影片
更多
2019-01-31
2146 浏览
有個住晌大埔嘅老友，好耐無見，都差唔多大半年，佢話近半年忙到甩轆，我話有無咁誇呀！卒之，左度右度先度到一晚聚舊，為咗就佢方便少少，攞個中間位，就定晌沙田新城市，又貪其食肆選擇多。「Parkview」睇落幾有人氣，穩陣啲啩，但又唔使點排隊，睇過門口嘅餐牌，晚餐都喺百零蚊起錶而已，唔貴喎。內裡其實地方頗大，裝修唔算話好特別，一般西餐廳格局，但勝在地方企理闊落，又有啲梳化位，感覺舒服好坐。坐定定就再同朋友慢慢研究吓食乜嘢，前菜、餐湯、沙律、漢堡、全日早餐、意大利飯、意大利麵、扒類……等等種類嘅散點菜式，仲有埋兒童餐添。而晚餐時段，惠顧飯麵或扒類，加$48 / $68就能夠變成套餐。正當睇吓睇吓餐牌時，因為老友好想食扒，發覺二人餐仲吸引，一組扒類，一組意大利麵 / 飯類，各組揀一款，包埋自家製餐包、沙律或餐湯、甜品、餐飲，視乎所揀嘅肉類定價：$428-$598。此外，仲有一個限定嘅精選推介，澳洲M5和牛肉眼扒套餐，配是日餐湯、餐包、餐飲及Movenpic 雪糕，但定價唔平，每客要$528。但店員同我哋講，上述二人餐升咗級，餐牌中嘅西冷升級為肉眼，份量同為12oz，咁即喺俾多少少就成為二人餐，諗
「Parkview」睇落幾有人氣，穩陣啲啩，但又唔使點排隊，睇過門口嘅餐牌，晚餐都喺百零蚊起錶而已，唔貴喎。
內裡其實地方頗大，裝修唔算話好特別，一般西餐廳格局，但勝在地方企理闊落，又有啲梳化位，感覺舒服好坐。
坐定定就再同朋友慢慢研究吓食乜嘢，前菜、餐湯、沙律、漢堡、全日早餐、意大利飯、意大利麵、扒類……等等種類嘅散點菜式，仲有埋兒童餐添。而晚餐時段，惠顧飯麵或扒類，加$48 / $68就能夠變成套餐。
正當睇吓睇吓餐牌時，因為老友好想食扒，發覺二人餐仲吸引，一組扒類，一組意大利麵 / 飯類，各組揀一款，包埋自家製餐包、沙律或餐湯、甜品、餐飲，視乎所揀嘅肉類定價：$428-$598。
此外，仲有一個限定嘅精選推介，澳洲M5和牛肉眼扒套餐，配是日餐湯、餐包、餐飲及Movenpic 雪糕，但定價唔平，每客要$528。但店員同我哋講，上述二人餐升咗級，餐牌中嘅西冷升級為肉眼，份量同為12oz，咁即喺俾多少少就成為二人餐，諗得過啦！
自家製餐包睇樣有啲平平無奇，但搣開就知道喺唔同啲，有唔少合桃粒粒，而個包又好軟熟，微微暖，誠意十足喎。
是日沙律小弟就揀咗沙律，食多啲菜健康啲嘛，而是日沙律只喺田園沙律，有啲沙律菜、青瓜、車厘茄咁，撈少少油醋，簡單清爽。
酥皮龍蝦湯 +＄35是日餐湯喺野菌湯，但友人超鍾意酥皮，寧願加錢升級轉為酥皮龍蝦湯。個湯做得唔差喎，龍蝦湯夠濃香，裡面仲有少龍蝦肉，而酥皮非常酥脆富油香，友人食到一枱都喺酥皮碎碎。
香煎北海道帶子野菌南瓜意大利飯6款意大利麵 / 飯中，我哋都不約而同點中南瓜意大利飯。個飯賣相幾靚仔，不過，送到嚟嘅意大利飯明顯比較乾身，缺少意大利飯嗰份濕潤。
還好嘅喺南瓜味好突出，而且，又混入唔少野菌，及刨上好多巴馬臣芝士，所以，整體味道喺唔錯嘅。
至於件北海道帶子，食得出喺刺身級嘅高質素貨色，只喺煎得未夠香口，有少少近乎食刺身嘅感覺添。
澳洲M5和牛肉眼 (12oz) $59812安士即喺12安士，件肉眼唔止厚，仲有成塊面咁大件，而且，煎出嚟睇落充滿油香，非常吸引。而醬汁都好特別，分別喺自家製紅酒蘑菇醬及法式芥末籽醬。
澳洲M5和牛肉眼
57 浏览
0 赞好
0 留言
先切一小件肉眼試試，落刀已覺得好軟腍，切開一睇，肉心仲保持住嫩紅色，卻半點血水都無，火喉拿捏好，煎到恰到好處，入口真喺鬆軟而富肉汁，無論沾蘑菇醬，抑或芥末籽醬，都令肉香更突出，喺一件高質素嘅肉眼扒，友人更大讚超好食。
伴菜則有點沙律菜、法邊豆及烤新薯，好穩陣嘅配搭，不過，啲烤薯望落無嘢，入口乾韌，喺焗好後仲擺晌烤爐內嘅結果，焗乾晒啲水份。
套餐嘅甜品喺雪糕，但如果對雪糕無興趣嘅朋友，可考慮+$30改要件裝蛋糕，而款式可以睇睇近門口嘅餅櫃，是晚就帶5款供選擇，散點單賣要$58。
金莎朱古力餅 +$30其實，食完都唔喺好理解點樣「金莎」法，不過，由底而上，由朱古力海綿蛋糕、朱古力慕絲、朱古力軟漿所組成，味道本身其實喺唔錯，夠晒穩打穩紮。挑剔位喺面層嘅朱古力漿未見幼滑，而且，如果混入榛子碎晌蛋糕內，會否「金莎」啲呢？
意大利芝士餅 +$30相反，呢件意大利芝士餅做到有水準，雖然，又喺無酒味版本，但馬卡風芝士打得輕盈柔滑，淡淡芝士配合溫和嘅咖啡香，中間嘅手指餅亦夠濕潤。
特醇黑朱古力奶 +$15不甘飲普通咖茶，大可以加錢轉其他特別飲品，友人就點咗一杯黑朱古力奶，外觀就平平無奇（其實可以加啲唂咕作點綴），雖然無講到用咩朱古力品牌，但飲落友人話果然好濃郁，味道帶微微甘苦。
鹽味焦糖鮮奶咖啡 +$15配甜點，小弟都喺情歸鮮奶咖啡，焦糖系嘅更喺小弟心水。但老實講，杯鮮奶咖啡整體感覺就好一般，雖然入口仍感到醇香，帶少少鹹味及焦糖香，但口感未見均勻，拉花就明顯唔喺專賣咖啡店鋪嘅手勢喇。
服務方面，確喺幾唔錯，上菜嘅次序、速度都按步就班，添水、收碟都好到位，食到近尾，店員又會主動問你點咗餐飲未。而食物方面，整體而言，食得出用料喺有質素，好似啲帶子、肉眼都喺靚貨，不過，烹調上可以做得好啲。
张贴
