Parkview (新城市廣場一期)

营业中

休息中

睇完戲，一個人去zara入貨轉季。Salad lover 係唔會放週任何嘗試未食過既沙律機會。去左a1餐廳 parkview到食，揀佢因為比佢既燒牛肉沙律相吸引。一坐底光速點左燒牛肉沙律同龍蝦忌廉湯。對沙律好大期望，對龍蝦就抱一般態度，畢竟$42，想幾豪華😳沙律黎先！嘩！比張相更加吸引！材料真係如菜名一樣，美國燒牛肉生菜同蕃茄伴黑醋，多一樣野都無，生菜是新鮮爽脆的，黑醋係杰身甜醋，唔會太酸，個味夾！再食牛肉！不得了！好juicy!好香油脂同牛味！的確好好食，份量既話share可能不太夠，一人食就好滿足，唯一美中不足係材料唔夠多元化，如果加d洋蔥、芝士或南瓜就完美了。龍蝦湯！$42算係咁，都幾大碗，得體的，有小蝦肉，但味道有d腥，我是可以接受的，太愛食海鮮。繼續我食勻全港沙律故事。

今日帶埋個女去食下午茶，同場有好幾間餐廳，我見parkview有BB餐椅提供，於是就試下呢間。我發現在場各waitresses 都好貼心，佢地好貼心安排個好好既位置方便照顧小朋友，期間我要求食物打包(師奶仔實食唔晒要打包)都安排得好。臨走幾位waitresses都好開心聊我女女玩。我覺得Parkview係家庭友善餐廳，我會再幫襯。

入到去坐低 service已經唔好正常時間夜晚7點幾都叫乜無乜餐包得返幾款 千層麵又無 飲品又無 叫我再揀過結果無食到 即刻起身走人我都唔知呢個仲算唔算係食評 無食到就走咗但真心覺得好差

Having a lunch with teammates in ParkView. 6 ppl. Quick to have a table at 12:05 without booking. Lunch set range is around HKD80 - HKD150. Lunch includes bread (with your own choice of sauce), soup/salad, main course and drink. Bread is from A-1 Bakery. Not bad. Like to pesto sauce.Salad with muchroom. Okay. Main course I took a Risotto. Scallop was just heated but not long enough. So it's a bit "cold" inside. But otherwise good. Drink: have orange juice as an option. More healthy!Overall Value

難得來到沙田食lunch, 在一樓眾多的餐廳中，最後選了少食的Parkview雖然佢都是A1 group, 但餐牌、以及餐包的選擇，也和其他A1 restaurant不同因食素的關係，叫了磨菇菠菜意粉，配雜菜沙律，waitresses 雖然表情唔多，不過佢好細心咁幫我走sauce。等了約5min, 意粉先到。無sauce既意粉好清，煮法同super sandwich一樣，我仲隱約食到海鮮既味道（？）...意粉食到一半，包到。包的味道不錯，只是如是和其他A1餐廳咁，微暖的會更好。差不多食晒意粉，沙律也到。沙律挺新鮮，係三樣野中最好食的，抵我等咁耐。可能餐廳大人多，waitresses要serve 的客也多，要一次過攞好多野。見到對面枱，個姐姐抛個沙律比客(事後有say sorry), 同快速收餐具，留下的客人發呆無奈的面孔，我估人地仲未食完...overall, 以呢個價錢，lunch 可以食其他更好。

呢一日黎一田購物，所以就決定係呢頭搵食，我地一行三人，唔知食咩好所以就食下西餐，人又唔算好所以諗住都應該幾舒服o既!同RECEPTION講左三位，等左唔洗5分鐘就可以入去喇。點知比左張風口好大o既位我地，我地當然要求調位，佢明明入面D位都未坐滿，冇理由勉強安排我地坐門口旁果D好似僭建o既位架嗎。我地坐低左之後就叫左個三文魚薯仔焗長通粉，然後叫左個日本南瓜雞蛋軟包，再叫左個帶子意大利飯，佢可以加35/45去選配D小食，我覺得都幾好，可以食D小食又唔會太大份。先講講個三文魚薯仔焗飯，個賣相真係好好好差，同相中真係好好好大分別，雖然知道圖片係只供參考，但冇理由可以咁差，而味道亦都唔係太好，唔夠CREAMY，而薯仔又生生地，長通粉又林得濟，再加上OVER左時間去焗，搞到長通粉入面好林，外面好焦咁同埋好硬，本人真係唔太中意呢種感覺了。至於個日本南瓜蛋沙律軟包就相對好好多，可能因為D包係自己公司出品，好軟，係出面食唔到。而且真係用日本南瓜，真係好夠南瓜味同埋蛋沙律都好清新。算係加分啦！我妹就揀左意大利飯，因為佢實在太中意食黑松露了。一上台都好香黑松露o既味道，只係都係衰左係賣相到，其實又唔係咁多客

龍蝦汁海鮮意粉： ok - 帶有少少龍蝦味， 足料海鮮(小帶子， 魷魚， 青口， 蝦等), 意粉偏淋。蕃茄汁蟹肉蜆意粉：ok - 蕃茄味濃， 蟹肉拆哂， 但食落就唔覺眼， 蜆會有d碎殼， 意粉都係偏淋。<小食>吞拿魚雜菜沙律: 麻麻 - 菜唔覺好新鮮， 橄欖油太多菠菜薯餅: 好 - 炸得剛好， 味道都好薯角: 一般 - 我覺得炸得過火咗， 但男朋友就buy 麵包(隨主菜/意粉附送)： 好 - 因為太夜去， 想食嘅芝士包無哂，揀咗poppy seed同蕃茄乾， 做開麵包嘅佢哋當然ok, 另揀cream cheese同salsa醬伴食， 兩樣夾埋個包都唔錯。環境：一般 - 有d迫， 不過去呢d地方食都預咗。服務：一般- 有個妹妹送錯食物落我地張枱， 但佢過咗成半分鐘先發現， 好菜我地未食 另外一個妹妹就有d論盡， 不過會係咁say sorry

今日難得可以返晏。。。同男朋友撐下枱腳先。。。因為沙田區返工。。。所以就去左新城市食。。。系門口見到環境同餐牌都覺得可以一試。。。 前菜我地選左一湯一個沙律。。。湯同沙律都唔錯。。A1麵包系出色ge.......不過主食就好唔得啊。。我選左慢烤雞胸南瓜飯 -個南瓜汁都好creamy...啲意式茄子都好新鮮下。。。不過去到主食。。雞胸好（鞋）有騷味，最令我失望系新城市呢啲高檔商場。。估唔到系用罐頭菇。。。呢個本人唔系好接受到 男朋友叫了蜆肉意粉 目測個意粉發脹西，白烚咁。。。賣相已經唔系好得。。。食落第一啖。。。個粉好冧冇味。。啲蜆冇味仲要有沙。。。到底系我要求高。。。定系。。佢質素差呢？

劣食由一開始個湯就好唔店個洋蔥湯 好大陣味精味 又咸 更加唔好提的喳 好梅……飲左兩啖就放棄叫左兩個法式軟包 with sour cream 只可以講普普通通 但包既外邊冇我想像中軟熟 海鮮雜燴飯 飯都唔熱就夠失望喇 連的海鮮都好似像筋咁 咬都咬唔開 的青口同蝦又腥又有我梅 德國 豬手 配薯條外邊就夠脆…可惜入面都唔夠熱 好失望 感覺好似 放左好耐再整熱返 肉又唔係多 不過都夠一個人食既 薯條就夠熱辣辣

假日總會想過得休閒一點，就連夜晚都想慢慢食，同朋友坐低落黎慢慢傾，就好隨意咁揀左呢間餐廳，格調舒適款式選擇都多 點了 海鮮蕃茄意粉，雞胸南瓜飯，另加頭盤沙律面包選擇了法式芝士包配忌廉芝士 一上枱，我嘅面包夾到變型，有dd失望，但味道不錯，表層芝士烘得香香的，配上忌廉芝士，外脆肉軟，雙重芝士香，雙重芝味享受沙律汁調配不錯，清新開胃，加上三文魚更加覺得抵食 海鮮蕃茄意粉意粉煮得不會太腍，海鮮料也挺足，醬汁不會過酸， 食落剛好雞胸肉南瓜飯雞肉烤得有點老身，但挺健康，不會太油膩，幾干身，南瓜飯 幾creamy ，味道不錯，係健康選擇之餘，都好飽肚，好岩女仔餐廳環境舒適寧靜，令人感覺舒服，可以坐底閒聊，服務有禮周到，放工假日好選擇

農曆新年將至，放假心情越來越濃，可惜仍然要做埋手頭上工作。是日來到沙田，就順道食個午後吧。雖然 Parkview 並不是第一次來，但是卻有新的午餐，不如再食過。手上只有午餐牌，飲品餐牌和麵包的餐牌，只可從中選擇其中一款午餐和麵包，以及一款醬料吧。餐湯為洋蔥湯，茶色的湯底，不單有洋基的味道，還有內附有牛肉的味道，使湯頭不會那麼的簡單。整個湯頭，其實味道幾濃的。餐包是意大利香草包，配以羅勒青醬汁。麵包本身已具有香草的味道，再加上羅勒，使麵包的香味更濃厚，入口時，不僅鬆軟，兼且擁有濃烈的香味。吉列豬扒漢堡配薯條。今次漢堡包配上吉列豬扒，可謂是日式做法，不配芝麻包，卻換上麥包，加上生菜在豬扒上。入口麵包鬆軟，但是吉列豬扒外層麵包糠卻炸得較硬略脆，反而豬扒則炸得鬆軟。今次洋蔥及青瓜沒放進漢堡包裡，反而一反常態，當作配菜般放在碟上。每次吃漢堡包，總會配上薯條的，這也不例外。薯條還是炸得外脆內軟吧。一杯熱咖啡，作為今餐的餐飲，也為今餐劃上句號。整體都 OK，不過不失，只是吉列豬扒仍有進步的空間，還望不要做得太硬。

今日天寒地凍…真係唔想出街…奈何朋友爛玩...終於磨爛蓆到11點先出黎開飯…簡簡單單叫左個set lunch...呢度幾特別...連包包都有得自選...皆因呢度係A1-bakery集團cafe...係cafe對面就係麵包舖...食過既人都知質量有保證吧...蘑菇湯都好唔錯...真材實料...另外加左個健康沙律...新鮮夠凍...凍凍地無中式煲仔飯...就選個西式焗飯啦...海鮮飯有得選茄汁或白汁...我選左開胃既茄汁...有汁撈飯就最好味...海鮮量適中...飯唔會太軟...唯唔夠熱辣辣...朋友係食肉獸...例牌叫扒...今次選左香草焗美國有骨豬扒...初初以為豬扒燶左...原來圍繞住豬扒既係黃芥辣醬黎...香口而唔辣...造型靚靚之餘...又可以阻隔焗過火...令到豬扒熟哂又唔會好乾身...餐飲都係普通既檸茶咖啡...特別之處係咖啡奶超香甜...好似我呢d愛奶味之人...忍唔住要添多dd奶呢...齋飲奶仲好味過溝落咖啡度呢...>,<

前兩日見完客去到新城市廣場，見到“Parkview”有我最鍾意嘅松葉蟹爪海膽醬意粉，所以order左一份。松葉蟹肉好鮮甜，富口感，彈牙，而海膽味甚濃，唔腥，配埋意粉簡直完美配塔，不過意粉仲差少少，有D硬，但整體都okay，可以一試

逛過沙田 吃個晚餐時間有點夜 所以沒有人排隊看看餐牌 及環境都ok 就入去嚐嚐味道兩個人食飯唔想諗食咩 就叫左個二人餐啦頭盤 自選包 也蠻吸引今次點了意式軟包和鬆軟餐包還可以自選醬料意式軟包 本身已有味道而鬆軟包真的很鬆軟 配上芝士 好味！ 另外可以要湯或 沙拉沙拉的菜 蠻新鮮 如果多番d沙拉醬就更好主菜黎啦！:鵝肝 牛仔面份量適中 好多牛仔面肉但味道有點騷 而肉的下面有薯蓉配搭肉一併吃 可以趕走一點騷味第二道主菜: 牛肝菌芝士寛條麵份量不錯 多材料多菇 寬條麵軟硬適中 上面兩塊芝士大塊弄碎混入麵中一齊食 好味！餐飲除了咖啡奶茶 仲有d特別茶款我試左 伯爵茶上餐時 被這茶杯吸引住好靚 好似置身於英國high tea咁或許我唔飲慣 覺得香精味很重…最後 指定甜品上場 芝麻 雪糕 (想不到連味道也是指定的）個人不太喜歡吃芝麻味但這雪糕芝麻味不太濃 都算ok今餐 整體黎講 沒有太大要求 也不錯

根據過往的經驗，門口大排長龍的餐廳一般不會難吃，於是乖乖取票等候入座，幸好很多人拿票之後就走了，所以最後等了15分鐘。作為午餐，食物的價錢都算頗高。落單後沒多久，就送上自選餐包 - 法式芝士包，鬆軟餐包，意式軟包。我選的是芝士包，溫度微熱，第一次吃餐包要用韌字去形容，打算用手撕開一小塊點餐湯都顯得十分困難，芝士味很淡，包心也不鬆軟。羅宋湯大量蔬菜熬製而成，味道酸酸辣辣，很開胃。美國安格斯西冷牛扒 - $168火候明顯過老，牛味一般，非常有咬口，因為很韌很韌。蜆肉菠菜意粉 - $82意粉煮至乾身，軟硬適中，菠菜汁的味道不太出眾，同普通的意粉相差無幾，只是一般的水平。松露帶子燴飯 - $92珍珠米口感十足，加入多款蔬菜，顯得很清新很豐富。燴飯的醬汁應該是濃稠，吃下去非常Creamy，這個燴飯卻很水狀，大半部分浸於水中。失敗！橙汁 & 凍檸茶橙汁酸酸甜甜，很開胃。但朋友的凍檸茶淡如凍檸水，沒有茶味可言。這個的價錢換來這樣的質素，不值~加上服務態度奇差，一副嫌你阻住的面口，就算舉手示意埋單，侍應一副啤一啤你的眼神代替了說話的OK，原來現在先進到以眼神作為交流，我實在太Out了....