餐牌得一個意粉，要比小朋友食所以先點，話得事之人仲話"係咩等我睇下餐牌先! (又話話得事，但對個餐牌有咩都唔知)5) 想叫pizza, 佢話冇! (7點正值晚市高峰巳話賣晒)6) Burger的牛肉又鹹又多胡椒，芝士係成塊卡夫芝士撻上去，連薯條都用松露油炸，又乾，仲差過老麥啲薯條!! 7)杯水有檸檬味，但唔知點解好難飲。。。。。。。。簡直係比錢買難受! 堅嬲! 😡😡😡最後要食第二餐

Newly openedInexperienced waiting staffOnly one choice of PastaLong Wait time for foodNo more pizza or Pork available at 7pmNot for family dining especially with kidsNot worth a tryoverly expensivepoor managementoverall experience = BAD!!!

餐廳的名字Papa及logo都十分吸引，於是與女兒入餐廳吃晚餐，環境及氣氛感覺舒適，因為自己是吃素的，看了餐牌後點了Papa Red Salad丶蕃加芝士pizza及冷壓蘋果汁。🥗🍕🍹坐了不久，冷壓蘋果汁便送上，女兒不消1分鐘便喝完，相信是非常好喝吧。她喝完我才見到餐廳是採用紙飲管的⋯心裡要俾個like👍🏻呢🎉之後來的是沙律，Papa Red Salad 顏色好靚，因為材料用了好多berries, 如士多啤梨丶藍莓丶紅桑子，另外還有非常新鮮的菠菜葉丶合桃及水牛芝士;而且還配有用小瓶另上的甜醋汁，可按自己口味加上，十分細心☺️⋯⋯這個Salad 的配搭及味道酸酸甜甜，覺得非常好味，一次過可以食到這麼多新鮮材料，十分滿足😙✨至於蕃加芝士pizza的用料很多，連我女兒也一口氣吃了幾塊😂😋兩個人只吃了份量的一半⋯⋯所以帶走回家再吃😄今個晚餐吃得很滿足又幸福呢☺️🙏🏻

新開張唔駛講野即刻黎試試，假期人潮如鯽泊車搵位都要半小時，好在舖頭位處大街，睇住架車食都無問題。入正題叫左個沙律，個friend叫左個匈牙利牛腩飯（無影相），沙律好大碟，味道亦中規中距，但牛腩飯白飯中間係凍既，我個friend話明顯係隔夜飯，牛腩好黐，但匈牙利汁係大家樂貨色。叫埋餐飲，竟然係指定要似佢杯凍papa tea，加錢轉杯咖啡得唔得？得，飲完杯凍papa tea, 再俾錢散叫多杯咖啡啦，我諗唔會肚屙掛。（最後無飲咖啡走左所以不能評論咖啡質素）總結，舊幾水一個人仲要被迫飲佢果杯signature康師傅冰紅茶，我諗應該唔會有下次。