Papa (已搬遷) 新店位置

假日來到石門，就決定試試在這裡比較少見的有情調的餐廳。餐廳位置就在港鐵站旁，非常便利。一進去看到藍色的牆身與波波燈，充滿小清新的感覺，令我們心情更加愉快因為最近吃的比較多，就選了一碗Yellow Papa沙拉和慢煮豬柳伴蘋果茸汁來refresh一下。Yellow Papa的配料有雞肉、芒果、牛油果、蕃茄、合桃。配上酸酸甜甜的醬汁，非常開胃又清新！因為用料吃的出來很新鮮（尤其是牛油果是顆粒而不是醬），而且份量不少，性價比還不錯。豬柳經過慢煮的烹調手法變得更嫩滑，肉質鬆軟。雖然外表比較白和厚身，但內裡是驚喜的粉紅粉紅。配上蘋果茸汁，甜甜的非常開胃。

book枱有50% Off excluding dinner set 同all drink, 叫左Papa yellow salad, deep fried onions rings, deep fried 魷魚圈，salad不過不失，但蝦係冇味，冇乜特別，2樣deep fried一定要試，脆漿教得好，魷魚圈唔會炸到好硬，仲係軟，好味! 2款main course 牛排同燒春雞，牛排不過不失，春雞係起左骨，肉都嫰，但到厚肉地方就冇乜味，要靠汁先有味道。所有食物都話冇味精，我都覺得係冇加既，起碼食完冇口乾。另外叫左枝hand craft beer: Apa. 花味既beer, 都幾有honey同荔枝花香，但有一種苦澀味...我唔太喜歡另一杯 Berries Mojiito....我諗佢地整cocktails 麻麻，基本上我淨飲到vodkas, 薄荷葉冇乜處理，所以冇Mojiito應有既味! 最後就係成晚有蚊，好煩rrrrr!

先被店名所吸引, 再被餐廳裝修吸引我座低左,今日一家三口叫左三款食物, 首先係大蝦沙律, 份量係三人份量, 我好鍾意嗰種清新口味, 大蝦冇落味精, 清清爽爽, 要加分, 仔仔就不停食生果, 雖然係配左醬汁, 但我都係鍾意就咁原味食多D再黎主菜係魚柳意大利飯, 因為仔仔仲細, 我叫姐姐幫我整霖小小, 怕小朋友食唔到意大利嗰種硬硬哋的飯, 真係好貼心,   果然可以幫我哋作出調整一下, 再加分,味道好CREAMY呀, 魚柳都好好味之後再黎PIZZA, 呢個係我最鍾意的薄底, 好脆好香口呀~ 芝士勁多, 啱晒我呢個芝士控, 連仔仔都搶住食.SET仲有餐飲, 唔記得影相, 呢間係我會再番黎食的首選

石門越來越多餐廳進駐,選擇多,競爭自然大。最終哪些餐廳可以突為而出? 這次到訪的PaPa, 位置一流, 開揚店舖配上白色木系清新裝潢, 很eye catching! 就這樣成為今日的午膳之選!服務員年輕親切醒目有幹勁,第一接感覺已很不錯! 餐牌選也蠻多亦吸引, 如果價格可以調低一點相信更吸引! 點了兩款set lunch:餐湯一般,但麵包條很美味香脆, 橙汁就是一般無果粒的橙汁, 而餐廳果茶外子說無味,但外形很吸引。主菜炆牛腩,多肉汁香甜美味!紅蘿蔔也很入味! 讚另一款慢煮豬扒, 豬扒樣子白白的, 食落鬆軟,配蘋果味汁很夾, 但薯角太濕和辣, 整體還不錯!而且三塊豬扒,很飽呢！太飽關係沒點甜品,話說回頭如果set lunch這個價錢有小甜品相信更完美! 餐廳多人卻不太嘈吵, 仍然有空間感, 朋友相聚或二人撐檯腳也是是不錯的小餐廳! 當日後試哂其他石門美食後, 相信這間仍是我會再幫襯的餐廳!

Place is spacious for a caffe. Located few steps from the mtr. When we got there it was very quite but become busy very quickly. We came during lunch time. Small menu but they have daily specials. Coffee served with milk already in it. Drinks came fast followed by our food in few minutes. I had carbonara it was bland. Steak was good according to my Daugther. The Papa’s breakfast was good, my son and my husband had that. Waiter that served us is a bit difficult to understand but very attentive.

第一次係度食tea, 睇到裝修好靚, 就拉埋朋友一齊試，但我地都好失望。睇相個pancake有成一吋厚好似d日式pancake咁，充滿期待，點知出到黎發覺同M記熱香餅無乜分別，又唔特別好食，感覺有呃人之嫌。另外叫左個All Day Papa Breakfast, $98仲要加一成$110，食完唔飽，跟餐牛角飽無哂又唔出聲，換左個擺左幾日硬掘掘既法飽，超唔開心。寧願去返第一城食All Day Breakfast都係$5x-$6x好食又飽，材料都差唔多。飲品個杯已經好細仲要得六成滿，飲兩啖已經吉左，真係O哂咀，味道都係麻麻。雖然環境係好靚但唔會再返黎，服務又差，失望。

食左個lunch ard $100完全唔值呢個價 普通茶餐廳質素牛又癡牙 飯又少 生米都有D送又一早煮定左 唔明點解要賣咁貴門面睇落唔錯 但食物質素有待改善4人入面有2個不滿意 2個一般

Papa是石門區內少有情調餐廳， 食物質素如何？定凈食情調？今日情人節就同同事試下平日lunch 時段不同等位，今天亦不例外。lunch set 價錢由$80-160, 石門區內是高上價錢。 lunch set ，主菜加飲品，加$10多餐湯／沙津。飲品選擇多除－般咖啡凍飲，可選特飲或橙／蘋果汁主菜：慢煮豬柳圖見豬柳帶粉紅色，但侍應解釋慢煮已經是全熟，如果加煮肉質會變老。因為不能食生野最後要求再煮。再煮後煎的坑紋來看，相信是有微波爐加熱。加煮後豬柳切開仍帶粉紅色豬柳肉質嫩滑和有肉汁，味道不錯！同事們點了魚柳配意大利飯和慢煮匈牙利牛肉配白飯。男同事們覺得分量不足，特別是魚柳只有小小的兩片。但味道還可！總結：Papa 要長遠在石門發展，食物分量或價錢要調教－下！

上幾次經過都好多人等位，尋日終於可以放工過嚟食飯，唔使等位。餐廳裝修好靚，四個人叫咗一個西班牙海鮮飯，羊架，卡幫尼意粉及PAPA沙律。西班牙海鮮飯好好食，勁多海鮮，飯煮得好香，隻虎蝦啲肉好實淨，好好食。羊架烤得剛剛好，肉質好嫩，只賣＄180有3大件，好抵食！意粉軟硬度適中，分量都幾大，四人食剛剛好。沙律好有驚喜，勁多生果，啲菜非常新鮮，自己都好難買到咁新鮮嘅菜，只賣＄88，分量足夠四人分享！餐牌共有六款沙律，每款沙律都好吸引，下次必定再試其他。食完飯仲有甜品送，非常滿足。侍應買單仲邀請我們join 佢哋member, 仲可以儲印仔，儲滿10個人有＄100couple. 我今日呢餐已經有八個印仔，下次同屋企人嚟食！最後侍應同我地講呢間餐廳係四個爸爸開嘅小店，不是大集團嘅餐廳！更加值得支持！

石門真係越來越多餐廳，一年前同而家好大分別，呢度好似個專係食嘢嘅商場咁！地下見到間裝修好靚嘅餐廳，見佢早餐餐牌d相幾靚就入去試吓！叫咗個PAPA早餐，內容都算好豐富，佢個菇好好食，香腸就多咗啲，有4條！值得一提嘅係有個扎辮靚女姐姐好好，我飲English Breakfast, 佢哋係用茶包嘅，個姐姐放低左杯茶之後，過一陣又放低多一杯熱水俾我，佢話今日好凍，如果杯茶凍左你可以加熱水啦，真窩心，抵讚！一個提議，如果可以減少兩條腸轉多款其他嘢就好啦！

之前經過買過杯咖啡, $32 非常一般。但之後睇廣告標榜親子餐廳, 所以俾多次機會,而且見佢位置方便, 所以成家去一齊試下。在門口有幾本書可自己拿返枱睇, 基本上是乾淨, 有兒童坐椅, 都算坐得穩陣。點知道, 坐左成晚水都無杯, 又漏單。叫左個海鮮飯$278, 加埋 1, $300 大元, 食得出都是急凍野, 食材非常麻麻, 這價錢是極貴。這服務和食物水準當然No Tips! 硬收左10% 服務費，連句多謝都懶得講添！ 餓死都唔會再去。

星期六約左兩家人飯敍，由於有小朋友同大家太耐冇見嘅關係，想搵間可以坐得耐又適合小朋友嘅地方。 睇報導話石門有間由幾位爸爸開嘅，又有小朋友圖書睇嘅西餐廳，即管去試下。去到見到間餐廳裝修好靚，係開放式嘅，可以感受到出面嘅空氣，好特別好有外國 feel 呀！我地叫左意式海鮮扁意粉、魚柳意大利燴飯、水牛芝士 Pizza 同 Papa Yellow 等等...所有野食都好好味- 講個意粉先，海鮮同意粉係分開上嘅，啲汁就唔會令到意粉淋晒...未見過啲海鮮仲大碟過意粉，海鮮仲大大舊，yummy! - 至於個飯呢，魚柳煎得好香口又厚肉，唔係出面果啲又淋又薄身嘅相比- Pizza 又熱又香脆，又唔會太咸喎，連唔好 pizza 同芝士嘅我都食左好幾件，朋友個個讚不絕口- 到最後嘅沙律喇，好大碗，水果同蝦都好好味，我地差啲都食唔晒總括黎講，papa 係絕對值得推介嘅，野食新鮮又好味，又冇人趕我地走，可以慢慢食飯同傾計，如果杯飲品可以再大杯啲就更加完美喇

今天去石門見客，見到開咗間新餐廳，餐廳裝修好舒服。仲有時間，所以入去食咗個早餐。早餐餐牌上邊好吸引，好似我以前係英國經常食嘅早餐，喺香港好少見到咁嘅早餐。叫咗一份牛油果蕃茄多士早餐，同埋Cappuccino。個樣同餐牌幅相一模一樣，牛油果好新鮮好好食，喺香港好耐冇食牛油果。蕃茄也煎得剛剛好，麵包也不會焗得太脆，切落去不會散晒，抵讚！沙律菜好新鮮！仲可以加錢多個雜菜湯通粉，雜菜湯湯底好鮮味，不是罐頭湯的味道。Cappuccino 好香朱古力及杏仁味度，絕對係高質素的咖啡。完全估唔到喺石門搵到一間如此高質素餐廳，值得推介！

今日跟住老細出去做嘢, 去到石門, 我都係第一次黎, 原來有好多嘢食, 不過要座得舒服就唔太多.我哋揀左呢間西餐廳(當然唔係我揀啦, 老細話事),  外表門面幾好, 幾特別, 尤其是個名"PAPA", 好似叫緊我老豆咁  叫左個最貴的牛扒(不過我老細話好平, 佢話出面食件美國扒呢個價錢係好平), 我叫左個燴牛肉飯, 餐飲我揀ICE TEA, 再加$10有個沙律仔.先黎我個燴牛肉飯, 嗰份牛肉真係好多,  真係餸多過飯, 牛肉做得算幾好, 好霖, 亦好有牛味, 呢個價錢絶對可以~跟住就黎個肉眼扒, 有炭燒風格, 老細仲教我食, 識煎係會煎埋個邊邊位, 咁樣食落口就好有口感. 同埋件扒出到黎係有閃閃下咁(我唔識形容, 好似有D幻彩咁), 咁就係新鮮喇, 佢講完, 試過又真係好似係喎!我個餐飲係ICE TEA, 有一種食完清清個口的感覺, 係好淡的, 冇加糖水, 呢個係我最讚的, 因為出去食飯, 我通常都會叫走甜少冰, 健康D我自已就唔太識食, 但我老細就好識, 食到個咀都叼晒, 佢就好滿意呢度, 應該會再有下次

係附近住，每次見到都好想入去。但因為佢無tea set, 所以想lunch set時間先食。今次有機會啦，平日放假去，個lunch做到3pm! 幾好。食西餐，一定要試下佢D牛扒得唔得。叫咗呢個牛扒，五成熟，一D都唔生，剛剛好，唔un, 幾好味。可惜我唔太喜歡上面配牛油。個醬汁一般同埋好凍，如果可以熱既就好啦。配菜係焗薯仔，黃椒，小番茄。餐飲可以選擇蘋果汁，西柚汁，橙汁，普通餐飲免加錢。揀咗西柚汁，都幾大杯，最欣賞佢用紙飲筒，都算環保丫。係貴既，但都會再黎試其他食物。