Parkview (新城市廣場一期)

营业中

休息中

👎🏻環境:係商場裏的開放式的餐廳，所以人多比較嘈吵，無西餐應有既氣氛，情侶浪漫就不太適合，仲有餐桌空間較細，叫二人餐食物都不夠位放。👌🏻服務:當日平日夜晚光顧，原本單點食物，落單時侍應介紹二人晚餐較抵食，服務不錯，但人手不足，所以需要耐心等候侍應。叫咗以下食物:「👍🏻澳洲M5和牛西冷$598」選擇7成熟真係俾足7成，肉味濃又有豐富油脂，又大塊又厚身。「👌🏻香煎鵝肝意式燴飯$138」忌廉味十分濃郁，所以食幾淡就滯住，鵝肝煎得算香口但做唔到入口即溶既效果。「👌🏻酥皮龍蝦湯$78/餐另加$35」需要耐心等候餐牌上寫需時15分鐘，當日大約等左10分鐘就有，酥皮不是金黃色，不夠鬆脆，湯龍蝦味濃郁，湯有少量細細粒龍蝦肉。「👎🏻是日沙律」沙律醬汁十分少，蔬菜不新鮮。「👎🏻意式青醬煮原隻青口配薯條$76」薯條即炸但無落到鹽失望，青口有二隻係霉，不建議試。

2019年6月1日咁岩約左朋友睇戲。係睇戲前就係附近搵野食。見到佢好似幾吸引。就入左去。見見佢有餐又好似幾抵咁。就叫左一個牛一個飯。佢呢個都幾吸引。下次可以試下。佢地話係自製餐包。都幾好味。如果佢地整個蒜味牛油就仲吸引！！乜都未到就到野飲，早知唔咁早叫。有啲失望既沙律。朋友話湯正常。由於佢有鵝肝我就叫左。唔知點解。我真係好中意鵝肝。耐唔耐會係屋企自己煎。個牛排都幾好食。五成就五成。唔會太熟！有啲失望既甜品。唔好食既⋯⋯下次可以再食！

難得朋友生日，我地要選一間有蛋糕食既地方，同埋要有得book既，最後揀左呢間parkview 😃入到去，選左個二人餐，但因之前都食過呢間既牛，都係一般，價錢同質量不乎，所以打算揀羊既時候。有個同事就過黎話個M5 西冷可免費upgrade 做M5肉眼，我地就要左肉眼扒 （5成），加個軟殻蟹蕃茄意粉。個意粉唔夠熟，有啲硬，但味道係有既，而軟殼蟹都算大既，叫做包哂成個意粉；肉眼扒有啲失望，唔似5成，似7成，有啲硬，啲配菜冇味（薯仔）😞😞另外，配餐湯同甜品加餐飲，薯仔餐湯普通但充滿薯仔蓉，有啲野食下；餐飲。頂有隻野係入面囉‼️最後佢換個杯比我但欣賞同事都幾nice , 我地想有生日牌，佢會提供同埋包埋蠟燭果啲，佢仲會主動幫手影相，都唔錯； 而我地最後想轉甜品，佢都冇問題👍

星期日去到沙田人山人海，大家都肚餓既情況下都想搵間唔係太多人排隊既餐廳食。搵左一輪大部分既餐廳基本上都滿座，最後見倒parkview雖然係差不多情況，但無乜隊所以就入左。兩個人叫左二人餐，澳洲M5和牛西冷，香煎鵝肝意式燴飯。個餐除左包兩個主食外仲有餐湯/沙律，餐包同甜品，豐盛夠飽！食物方面和牛西冷配蘑菇汁同介茉，非常適合，介茉同一般餐廳配既有啲唔同，多左啲碎喺入面味道更加岀，不過個人略嫌西冷有啲太咸同多左少少肥。燴飯加左芝士同其他配料，口感同味道都有不同層次，好食！其他，餐包無特別，不過餐湯就有啲蓉喺入面，同平時既唔同，味道更加濃郁！甜品係杯裝雪糕，唔太好味。環境方面就有啲擠迫，隔離正常聲量傾計，全程都聽倒晒每一個字。人少啲既時候食會好啲。

與男友在Parkview order 了二人餐, 免費升級至澳洲M5 和牛肉眼扒餐,一個虎蝦辣肉腸意大利飯,upgrade 左一個酥皮湯,一個沙律.野食大致都幾好, 但係佢既"趕客式" 傳菜係好令人反感, 餐包同湯,沙律等前菜剛到, 個五成熟既扒到埋, 張枱全程都係滿既, 湯都未飲哂, 個意大利飯又到左...食得好唔舒服...好逼...d 野食又凍哂😨野飲都未飲哂,雪糕都未食完就要人地賣單.借問聲有冇咁急?😂成個過程感覺都好差.

香脆巴馬火腿卡邦尼意粉 🧀 🍝配是日餐湯 + 自家製麵包 + 橙汁HK $118餐湯係野菜花忌廉湯，啖啖都有野菜花。意粉上有一塊簿身嘅巴馬火腿，食落咸咸地，而且脆身。意粉每啖都帶有芝士香，加上卡邦尼汁，意粉食落唔會好溜。#missyan_西式#missyan_芝士#missyan_沙田 #missyan_東鐵綫

我今日下午茶去parkview order左個南瓜帶子磨茹意粉，裡面應該有菘子。他個茶餐唔平，依個算係甘多個餐入面比較貴的一個。本來充滿期待，但是食物來到，d野又唔熱，來到係暖的，裡面d得3粒菘子，與圖不符。我order左杯餐飲，飲熱檸水，個杯夠熱，個裡面d水係暖的。我對依間餐廳好失望，之前係馬鞍山個間食都無甘差，我絕不會再光顧🙄

閏蜜有段時間無見，約見就想揾個舒服既地方，坐下食下野。四圍睇既時候，店員話今日個二人餐既和牛升級左，就莫名觸動左，想試下。就係右上哩個和牛二人餐！吸引左我地😁先來餐包同白湯湯好杰，食到有薯粒粒，朋友話好似薯蓉咁😅期待的和牛！兩個兜仔，一係自家紅酒蘑菇醬，一個係法式芥末籽醬我地揀左五成牛，肉質都算嫩滑同肉味濃，朋友好鐘意食脂肪厚果部分，話覺得好香，我就讓曬俾佢算🤣不過講真，件牛唔算切得厚了肉底下係有三舊小薯塊，剛好一人一舊三文魚忌廉意粉 伴明太子、三文魚籽menu畫左粒辣椒，但唔係好覺辣啫哩個意粉既出品是正常水平，中規中矩既黑松露蛋黃醬薯條（$68）因為三個女仔食唔多，我地點多份薯條都够了薯條都幾粗，炸得幾乾身好味，我地加添左兩兜茄汁，太好味了。至於黑松露醬，就係一律既黑松露味好濃餐入面有雪糕，係vanilla 同朱力各一半既整體來講，個環境幾適合聚會既，同埋個場後尾無full，就算有個半鐘時限，店員都無任何催埋單，係幾好。食物質素都可以，畢竟亦都唔算平，算對得起個價錢，都滿意既😁

小朋友點佐兒童餐，催幾次都話做緊。後來發現根本冇交付廚房做。隔離來得比我晚，已經差唔多食嗮.建議我搵經理，經理唔理我地。隔離兩公婆看唔慣，幫我出聲。經理一直黑面，簡單一份兒童餐等7個字才到，經理未有一句抱歉，一直冷眼。永遠都不會再幫襯。

拍拖約半年時間，若果發現有甚麼問題，便要決定是否跟對方繼續下去！費事浪費大家時間吧！當晚，我一於試探他！讓他露出端倪！慶幸我算走得快！ 他這種男人，分手後，連朋友也不值得做！當晚，我們兩人恰巧病了！他感冒咳，我傷風咳！好一對生病情侶！我們走到大家都方便的沙田，回家搭車也好方便！新城市廣場一期1樓 Parkview 食西餐！平日星期二的晚上，大約 7:00，已有人在門外等位嘞！ 可想而知，沙田真係好多人！餐廳經理向我們推介美食，有禮又殷勤！晚餐 +$45 升級組合餐包鬆軟的餐包沾湯食，別有一番滋味！龍蝦酥皮湯 $68幾濃厚龍蝦味， 不會死鹹！他略嫌酥皮帶點硬，未算預期的鬆化！葵花籽南瓜湯 配蟹肉 $58甜美滑溜的南瓜湯，配上富海水味的拆肉蟹肉，真材實料！甜美與鮮美的組合！澳洲和牛扒套餐 $528 (優惠價)包括：是日餐湯、主菜、餐飲及甜品！澳洲和牛扒要求5成熟，肉質嫩紅柔軟！ 肉味濃郁，蘸上醬汁提升口味，令味道更加錦上添花！慢煮黑毛豬鞍 $228 配飯 +$15黑毛豬鞍是我近年來喜歡的菜式，店方的黑毛豬肉嫩多汁，帶有脂肪！配上混合蘑菇的燒汁，清新味蕾又夠惹味！甜品：Moven pick

沙田美食選擇多，假日更是人頭湧湧Parkview 是新城市廣場少數有質數的西餐廳，今天下午到來品嚐，下午三時至四時比較少人，食得更放鬆。黑松露野菌意大利飯 $138意大利飯煮得剛剛好，濕潤但不會爛成糊狀，配有小蝦、野菌，口感豐富，加上黑松露，濃郁香氣，美味黑松露大啡菇漢堡伴薯條 $88大啡菇一大片，厚肉多汁，配上外脆內軟漢堡包包住，新鮮蕃茄、生菜，多重口感好豐富，大滿足，薯條炸得香脆，不油膩，食到停不了軟殼蟹蕃茄意粉軟殼蟹鹹香酥脆，意粉俾酸甜蕃茄汁包裹，食落化油膩，配上幾滴檸檬汁更加醒胃

好耐都冇去過沙田，難得今日去開附近當然就找下有咩好嘢食啦，沒想到新城市會咁多人等位，最後在找五間餐廳其中一間之下來到這裡吃。這裡以西餐為主，見到裝潢和食物樣都好不錯，我地就叫了一個意粉，一個漢堡包和小食，最後三人每人$110，講真我地其實都吾飽，但因為這裡食物好失望先會吾再叫其他食物。明太子意粉完全吾覺有明太子感覺，似白汁意粉，三文魚正常。漢堡包牛肉堅硬而麵包吾好食，只可講薯條不錯。墨西哥片就叶味道正常不錯都足料，最後我地離開再去第二度再食過。

下午茶時間有lunch set和tea set選擇。同是三重芝士小龍蝦肉燴飯, lunch set和tea set便相差$20, 差的就是餐湯和麵包, 最後還是點了lunch set的三重芝士小龍蝦肉燴飯。西蘭花忌廉湯啖啖西蘭花, 口感十足, 味道清爽, 不黏膩。曾幾何時, 麵包有數款可選擇, 時至今日, 麵包變為指定款式, 無選擇。自家製麵包軟綿溫暖, 拿上手有小小油膩感, 塗上牛油增添香氣。燴飯比較乾身, 芝士味道不重, 磨菇松子豐富口感。唯份量偏少, 吃完沒有飽的感覺, 需要再覓食。檸檬茶有3片檸檬, 茶味算濃, 味道中規中矩。

午茶時間點了龍蝦意粉套餐，沙拉味道還可以，咖啡很普通，意粉味道不錯，龍蝦感覺不太新鮮有點腥味，吃了一口感覺有點噁心，整體份量不會太撐，女孩子吃應該剛好飽，下次該不會再消費一次，味道不夠吸引人

在新城市一期走了一圈覓食，碰巧有澳洲M5和牛西冷推介，滿心期待選了一份二人餐$598 (包括自家製麵包、餐湯或沙律、澳洲M5和牛西冷12安士、三文魚忌廉意粉伴明太子及三文魚籽、甜品及飲品)。自家製麵包(兩個)： 麵包比起一般西餐廳的餐飽要大，奉上時溫度和暖適合進食，非常鬆軟紅蘿蔔餐湯 (一客) ：顏色自然，口感綿綿成蓉的西湯，有微細的紅蘿蔔粒沙律 (一客) ：蔬菜新鮮，並配以沙律醬。澳洲M5和牛西冷12安士、紅酒蘑菇醬及法式芥苿籽醬：下單時要求西冷五成熟，但上碟時切開一看已超越五成熟，幸好口感並沒有因此而受影響，在烹調時牛肉的油脂已溶掉並與牛肉融合，肉質稔身且多汁帶點油份，有驚喜!想牛肉味道再提昇，可沾一點紅酒蘑菇醬或芥苿籽醬。紅酒蘑菇醬有薄片蘑菇，帶點甜味; 而芥苿籽醬則有黃芥苿的香味，讓西冷的層次提昇不少。伴菜有西菜、青豆角、薯仔; 薯仔口感軟綿。以M5和牛西冷及伴菜的份量與質素，整體都非常滿意三文魚忌廉意粉伴明太子及三文魚籽: 三文魚外表煎至金黃色熟度剛好，奉上時餐碟已預熱，將意粉與薄薄的芝士、明太子及三文魚籽伴勻，稍作等候，再慢慢用餐具捲起意粉，有芝士拉絲的效果。意粉韌度