Papa (已結業)

以前仲係石門返工都有去開Papa食lunch，而家搬咗去觀塘工廈當然要支持下💪🏻，餐廳暫時只做外賣冇堂食，不過外賣自取有85折優惠🤩黑松露北海道帶子手工意粉 $118手工意粉口感真係零舍唔同，食落煙韌有咬口，帶子爽滑彈牙，仲有蘑菇，美中不足係黑松露味道可以再濃郁少少🤏🏻蕃紅花海鮮意大利飯 $118鮮艷嘅黃色非常吸睛，海鮮種類都幾多下，包括有青口、蜆、帶子同鱈魚，意大利飯軟硬適中，外軟內韌😙香煎日本熊本西冷牛扒配薯菜 $208牛扒都幾厚身，叫咗七成熟，煎得啱啱好，咬落唔韌仲好juicy，薯菜有馬鈴薯、甘筍同翠玉瓜😍意式燒春雞配薯菜 $178外皮燒得金黃香脆，肉質都幾軟嫩，係雞胸位嚡口少少，清爽嘅意式調味料令人更加食到春雞嘅原汁原味😋PAPA冰茶伯爵茶加上橙、西柚同薄荷葉冷泡24小時，味道清爽甘甜☺️紅莓芝士蛋糕芝士蛋糕好軟滑，消化餅底又酥又脆，配埋酸酸甜甜嘅紅莓醬，完全唔會覺得膩😆

星期日喺朋友位於觀塘嘅工作室做嘢，時間都唔早，就打開外賣App搵吓有乜好食。我哋見到有間叫「Papa」嘅餐廳好似唔錯，菜式幾吸引，於是就再上網搵吓官方IG📲，發現自取有85折，所以即刻落樓行兩步過去。小店座落於工廈內，但並非已轉型嘅駱駝漆嗰種，如果唔靠外賣平台真係未必會知道有佢嘅存在。呢度主打外賣🥡，不設堂食，即使係咁，店員們(老闆娘?)嘅服務仍然非常貼心，真誠友善對待客人。餐廳提供各式各樣嘅西餐菜式🍽，價錢唔算平，不過質素確係可媲美正式餐館。後尾睇返傳單先知原來佢之前喺石門開過舖，怪唔知得外賣食物都做到色香味俱全，一啲都唔失禮👍。香煎榖飼豬鞍扒配薯菜($188)，豬鞍扒好好味🐷，最抵讚嘅地方係夠厚切，足足有成吋！豬扒煎得啱啱好，生熟度控制得宜，肉質唔嚡，食落富有滿足感。🥔底部墊咗唔少蔬菜，例如有薯仔、翠玉瓜同紅蘿蔔等，食埋就飽晒。題外話，午餐同晚餐都有賣豬扒，但價錢就相差成倍🙈，唔知份量係咪一樣。如果係的話，下次就留返晏晝先食。黑松露北海道帶子手工意粉($118)，手工意粉果然與別不同😛，佢形狀類似扭紋粉，口感非常有嚼勁，好得意。調味方面，黑松露味唔強，但就有好多雜菌🍄，而且幾重蒜香

PAPA YELLOW （配自家製油醋汁）包括雜菜，烤雞肉，芒果，牛油果，蕃茄，藜麥，呢個沙律真係一定要嗌，沙律係佢哋餐廳嘅signature，果然冇令我失望🤩，份量大份，雜菜份量多，入邊嘅牛油果竟然有大半個，識落嘅芒果同蕃茄夠甜💛，烤雞肉應該用咗偏乾身既雞胸肉，有啲乾，不過加埋自家製嘅油醋汁食落就唔乾啦，個汁食落酸酸地，好食又健康🥗.黑松露野菌手工意粉 意粉食落有黑松露味😋眼見意粉嘅醬汁唔多但係食落去又唔會乾身喎，而且醬汁都唔會過份鹹，啱啱好！最好食係手工意粉口感煙靭，意粉形狀好特別架，一睇就知係手工整嘅～推薦推薦😚我好鐘意食！.番紅花海鮮意大利飯 意大利飯煮得好香，完全吸晒啲醬汁🤩食落啖啖忌廉味，啲飯食落去唔會話過濕，夠creamy，屋企人食到停唔到😛另外佢嘅海鮮有大大隻青口、帶子、蜆仲有好大塊比目魚扒，海鮮食落幾新鮮，而且啖啖肉，呢個價錢食到咁多海鮮，超值啊.香煎穀飼豬鞍扒

Papa (觀塘).Papa開到黎觀塘!!! 之前我係石門已經食過，佢依家喺觀塘工廈度開對我來講近咗好多！呢家無得堂食，又係叫外賣嘅時候！.▪️Papa Yellow配自家製醋汁▪️ .呢個沙律入邊有雞肉，芒果，牛油果，蕃茄，藜麥，配上自家製醋汁，非常開胃！.▪️紐西蘭大蜆鮮魚湯扁意粉▪️ .因為外賣嘅關係店員好貼心咁將意粉同埋湯分開，意粉好大份。同埋啲顯肉都好多全部都好肥美好大隻！.▪️意式燒春雞配薯菜▪️.個燒春雞要等20分鐘，不過都好食😋大概有三至四大嚿嘅雞肉，咁大家都知本身燒春雞都唔係好滑，佢嘅配菜仲有翠玉瓜甘筍同埋薯仔🥔.▪️鮮三文魚忌廉意大利飯▪️.煙熏三文魚鹹鹹地再配上呢個忌廉意大利飯啱啱好，飯粒唔會過硬.▪️紅莓cheese cake▪️.Cheese Cake飯後一點甜(˶‾᷄ ⁻̫ ‾᷅˵) 紅妹將酸酸甜甜再加埋香濃芝士味同埋餅底！.▪️Papa冰茶▪️.Earl Grey加上西柚，橙等好fresh。雖然飲落係有少少嘅西柚苦澀味，不過真係好少而且係超新鮮嘅味道.📌 Papa (觀塘)觀塘偉業街172號堅德工業大廈8樓C號舖環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️

今日適逢情人節，我同家姐就諗住買定啲西餐🍝🥩🍖返去同阿爸阿媽慶祝❤️❤️😍而家冇得夜晚堂食，佢啲外賣包裝都好整齊好乾淨✔️✔️我哋叫咗個香煎穀飼豬鞍扒🐷配薯菜🥔佢嘅豬肉幾好食，有肉味， 唔會出現鞋颯颯嘅感覺😆， 佢側邊嘅配菜我都覺得唔錯佢有露筍，baby carrots, 同埋薯仔😙另外, 我哋叫咗個香煎🎌日本熊本西冷牛扒🐮配薯菜佢塊牛肉都幾厚身! 跟住好有肉汁, 同埋佢唔會煎得太熟，我諗大約medium啦, 所以拎咗返屋企完全唔怕會老得滯😘我哋再叫咗芝士菠菜🥬焗釀大蘑菇🍄配薯菜🥔佢個蘑菇好juicy, 跟住呢啲芝士配住啲菠菜呢個group埋一齊好好食, 番到屋企係輕輕加熱不得了😳❤️

觀塘其實好多工廠大廈都有好多好好食嘅餐廳，今日就試吓呢一間主打外賣新開嘅餐廳，外觀裝修相當不錯，侍應態度非常良好，告知我哋原來呢一間餐廳之前喺石門開，依家就試吓喺觀塘做外賣，新開期間外賣自取仲有八五折添！非常之抵！❤️餐牌相對簡單，有唔同嘅set lunch 同dinner , 有飯丶有意粉🍝丶有扒仲有啱啱新推出嘅漢堡包同埋Pizza～我哋就叫咗幾樣野返屋企一齊share食～呢間餐廳沙律有幾款，用咗顏色來區分，我哋就叫咗個papa yellow , 主要係有雞肉、牛油果🥑蕃茄等等，配上自家製油醋汁，酸酸甜甜，配上新鮮蔬菜🥬，引起食慾😚忌廉明太子蝦球扁意粉🍝，蝦球都有好多粒，意粉係非常彈牙，非常Creamy !千島醬煙三文魚薄餅，香脆薄餅底，餡料有煙三文魚丶紅椒丶芝士等等，再配上千島醬，好好食😋香煎穀飼豬鞍扒配上薯菜，薯菜有薯仔、蘿蔔等等，豬鞍扒勁厚切，又多肉汁，再配上Gravy , 不錯吃呢！香煎紐西蘭西蘭牛扒，煎得啱啱好，七成熟左右，配上少許Rosemary調味，易切無根，呢個價錢冇得輸呢！侍應推介我哋加錢飲Papa 冰茶，又真係幾好飲，係橙茶再加薄荷味道，好清新refreshing

PAPA係觀塘回歸喇😍今次佢地主打外賣專門店🥡有外賣專線自取，亦可以上外賣平台點餐，選擇外送或自取。係觀塘購物完，可以一嘗佢地嘅晚市套餐😘係店家外賣自取有85折優惠添！PAPA Yellow ➖ $78沙律入面有雜菜，烤雞肉，芒果，牛油果，蕃茄，藜麥。材料非常豐富。亦好適合on diet緊嘅OL。烤雞肉係雞胸肉，烤過嘅雞肉都唔會太乾。配上PAPA自家製油醋汁，低脂嘅醬汁😍，味道酸酸甜甜，好開胃。美國安格斯牛肉芝士煙肉漢堡配松露粉薯條 ➖ $118漢堡包外賣後質素都好好。安格斯牛肉煎後鎖住肉汁，依然juicy。芝士味道好香。松露粉幼薯條一開盒就聞到好香味道，口感外脆內軟。蒜蓉紐西蘭大蜆扁意粉 ➖ $98份量好多，蒜香撲鼻。大蜆鮮味無沙，配上扁意粉，口感好好。黑松露北海道帶子手工意粉 ➖ $118手工意粉口感彈牙有嚼勁！簡單用黑椒同鹽煎過嘅帶子鮮美。加上黑松露同磨菇味道更昇華。焗特色香草雞翼 ➖ $68雞翼醃味用上很多西式香料和香草，味道充滿層次。雞翼焗到外皮香脆，好味道！PAPA 冰茶將Earl Grey 加入西柚、橙同薄荷葉，冷泡24小時。茶味濃郁，帶少少甜香，薄荷葉有舒服的回甘香氣。