Parkview (新城市廣場一期)

营业中

休息中

平時見到呢度好多人排，入座率都好高，最後終於一試，整體來講都好一般般，除咗睇落好好睇睇坐坐，前菜同主菜都唔係咁好食，唔怪得中差評咁多啦～南瓜湯差，合格嘅分數都冇，沙律又黑醋都冇⋯最好食係鵝肝意大利飯$138。賣相一般既反而係最好食。食材唔錯，鵝肝都幾大塊，可惜成餐飯都好似冇乜心機煮，鵝肝煎唔夠，飯既醬汁冇乜調味。卡邦尼意粉$118，意粉又淋又冇味，巴馬火腿似759，麻麻，意粉個汁好似溝稀左1:4咁，冇味又冇乜野食，唔知仲以為個廚師失戀呀⋯

這年多以來，一班牛鬼蛇神組成的犯罪集團恣意破壞香港，把我生於斯，長於斯的東方之珠變得黯淡無光，今非昔比，人神共憤，特別是那些幕後黑手，更是其心可誅。這些破壞香港，十惡不赦，罪大惡極，惡行滔天，萬死莫贖的牛鬼蛇神一直未被繩之於法，實在令人痛恨。不過這些千古罪人喜歡犯罪，我們這些良好市民卻喜歡飯聚，特別是一班沒見多時的好朋友一起飯聚，就更是心情鬱悶時的一服良藥，讓人可以暫忘不快的事情，開心一番。這次四人飯聚的時候，二人限聚令仍未解除，幸好這天吃飯的餐廳兩張檯的距離並不太遠，即使分坐兩張桌子，四位好友仍能邊吃邊談，好不暢快。這晚我吃的是「牛肝菌忌廉意大利雲吞」（$128），忌廉汁無疑是比較濃和膩的，但忌廉汁就是這樣，菌香加上奶香，讓人可以有一個甜美和飽足的感覺。對已很久沒吃意大利雲吞的我，就像是久別重逢，再遇舊友一樣，仍然感到歡喜，滿足。至於另加 $68便可享用的「自家製麵包」、「焗龍蝦忌廉酥皮湯」、「是日甜品」和「咖啡或茶」，「自家製麵包」不過不失，「焗龍蝦忌廉酥皮湯」夠熱但不夠味，龍蝦的味道不是太濃，「凍檸茶」就正正常常。「是日甜品」則是「咖啡蛋糕」，味道不錯，也夠鬆軟，挺好吃的，令我喜

晚市加48蚊會包一份餐包、餐湯、甜品同餐飲。餐包係自家製麵包，新鮮鬆軟，口感唔錯！意式青醬煮碼隻青口配薯條 $76青口夠新鮮大隻，不過唔係幾食到青醬嘅味，味道偏淡。薯條外脆內軟，炸得啱啱好！鮮三文魚忌廉意粉伴明太子及三文魚籽 $128三文魚份量算多，不過肉質偏嚡。唔知係咪落得太多忌廉，好似蓋過咗明太子嘅味。三文魚籽就係面頭嗰幾粒。意粉偏腍身creamy，個人覺得硬番少少會有咬口啲。西班牙辣肉腸海蝦仁蕃茄意大利飯 $138蝦仁有4隻，幾爽口彈牙！辣肉腸唔係幾食到。飯嘅味道係偏蕃茄嘅酸味再帶啲啲辣味，冇特別驚喜。食物嘅味道還好，稱唔上係正宗西餐廳，但價錢就偏貴。環境算舒適，不過晚市用餐時間為75分鐘，坐唔得太耐喇。

限聚令之後終於開返晚市啦⋯⋯行下沙田新城市廣場～見到parkview 店員介紹個二人餐～有澳洲M5和牛丫～男朋友見到立刻就話要食依間🙈 二人餐包餐湯或沙律～我地就加35蚊叫左酥皮龍蝦湯🦞～湯裡面有好多小龍蝦肉～龍蝦味都幾濃～酥皮好脆～食到停唔到口🙈澳洲M5和牛 12安士終於等到主角出場啦～我地叫左medium ～生熟程度剛剛好～一切開超多肉汁超juice ～果然係和牛級數～一啲都唔乾同好重肉味👍👍鵝肝意式燴飯鵝肝真係超級邪惡丫～每一口都係滿滿ge油香意大飯用忌廉煮成 ～裡面仲要粒粒磨菇依個二人餐包左兩杯餐飲同兩個甜品～是日甜品係明治乳酪～食完咁邪惡ge 和牛同鵝肝～食返杯乳酪真係十分解膩以$598價錢黎講有和牛級數ge牛扒同鵝肝～CP值真係十分高😍

我不是常客，大概幫襯左兩三次。上一次同媽咪一齊食下午茶，員工態度已經非常好。今次一行10人，有大有細。本應book左4:00，但早咗45分鐘去到攞位，員工不但態度非常好，仲超級友善，唔洗等好耐就幫我哋預備。最surprised 就係餐廳坐滿食客，員工已經非常忙，但都照顧周到，送好多禮物比小朋友，走時仲主動同我哋講拜拜。👍🏾👍🏾👍🏾👍🏾👍🏾今日因為有五個小朋友，邊食邊照顧，所以忘記拍照。我哋叫咗一共八個下午茶餐。當中無兒童餐。有沙律，意大利粉，漢堡包餐，墨西哥薄餅，雪糕窩夫，香蕉雪糕。👍🏾👍🏾👍🏾👍🏾樣樣都好食，只有一樣失望，就係$48嘅香蕉雪糕, 完全冇諗過真係一個小杯裝住香蕉四小片+1個雪糕球同少少朱古力醬，好搵笨。如果份量係咁少，可能轉個碗碟present 得好d，感覺會好d!👎🏼今日埋單$9xx有機會再去！多謝送禮物比小朋友既哥哥！好耐無見過好有heart同盡心盡力既員工！👍🏾

是曰下午茶，好似改了下午茶款式叫了一個漢堡扒漢堡包，入邊一塊漢堡扒，一塊芝士，一塊生菜，一塊番茄，一切下佢，食一口，果然不錯。但係我亦覺得欠一塊雞蛋，我估更加好食。巴拿馬火腿忌廉意粉 意粉口感不錯，但巴拿馬火腿就不好咬口。麻麻。餐飲就超級差，一杯凍咖啡，糖漿好多，超甜，一杯凍檸茶，忘記叫佢走糖，但佢的糖漿好甜牙。🤯🤯每一個下午茶餐都要Over $100😳

沙田新城市廣場地下的一間西餐廳，環境不錯，服務態度都很好。意粉有彈性，唔會太淋，蕃茄忌廉汁濃厚，食到底仲有好多sauce小食拼盤，因為冇晒墨西哥脆片，所以轉為薯角。逐樣點評：薯角：香脆，好味，不過好熱氣蒜蓉包：較細舊，正常表現芝麻雞翼：一般，因為係炸雞翼，比較硬身洋蔥圈：一般，冇乜特別蘑菇：好濃香草味，有少少遮左蘑菇味溫泉蛋：兩個人咁樣唔知點食，於是放咗落意粉度撈埋一齊食肉醬焗薯蓉：好味～太細都唔係好夠食沙律菜：個sauce辣辣地，我覺得一般.總括嚟講，小食就唔係好吸引，不過意粉唔錯，佢哋仲有一啲漢堡、Steak，下次都可以試吓～

價錢中上的餐廳，食物配搭有創意，但口味能否適合你則見仁見智。慢煮黑毛豬肉眼(10oz)釀冧酒杏脯配肉桂蘋果蓉，黑毛豬慢煮後變得很嫩滑，能保留豬肉汁，但內裡釀了杏脯肉，老實說我覺得幾奇怪的，有點畫蛇添足的感覺。澳洲M5和牛肉眼扒(12oz)配自家製紅酒蘑菇醬·法式芥末籽醬，和牛未有想像中嫩滑，但油脂成份多，入口輕微溶係口。軟殼蟹番茄意粉中規中矩，軟殼蟹脆身，番茄醬濃黏住每條意粉，算ok好味。黑松露野菌意大利飯是最有驚喜的，廚師落足料，入口啖啖濃烈的黑松露味，飯質是港版意大利飯，較硬身不夠濕不夠爛。

今天不是假日，tea time 不用等位，點了兩個tea set，一個南瓜燴帶子飯，一個蕃茄磨菇蜆肉意粉，各配一杯飲品。兩個主食相比下，飯比較出色，南瓜融了入飯，好香，好好味，帶子亦大大粒。兩個set 的汁都感覺不漏，亦不咸

之前一直有喺Parkview食晚飯，但係就比較少係大大少少加埋長輩咁去食。今晩就係一家四口加上外父外母去食晩飯，感覺各款食物均能夠保持一貫水準，實屬難得，特別喜歡意粉嘅菜式，芝士味剛剛好；而且服務很貼心，因小朋友年紀較少，服務員安排咗我哋坐喺無咁多人嘅角落，父母自然就唔需要太擔心小朋友會騷擾到其他食客。另外服務員不時會贈送小禮物俾小朋友，等佢哋更加乖乖安坐，一餐晩飯就喺歡樂嘅氣氛下轉眼化成美好回憶！

這食堂服務員友善和熱情的態度，介紹牛扒，我和友人便走進試試。南瓜湯，甜香，水準正常。沙律食材新鮮，如份量多些較好。餐包非常鬆軟，吃完不會太飽。M5和牛12安士，三成熟，上菜啦。外表沒什麽特别，當你切開一件件時，把它放入口咀嚼，就不得了，是牛柳和西冷的混合。肉質既有牛柳的軟淋，又有肉眼的肉香，真令食指大動。而配菜亦達水準。點了三成熟，烹調達標，用刀切下，不會出血水，是正確烹調的結果。龍蝦仔意大利飯，食材新鮮，製法偏為香港人路線，飯質較軟，芡汁較清，如濃一點較好。甜品蛋糕一般，雪糕加$10。還有凍檸水和咖啡，正常水準。總體食物味道可以，但這價錢在這商場可有更好的選擇，希望在沙律和甜品上加些心思會較好。

2人set dinner~​前菜：蘑菇忌廉湯&藜麥包👍🏼​主菜：嗌7成熟牛扒入面流晒血咁🌝 ​勁多肥糕 肉韌韌地 一般​芥末醬比得勁少，又要人問佢拎​。碟意粉OK嘅，係舊三文魚無咩味​。甜品：食完飯食yoghurt都係第一次​​散嗌可能更好​個半鐘個用餐時間，夠鐘即叫你埋單​

行行下街諗住試食新餐廳。點知就中伏了首先個waiter order都落錯，叫個468既雜扒點知黎左個西冷。甜品加10蚊轉movenpick雪糕點知黎左兩件蛋糕5分鐘都唔洗。餐湯同埋塊錯既西冷已經到左。之後叫佢換返雜扒，10分鐘內已經上齊主菜D野食好難食。好多野食都無味。最好食應該係個餐包因為仲係熱既，埋單咁都要526蚊🤮🤮🤮上菜速度極快。就算要換主菜都唔洗10分鐘，應該好多野都係整定既。 個movenpick雪糕勁硬，睇返生產日期先知已經雪左大半年 ☠️☠️☠️最後餐餐食左半個鐘左右。食完好失望。寧願食隔離間pizza express，以後都唔會再幫襯

因為疫情關係都有好一排無出街食野啦。終於可以出下去，當然都係小貓兩隻咁食啦～多過4日都暫時未得住架。朋友話保持心理健康都好緊要～沙田都有好多唔同選擇。今次搵左間西餐。食左ALL Day Breakfast, 同pancake，一般般咁啦～唔係話有太大驚喜。但係杯咖啡又錯woo。一入去既時候，待應有同我地講用餐時間係一小時用餐得一小時，好似少左d囉～但係最後可能係餐廳唔係好多人，一小時後都淨係叫我地埋單，無趕我地走。

今日經過沙田買野，見下午茶時間已到，於是係新城市隨便睇下有咩啱食，經過呢間見到佢地下午茶餐幾吸引，猶其個班㦸，於是入去試下，不過其實比較一般，相信屋企隨便煎都可以做到，算係不過不失，不過環境係唔錯，食完亦都冇趕我走